ქშწკგს პროსოპოგრაფია

ფაქტები

რეგისტრირებული ფაქტები52221

1883

ტიპი: ღონისძიება

1883 წლის 25 იანვარს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, ორგანიზაციის სასარგებლოდ დანიშნული მეჯლისის თარიღსა და მასზე დასასწრები ბილეთების დაბეჭდვის შესახებ გადაწყვეტილება მიიღეს.

1883

ტიპი: ღონისძიება

1883 წლის 25 იანვარს ბათუმის სკოლის მასწავლებელმა მოსე ნათაძემ ქართველთა შორის წერა-კითხვის გამავრცელებელ საზოგადოებას ორგანიზაციის ახალი წევრებისგან მოკრებილი თანხა გაუგზავნა.

1883

ტიპი: ავტორობა

1883 წლის 25 იანვარს ბათუმის სკოლის მასწავლებელმა მოსე ნათაძემ ქართველთა შორის წერა-კითხვის გამავრცელებელ საზოგადოებას აცნობა, რომ შედგა დრამატული წრე, რომელიც საზოგადოების ფინანსური მდგომარეობის გასაუმჯობესებლად წარმოდგენებს გამართავდა.

1883

ტიპი: ღონისძიება

1883 წლის 25 იანვარს ქართველთა შორის წერა-კითხვის გამავრცელებელი საზოგადოების სხდომაზე გიორგი თუმანიშვილს დრამატული ნაწარმოებების შერჩევა დაავალეს.

1883

ტიპი: ავტორობა

1883 წლის 25 იანვარს ქართველთა შორის წერა-კითხვის გამავრცელებელი საზოგადოების სხდომაზე არ გაითვალისწინეს იაკობ გოგებაშვილის მოსაზრება, რომ თონეთისა და ხელთუბნის სკოლებში რუსული ენის სწავლება პირველი კლასის მეორე სემესტრიდან დაეწყოთ.

1882

ტიპი: ღონისძიება

1882 წლის 28 ოქტომბერს თბილისის სასამართლო პალატამ ქუთაისის მაზრის საგლეხო „პრისუტსტვიის“ წევრ სერჟპუტოვსკის საჩივრის საფუძველზე სერგეი მესხი 100 მანეთით დააჯარიმა.

1882

ტიპი: ღონისძიება

1882 წლის 28 ოქტომბერს თბილისის სასამართლო პალატამ ქუთაისის მაზრის საგლეხო „პრისუტსტვიის“ წევრ სერჟპუტოვსკის საჩივრის საფუძველზე ილია ჭავჭავაძე 25 მანეთით დააჯარიმა.

1882

ტიპი: ავტორობა

1882 წლის 20 ნოემბრის გაზეთ „დროების“ სარედაქციო გვერდზე ხელმოუწერლად გამოქვეყნდა ილია ჭავჭავაძის სტატია „ბათომის სკოლის თაობაზედ“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1882

ტიპი: ავტორობა

1882 წლის 10 დეკემბერს გაზეთ „დროების“ სარედაქციო გვერდზე ხელმოუწერლად გამოქვეყნდა ილია ჭავჭავაძის სტატიის „ბათომი და ბათომელები“ დასასრული. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1883

ტიპი: ღონისძიება

1883 წლის 25 იანვარს ქართველთა შორის წერა-კითხვის გამავრცელებელი საზოგადოების კრებაზე, სამოსწავლო ოლქის მზრუნველ კირილ იანოვსკისთვის გაგზავნილ და უკან დაბრუნებულ დოკუმენტზე ბათუმის სკოლაში მუსლიმური რჯულის სწავლების პროგრამის დამტკიცებასთან დაკავშირებით იმსჯელეს.

