რეგისტრირებული ფაქტები47756
სორტირება ახალი ჩანაწერების მიხედვით
1920
ტიპი: ღონისძიება
1920 წლის 11 თებერვლის გაზეთ „საქართველოს“ ცნობით, მიწათმოქმედების სამინისტრომ (მინისტრი ნოე ხომერიკი) გამოიკვლია, რომ 1919 წლის მოუსავლიანობის გამო განსაკუთრებით გაჭირვებულ მდგომარეობაში იმყოფებოდა საქართველოს 4 მაზრა: რაჭის, ახალციხის, ახალქალაქის, და ქუთაისის. განზრახული იყო, მთავრობისგან სპეციალური თანხების გამოთხოვა ამ მაზრების დასახმარებლად.
1920
ტიპი: ღონისძიება
1920 წლის 11 თებერვლის გაზეთ „საქართველოს“ ცნობით, მთავრობამ დაადგინა, ფინანსთა მინისტრ კონსტანტინე კანდელაკის მოხსენება საქართველოში უცხოელთა სააქციონერო საზოგადოებათა მოქმედების შესახებ დასკვნისთვის იუსტიციის მინისტრ რაჟდენ არსენიძისთვის გადაეცათ.
1920
ტიპი: ღონისძიება
1920 წლის 11 თებერვლის გაზეთ „საქართველოს“ ცნობით, მთავრობამ დაადგინა, შინაგან საქმეთა მინისტრ ნოე რამიშვილის განკარგულებაში არსებული 10-მილიონიანი ფონდიდან 10 000 მანეთი ფერშალ სამსონ დარახველიძის ქვრივისთვის გადადებულიყო.
1920
ტიპი: ღონისძიება
1920 წლის 11 თებერვლის გაზეთ „საქართველოს“ ცნობით, მთავრობამ დაადგინა, მიწათმოქმედების მინისტრ ნოე ხომერიკის მოხსენება სამეურნეო და სხვა მასალის შეძენისთვის 1 140 000 მან საჭიროების შესახებ დადასტურებულიყო და გადასცემოდა დამფუძნებელ კრებას.
1920
ტიპი: ღონისძიება
1920 წლის 11 თებერვლის გაზეთ „საქართველოს“ ცნობით, მთავრობამ დაადგინა, 10-მილიონიანი ფონდიდან, რომელსაც სამხედრო მინისტრი ნოე რამიშვილი განკარგავდა, ყოველთვე 15 000 მანეთი სამხედრო ტაძრის გუნდისთვის გადადებულიყო იმ პირობით, რომ ეს გუნდი სიონშიც იგალობებდა.
1920
ტიპი: ღონისძიება
1920 წლის 11 თებერვლის გაზეთ „საქართველოს“ ცნობით, მთავრობამ დაადგინა, განათლების მინისტრ ნოე რამიშვილის მოხსენება ბათუმის გიმნაზიის ერთჯერადად 294 205 მანეთით დახმარების შესახებ, დაედასტურებინათ და დამფუძნებელი კრებისთვის გადაეცათ.
1920
ტიპი: ღონისძიება
1920 წლის 11 თებერვლის გაზეთ „საქართველოს“ ცნობით, მთავრობამ დაადგინა, განათლების მინისტრ ნოე რამიშვილის მოხსენება სასწავლო კომიტეტის დაარსების შესახებ დროებითი ინსტრუქციებითურთ მიეღოთ და გადაეცათ დამფუძნებელი კრებისთვის.
1920
ტიპი: ღონისძიება
1920 წლის 11 თებერვლის გაზეთ „საქართველოს“ ცნობით, საქართველოს მთავრობამ (თავმჯდომარე ნოე ჟორდანია) ბოლო სხდომაზე დაადგინა, რომ თბილისში დაარსებულიყო საქართველოს ეროვნული სამხატვრო გალერეა. გალერეის დებულება და შტატები უნდა მიეღოთ და გადაეცათ დამფუძნებელი კრებისთვის.
1931
ტიპი: პირადი ურთიერთობა
1931 წლის 13 აგვისტოს შალვა აფხაიძემ სერგო კლდიაშვილს სიმონეთში მისწერა, რომ აკაკის ხორავას შვილი გარდაცვლია.
2023
ტიპი: პირადი ურთიერთობა
1931 წლის 13 აგვისტოს შალვა აფხაიძემ სერგო კლდიაშვილს სიმონეთში მისწერა, რომ სახელგამი მისთვის ჰონორარის გადახდას არ აპირებდა, რადგან მამამისს, დავით კლდიაშვილს, რამდენიმე წლის წინ ავანსად 4000 მანეთი აუღია.
1931
ტიპი: პირადი ურთიერთობა
1831 წელს სერგო კლდიაშვილმა ალიო მირცხულავას წერილით სთხოვა, მარჯანიშვილის თეატრის დირექციასთან ეშუამდგომლა, რომ დავით კლდიაშვილის „სამანიშვილის დედინაცვლის“ დადგმისთვის გათვალისწინებული ჰონორარის ნაწილი მისი ძმის, გიორგი კლდიაშვილისთვის გადაეხადათ.
