1921

ტიპი: ღონისძიება

1921 წლის 8 ივლისს ქართველთა შორის წერა-კითხვის გამვრცელებელი საზოგადოების მთავარ გამგეობას სთავაზობენ 18 ფუთი ქაღალდის შეძენას. განჩინებით ამ საკითხის განხილვა გადაიდო.

1909

ტიპი: ღონისძიება

1909 წელს ქართველთა შორის წერა-კითხვის გამავრცელებელი საზოგადოების გამგეობის კრებაზე სამსონ ფირცხალავამ აღნიშნა, რომ ამავე საზოგადოების წიგნის მაღაზიის მუზეუმის დამთვალიერებელ ორ ირლანდიელ მოგზაურს უფასოდ გადასცეს წიგნები.

1909

ტიპი: ღონისძიება

1909 წლის 30 აპრილს ქართველთა შორის წერა-კითხვის გამავრცელებელი საზოგადოების გამგეობის კრებაზე გადაწყდა, რომ საზოგადოების წიგნის მაღაზიაში წიგნები დაეთვალათ ალექსანდრე ყიფშიძის თანდასწრებით და ჩაებარებინათ შიო ქუჩუკაშვილსთვის, რომელიც გაყიდულ წიგნებს აღწერდა და ბუღალტერს წარუდგენდა, ხოლო ნავაჭრს მდივანს ჩააბარებდა.

1916

ტიპი: ღონისძიება

1916 წელს ქართველთა შორის წერა-კითხვის გამავრცელებელი საზოგადოების ატენის სკოლა (მასწავლებელი ლავრენტი ბარნაბაშვილი) წიგნების ნაკლებობას განიცდიდა, მოსწავლეებს დამატებით ლიტერატურად მხოლოდ წინა წელს შეძენილი „ჯეჯილი“ და „ნაკადული“ ჰქონდათ.

1917

ტიპი: ღონისძიება

1917 წლის 17 დეკემბერს ქართველთა შორის წერა-კითხვის გამავრცელებელი საზოგადოების თბილისის განყოფილების წევრთა კრებას დაესწრნენ: ნიკოლოზ გრიგოლის ძე რუხაძე, კალენიკე საბას ძე ჯამბერიძე, გიორგი სიმონის ძე სვანიძე, დარია დეკანოზიშვილი და დავით ღუდუშაური.

1909

ტიპი: ღონისძიება

1909 წლის 2 ივლისს ქართველთა შორის წერა-კითხვის გამავრცელებელი საზოგადოების გამგეობის კრებაზე განიხილეს აკაკი წერეთლის თხოვნა 3-4 თვის პენსიის წინასწარ აღების შესახებ საზღვარგარეთ გამგზავრებასთან დაკავშირებით. გამგეობამ გადაწყვიტა, მისთვის 3 თვის პენსია გადაეცათ. განჩინებას ხელი მოაწერა დავით კარიჭაშვილმა.

1899

ტიპი: ღონისძიება

1899 წელს მწერალი თედო სახოკია წერა-კითხვის გამავრცელებელ საზოგადოების გამგეობას აუწყებს, რომ თედო ჟორდანია საზოგადოების წიგნსაცავს სწირავს იმერეთის მეფის, სოლომონ მეორის 1810 წლის წერილს, რომელსაც უგზავნის გამგეობას. ეს წერილი 1899 წლის „მოამბის“ N1-ში დაიბეჭდა.

1909

ტიპი: ღონისძიება

1909 წლის 23 ივლისს ქართველთა შორის წერა-კითხვის გამავრცელებელი საზოგადოების გამგეობის კრებაზე ალექსანდრე თევდორეს ძე ყიფშიძესა და ფილიპე გაბრიელის ძე გოგიჩაიშვილს დაევალათ საზოგადოების წიგნის მაღაზიისთვის ბინის დაქირავების შესახებ მოლაპარაკებოდნენ ძმები ზუბალაშვილების მამულების გამგეს. იმ შემთხვევაში თუ ზუბალაშვილების სახლში ეს ვერ მოხერხდებოდა, გამგეობას ადგილი უნდა ექირავებინა ქაშვეთში.