1883

ტიპი: ავტორობა

1883 წლის 12 იანვარს გაზეთ „დროების“ სარედაქციო გვერდზე ხელმოუწერლად გამოქვეყნდა ილია ჭავჭავაძის სტატია „გახშირებული ავადმყოფობა“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1883

ტიპი: ავტორობა

1883 წლის 9 იანვარს გაზეთ „დროების“ სარედაქციო გვერდზე ხელმოუწერლად გამოქვეყნდა ილია ჭავჭავაძის სტატია „გამბეტას დამარხვა“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1883

ტიპი: ავტორობა

1883 წლის 6 იანვარს გაზეთ „დროების“ სარედაქციო გვერდზე ხელმოუწერლად გამოქვეყნდა ილია ჭავჭავაძის სტატია „გავლილი წელიწადი რუსეთში“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1883

ტიპი: ავტორობა

1883 წლის 5 იანვარს გაზეთ „დროების“ სარედაქციო გვერდზე ხელმოუწერლად გამოქვეყნდა ილია ჭავჭავაძის სტატია „გავლილი წელიწადი ევროპაში“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1883

ტიპი: ავტორობა

1883 წლის პირველი იანვრის გაზეთ „დროების“ სარედაქციო გვერდზე ხელმოუწერლად გამოქვეყნდა ილია ჭავჭავაძის სტატია „საახალწლო“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1883

ტიპი: ავტორობა

1883 წლის 9 იანვარს გაზეთ „დროებაში“ დაიბეჭდა ვახტანგ ორბელიანის პოეტური გამოხმაურება ილია ჭავჭავაძის ლექსზე: „ჩემო კარგო ქვეყანავ, რაზედ მოგიწყენია?“.

1891

ტიპი: ავტორობა

1891 წლის 19 თებერვალს ილია ჭავჭავაძემ მიხეილ ზაალის ძე ყიფიანს ვლადიკავკაზში გაუგზავნა წერილი ყაზბეგში სკოლის გახსნის თაობაზე.

1857

ტიპი: ავტორობა

1857 წლის დეკემბერში ილია ჭავჭავაძემ დაიწყო მოთხრობა „დიამბეგობის“ წერა, რომელიც იმ ფაბულითა და სათაურით აღარ განაგრძო, მისი ცალკეული პასაჟები მოგვიანებით მოთხრობის „სარჩობელაზედ“ ადრეულ ვარიანტში გამოიყენა.

1875

ტიპი: ღონისძიება

1875 წლის 28 იანვარს ილია ჭავჭავაძე სათავადაზნაურო ბანკის დამფუძნებელ წევრთა სხდომას დაესწრო, რომელზეც ბანკის წესდების საკითხები განიხილეს.

1858

ტიპი: ავტორობა

1858 წელს, ზაფხულის არდადეგებზე, ილია ჭავჭავაძე სხვა სტუდენტებთან ერთად წავიდა პეტერბურგთან მდებარე სოფელ ტიარლევოში, სადაც დაწერა ლექსები „მეც შავ თვალებს“ და „გიყვარდეს“.

1875

ტიპი: ღონისძიება

1875 წლის 4 აპრილს დიმიტრი ყიფიანის, ილია ჭავჭავაძის, აკაკი წერეთლისა და რაფიელ ერისთავის მონაწილეობით სალიტერატურო-მუსიკალური საღამო გაიმართა.

1875

ტიპი: ღონისძიება

1875 წლის გაზაფხულზე მსახიობმა ეფროსინე ყიფიანმა ილია ჭავჭავაძისა და ივანე მაჩაბლის ნათარგმნი „მეფე ლირი“ წაიკითხა, კორდელიას როლი ისწავლა და სცენაზე მისი თამაშის სურვილი გამოთქვა.

1875

ტიპი: ღონისძიება

1875 წლის 27 თებერვალს ილია ჭავჭავაძე სახლ-კარისა და მოსავლის დასახედად საგურამოში ავიდა.

1891

ტიპი: ავტორობა

1891 წლის 31 იანვრის გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილი „ტფილისი, 30 იანვარი“, რომელიც მწერლის თხზულებათა კრებულებში დაიბეჭდა სათაურით „საგაზეთო შენიშვნები თბილისის ქალაქის გამგეობის მიმდინარე საქმეებზედ“.

1875

ტიპი: ავტორობა

1875 წლის 22 თებერვალს ილია ჭავჭავაძისა და ბანკის დირექტორების ხელმოწერით გაზეთებში 1876 წლის 1-ელი იანვრისთვის შედგენილი თბილისის თავად-აზნაურთა საადგილმამულო ბანკის ბალანსი დაიბეჭდა.