1931
ტიპი: პირადი ურთიერთობა
1831 წელს სერგო კლდიაშვილმა ალიო მირცხულავას მისწერა, რომ მარჯანიშვილის თეატრის დირექცია მის და-ძმას ხელშეკრულებით გათვალისწინებული სამემკვიდრეო ჰონორარის გადახდას უგვიანებდა, რომელიც მათ დავით კლდიაშვილის „სამანიშვილის დედინაცვლის“ დადგმისთვის ერგებოდათ.
1931
ტიპი: პირადი ურთიერთობა
1931 წლის 29 ივნისს ვალერიან გაფრინდაშვილმა შალვა რადიანს მისწერა, რომ მიიღო მისთვის გაგზავნილი ჟურნალები და შეეცდებოდა, მითითებული მასალები უმოკლეს დროში ეთარგმნა.
1923
ტიპი: ნასამართლეობა
1923 წლის სექტემბრის დამლევს ილარიონ გიორგაძე დაატუსაღეს. ნოე ხომერიკმა ნოე ჟორდანიას საზღვარგარეთ მისწერა ამის შესახებ, აცნობა, რომ გიორგაძე ჩეკაში საშინლად აწამეს. ილარიონ გიორგაძე ჩეკადან ცოცხალი და ჯანმრთელი გამოვიდა, რითაც გამოააშკარავა ხომერიკის ყალბი ინფორმაცია და მენშევიკებს ზურგი საბოლოოდ შეაქცია.
1878
ტიპი: ღონისძიება
1878 წლის 22 იანვრის „დროების“ ცნობით, ექვთიმე ხელაძის სტამბაში ქართული წიგნი „სალამური“ დაიბეჭდა.
1930
ტიპი: პირადი ურთიერთობა
1930 წლის 24 დეკემბერს მარიამ მაჭავარიანმა სერგო კლდიაშვილს სიმონეთიდან მისწერა, რომ მამა, დავით კლდიაშვილი, სულ უფრო სუსტად გრძნობდა თავს და სთხოვა, მალე ჩამოსულიყო სოფელში მის მოსანახულებლად.
1931
ტიპი: პირადი ურთიერთობა
1931 წელს დავით კლდიაშვილმა სერგო კლდიაშვილს სიმონეთიდან მისწერა, რომ ნიკოლო მიწიშვილს ძალიან ემადლიერებოდა თავისი წიგნების გამოცემის მეთვალყურეობის გამო.
1931
ტიპი: პირადი ურთიერთობა
1931 წელს დავით კლდიაშვილმა სერგო კლდიაშვილს სიმონეთიდან მისწერა, რომ სახელმწიფო გამომცემლობა და გამომცემლობა „ქართული წიგნი“ ერთმანეთს ებრძოდნენ და თვითონ უნებურად აღმოჩნდა მათი ქიშპობის მსხვერპლი.
1931
ტიპი: პირადი ურთიერთობა
1931 წელს დავით კლდიაშვილმა სერგო კლდიაშვილს სიმონეთიდან მისწერა, რომ სახელმწიფო გამომცემლობა არღვევდა ხელშეკრულებას „ქამუშაძის გაჭირვების“ გამოქვეყნების თაობაზე.
1931
ტიპი: პირადი ურთიერთობა
1931 წელს დავით კლდიაშვილმა სერგო კლდიაშვილს სიმონეთიდან მისწერა და სთხოვა, თუკი მისი წიგნების გამოცემა კიდევ გაჭიანურდებოდა, შეეტანა განაცხადი სახელმწიფო გამომცემლობაში ხელშეკრულების გაუქმების შესახებ.
1931
ტიპი: პირადი ურთიერთობა
1931 წლის 19 იანვარს რაჟდენ გვეტაძემ შალვა სოსლანს მოსკოვში მისწერა, რომ თბილისში მალე გამოიცემოდა მისი ლექსების კრებული და მოთხრობა „ჭიაკოკონა“.
1931
ტიპი: პირადი ურთიერთობა
1931 წლის 22 თებერვალს შალვა რადიანმა რაჟდენ გვეტაძეს მისწერა და მოსთხოვა, მონაწილეობა მიეღო საქართველოს გასაბჭოების ათი წლისთავისადმი მიძღვნილ საზეიმო ღონისძიებაში, რომელიც 24 თებერვალს განათლების მუშაკთა სახლში გაიმართებოდა.
1930
ტიპი: პირადი ურთიერთობა
1930 წლის 7 ოქტომბერს „სალიტერატურო გაზეთის“ რედაქციამ ტიციან ტაბიძეს მისწერა, რომ თბილისის სამეურნეო შტაბის გადაწყვეტილებით სარეიდო ბრიგადებს უხელმძღვანელებდნენ მწერლები - დემნა შენგელაია, ტიციან ტაბიძე, შალვა აფხაიძე, კონსტანტინე ლორთქიფანიძე, ლეო ქიაჩელი და მხატვრები - იაკობ ნიკოლაძე, ლადო გუდიაშვილი და მოსე თოიძე.