ქშწკგს პროსოპოგრაფია

ფაქტები

რეგისტრირებული ფაქტები46338

1898

ტიპი: ღონისძიება

1898 წლის 17 დეკემბერს ქართულ დრამატულ საზოგადოებას ვასო აბაშიძისა და კოტე მესხის მიერ დადგმული ფრიდრიხ შილერის დრამა „ყაჩაღები“ უნდა წარმოედგინა.

1898

ტიპი: ღონისძიება

1898 წლის 17 დეკემბერს ქართულ დრამატულ საზოგადოებას ვასო აბაშიძის მიერ დადგმული კომედია „აირია მონასტერი“ უნდა წარმოედგინა, რომელშიც ვლადიმერ ალექსი-მესხიშვილი და ნატო გაბუნია-ცაგარელი მიიღებდნენ მონაწილეობას.

1898

ტიპი: ავტორობა

1898 წლის 11 დეკემბრის „ცნობის ფურცლის“ მიხედვით, კოტე მესხის მიერ შედგენილი კრებული „იმერული სცენები“ წერა-კითხვის გამავრცელებელი საზოგადოების წიგნის მაღაზიაში 5 კაპიკად იყიდებოდა.

1898

ტიპი: ავტორობა

1898 წლის 11 დეკემბრის „ცნობის ფურცლის“ მიხედვით, ზაქარია ჭიჭინაძე ქართული სამკურნალო მწერლობის ბიბლიოგრაფიულ წერილზე მუშაობდა.

1898

ტიპი: ავტორობა

1898 წლის 11 დეკემბერს გაზეთ „ცნობის ფურცელში“ გამოქვეყნდა მეორე ნაწილი ილია ფერაძის ისტორიული ნარკვევისა „წმ. დიდი მოწამე ქეთევან, კახეთის დედოფალი“.

1898

ტიპი: თანამდებობა

1898 წლის 11 დეკემბრის „ცნობის ფურცლის“ მიხედვით, ახალგაზრდა პუბლიცისტები, გიორგი ლასხიშვილი, ალექსანდრე ფრონელი, ივანე ზურაბიშვილი და კოტე ბაქრაძე ჟურნალ „მნათობის“ თანამშრომლები გახდნენ.

1898

ტიპი: ღონისძიება

1898 წლის 13 დეკემბერს ქართულ დრამატულ საზოგადოებას ვასო აბაშიძისა და კოტე მესხის მიერ დადგმული გოგოლის „რევიზორი” უნდა წარმოედგინა, რომელშიც ელისაბედ ჩერქეზიშვილი, გიორგი კანდელაკი, გედევან გედევანოვი, კონსტანტინე შათირიშვილი, ანა მესხი და დათიკო ხოსროევი მიიღებდნენ მონაწილეობას.

1898

ტიპი: ავტორობა

1898 წლის 9 დეკემბერს გაზეთ „ცნობის ფურცელში“ გამოქვეყნდა პირველი ნაწილი ილია ფერაძის ისტორიული ნარკვევისა „წმ. დიდი მოწამე ქეთევან, კახეთის დედოფალი“.

1898

ტიპი: ღონისძიება

1898 წლის 26 ნოემბერს ბათუმის თეატრმა ავქსენტი ცაგარლის კომედია „ბაიყუში“ წარმოადგინა, რომელშიც მთავარ როლს ნატალია გაბუნია-ცაგარელი ასრულდებდა.

1898

ტიპი: ღონისძიება

1898 წლის 9 დეკემბრის „ცნობის ფურცლის“ მიხედვით, კავკასიის ჯარის პოლკოვნიკი გიორგი ილიას ძე ორბელიანი რუსეთის სამხრეთ გუბერნიებში გაემგზავრა ადგილობრივი მმართველებისთვის შავი ჭირის წინააღმდეგ ბრძოლის გამოცდილების გასაზიარებლად.

1898

ტიპი: ღონისძიება

1898 წლის 9 დეკემბერს არქიმანდრიტ გერმოგენის სახლში წმინდა ანდრია პირველწოდებულის ძმობის წევრებისა და თანამოაზრეების შეკრება გაიმართა, რომელსაც ეგზარქოსი ფლაბიანე დაესწრო.

1898

ტიპი: ღონისძიება

1898 წლის 9 დეკემბრის „ცნობის ფურცლის“ მიხედვით, ეგზარქოსმა ფლაბიანემ თბილისის სასულიერო სემინარიაში დაარსებულ წმინდა ანდრია პირველწოდებულის ძმობას 100 მანეთი შესწირა.

