ქშწკგს პროსოპოგრაფია

ფაქტები

რეგისტრირებული ფაქტები41869

1920

ტიპი: ღონისძიება

1920 წლის 27 თებერვალს თბილისის ვაჟთა მე-2 გიმნაზიის სამეურნეო კომიტეტის სხდომაზე დაადგინეს აღძრულიყო სახალხო განათლების სამინისტროს წინაშე შუამდგომლობა, რათა ვაჟთა მე-2 გიმნაზიის სამეურნეო კომიტეტს ნება მისცემოდა გაეღო გიმნაზიის სპეციალური თანხიდან 1600 მან. მასწავლებელ ბარანოვსკისთვის შემწეობის აღმოსაჩენად.

1920

ტიპი: ღონისძიება

თბილისის ვაჟთა მე-2 გიმნაზიის სამეურნეო კომიტეტის თქმით, გიმნაზია იურიდიულად ვალდებული არ იყო ეზღვია გიმნაზიის პედაგოგის ნ. ნ. ბარანოვსკის ზარალი, რადგან როგორც გამოძიებიდან გაირკვა, ბარანოვსკი იქ მისულა იმ დროს, როდესაც გიმნაზიის დარაჯი არ მდგარა თავის პოსტზე და არც უნდა მდგარიყო. მაგრამ ზნეობრივად გიმნაზია ვალდებული იყო დახმარება გაეწია დაზარალებული მასწავლებლისთვის, რომელმაც ერთი წლის განმავლობაში ზედი-ზედ სამი პალატო დაკარგა.

1920

ტიპი: ღონისძიება

განათლების სამინისტრო გაეცნო თბილისის ვაჟთა მე-2 გიმნაზიის სამეურნეო კომიტეტის 1920 წლის 27 თებერვლის სხდომის ოქმების ამონაწერს, სადაც გიმნაზიის მასწავლებელი ნ. ნ. ბარანოვსკი ითხოვს შემწეობას, რადგან მას პალტო გიმნაზიის შენობაში დაეკარგა.

1920

ტიპი: ღონისძიება

1920 წლის 1-ლ მარტს განათლების სამინისტრომ განიხილა თბილისის ვაჟთა მე-2 გიმნაზიის დირექტორის თხოვნა გიმნაზიის მასწავლებელ ნ. ბარანოვსკისთვის დახმარების სახით 1600 მანეთის მიცემის შესახებ.

1919

ტიპი: ღონისძიება

1919 წლის 5 დეკემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას ესწრებოდნენ: თავმჯდომარის ამხანაგი თ. კიკვაძე, მდივანი ვ. ბურჯანაძე, წევრები: საპატიო თავმჯდომარე გ. ნიკ. ყაზბეგი, ქრ. შარაშიძე, ი. გიორგობიანი, შ. დედაბრიშვილი, ი. ვართაგავა, ნ. ნაკაშიძე, თავმჯდომარეობდა დ. კარიჭაშვილი

1919

ტიპი: ღონისძიება

1919 წლის 29 ნოემბერს დავით გიორგის ძე კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ფოთის მილიციელთა კავშირის გამგეობის თხოვნა მილიციის ახლად გახსნილი სამკითხველოს წიგნებით დახმარების შესახებ. გამგეობამ მისთვის 150 მანეთის წიგნების მიცემა გადაწყვიტა.

1919

ტიპი: ღონისძიება

1919 წლის 29 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საკითხი, რომ კანცელარიის თანამშრომელი ა. გძელიძე გიმნაზიისთვის მომზადებას იწყებდა. წიგნების შესაძენად მას 200 მანეთი სჭირდებოდა, რასაც ავანსად ითხოვდა. გამგეობამ მისი მოთხოვნა დააკმაყოფილა.

