ქშწკგს პროსოპოგრაფია

ფაქტები

რეგისტრირებული ფაქტები46487

1885

ტიპი: ავტორობა

1885 წლის 16 თებერვლის „დროებაში“ კავკასიის სამეურნეო საზოგადოების ქუთაისის განყოფილების შესახებ კონსტანტინე ბაქრაძის განცხადება დაიბეჭდა.

1885

ტიპი: ღონისძიება

1885 წლის 15 თებერვლის „დროებაში“ გამოქვეყნებულ განცხადებაში ვალერიან გუნია აღნიშნავდა, რომ მის მიერ დადგმულ კონცერტში მონაწილეობაზე ელენე ანდრონიკაშვილმა სიტყვიერი თანხმობა განაცხადა, თუმცა შემდეგ გაზეთის საშუალებით ეს უარყო.

1885

ტიპი: ავტორობა

1885 წლის 13 თებერვლის „დროებაში“ ალექსანდრე მირიანაშვილის სტატია „ქართული წერის დედანი“ დაიბეჭდა.

1885

ტიპი: ავტორობა

1885 წლის 13 თებერვლის „დროებაში“ გამოქვეყნებულ განცხადებაში ელენე ანდრონიკაშვილი აღნიშნავდა, რომ ის ვალერიან გუნიას მიერ დადგმულ კონცერტში არ მონაწილეობდა.

1885

ტიპი: ღონისძიება

1885 წლის 12 თებერვალს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ილია ჭავჭავაძე თავმჯდომარეობდა გადაწყვიტეს, რომ ჟურნალ „ნობათის“ ხუთი ეგზემპლარი გამოეწერათ.

1885

ტიპი: ღონისძიება

1885 წლის 12 თებერვალს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ილია ჭავჭავაძე თავმჯდომარეობდა დაადგინეს, რომ სენაკის მაზრის სოფელ გულეიკარის სკოლისთვის სახელმძღვანელოები გაეგზავნათ.

1885

ტიპი: ღონისძიება

1885 წლის 12 თებერვალს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ილია ჭავჭავაძე თავმჯდომარეობდა, ყოფილ სტიპენდიატს შეახსენეს, რომ ყოველთვიური შემოსავლიდან ნაწილი უნდა გადაედო და მის დაფინანსებაზე დახარჯული თანხა საზოგადოებისთვის ნელ-ნელა დაებრუნებინა.

1885

ტიპი: ღონისძიება

1885 წლის 10 თებერვალს ვარვარა ზარუდნაიასა და ვლადიმერ ოპოჩინინის მონაწილეობით პირველი კლასიკური გიმნაზიის კურსდამთავრებულ ღარიბ მოსწავლეთათვის საზაფხულო თეატრში კონცერტი გაიმართა.

1885

ტიპი: თანამდებობა

1885 წლის 6 თებერვალს დიმიტრი ბაქრაძე ისტორიისა და არქეოლოგიური საზოგადოების კრების ვიცე-თავმჯდომარედ აირჩიეს.

1885

ტიპი: ღონისძიება

1885 წლის 2 თებერვალს ანასტასია ჩოლოყაშვილისა და ნიკოლოზ ჩოლოყაშვილის ხელმძღვანელობით თელავში წერა-კითხვის გამავრცელებელი საზოგადოების სასარგებლოდ „ბალი“ გაიმართა.

1885

ტიპი: ღონისძიება

1885 წლის 2 თებერვალს ნიკო ლეონიძის თაოსნობით ქვემო ჭალის სკოლის მოსწავლეებმა სკოლის სასარგებლოდ საქველმოქმედო წარმოდგენა გამართეს.

1885

ტიპი: ღონისძიება

1885 წლის თებერვალში ზ. ბარძემიშვილმა ქუთაისის სატუსაღოს წიგნები და კარადა შესწირა.

1885

ტიპი: ავტორობა

1885 წლის თებერვალში, დიმიტრი ბაქრაძის ცნობით, არქეოლოგიური საზოგადოების წევრთა კრება უნდა გამართულიყო.

