ქშწკგს პროსოპოგრაფია

ფაქტები

რეგისტრირებული ფაქტები46506

ფილტრი:
ფაქტის ტიპი ღონისძიება

1874

ტიპი: ღონისძიება

1874 წლის 10 თებერვალს ილია ჭავჭავაძემ თბილისის გუბერნიის თავადაზნაურობის წინამძღოლს, რევაზ ანდრონიკაშვილს მოსკოვიდან თბილისში შეატყობინა, რომ ბანკის წესდებას სახელმწიფო საბჭოში 18 თებერვლამდე წარადგენდნენ.

1874

ტიპი: ღონისძიება

1874 წლის 12 ივლისის გაზეთ „დროებაში“ ილია ჭავჭავაძის, გრიგოლ ორბელიანისა და აკაკი წერეთლისადმი მიძღვნილი ლექსები დაიბეჭდა.

1873

ტიპი: ღონისძიება

1873 წელს სლეპცოვმა შეადგიმა საქართველოს ბანკის წესდება, ამიტომ ილია ჭავჭავაძის მიერ შედგენილი თბილისის ბანკის წესდების დამტკიცებას ხელს უშლიდა.

1890

ტიპი: ღონისძიება

1890 წლის 21 ნოემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე გადაწყდა, საზოგადოების კუთვნილი ძველი ფულების კატალოგი შეედგინათ და ექსპონატები ერთნაირი მონეტების გაცვლით გაემრავალფეროვნებინათ.

1874

ტიპი: ღონისძიება

1874 წლის აპრილის ბოლოს ილია ჭავჭავაძე ოლღა გურამიშვილთან ჩავიდა კარდანახში და ერთად წავიდნენ ყვარელში.

1882

ტიპი: ღონისძიება

1882 წლის 9 სექტემბერს ქართველთა შორის წერა-კითხვის გამავრცელებელმა საზოგადოებამ ილია ჭავჭავაძისა და გრიგოლ ყიფშიძის ხელმოწერით ქუთაისის სათავადაზანურო სკოლის ინსპექტორ ალექსი ჭიჭინაძეს შეტყობინება გაუგზავნა და სასწავლო პროგრამების წარმოდგენა სთხოვა.

1882

ტიპი: ღონისძიება

1882 წლის 6 სექტემბერს ილია ჭავჭავაძემ, როგორც ქართველთა შორის წერა-კითხვის გამავრცელებელი საზოგადოების თავმჯდომარის მოადგილემ თბილისის კომერციულ ბანკს შეტანილ თანხაზე ქვითრის გამოწერის მოთხოვნით მიმართა.

1905

ტიპი: ღონისძიება

1905 წლის 19 დეკემბერს პეტერბურგში მივლინებით წასულმა ილია ჭავჭავაძემ სახელმწიფო კანცელარიიდან მიიღო შეტყობინება, რომ 20 დეკემბერს დიმიტრი სოლსკისთან შესახვედრად მარიის სასახლეში გამოცხადებულიყო.

1874

ტიპი: ღონისძიება

1874 წლის აგვისტოში იაკობ გოგებაშვილმა კირილე ლორთქიფანიძეს შეატყობინა, რომ შეაგროვა ილია ჭავჭავაძესა და აკაკი წერეთელთან გადასათარგმნად გასაგზავნი რუსული საბავშვო ლექსები.

1890

ტიპი: ღონისძიება

1890 წლის 18 ივნისს ილია ჭავჭავაძემ სიტყვით მიმართა ერნესტო როსის მტკვრის სანაპიროზე, ვაზის ბაღში, როსის პატივსაცემად გამართულ ნადიმზე.

1890

ტიპი: ღონისძიება

1890 წლის 18 სექტემბერს ცენზურამ ილია ჭავჭავაძის ბროშურის „ქუთაისის ბანკის საქმე“ დაბეჭდვის ნება გასცა ახალი სათაურით „ქუთაისის ბანკის კომიტეტი და ბ-ნი ჩიკვაიძე“.

1874

ტიპი: ღონისძიება

1874 წლის 1-ელ სექტემბერს ილია ჭავჭავაძე თბილისის გუბერნიის თავად-აზნაურთა საგანგებო კრებას დაესწრო.