1909

ტიპი: ღონისძიება

1909 წლის 20 აგვისტოს ქართველთა შორის წერა-კითხვის გამავრცელებელი საზოგადოების გამგეობის კრებაზე უნდა განეხილათ ბარნაბა გელაზანიას თხოვნა ბათუმის სკოლაში ხელახლა მიღების შესახებ.

1914

ტიპი: ღონისძიება

1914 წლის 31 ოქტომბერს გიორგი ყაზბეგის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომაზე სასკოლო სექციას საზოგადოების სკოლების მასწავლებლების მომზადების შესახებ მოხსენების გაკეთება დაავალეს.

1909

ტიპი: ღონისძიება

1909 წლის აგვისტოში ქართველთა შორის წერა-კითხვის გამავრცელებელი საზოგადოების გამგეობას მდივანმა, სამსონ ფირცხალავამ, განუცხადა, რომ საზოგადოების ახალი წევრების მისაღებად საჭირო იყო საგანგებო კრების გამართვა.

1917

ტიპი: ღონისძიება

1917 წლის 17 დეკემბერს ქართველთა შორის წერა-კითხვის გამავრცელებელი საზოგადოების თბილისის განყოფილების წევრთა კრებას დაესწრნენ: პროკოფი ალექსის ძე მამალაძე, სერგო აბესაძე, ივანე ანტონის ძე ზოდელავა, ივანე გიორგის ძე რატიშვილი, ირაკლი რცხილაძე, სულხან გიორგის ძე ჭავჭავაძე, პელაგია სილიბისტროს ასული კიკვაძე და ვახტანგ სოლომონის ძე მუსხელიშვილი.

1881

ტიპი: ღონისძიება

1881 წლის 31 იანვარს სოფელ შილდის სკოლის მასწავლებელმა გიორგი აღნიევმა ქართველთა შორის წერა-კითხვის გამავრცელებელი საზოგადოების გამგეობისგან მიღებული ყველა წიგნი განათავსა სკოლის ბიბლიოთეკაში. მას ძირითადად ღარიბი მოსწავლეები იყენებდნენ.

1901

ტიპი: ღონისძიება

1901 წლის 27 აგვისტოს ქართველთა შორის წერა-კითხვის გამავრცელებელი საზოგადოების წევრებმა – ნიკოლოზ ცხვედაძემ, იაკობ გოგებაშვილმა, დავით კარიჭაშვილმა და გრიგოლ ყიფშიძემ – ანასტასია წერეთლის თხოვნა წიგნის ფასდაკლებით შეძენის თაობაზე განსახილველად გადადეს.

1899

ტიპი: ღონისძიება

1899 წლის 23 მარტს ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს და დაამტკიცეს საზოგადოების ხარჯთაღრიცხვა – 1-22 მარტის შემოსავალი იყო 729 მან. 10 კაპ., ხარჯი – 1023 მან. 94 კაპ. 22 მარტისთვის საზოგადოებას ჰქონდა სულ 15874 მან. 49 კაპ. და სხვა საგანგებო და სათადარიგო თანხები. ოქმს ხელს აწერს თავმჯდომარის მოადგილე ნიკოლოზ ცხვედაძე.

1912

ტიპი: ღონისძიება

1912 წლის 11 მარტს ინჟინერი პეტრე მამრაძე ილია ჭავჭავაძის ძეგლის მოაჯირის მასალისა და მუშებისათვის საჭირო 200 მანეთს სთხოვს ქ შ წ კ გ საზოგადოების გამგეობას. განცხადების მინაწერის თანახმად, ინჟინერმა მიიღო ეს თანხა.

