ქშწკგს პროსოპოგრაფია

ფაქტები

რეგისტრირებული ფაქტები46388

1917

ტიპი: ღონისძიება

1917 წლის 18 იანვარს ქართველთა შორის წერა-კითხვის გამავრცელებელმა საზოგადოებამ პოდპორუჩიკ ალექსანდრე გორგაძეს გადასცა ქართული წიგნები და რვეულები ქართველ მაჰმადიანთათვის დასარიგებლად ჭანეთში.

1917

ტიპი: ღონისძიება

1917 წლის 16 აპრილს გორის სამუსიკო სასწავლებელში ჩატარდა გორის სასოფლო-სამეურნეო საზოგადოების წლიური კრება. თავისი ნებით წასული სარევიზიო კომისიის წევრების ნაცვლად აირჩიეს ორი წევრი – პარმენ ჯაფარიძე და დიმიტრი დიასამიძე, ხაზინადრად – ექიმი ნიკო გაჩეჩილაძე.

1952

ტიპი: ავტორობა

1952 წელს ევგენი გეგეჭკორმა წერილი მისწერა იტალიის პრეზიდენტს მოსალოდნელი საფრთხისა და რუსული ბოლშევიზმის წინააღმდეგ ბრძოლის საჭიროების თაობაზე.

1917

ტიპი: თანამდებობა

1917 წლის 22 იანვარს ტრაპეზუნის ოლქის ქალაქ პლატანაში მოურავად დაინიშნა გორის მოურავად ნამყოფი ზაქარია ქიტიაშვილი.

1868

ტიპი: ღონისძიება

1868 წლის 2 დეკემბერს თბილისის სამოსამართლო პალატამ განიხილა 19 წლის სიმონ ანდრონიკაშვილის მიერ 16 წლის ანა აბაშიძის გატაცების საქმე და დაადგინა, ბრალდებულს ჩამორთმეოდა ხარისხი და ქონება და 4 წლით გადასახლებულიყო ციმბირში მადნის სათხრელ სამუშაოებზე, ხოლო მის მამას, დავით ანდრონიკოვს, რომლმაც ხელი შეუწყო ვაჟს, 8 თვით თავისუფლების აღკვეთა მიესაჯა; იგივე ბრალდებით 2-თვიანი და 6-თვიანი პატიმრობა მიესაჯა ბრალდებულის დას, მარიამ ანდრონიკაშვილსა და ბიძას, გრიგოლ მაყაშვილს.

1917

ტიპი: ღონისძიება

1917 წლის 5 თებერვალს გაიმართა ქართველთა შორის წერა-კითხვის გამავრცელებელი საზოგადოების ბორჯომის განყოფილების წევრთა წლიური კრება, რომელზეც თავმჯდომარედ აირჩიეს დეკანოზი იაკინთე გორგაძე, ხოლო გამგეობის წევრებად: კონსტანტინე ჯაფარიძე, ვალერიან ქავთარაძე და გიორგი ვაშაკიძე. ამავე კრებაზე აირჩიეს ასევე სარევიზიო კომისია.

1868

ტიპი: ღონისძიება

1868 წლის 24 მაისს თბილისის სამაზრო სასამართლოს უნდა განეხილა სახელმწიფო მრჩევლის გრიგოლ აივაზოვის ვექილის, ივანე მიზანდაროვის სარჩელი ივანე და ალექსანდრე ბაგრატიონ მუხრან-ბატონების წინააღმდეგ.

1868

ტიპი: ღონისძიება

1868 წლის 10 მაისს თბილისის სამაზრო სასამართლოს სამოქალაქო განყოფილებაში დანიშნული იყო სოფიო კირიაკოვას სარჩელის განხილვა ზაქარია ანდრონიკაშვილის წინააღმდეგ, რომელსაც მომჩივანი ვალის, 2400 მანეთის გადაუხდელობას ედავებოდა.

1918

ტიპი: ღონისძიება

1918 წლის 20 მარტს გაიმართა საქართველოს ეროვნული საბჭოს აღმასრულებელი კომიტეტის და დამფუძნებელი კრების პრეზიდიუმის სხდომა ნოე ჟორდანია თავმჯდომარეობით, რომელზეც ფინანსთა მინისტრს დაევალა ეროვნული საბჭოს მიერ მოთხოვნილი თანხების ფინანსური უზრუნველყოფა.

1924

ტიპი: თანამდებობა

1924 წლის აგვისტოში ალექსანდრე მაჭარაშვილი მასწავლებელი იყო შორაპნის მაზრაში.

1924

ტიპი: ორგანიზაცია

1924 წლის აგვისტოში ალექსანდრე მაჭარაშვილი სოციალ-დემოკრატიული პარტიის წევრი იყო.

1924

ტიპი: გარდაცვალება

1924 წლის აგვისტოში შორაპნის მაზრაში საბჭოთა ხელისუფლებამ 42 წლის ალექსანდრე მაჭარაშვილი დახვრიტა.

1921

ტიპი: გარდაცვალება

1921 წლის მარტში ბათუმისთვის ბრძოლაში დაღუპული გერმანე კვაჭაძე ლანჩხუთის რაიონის სოფ. ჭინათში დაკრძალეს.

1915

ტიპი: თანამდებობა

1915 წელს მებუკე ერ. ბიჭაშვილი მიხეილ კავსაძის გუნდში უკრავდა.

1915

ტიპი: ღონისძიება

1915 წლის 28 ივნისს ბაქოში ევტიხ თალაკვაძის რეჟისორობით წარმოადგინეს „უმუშევარნი“.

1915

ტიპი: პირადი ინფორმაცია

1915 წლის 6 ივლისს ვაჟა-ფშაველა ექიმებმა ივანე გომართელმა, სპირიდონ ვირსალაძემ, ვლადიმერ მახვილაძემ, შალვა მიქელაძემ და გრიგოლ მუხაძემ გასინჯეს.

1915

ტიპი: თანამდებობა

1915 წლის ივლისში ქუთაისის ქართული გიმნაზიის მასწავლებელი იაკობ თომას ძე ცინცაძე გიმნაზიის გამგემ სამსახურიდან გაათავისუფლა.

1915

ტიპი: ავტორობა

1915 წელს მიხეილ გერმანიშვილმა დაწერა ერთმოქმედებიანი ვოდევილი „სწავლა და სიღარიბე“.

1921

ტიპი: თანამდებობა

1921 წლის მარტში შალვა ზურაბის ძე ელიავა საბჭოთა საქართველოს სამხედრო-საზღვაო ძალების სახალხო კომისარი და სამხედრო რევოლუციური საბჭოს წევრი იყო.

1915

ტიპი: ავტორობა

1915 წლის 12 ივლისის ჟურნალში „თეატრი და ცხოვრება“ დაიბეჭდა ნიკოლოზ სიხარულიძის წერილი „თეატრი პროვინციაში“.

1915

ტიპი: ავტორობა

1915 წელს პეტრე მირიანაშვილმა შეადგინა წიგნი „ძველი და ახალი ქართული შაირობა“.

1921

ტიპი: ნასამართლეობა

1921 წლის მარტში, ემიგრაციაში გამგზავრების წინ, საქართველოს მთავრობამ ვანო სტურუა ბათუმის ციხიდან გაათავისუფლა.

1924

ტიპი: თანამდებობა

1924 წელს გიორგი ბოჭორიშვილი მასწავლებლად მუშაობდა სოფელ ალისუბანში.

1924

ტიპი: ღონისძიება

1924 წელს გიორგი ბოჭორიშვილი სოფელ ალისუბანში ცხოვრობდა.