1919

ტიპი: თანამდებობა

ქუთაისის ვაჟთა მეორე გიმნაზიისა და მასთან არსებული დაწყებითი სასწავლებლის სამი კლასის ისტორიისა და გეოგრაფიის მასწავლებელი, დეკანოზი ივლიანე აბესაძე უკანასკნელი ოცი წლის განმავლობაში მსახურობდა აღნიშნული გიმნაზიის მაღალ კლასებში, რაც ნათლად ჩანდა მისი ნამსახურეობის სიიდან, რომელიც განათლების სამინისტროში ინახებოდა.

1884

ტიპი: თანამდებობა

1884 წლიდან ივლიანე აბესაძე მოღვაწეობდა პედაგოგიურ ასპარეზზე სხვადასხვა დაბალ და საშუალო სასწავლებელში.

1919

ტიპი: ავტორობა

1919 წლის 8 თებერვალს ქუთაისის ვაჟთა მეორე გიმნაზიისა და მასთან არსებული დაწყებითი სასწავლებლის სამი კლასის ისტორიისა და გეოგრაფიის მასწავლებელმა, დეკანოზმა ივლიანე აბესაძემ საქართველოს დემოკრატიული რესპუბლიკის განათლების სამინისტროს მისწერა, რომ ყველა სემინარიელს და, ზოგადად, საშუალო განათლებამიღებულ პირებს წარსულში მოუსწრო ახალი შტატის წყობილებამ, რომელმაც სემინარიადასრულებული პირები გაათანასწორა უმაღლეს სასწავლებელდამთავრებულ მასწავლებლებთან, როგორც ჯამაგირით, ასევე, პენსიის მიღების უფლებით.

1919

ტიპი: თანამდებობა

1919 წლის 8 თებერვალს ქუთაისის ვაჟთა მეორე გიმნაზიისა და მასთან არსებული დაწყებითი სასწავლებლის სამი კლასის ისტორიისა და გეოგრაფიის მასწავლებელმა, დეკანოზმა ივლიანე აბესაძემ საქართველოს დემოკრატიული რესპუბლიკის განათლების სამინისტროს მისწერა, რომ ასწავლიდა მსოფლიო ისტორიასა და გეოგრაფიას მეოთხე კლასში, რომელიც იმავე წელს კვლავ გიმნაზიის შემადგენლობაში ირიცხება. თუ საჭირო იქნებოდა, მას შეეძლო მომავალ სასწავლო წელს თავისი მოსწავლეებისთვის მეხუთე და მეექვსე კლასში წარმატებულად ესწავლებინა აღნიშნული საგნები.

1919

ტიპი: ავტორობა

1919 წლის 8 თებერვალს ქუთაისის ვაჟთა მეორე გიმნაზიისა და მასთან არსებული დაწყებითი სასწავლებლის სამი კლასის ისტორიისა და გეოგრაფიის მასწავლებელმა, დეკანოზმა ივლიანე აბესაძემ საქართველოს დემოკრატიული რესპუბლიკის განათლების სამინისტროს სთხოვა, რომ აღედგინათ მისთვის წარსულში მინიჭებული უფლება და სხვების მსგავსად ისიც გაეთანასწორებინათ უმაღლესდამთავრებულ მასწავლებლებთან მაღალი ჯამაგირისა და პენსიის მიღების უფლებით.

1919

ტიპი: ღონისძიება

ქუთაისის ვაჟთა მეორე გიმნაზიის დირექტორს აუწყებენ, რომ მინისტრის ამხანაგის ა.წ. 26 იანვრის N17 ბრძანების თანახმად, მისდამი რწმუნებულ გიმნაზიასთან არსებულ უმაღლესი დაწყებითი სასწავლებლის მასწავლებელს, დეკანოზ ივლიანე აბესაძეს ჩაეთვალა სახელმწიფო სამსახურში ხუთწლეულები და პენსიის მისაღებად საპედაგოგო ასპარეზზე ნამსახურები წლები 1884 წლის 19 სექტემბრიდან 1918 წლის პირველ სექტემბრამდე. ასევე, ეგზავნება აბესაძის ნამსახურეობის სია. ხელს აწერენ: კანცელარიის დირექტორი ვუკოლ ბერიძე, მდივანი გიორგი მებუკე, საქმისმწარმოებელი – მესხი.

