რეგისტრირებული ფაქტები46632
სორტირება ახალი ჩანაწერების მიხედვით
1918
ტიპი: ღონისძიება
1918 წელს გიორგი ლაფანაშვილმა გაბო მწითურის დახმარებით ქალაქ დუშეთში მოიწვია თემის მცხოვრებთა საერთო მიტინგი.
1918
ტიპი: პირადი ურთიერთობა
1918 წლის 1-ლ მარტს გიორგი ლაფანაშვილი ქალაქ დუშეთში ბაზალეთის თემის წითელი რაზმის წევრ გაბო მწითურს შეხვდა.
1920
ტიპი: ღონისძიება
1920 წლის 6 ივლისის „ერთობა“ იუწყება, რომ აბრეშუმის პარკის სეზონი დაიწყო. საქმის მოწესრიგება იკისრა მომარაგების სამინისტრომ. პრაქტიკული ხელმძღ. დაავალეს მეაბრეშუმეობის უფრ. სპეციალისტს იოსებ ქუთათელაძეს. მან ქუთაისში დაიქირავა ძვ. მსხვილი ვაჭრების _ პ და მ. გოკიელოვების ფარდული ხონის გზაზე, სადაც ინახავს შეზიდულ პარკს. მას ერობა ყიდულობს.
1920
ტიპი: ღონისძიება
1920 წლის 6 ივლისის „ერთობა“ იუწყება, რომ მევენახეთა და მეღვინეთა ყრილობის საბჭომ პროფესორ მელიქიშვილის თავმჯდომარეობით შექმნა კომისია ღვინის შესახებ კანონპროექტის შესამუშავებლად. პროექტმა ფალსიფიკაციასთან ბრძოლა უნდა გაითვალისწინოს.
1920
ტიპი: ორგანიზაცია
1920 წლის 6 ივლისის გაზეთ „ერთობის“ ცნობით, ჭიათურის შავი ქვის მრეწველთა საზოგადოებამ გადაწყვიტა, საზღვარგარეთ ორგანიზაციის ჩამოსაყალიბებლად გაეგზავნა „ჩემოს" წარმომადგენლები, რისთვისაც შექმნეს კომისია. კომისიის თავმჯდომარედ აირჩიეს ნიკო (ნიკოლოზ) იოსების ძე ნიკოლაძე, წევრებად – ალექსანდრე ალექსანდრეს ძე ჯაყელი, პ. ი. ოგანეზოვი, ვ. დრენენი, გ. ე. ჯავახიშვილი, ბ. ა. პაპავა.
1922
ტიპი: ღონისძიება
1922 წლის 7 იანვრის გაზეთ „ბარრიკადის“ ცნობით, ვალერიან გაფრინდაშვილმა რუსულად თარგმნა ნიკოლოზ ბარათაშვილის ნაწარმოებები და დასაბეჭდად გადასცა სახალხო განათლების კომისარიატთან არსებულ სახელმწიფო გამომცემლობას.
1922
ტიპი: ღონისძიება
1922 წლის 7 იანვრის გაზეთ „ბარრიკადის“ ცნობით, ხელოვნების სასახლეში „პროლეტარულ პოეტთა ასოციაციის“ გახსნას მიესალმა დავით კანდელაკი, სიტყვა წარმოთქვეს: სანდრო ეულმა და გრიგოლ საყვარელიძემ.
1920
ტიპი: ღონისძიება
1920 წლის 6 ივლისს სოფელ ონტოფოს უმაღლესი დაწყებითი სასწავლებლის გამგე ფედოსია ალექსანდრეს ასული ანჯაფარიძე იუწყება, რომ სასწავლებელმა სეფიეთში გამართა ფრონტის დღე წარმოდგენით და შემოსავალს უგზავნიან დანიშნულებისამებრ გადასაცემად.
1922
ტიპი: გარდაცვალება
1922 წლის 7 იანვარს გაზეთ „ბარრიკადში“ გამოქვეყნდა ცნობა შალვა ქიქოძე ტუბერკულოზით გარდაცვალების შესახებ.
1922
ტიპი: ღონისძიება
1922 წლის 7 იანვრის გაზეთ „ბარრიკადის“ ცნობით, სანდრო ცირეკიძის რედაქტორობით ქუთაისში ჟურნალი „შვილდოსანი“ განახლდა.
1922
ტიპი: ღონისძიება
გერონტი ქიქოძემ, როგორც ახალ მწერალთა კავშირის საბჭოს წარმომადგენელმა, მიმართა კომისარს დავით კაკაბაძისა და ლადო გუდიაშვილის დასახმარებლად.