1919

ტიპი: ღონისძიება

1919 წლის 29 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს სამტრედიის კიოსკის ყოფილი გამგისა და პასუხისმგებელი ნოქრის კოპალეიშვილის თხოვნა კუთვნილი სალიკვიდაციო ფულის (11928 მანეთი) მიღების შესახებ. გამგეობის ცნობით, სამტრედიის განყოფილებას ლიკვიდაციის შემდეგ წიგნების კიოსკი თავისი ქონებით ქალაქის გამგეობას გადაეცა, რომელიც ხელწერილის თანახმად მოვალე იყო დანიშნულ ვადაში გადაეხადა განყოფილების ვალები. 15 ნოემბერს გამგეობას უნდა გადაეხადა 20058 მანეთი 42 კაპიკი. აქედან კოპალეიშვილისთვის უნდა მიეცა 11928 მანეთი. გამგეობის განჩინებით გადაწყდა, განმეორებით მოეთხოვოს პასუხი ქალაქის გამგეობას, რა მიზეზით არ აკმაყოფილებდა კოპალეიშვილს კუთვნილი ფულით.

1919

ტიპი: ღონისძიება

1919 წლის 29 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს გეგმის პროექტი წიგნის აგენტების შესახებ. გეგმის შედგენა მინდობილი ჰქონდა ვარლამ ბურჯანაძეს. გამგეობამ გადაწყვიტა, წარმოდგენილ ტექსტში შეეტანათ შესწორება და აღენიშნათ, რომ სახალხო საკითხავი წიგნები მიეცემოდათ აგენტებს საკომისიოდ და ფული განაღდებისთანავე ნაწილ-ნაწილ უნდა გადაეხადათ.

1919

ტიპი: ღონისძიება

1919 წლის 29 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას დაესწრნენ: თავმჯდომარის ამხანაგი თ. კიკვაძე, მდივანი ვ. ბურჯანაძე, წევრები: ი. ვართაგავა, ი. გიორგობიანი, ს. იაშვილი, ნ. ნაკაშიძე, მ. კაკაბაძე, შ. დედაბრიშვილი, თავმჯდომარეობდა დ. კარიჭაშვილი.

1919

ტიპი: ღონისძიება

1919 წლის 22 ნოემბერს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომაზე გიორგი ახვლედიანის „რუსული ენის მოკლე გრამატიკის“ დაბეჭდვის საკითხი განიხილეს. გამგეობამ გადაწყვიტა, 8 000 წიგნი დაებეჭდა. ახვლედიანმა ავანსად 5 000 მანეთი მიიღო.

1919

ტიპი: ღონისძიება

1919 წლის 22 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ზაქარია ფალიაშვილის თხოვნა, მიეცეს წიგნსაცავიდან სახლში სასარგებლოდ გუგუნავას გამოცემა „თამარიანი“ ოპერის შესადგენად. გამგეობამ გადაწყვიტა, მიეცათ საერთოდ მიღებული წესით.

1918

ტიპი: ავტორობა

განათლების მინისტრის მოადგილის, ალ. მდივნის 1918 წლის მოხსენებაში მინისტრთა საბჭოს წინაშე, ნათქვამი იყო, რომ ქუთაისის სახაზინო პალატამ ბათუმის ოლქის ყველა დაწესებულება ჯამაგირით დააკმაყოფილა. მხოლოდ ბათუმის ვაჟთა გიმნაზიის ლიკვიდაციისთვის დატოვა რამდენიმე თანამშრომელი. ლიკვიდაციის დასრულებამდე მათი ანაზრაურებისთვის 1 740 მანეთი იყო საჭირო. ამისთვის მან შესაბამისი განკარგულების გაცემა ითხოვა.

1919

ტიპი: ღონისძიება

1919 წლის 22 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს იასონ გაბილაია წინადადება: შეიძინა გამგეობას მისგან 25% დაკლებით 400 ცალი ფ. გოგიჩაიშვილის „პოლიტიკური ეკონომიის საფუძვლები“ . ცალი ღირდა 100 მანეთი, 400 ცალს 30000 მანეთი მოუწევდა. გამგეობამ გადაწყვიტა, შეეძინათ ნაღდზე ათი ცალი 25% დაკლებით.

