ქშწკგს პროსოპოგრაფია

ფაქტები

რეგისტრირებული ფაქტები47756

1910

ტიპი: ღონისძიება

1910 წელს მიხეილ კავსაძემ თბილისის ქართული საამხანაგო მომღერალ-მგალობელთა გუნდი შექმნა.

1914

ტიპი: ღონისძიება

1914 წლის მარტში შეიქმნა კომისია, რომელსაც ქართული სცენის მოღვაწეთა პირველი ყრილობა უნდა მოეწვია. კომისიის წევრები იყვნენ: კოტე მესხი, ვლადიმერ ალექსი-მესხიშვილი, ვალერიან გუნია, ვალერიან შალიკაშვილი, მიხელ ქორელი, ივანე ბარველი და სხვ.

1914

ტიპი: ღონისძიება

1914 წლის 4 მარტს სახალხო სახლში კოტე ყიფიანის სასცენო მოღვაწეობის 45 წლის იუბილე გაიმართა.

1914

ტიპი: ავტორობა

1914 წლის 2 მარტს ქრისტინე შარაშიძემ ქართულ თეატრში წაიკითხა ლექცია „ქართველი ქალი ახალ ქართულ მწერლობაში“.

1913

ტიპი: თანამდებობა

1913-1914 წლის ზამთრის სეზონზე ქართული თეატრის რეჟისორები იყვნენ: ვლადიმერ ალექსი-მესხიშვილი, ვალერიან შალიკაშვილი და მიხეილ ქორიძე.

1914

ტიპი: ორგანიზაცია

1914 წლის მარტში შეიქმნა კომისია, რომელსაც ქართული სცენის მოღვაწეთა პირველი ყრილობა უნდა მოეწვია. კომისიის წევრები იყვნენ: გრიგოლ დიასამიძე, სოფრომ ტარუაშვილი, შალვა დადიანი, ალექსანდრე წუწუნავა და სხვ.

1914

ტიპი: ავტორობა

1914 წლის 9 მარტის ჟურნალში „თეატრი და ცხოვრება“ დაიბეჭდა ნიკოლოზ სვიმონის ძე კურდღელაშვილის მოთხრობა „ქოსას ოინები“.

1914

ტიპი: ავტორობა

1914 წლის 16 მარტის ჟურნალში „თეატრი და ცხოვრება“ დაიბეჭდა იოსებ იმედაშვილის წერილი „ალექსანდრე ყაზბეგი“.

1890

ტიპი: პირადი ინფორმაცია

1890-იან წლებში ალექსანდრე ყაზბეგს ფსიქოლოგიური პრობლემები დაეწყო და სიცოცხლის ბოლომდე თბილისის ფსიქიატრიულ საავადმყოფოში იმყოფებოდა.

1892

ტიპი: ავტორობა

1892 წელს ქართული გამომცემლების ამხანაგობამ ალექსანდრე ყაზბეგის ნაწარმოებები 4 ტომად გამოსცა.

1914

ტიპი: ავტორობა

1914 წლის 16 მარტის ჟურნალში „თეატრი და ცხოვრება“ დაიბეჭდა ივანე გომართელის მოთხრობა „დაწყევლილი დღე“.

1914

ტიპი: ავტორობა

1914 წლის 16 მარტის ჟურნალში „თეატრი და ცხოვრება“ დაიბეჭდა იოსებ იმედაშვილის წერილი „ქართული დრამატული ხელოვნების მოკლე მიმოხილვა“.

1901

ტიპი: ავტორობა

1901 წლის 11 ოქტომბერს არტემ ფირალოვმა შიდა მრეწველთა კრებაზე წაიკითხა მოხსენება შიდამრეწველთა მიერ წარმოებული პროდუქტის პირდაპირ მომხმარებელზე გასაღების შესახებ წვრილმან ვაჭართა შუამდგომლობის გარეშე.

1880

ტიპი: ღონისძიება

1880-იან წლებში ალექსანდრე ყაზბეგი თეატრში მუშაობდა.

1904

ტიპი: ავტორობა

1904 წლეს „ცნობის ფურცლის“ რედაქციამ წლიურ პრემიად გამოსცა ალექსანდრე ყაზბეგის ნაშრომთა სრული კრებული, მწერლის ბიოგრაფიითა და პორტრეტით.

1901

ტიპი: ღონისძიება

1901 წლის 11 ნოემბერს დასრულდა ქართველთა შორის წერა-კითხვის გამავრცელებელი საზოგადოების წლიური კრება. თავმჯდომარე იყო ილია ჭავჭავაძე. კრებამ ფეხზე ადგომით პატივი სცა ბათუმის გარდაცვლილი ქალაქისთავის, ლუკა ასათიანის სახელს.

1901

ტიპი: ნასამართლეობა

1901 წლის 24 ნოემბერს, გაზეთ „ნოვოე ობოზრენიეს" თანახმად, თბილისის საოლქო სასამართლოს განყოფილებამ განიხილა გრაკალის სადგურის უფროსის თანაშემწის, იოსებ ალექსანდრეს ძე კეზელის საქმე, რომელსაც ბრალად ედებოდა სამსახურის დაუდევრად აღსრულება, რასაც მოჰყვა მატარებლების დაჯახება და მსხვერპლი. სასამართლომ ბრალდებული დამნაშავედ სცნო და 3 თვით პატიმრობა მიუსაჯა.

1914

ტიპი: ავტორობა

1914 წლის 16 მარტის ჟურნალში „თეატრი და ცხოვრება“ დაიბეჭდა ილია ბახტაძის წერილი „ქართული წარმოდგენების საქმე ქუთაისში“.

1914

ტიპი: ავტორობა

1914 წლის 16 მარტის ჟურნალში „თეატრი და ცხოვრება“ დაიბეჭდა იოსებ გედევანიშვილის პიესა „სინათლის“ II ნაწილი.

1914

ტიპი: ავტორობა

1914 წლის 26 იანვარს ქართული დრამატული საზოგადოების გამგეობის თაოსნობით კოტე ყიფიანის სცენაზე მოღვაწეობის 45 წლის იუბილეს აღსანიშნავად წარმოდგენა გაიმართა.

1914

ტიპი: ავტორობა

1914 წელს გეურქ ფირუმიანმა იოსებ გედევანიშვილის პიესა „სინათლე“ სომხურად თარგმნა.

1914

ტიპი: ღონისძიება

1914 წლის 10 მარტს აკაკი წერეთელი სასახლის ქუჩაზე, ქართულ თეატრთან, ტრამვაის ვაგონიდან გადმოსვლის დროს დაეცა. პოეტი გასინჯა ექიმმა შალვა მიქელაძემ.

1914

ტიპი: ავტორობა

1914 წლის 2 მარტს სამტრედიის რკინიგზის თეატრში წარმოადგინეს ავქსენტი ცაგარლის კომედია „რაც გინახავს ვეღარ ნახავ“ და ვალერიან გუნიას ვოდევილი „არც აქეთ, არც იქეთ“.