1898

ტიპი: თანამდებობა

1898 წლის 9 დეკემბრის „ცნობის ფურცლის“ მიხედვით, თბილისის საგუბერნიო ექიმი ტიტე ქიქოძე წმინდა ანნას მესამე ხარისხის ორდენით დაჯიდლოვდა.

1898

ტიპი: ღონისძიება

1898 წლის 10 დეკემბერს ქართულ დრამატულ საზოგადოებას ილია ჭავჭავაძის „გლახა ჭრიაშვილი“ უნდა წარმოედგინა, რომელშიც ელისაბედ ჩერქეზიშვილი, გიორგი კანდელაკი, გედევან გედევანოვი და კონსტანტინე შათირიშვილი მიიღებდნენ მონაწილეობას.

1898

ტიპი: ავტორობა

1898 წლის 6 დეკემბრის „ცნობის ფურცლის“ მიხედვით, გრიგოლ ჩარკვიანის მიერ გამოცემული 1899 წლის კედლის კალენდარი თბილისის წიგნის მაღაზიებში 40 კაპიკად იყიდებოდა.

1878

ტიპი: ღონისძიება

1878 წლის 20 ივლისის „დროების“ ცნობით, იაკობ გოგებაშვილი სკოლებისთვის პატარ-პატარა ადვილად საკითხავი წიგნების გამოცემას გეგმავდა.

1898

ტიპი: ღონისძიება

1898 წლის 6 დეკემბერს კავკასიის მთავარმართებელი გრიგოლ გოლიცინი რიონის სადგურის მოსანახულებლად თბილისიდან იმერეთში გაემგზავრა.

1878

ტიპი: ავტორობა

1878 წლის 22 ივლისის „დროებაში“ ზაქარია მთაწმინდელის სტატია „ქოროღლი“ დაიბეჭდა.

1878

ტიპი: ღონისძიება

1878 წლის 21 ივლისის „დროების“ ცნობით, რედაქციამ ზაქარია ჭიჭინაძისგან საჩუქრად მიიღო პატარა წიგნი „ლექსთა კრება, ანუ საჩუქარი ქართველ ყმაწვილებს“.

1898

ტიპი: ავტორობა

1898 წლის 2 დეკემბერს გაზეთ „ცნობის ფურცელში“ გამოქვეყნდა მეორე ნაწილი ილია ფერაძის მიერ ქაშუეთის ეკლესიაში წაკითხული მოხსენებისა „ბავშვების აღზრდა ოჯახში“.

1898

ტიპი: ღონისძიება

1898 წლის 29 ნოემბერს სათავადაზნაურო ბანკში იაკობ მანსვეტაშვილის თავმჯდომარეობით საგანგებო კრება გაიმართა, რომლის მდივნად არტემ ახნაზაროვი აირჩიეს.

1898

ტიპი: ღონისძიება

1898 წლის 30 ნოემბერს თბილისის სასულიერო სემინარიის ეკლესიაში ეგზარქოსმა ფლაბიანემ და ეპისკოპოსმა კირიონმა სატაძრო დღესასწაულისადმი მიძღვნილი წირვა აღავლინეს.

1898

ტიპი: ღონისძიება

1898 წლის 2 დეკემბერს გაზეთ „ცნობის ფურცელში“ კავკავში წიგნებით მოვაჭრე ივანე მესხიევის განცხადება გამოქვეყნდა, რომლითაც ის ქართველ გამომცემლებს სთხოვდა, მისთვის ახალი წიგნები მიეწოდებინათ.

1898

ტიპი: მფლობელობა

1898 წლის 2 დეკემბრის „ცნობის ფურცლის“ მიხედვით, გორში უძრავი ქონების შეძენით დაინტერესებულნი პირობების დასაზუსტებლად ედუარდ ზაქარიას ძე სააკაშვილს უნდა დაკავშირებოდნენ.

1898

ტიპი: ღონისძიება

1898 წლის 3 დეკემბერს ქართული დრამატული საზოგადოება ვასო აბაშიძისა და კოტე მესხის მიერ დადგმულ კომედიას „აყალ-მაყალი ცოლ-ქმარს შუა“ წარმოადგენდა, რომელიც ქართულად ალექსანდრე ჭიჭინაძემ თარგმნა.