1922
ტიპი: ღონისძიება
1922 წლის 7 იანვრის გაზეთ „ბარრიკადის“ ცნობით, ილია ზდანევიჩმა „ცისფერყანწელებს“ პარიზში მყოფი ლადო გულიაშვილისა და დავით კაკაბაძის გაჭირვების შესახებ წერილით შეატყობინა.
1920
ტიპი: ღონისძიება
1920 წლის 3 ივლისს საგარეო საქმეთა მინისტრი ევგენი გეგჭკორი დიდი ბრიტანეთის მთავრობის მიერ ბათუმის საქართველოსთვის გადმომცემი საგანგებო კომისიის თავმჯდომარემ, პოლკოვნიკმა სტროქსმა ინახულა.
1920
ტიპი: ღონისძიება
1920 წლის 2 ივლისს რკინიგზის სადგურზე ქობულეთის უხუცესმა გულუ აღა კაიკაციშვილმა ქართულ ჯარს პურ-მარილი მიართვა და მიესალმა საქართველოს ისტორიული საზღვრების აღდგენას. საჩუქარი ჩამოართვა პოლკოვნიკმა სოლომონ გეგელაშვილმა. ხალხმა გამარჯვება უსურვა ნოე ჟორდანიას. მიესალმნენ საგარეო საქმეთა მინისტრ ევგენი გეგეჭკორს, რომელმაც ბევრი დაბრკოლება დაძლია და ბათუმი და ბათუმის ოლქი უსისხლოდ შეუერთა საქართველოს; მისასალმებელი სიტყვა წარმოთქვეს მემედ აღა გოგიბერიძემ და ბათუმის ქართული გიმნაზიის მოსწავლემ, ცივაძემ.
1920
ტიპი: ღონისძიება
1920 წლის 6 ივლისის გაზეთი „ერთობა“ იუწყება, რომ დამფუძნებელი კრების სამხ. კომისიამ დამფ. კრების წევრ ა. ი. ჩხენკელის სახელზე მიღებული თანხით ბათუმის მიმართულებით მყოფი ჯარისთვის საჩუქრები შეიძინა.
1920
ტიპი: ღონისძიება
1920 წლის 4 ივლისის „ერთობაში“ გურიის საოლქო შტაბის წევრი რ. ჩხაიძე აქვეყნებს იმ გვარდიელთა სიას, რომელთაც საოლქო შტაბი დაეხმარა (სიმინდი იაფად დაუთმო): თედორე ჭანიშვილი, თეოფილე ურუშაძე, გრიგოლ მენაბდე, პროკოპი კიღურაძე, იორდანე მურვანიძე, ქრისტეფორე თავბერიძე, სიმონ სადრაძე, პარმენ კობალავა, ნოე გოგელია.
1920
ტიპი: ღონისძიება
1920 წლის 4 ივლისის „ერთობაში“ გურიის საოლქო შტაბის წევრი რ. ჩხაიძე აქვეყნებს იმ გვარდიელთა სიას, რომელთაც საოლქო შტაბი დაეხმარა (სიმინდი იაფად დაუთმო): ერმილე ჯაყელი, მიხაკო მუჯირი, ვლადიმერ თავართქილაძე, ივანე ნიკოს ძე ცეცხლაძე, კალენიკე ალექსანდრეს ძე ღლონტი, სილევან გორგაძე, ირაკლი კალანდარიშვილი, ეპიფანე დუმბაძე, მიხაკო ტყეშელაშვილი, ვასილ გორდელაძე.
1921
ტიპი: ღონისძიება
1921 წლის 17 დეკემბერს საქართველოს მთავარი კომიტეტის პლენარულ კრებაზე პრეზიდიუმის თავმჯდომარედ აირჩიეს კონსტანტინე მაყაშვილი, თავმჯდომარის მოადგილეებად – ტიციან ტაბიძე და აკაკი ფაღავა და წევრებად – ვახტანგ კოტეტიშვილი და ვალერიან რუხაძე.
1921
ტიპი: თანამდებობა
1921 წლის 17 დეკემბერს საქართველოს ახალ მწერალთა კავშირის საბჭომ მთავარ კომიტეტში წარმომადენლებად აირჩია პაოლო იაშვილი, ტიციან ტაბიძე და ვახტანგ კოტეტიშვილი.
1918
ტიპი: ღონისძიება
1918 წლის 18 თებერვალს სოფ. ბაზალეთში ჩატარდა მიტინგი, სადაც მენშევიკების მხრიდან გამოდიოდა ისიდორე რამიშვილი, ხოლო ბოლშევიკებისა – თედო შუშიაშვილი.