ტიპი: ღონისძიება

ხელოსანი ტ. ლებედა ხელწერილით ადასტურებს, რომ მან ილია ჭავჭავაძის საფლავის მოაჯირის გაკეთებაში ინჟინერ პეტრე მამრაძისგან მიიღო 50 მანეთი და არავითარი პრეტენზია არა აქვს მასთან.

1909

ტიპი: ღონისძიება

1909 წელს ანასტასია წერეთელმა ქართველთა შორის წერა-კითხვის გამავრცელებელი საზოგადოების გამგეობას განცხადებით სთხოვა, გამგეობას წარმომადგენელი გაეგზავნა კრებაზე, რომელზეც განიხილებოდა ეგნატე ნინოშვილის ძეგლის საკითხი.

1921

ტიპი: ღონისძიება

1921 წლის პირველ იანვრამდე ქრისტეფორე ამილახვარს სარაჯიშვილის სახელობის სტიპენდიიდან 775 მანეთი ჰქონდა მიღებული, რაფიელ ნიჟარაძეს – 525, გრიგორ ოქროპირიძეს – 650, იაკობ რამიშვილს – 650, ალექსანდრე ციციშვილს – 600, ვახტანგ კოტეტიშვილს – 700.

1909

ტიპი: ღონისძიება

1909 წლის 12 მარტს ქართველთა შორის წერა-კითხვის გამავრცელებელი საზოგადოების გამგეობამ საზოგადოების სასკოლო სექციას, ასევე ალექსანდრე თევდორეს ძე ყიფშიძესა და ფილიპე გაბრიელის ძე გოგიჩაიშვილს დაავალა, ორი კვირის შემდეგ გამგეობისთვის ეცნობებინათ მოსაზრება თბილისის სკოლების გადაკეთებისა და ახალი სკოლების გახსნის შესახებ.

1916

ტიპი: ღონისძიება

1916 წელს ქართველთა შორის წერა-კითხვის გამავრცელებელი საზოგადოების ყვირილის განყოფილების გამგეობას, რომლის თავმჯდომარე ბარბარე სპირიდონის ასული წერეთლისა იყო, შემოსავალი 4 245. 56 მანეთი ჰქონდა, გასავალი – 1 075. 76.

1909

ტიპი: ღონისძიება

1909 წელს ნიკოლოზ ღოღობერიძემ ქართველთა შორის წერა-კითხვის გამავრცელებელ საზოგადოებას გადასცა მარი ბროსეს „საქართველოს ისტორიის“ პირველი ნაწილის 529, მეორე ნაწილის 801 ეგზემპლარი და ამ ნაწარმოების შემდგომ გამოცემის უფლება.

1909

ტიპი: ღონისძიება

1909 წლის მარტში ქართველთა შორის წერა-კითხვის გამავრცელებელი საზოგადოების გამგეობას ბათუმის სკოლის სამზრუნველოდან აცნობეს, რომ მასწავლებელ ბარნაბა კიმოთეს ძე გელაზანიას წასვლის შემდეგ მის გაკვეთილებს წლის ბოლომდე სკოლის სხვა მასწავლებლები ჩაატარებდნენ.

1909

ტიპი: ღონისძიება

1909 წლის 12 მარტს ქართველთა შორის წერა-კითხვის გამავრცელებელი საზოგადოების გამგეობის კრებაზე განიხილეს თბილისის გუბერნატორის თხოვნა, საზოგადოებას გაეგზავნა წარმომადგენელი თათბირზე, რომელზეც განიხილავდნენ თბილისის სკოლების გადაკეთებისა და ახალი სკოლების გახსნის საკითხს. გამგეობამ წარმომადგენლებად გიორგი ნიკოლოზის ძე ყაზბეგი და ალექსანდრე ივანეს ძე მდივანი აირჩია.

1892

ტიპი: ღონისძიება

1892 წლის 9 იანვარს ნიკოლოზ მახარობლიძემ მიიღო მიხეილ საბინინის „საქართველოს სამოთხის“ საფასური, საკომისიო 20 პროცენტის გამოკლებით – 8 მანეთი.