1920

ტიპი: ღონისძიება

საქართველოს დემოკრატიული რესპუბლიკის სახალხო განათლების მინისტრის ამხანაგის 1920 წლის 26 იანვრის N17 ბრძანებაში წერია, რომ ჩაეთვალოს სახელმწიფო სამსახურში ხუთწლეულებისა და პენსიის მისაღებად ქუთაისის ვაჟთა მეორე გიმნაზიასთან არსებული უმაღლესი დაწყებითი სასწავლებლის მასწავლებელ დეკანოზ ივლიანე აბესაძეს საპედაგოგო ასპარეზზე ნამსახურეობის წლები, 1884 წლის 19 სექტემბრიდან 1918 წლის პირველ სექტემბრამდე. ხელს აწერენ: მინისტრის ამხანაგი – ნოე ცინცაძე და დედანთან სისწორეს ხელს აწერს ივანე ეპიტაშვილი.

1912

ტიპი: ავტორობა

1912 წლის 5 მარტს ქ. შ. წ. კ. გ. საზოგადოების მთავარ გამგეობას თელავის განყოფილების გამგეობამ განყოფილების 1911 წლის შემოსავალ-გასავლის ოქმი გაუგზავნა. ამ დოკუმენტიდან ირკვევა, რომ 1911 წელს თელავის განყოფილებამ თბილისის ბიუროს წარმომადგენელ გორდელაძეს წინასწარ გადაუხადა 20 მან. ჟურნალ-გაზეთებისთვის. დოკუმენტს ხელს აწერენ საზოგადოების თელავის განყოფილების გამგეობის თავმჯდომარის ამხანაგი ვ. კახიძე და გამგეობის ხაზინადარი ივ. პაატაშვილი.

1918

ტიპი: თანამდებობა

1918 წლის 14 დეკემბრის საქართველოს დემოკრატიული რესპუბლიკის სახალხო განათლების მინისტრის N89 ბრძანების თანახმად, ნიკოლოზ აბესაძე დანიშნეს სახალხო განათლების სამინისტროს საქმისმწარმოებლის თანამდებობის აღმასრულებლად მიმდინარე წლის 10 დეკემბრიდან. ხელს აწერს განათლების მინისტრი გიორგი მიხეილის ძე ლასხიშვილი.

1919

ტიპი: პირადი ინფორმაცია

1919 წლის 26 თებერვალს ექიმმა მოწმობით დაადასტურა, რომ ნიკოლოზ ივლიანეს ძე აბესაძე სისხლნაკლულობით იყო დაავადებული. იგი გადაღლილი იყო და აუცილებლად სჭირდებოდა დასვენება.

1918

ტიპი: თანამდებობა

9 მაისს სახალხო განათლების სამინისტრომ დაამოწმა, რომ ნიკოლოზ ივლიანეს ძე აბესაძე იყო განათლების სამინისტროს პირველგანყოფილების საქმისმწარმოებელი. ხელს აწერენ ვიცე-დირექტორი ალექსანდრე ნიკოლოზის ძე მიქაბერიძე და საქმისმწარმოებლის ნაცვლად ვარლამ დავითის ძე ძიძიგური.

1919

ტიპი: თანამდებობა

1919 წლის 30 ოქტომბერს სახალხო განათლების სამინისტრომ დაადასტურა, რომ ნიკოლოზ ივლიანეს ძე აბესაძე იყო საქართველოს დემოკრატიული რესპუბლიკის სახალხო განათლების სამინისტროს საქმისმწარმოებელი. ხელს აწერენ დირექტორის ნაცვლად ალექსანდრე ნიკოლოზის ძე მიქაბერიძე და საქმისმწარმოებელი მაქსიმე დავითის ძე ბერძნიშვილი.

