ქშწკგს პროსოპოგრაფია

ფაქტები

რეგისტრირებული ფაქტები47583

1911

ტიპი: ორგანიზაცია

1910 წელს ქართველთა შორის წერა-კითხვის გამავრცელებელი საზოგადოების ბორჯომის განყოფილების შემოსავალი 525 მანეთსა და 55 კაპიკს შეადგენდა, ხოლო გასავალი – 450 მანეთსა და 21 კაპიკს.

1911

ტიპი: თანამდებობა

თბილისის ნოტარიუსის, ილია წინამძღვრიშვილის კანტორა ველიამინოვის ქუჩაზე, №2 სახლში მდებარეობდა.

1911

ტიპი: ავტორობა

1911 წლის 30 იანვარს ქართველთა შორის წერა-კითხვის გამავრცელებელი საზოგადოებისთვის წარდგენილ მოხსენებაში იაკობ გოგებაშვილმა აღნიშნა, რომ თავისი სახელმძღვანელოების ყდისთვის საჭირო 50 გირვანქიან სქელ, ალისფერ ქაღალდს გაიდემაკინის მაღაზიას უკვეთავდა ოზმას 7 მანეთად.

1911

ტიპი: ავტორობა

1911 წლის 30 იანვარს იაკობ გოგებაშვილმა ქართველთა შორის წერა-კითხვის გამავრცელებელ საზოგადოებას მოახსენა, რომ „ბუნების კარზე" დართული საქართველოს რუკა ორმოცი წლის განმავლობაში კონსტანტინე მესხიშვილის ლითოგრაფიაში იბეჭდებოდა და ქაღალდიანად 10 თუმანზე ნაკლები ჯდებოდა.

1911

ტიპი: ღონისძიება

1911 წლის 30 იანვარს იაკობ გოგებაშვილმა ქართველთა შორის წერა-კითხვის გამავრცელებელი საზოგადოების გამგეობას მოახსენა, რომ სახელმძღვანელოების დაკაზმვაში ვასილ ყიფიანს 420 მანეთს უხდიდა.

1911

ტიპი: ავტორობა

1911 წლის 30 იანვარს ქართველთა შორის წერა-კითხვის გამავრცელებელი საზოგადოებისთვის წარდგენილ მოხსენაბაში იაკობ გოგებაშვილი აღნიშნავს, რომ თავისი ქართული სახელმძღვანელოების კორექტორს თაბახში ხუთ მანეთს უხდიდა, რუსულისას კი – შვიდს, რადგან ამ უკანასკნელს მახვილების გამო უფრო რთული სამუშაო ჰქონდა.

1911

ტიპი: ღონისძიება

1911 წლის 30 იანვარს იაკობ გოგებაშვილმა ქართველთა შორის წერა-კითხვის გამავრცელებელი საზოგადოების გამგეობას მოახსენა, რომ „ბუნების კარის" სახელმძღვანელოს დართული საქართველოს რუკის გამოსახულებიანი ლითოგრაფიული ქვა კონსტანტინე მესხიშვილის ლითოგრაფიაში 1910 წელს განაახლებინა, ამიტომ ხელახალი გრავირება ოც წელი მაინც აღარ დასჭირდებოდათ.

1911

ტიპი: ავტორობა

1911 წლის 30 იანვარს ქართველთა შორის წერა-კითხვის გამავრცელებელი საზოგადოებისთვის წარდგენილ მოხსენებაში იაკობ გოგებაშვილი აღნიშნავს, რომ მის მიერ საზოგადოებისთვის ნაანდერძევი 5 სახელმძღვანელო ყოველწლიურ 9000 მანეთის მოგებას მოუტანს გამგეობას, რომელმაც შემოსული თანხა შემდეგნაირად უნდა გაანაწილოს: 600 მანეთი სახალხო განათლების ფონდის გასაძლიერებლად გადადოს, 400 მანეთი ვარიანის სკოლაზე დახარჯოს, 300 მანეთით პედაგოგიურ და საბავშვო ჟურნალებს აღმოუჩინოს შემწეობა, 10-20 თუმანი კი კლიშეების განახლებასა და სურათების გამრავლებას მოახმაროს.

1911

ტიპი: ავტორობა

1911 წლის 30 იანვარს ქართველთა შორის წერა-კითხვის გამავრცელებელი საზოგადოების გამგეობას იაკობ გოგებაშვილმა მოახსენა, რომ თავისი სახელმძღვანელოების დასაბეჭდ ქაღალდს დავით მაჭავარიანისგან ყიდულობდა და 500-თაბახიან ოზმაში ოთხ მანეთსა და ოთხ აბაზს უხდიდა.