1885

ტიპი: ღონისძიება

1885 წლის თებერვალში ფილიმონ ქორიძეს საეკლესიო გალობის აღდგენის კომიტეტმა ფსალმუნების ნოტებზე გადატანა სთხოვა. ორ წელიწადში მას 400 ნომერი უნდა შეექმნა და დაეცვა გურული საგალობლების მრავალფეროვნება. 

1885

ტიპი: ღონისძიება

1885 წლის თებერვალში თბილისიდან თიანეთში ჯარისთვის საბანაკო ადგილის შესარჩევად გაემგზავრნენ სამხედროები: ტროცკი, გალიფევი, ზაქარია გულბათის ძე ჭავჭავაძე და ივანე გივის ძე ამილახვარი.

1885

ტიპი: ღონისძიება

1885 წლის თებერვალში, თბილისის სასამართლო პალატაში ვასილ გეგელიასა და ნიკოლოზ მინგრელსკის საქმეს თავმჯდომარე იაკობ რაშეტი და წევრები ვ. სმიტენი და მიხეილ კრივეცკი განიხილავდნენ.

1885

ტიპი: ღონისძიება

1885 წლის თებერვალში თბილისის სასამართლო პალატაში ნიკოლოზ მინგრელსკისა და ვასილ გეგელიას საქმეზე ექსპერტებად მიწვეულნი იყვნენ დიმიტრი ბაქრაძე, რაფიელ ერისთავი და ივანე მაჩაბელი.

1885

ტიპი: ღონისძიება

1885 წლის თებერვალში გარბოვსკი თბილისის სასამართლო პალატაში ნიკოლოზ მინგრელსკის მიმდინარე საქმეზე ადვოკატი იყო.

1885

ტიპი: ღონისძიება

1885 წლის თებერვალში თბილისის სასამართლო პალატაში ვასილ გეგელიასა და ნიკოლოზ მინგრელსკის საქმე განიხილეს.

1885

ტიპი: ღონისძიება

1885 წლის თებერვალში პეტრე მელიქიშვილის საპატივსაცემო საღამო გაიმართა.

1885

ტიპი: ღონისძიება

1885 წლის თებერვლის „დროების“ მეშვეობით ივანე კაციტაძეს შეატყობინეს, რომ მის სტატიას „მასწავლებლის ქცევაზე“ დამადასტურებელი ფაქტების გარეშე ვერ დაბეჭდავდნენ.

1885

ტიპი: ღონისძიება

1885 წლის 30 იანვარს ბათუმის სკოლის მასწავლებელმა მოსე ივანეს ძე ნათაძემ ქართველთა შორის წერა-კითხვის გამავრცელებელი საზოგადოების მმართველობას მისწერა, რომ მისი სკოლის მოსწავლეს, აჭარელ მაჰმადიან ქართველს, 23-24 წლის მემედ ჯაყელს, სურდა, სწავლა თავად-აზნაურების სკოლაში გაეგრძელებინა და საზოგადოებას დახმარებას სთხოვდა. საზოგადოებამ უპასუხა, რომ უსახსრობის გამო ჯაყელს ვერ შეეწეოდა.

1885

ტიპი: ავტორობა

1885 წლის 30 იანვარს ბათუმის სკოლის მასწავლებელმა მოსე ივანეს ძე ნათაძემ ქართველთა შორის წერა-კითხვის გამავრცელებელი საზოგადოების მმართველობას მისწერა, რომ იანვარში წითელამ ძალიან შეაფერხა სწავლის პროცესი, ბავშვების დიდი ნაწილი ავად იყო, მაგრამ ყველამ სძლია ავადმყოფობას და სწავლა განაგრძო.

1885

ტიპი: ავტორობა

1885 წლის 30 იანვრის გაზეთ „დროებაში“ კოწია მაჭავარიანის ეთნოგრაფიული წერილის „აფხაზეთი“ დასასრული დაიბეჭდა.

1885

ტიპი: თანამდებობა

1885 წლის 30 იანვარს დავით ღამბაშიძე ქუთაისში საეკლესიო გალობის აღმდგენი კომიტეტის კრებას თავმჯდომარეობდა.