1918

ტიპი: თანამდებობა

1918 წლის 10 ივლისს ქუთაისის მესამე ვაჟთა გიმნაზიის დირექტორმა იერონიმე არსენიშვილმა საქართველოს რესპუბლიკის სახალხო განათლების მინისტრს გაუგზავნა წარდგინება, რომ გიმნაზიის პედაგოგიურმა საბჭომ 1917 წლის 28 ოქტომბერს ფიზიკის კათედრაზე მასწავლებლად აირჩია კიევის უნივერსიტეტის კურსდამთავრებული ტარას სარდიონის ძე აბზიანიძე, რომელმაც წლის განმავლობაში დაამტკიცა, რომ იყო მომზადებული და ხარისხიანად ასწავლიდა მოსწავლეებს თავის საგანს.

1916

ტიპი: ორგანიზაცია

1916 წლის მონაცემებით, ქართველთა შორის წერა-კითხვის გამავრცელებელი საზოგადოების წევრები იყვნენ: ევა ზაქარიას ასული ჩანადარია, ლავრენტი ჩიხლაძე, ლავრენტი სოლომონის ძე ჩიტაძე, ალექსი გიორგის ძე ჩიტაძე, შაქარა მიხეილის ძე ჩაჩიკაშვილი, მათე ივანეს ძე ჩხიკვაძე, ვანო დავითის ძე ჩიტაძე, შალვა კონსტანტინეს ძე ჩანტლაძე, ფუდუ ჩანტლაძე, კონსტანტინე ივანეს ძე ჩანტლაძე, ტიხონ ლევანის ძე ჩიგოგიძე, გაბრიელ გრიგოლის ძე ჩომახიძე და პრასკოვია კონსტანტინეს ასული ჩანჩალეიშვილი. მათ საწევრო თანხა სრულად ჰქონდათ გადახდილი.

1919

ტიპი: თანამდებობა

1919 წლის 27 მარტის N85 ბრძანებით საქართველოს დემოკრატიული რესპუბლიკის უმაღლესი და საშუალო სასწავლებლის მთავარგამგემ გრიგოლ იასონის ძე ნათაძემ ქუთაისის ქალთა ყაუხჩიშვილის გიმნაზიაში ფიზიკის მასწავლებლად დაამტკიცა ტარას სარდიონის ძე აბზიანიძე.

1917

ტიპი: თანამდებობა

1918 წლის 4 სექტემბერს საქართველოს დემოკრატიული რესპუბლიკის სახალხო განათლების მინისტრმა გიორგი მიხეილის ძე ლასხიშვილმა N38 ბრძანებით, 1917 წლის 28 ოქტომბრიდან ტარას სარდიონის ძე აბზიანიძე ფიზიკის მასწავლებლად დაამტკიცა ქუთაისის ვაჟთა მესამე გიმნაზიაში.

1919

ტიპი: ღონისძიება

1919 წლის 1-ელ დეკემბერს ხაშურის ქალთა გიმნაზიის პედაგოგიური საბჭოს თავმჯდომარე შ. მხეიძემ უმაღლესი და საშუალო სკოლების მთავარგამგეს მისწერა, რომ შუამდგომლობდა ქართული ენის მასწავლებლის თანამდებობის აღმასრულებელ ლუბა აბრამიშვილს, რათა უმცროსი კლასების ქართული ენის მასწავლებლად დაემტკიცებინათ. ხელს აწერენ პედაგოგიური საბჭოს თავმჯდომარე შ. მხეიძე და საქმისმწარმოებელი პავლე ბლუაშვილი.

1918

ტიპი: თანამდებობა

ტარას სარდიონის ძე აბზიანიძის პირადი საქმის მიხედვით, 1918 წელს ქუთაისის III ვაჟთა გიმნაზიის დირექტორი იყო იერონიმე არსენიშვილი.