1911

ტიპი: ორგანიზაცია

1911 წელს ქართველთა შორის წერა-კითხვის გამავრცელებელი საზოგადოების სამტრედიის განყოფილების შემოსავალი შეადგენდა 636 მანეთსა და 22 კაპიკს, გასავალი – 631 მანეთსა და 20 კაპიკს.

1911

ტიპი: ღონისძიება

1911 წლის 8 იანვარს ქ. შ. წ. კ. გ. საზოგადოების თბილისის განყოფილება (მდივანი - სერგო კაკაბაძე) ქუთაისის ფილიალს 1910 წლის 17 დეკემბრის თხოვნის პასუხად ატყობინებს, რომ მთავარ გამგეობას შესაძლებლად მიაჩნია საყმაწვილო წიგნების საკუთარი გამოცემები 20%-იანი შეღავათით დაუთმოს ფილიალს სახალხო სკოლებისა და სამკითხველოებისათვის უფასოდ დასარიგებლად.

1911

ტიპი: ღონისძიება

1911 წლის 8 იანვარს ქართველთა შორის წერა-კითხვის გამავრცელებელი საზოგადოების თბილისის განყოფილება (მდივანი სერგო კაკაბაძე) ქუთაისის ფილიალს 1910 წლის 17 დეკემბრის თხოვნის პასუხად ატყობინებს, რომ მთავარ გამგეობას შესაძლებლად მიაჩნია თავისი გამოცემული საყმაწვილო წიგნები 20%-იანი შეღავათით დაუთმოს ფილიალს სახალხო სკოლებისა და სამკითხველოებისათვის უფასოდ დასარიგებლად.

1911

ტიპი: ღონისძიება

1911 წლის 6 იანვარს ქართველთა შორის წერა-კითხვის გამავრცელებელი საზოგადოების სხდომაზე განიხილეს საზოგადოების ბიბლიოთეკისა და მუზეუმის საქართველოს საისტორიო და საეთნოგრაფიო საზოგადოებისთვის გადაცემის საკითხი. დავით კარიჭაშვილი, ალექსანდრე ყიფშიძე, ალექსანდრე სარაჯიშვილი და ექვთიმე თაყაიშვილი გადაცემის მომხრენი იყვნენ, თუმცა გამგეობის წევრთა ხმათა უმრავლესობით დაადგინეს, ბიბლიოთეკა და მუზეუმი საზოგადოების საკუთრებაში დარჩენილიყო, რადგან საისტორიო და საეთნოგრაფიო საზოგადოებას წკგ საზოგადოებაზე უკეთ პატრონობა არ შეეძლო.

1911

ტიპი: განათლება

1911 წლის 5 იანვარს ქართველთა შორის წერა-კითხვის გამავრცელებელ საზოგადოებას რევაზ იასონის ძე ერისთავმა დუისში საკვირაო სკოლის გახსნა სთხოვა.

1911

ტიპი: განათლება

1911 წლის 5 იანვარს ქართველთა შორის წერა-კითხვის გამავრცელებელმა საზოგადოებამ ძმები ზუბალაშვილების სახელობის სტიპენდია, 25 მანეთი გადაურიცხა: ვ. მდივანს, აკ. ფაღავას, ი. ლორთქიფანიძეს, თ. შიუკაშვილს, ლ. შურღაიას, ტარას ნიჟარაძეს, ნესტორ იმნაიშვილს, დიმიტრი ძნელაძეს, ანა ხახუტაშვილს, ვასილ ილიას ძე რცხილაძეს, იოსებ დიმიტრის ძე ავალიშვილს, ალექსანდრე ივანეს ძე დგებუაძეს და შალვა ნიკოლოზის ძე დადიანს.

1911

ტიპი: ღონისძიება

1911 წელს ქართველთა შორის წერა-კითხვის გამავრცელებელი საზოგადოების წიგნსაცავმა და მუზეუმმა შეწირულობა მიიღო ელენე ორჯონიკიძის, ნიკოლოზ იაკობის ძე მარის, იოსებ ალექსის ძე ყიფშიძის, ალექსანდრე სოლომონის ძე ხახანაშვილის, სიმონ ავალიანის, გრიგოლ გასპარის ძე ხეჩუაშვილის, პეტრე გრიგოლის ძე მირიანაშვილის, ვასილ ილიას ძე რცხილაძის, მიხეილ დანელიასა და ტატიანა რამიშვილისგან.