1874

ტიპი: ღონისძიება

1874 წლის 2 ნოემბერს ილია ჭავჭავაძე პეტერბურგში ზღვით გაემგზავრა.

1874

ტიპი: ღონისძიება

1874 წლის სექტემბრის ბოლოს ილია ჭავჭავაძე თიანეთში მამულების გაყოფას დაესწრო.

1890

ტიპი: ღონისძიება

1890 წლის 2 ოქტომბერს ილია ჭავჭავაძე ვახტანგ ვახტანგის ძე ორბელიანის დაკრძალვას დაესწრო და ქართველთა შორის წერა-კითხვის გამავრცელებელი საზოგადოებისა და „ივერიის“ რედაქციის სახელით გარდაცვლილის კუბო გვირგვინებით შეამკო.

1874

ტიპი: ღონისძიება

1874 წლის 1-ელ სექტემბერს თბილისის გუბერნიის თავადაზნაურობის საგანგებო კრებაზე, რომელსაც ილია ჭავჭავაძეც ესწრებოდა, სათავადაზნაურო ბანკის ზედამხედველობის კომიტეტი აირჩიეს.

1874

ტიპი: ღონისძიება

1874 წლის 15 ივლისს კონსტანტინე ბებუთაშვილის სახლში გამართულ შეხვედრაზე ილია ჭავჭავაძემ „მეფე ლირი“ წაიკითხა.

1874

ტიპი: ღონისძიება

1874 წლის 1-ელ სექტემბერს თბილისის გუბერნიის თავადაზნაურობის საგანგებო კრებაზე ილია ჭავჭავაძე თავის სიმამრს, თადეოზ ზაალის ძე გურამიშვილს შეხვდა.

1874

ტიპი: ღონისძიება

1874 წლის 4 სექტემბერს გამართულ თბილისის გუბერნიის თავადაზნაურობის კრებამ ხმათა უმრავლესობით დაამტკიცა კონსტანტინე ბებუთაშვილის წინადადება სათავადაზნაურო ბანკის წევრებად მხოლოდ მემამულეების მიღების შესახებ. ამ წინადადებას მხარს უჭერდა ილია ჭავჭავაძეც.

1890

ტიპი: ღონისძიება

1890 წლის 21 ნოემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე გამგეობას მოძრავი სკოლების გასახსნელად პირობების შესწავლა და დავით იესეს ძე ჩუბინაშვილის ბიბლიოთეკის წერა-კითხვის საზოგადოებისთვის გადასაცემად მოლაპარაკების წარმოება დაავალეს.

1874

ტიპი: ღონისძიება

1874 წლის 1-ელ სექტემბერს თბილისის გუბერნიის თავადაზნაურობის საგანგებო კრებაზე ილია ჭავჭავაძემ კრების წევრებს შესთავაზა, სათავადაზნაურო ბანკის მმართველობის ხარჯები გამგებლისა და დირექტორების ხელფასების ხარჯზე შეემცირებინათ.

1874

ტიპი: ღონისძიება

1874 წლის 1-ელ სექტემბერს თბილისის გუბერნიის თავადაზნაურობის საგანგებო კრებაზე ილია ჭავჭავაძემ თბილისის ბანკის წესდების დამტკიცებისა და ზედამხედველი კომიტეტის მიერ გაწეული სამუშაოს დეტალებზე ისაუბრა.

1882

ტიპი: ღონისძიება

1882 წლის 26 სექტემბერს ქართული დრამატულმა დასმა გრიგოლ არწრუნის თეატრში მისივე პოემა „დედა და შვილი“ დადგა. დედის როლს ნატო გაბუნია ასრულებდა, შვილისას – კოტე მესხი.

1882

ტიპი: ღონისძიება

1882 წლის 12 ოქტომბერს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, კერძო სკოლის თხოვნა მერხებით მომარაგების შესახებ არ დაკმაყოფილდა.

1906

ტიპი: ღონისძიება

1906 წლის 6 იანვარს „ცნობის ფურცელში“ გამოქვეყნდა დეპეშა, რომ 4 იანვარს ილია ჭავჭავაძე გიორგი ჟურულთან ერთად პეტერბურგიდან საქართველოში დაბრუნდა.