1918

ტიპი: განათლება

ტარას სარდიონის ძე აბზიანიძის პირადი საქმის მიხედვით, მან დაამთავრა კიევის უნივერსიტეტი.

1920

ტიპი: თანამდებობა

ხაშურის ქალთა გიმნაზიის დირექტორს აუწყეს, რომ გიმნაზიასთან არსებული უმაღლესი დაწყებითი სასწავლებლის შტატის მასწავლებლად 1920 წლის 1-ლი იანვრიდან ლუბა აბრამიშვილს დაამტკიცებდნენ.

1918

ტიპი: თანამდებობა

საქართველოს რესპუბლიკის სახალხო განათლების სამინისტროს მთავარგამგის 1918 წლის 29 ოქტომბრის N67 ბრძანების მიხედვით, თბილისის ქალთა მე-6 გიმნაზიის ქართული ენისა და საქართველოს ისტორიის მასწავლებელი მიხეილ აბრამიშვილი 1-ელი ნოემბრიდან თბილისის ვაჟთა მე-2 გიმნაზიაში ქართული ენის პედაგოგად გადაიყვანეს.

1918

ტიპი: თანამდებობა

1918 წლის 5 ოქტომბერს მიხეილ აბრამიშვილმა უმაღლეს და საშუალო სკოლების მთავარგამგეს თბილისის ქალთა მეექვსე გიმნაზიაში ქართული ენისა და საქართველოს ისტორიის მასწავლებლად დანიშვნა სთხოვა.

1918

ტიპი: განათლება

1918 წლის 5 ოქტომბერს მიხეილ აბრამიშვილი უმაღლესი და საშუალო სკოლების მთავარგამგეს სწერს, რომ დაასრულა დერპტის უნივერსიტეტის ისტორიულ-ფილოლოგიური ფაკულტეტის სიტყვის განყოფილება. მოწმობა გაცემის შესახებ ინახება განათლების სამინისტროს კანცელარიაში.

ტიპი: განათლება

1918 წლის 18 ივლისს მიხეილ ვლადიმერის ძე აბრამიშვილი საქართველოს რესპუბლიკის სახალხო განათლების მინისტრს თხოვნით მიმართავს, რომ დანიშნოს მასწავლებლად თბილისის ერთ-ერთ ქართულ გიმნაზიაში. დაასრულა დორპატის უნივერსიტეტის საისტორიო-საფილოლოგო ფაკულტეტის სიტყვიერების განყოფილება 1918 წლის 26 იანვარს. შეუძლია ასწავლოს: 1.ქართული ენა და ლიტერატურა, 2.საქართველოს ისტორია, 3.მსოფლიო ისტორია, 4.ფსიქოლოგია და ლოღიკა. ასევე, ადგენს მოწმობას სასწავლებლის დაარულების შესახებ. უთითებს მისამართს : გუნიბის ქუჩა, სახლი #58. მოწმობა სასწავლებლის დასრულების შესახებ წაიღო #3 1919 წლის 7 თებერვალს.

1918

ტიპი: თანამდებობა

1918 წლის 11 ოქტომბერს თბილისის ქალთა მე-6 გიმნაზიის დირექტორს აცნობეს, რომ მთავარგამგის 1918 წლის 8 ოქტომბრის N44 ბრძანების თანახმად, დორპატის უნივერსიტეტის საისტორიო-საფილოლოგო ფაკულტეტის სიტყვიერების განყოფილების სწავლადამთავრებული მიხეილ ვლადიმერის ძე აბრამიშვილი დანიშნეს ქართული ენისა და საქართველოს ისტორიის მასწავლებლად მიმდინარე წლის 1-ლი ოქტომბრიდან. ხელს აწერენ კანცელარიის ვიცე-დირექტორი ალექსანდრე ნიკოლოზის ძე მიქაბერიძე და საქმისმწარმოებელი მაქსიმე დავითის ძე ბერძნიშვილი.