1911

ტიპი: ღონისძიება

1911 წელს ქართველთა შორის წერა-კითხვის გამავრცელებელი საზოგადოების წიგნსაცავმა და მუზეუმმა შეწირულობა მიიღო ილია ჭავჭავაძის ბიბლიოთეკისგან, საეკლესიო მუზეუმის, „შორაპნის“ და ფილარმონიის საზოგადოების, „ჯეჯილის“, „შრომის“, „ნაკადულისა“ და „სახალხო გაზეთის“ რედაქციებისგან.

1911

ტიპი: ორგანიზაცია

1911 წელს ქართველთა შორის წერა-კითხვის გამავრცელებელ საზოგადოებას საქველმოქმედო ბაზრიდან 453 მანეთი და 90 კაპიკი დარჩა, საქველმოქმედო წარმოდგენებიდან – 563 მანეთი და 42 კაპიკი, წიგნების ვაჭრობის მოგება შეადგენდა 4343 მანეთსა და 36 კაპიკს, საზოგადოების განყოფილების შემოსავლები – 863 მანეთსა და 23 კაპიკს.

1911

ტიპი: ღონისძიება

1911 წელს ალექსანდრე ყიფშიძემ ქართველთა შორის წერა-კითხვის გამავრცელებელი საზოგადოების გამგეობას წარუდგინა საგურამოს მამულის 1910 წლის ანგარიში, რომელშიც აღნიშნა ოლღა გურამიშვილი-ჭავჭავაძისას მეურვე თ. გ. ერისთავისთვის მისაცემი ვალი: იჯარის ხარჯი 200 მან. გზისა – 10 მან.

1911

ტიპი: ღონისძიება

1911 წლის 4 იანვარს ალექსანდრე ყიფშიძემ ქართველთა შორის წერა-კითხვის გამავრცელებელი საზოგადოების გამგეობას ბანკიდან დახსნილი ვექსილების დაწვრილებითი ანგარიში წარუდგინა. ვექსილებს შორის პეტრე გრუზინსკისა 20 თამასუქი იყო, მიხეილ გრუზინსკისა – 12, ოლღა ჭავჭავაძისა კი – 23.

1911

ტიპი: ღონისძიება

1911 წლის 4 იანვარს ალექსანდრე ყიფშიძის მიერ შედგენილი ჭავჭავაძისეული საგურამოს მამულის ანგარიშის თანახმად, გეგმის ასლის გადაღებისთვის ო. ფანიევს 15 მანეთი გადაუხადეს.

1911

ტიპი: ღონისძიება

1911 წლის 4 იანვარს ალექსანდრე ყიფშიძის მიერ ქართველთა შორის წერა-კითხვის გამავრცელებელი საზოგადოების გამგეობისთვის წარდგენილი ანგარიშის თანახმად, 1910 წელს საგურამოს მამულის ვალი 11 900 მანეთი იყო. აქედან ილიას ფონდის დავალიანება 6 000 მანეთს შეადგენდა (6 %-იანი სარგებლით), აზოვის ბანკისა – 2 000 მანეთს (8 %-იანი სარგებლით), თბილისის გუბერნიის თავადაზნაურობისა – 2 000-ს, სახელმწიფო ბანკისა – 1 400-ს (5,5 %-იანი სარგებლით) და ა. თ. ფრიდონოვისა – 500 მანეთს (ჯერ არ იყო სარგებლის რაოდენობა მევალისგან დათქმული).

1911

ტიპი: ღონისძიება

1911 წლის 4 იანვარს ალექსანდრე ყიფშიძის მიერ შედგენილი ჭავჭავაძისეული საგურამოს მამულის ანგარიშის თანახმად, გეგმის პირის გადაღებისთვის ო. ფანიევს 15 მანეთი გადაუხადეს.

1911

ტიპი: გარდაცვალება

1911 წლის 3 იანვარს ყვირილის წმ. დავით და კონსტანტინეს ეკლესიის მღვდელი დავით ბესარიონის ძე ღამბაშიძე გარდაიცვალა.

1911

ტიპი: თანამდებობა

1911 წლის 2 იანვრიდან 1915 წლის პირველ სექტემბრამდე ნინო ბაქრაძე-ბოცვაძე თბილისის აზნაურთა გიმნაზიის მასწავლებლად მუშაობდა.