1918

ტიპი: ღონისძიება

1918 წლის 20 აგვისტოს განათლების მინისტრ გიორგი ლასხიშვილის მოხსენებაში ჩოხატაურის დაწყებითი სასწავლებლისთვის მამულის შეძენის შესახებ ნათქვამია, რომ ჩოხატაურის მცხოვრებმა, დაბის აღმ. კომიტეტის რწმუნებულმა გრიგოლ თავდგირიძემ აღძრა შუამდგომლობა, რომ თავადაზნაურთა ყოფილმა წინამძღოლმა კ. ერისთავმა, რომელმაც საზოგადოებას სასწავლებლისთვის ორსართულიანი შენობა დაუთმო შეღავათიან პირობებში (150 000 მან. ღირებულების 25 პროცენტის დაკლებით), 10 000 მან. თვითონ შესწირა განყოფილებას. სააზოგადოებას დარჩენილი თანხის გადახდის საშუალებაც არ ჰქონდა, ამიტომ განათლების სამინისტროს სთხოვა, ეშუამდგომლა მთავრობის წინაშე ან ხაზინის ხარჯით შეეიძინათ შენობა, ან საზოგადოებისთვის რამდენიმეწლიანი სესხი მიეცათ.

1918

ტიპი: ღონისძიება

განათლების მინისტრი 1918 წლის 20 აგვისტოს მოხსენებაში მთავრობის წინაშე ითხოვდა შუამდგომლობას თბილისში სამი ქართული გიმნაზიის გახსნის შესაებ. ასევე, საჭირო იყო ერთი გიმნაზია რუსებისთვის, ერთი – სომხებისათვის და ერთიც რუს-სომეხთათვის.

1918

ტიპი: ავტორობა

განათლების მინისტრის 1918 წლის 20 აგვისტოს მოხსენებაში ნათქვამი იყო, რომ რესპუბლიკაში სწავლების ენად მოწაფეთა მშობლიური ენა უნდა გამოცხადებულიყო, ამიტომ დაუყოვნებლივ იყო გადასაწყვეტი ქართველ მოქალაქეთა შვილებისთვის სწავლების ენად ქართულის შემოღება. ეროვნულ უმცირესობებს უნდა ჰქონოდათ საშუალება საკუთარ ენაზე განათლების მიღების. რადიკალური გადაწყვეტილება იყო მისაღები თბილისის მთავრობის სასწავლებელთა დახურვის და შემდეგ ამა თუ ერისთვის შესაფერისი რაოდენობის სასწავლებელთა გახსნისთვის, რომლებშიც მოწაფეები ეროვნების მიხედვით განაწილდებოდნენ.

1918

ტიპი: ავტორობა

განათლების მინისტრის 1918 წლის 20 აგვისტოს მოხსენებაში ნათქვამი იყო, რომ თბილისის ვაჟთა სასწავლებლებელში (ვაჟთა გიმნაზიის ჩათვლით) 5 500 კაცი სწავლობდა, ეროვნების მიხედვით ეს მოწაფეები ასე ნაწილდებოდნენ: ქართველი – 1736, რუსი – 1624, სომეხი – 1477.

1918

ტიპი: ღონისძიება

განათლების მინისტრის 1918 წლის 20 აგვისტოს მოხსენებაში „ტექნიკური სასწავლებლის პედაგოგების აგვისტოს ჯამაგირებით დასაკმაყოფილებლად 5087 მან. 54 კაპ. გამოყოფის შესახებ“ ნათქვამია, რომ ხარჯთაღრიცხვა უკვე გადაეგზავნა ფინანსთა მინისტრს, მაგრამ დამტკიცება შეიძლება დაგვიანდეს და მასწავლებელთა მდგომარეობა აუტანელი იქნება, ამიტომ მინისტრთა საბჭოს სთხოვს ამ თანხის გაღებას.

1970

ტიპი: ავტორობა

1970 წელს ზეინაბ ზარქუამ ქრისტინე შარაშიძეს გორიდან თბილისში გაუგზავნა 8 მარტის მისალოცი ბარათი.

1915

ტიპი: ავტორობა

1915 წელს ქრისტინე შარაშიძეს ყოფილმა მოსწავლემ, ნინო ესებუამ პირადი წერილით შეატყობინა, რომ მისი ქართული ენის მასწავლებელი იყო ფატი ხუნდაძე.

1918

ტიპი: ავტორობა

1918 წლის 26 ოქტომბერს სახელმწიფო კონტროლიორმა ფილიპე გოგიჩაიშვილმა რესპუბლიკის მთავარმართველობას აცნობა, რომ სახელმწიფო კონტროლი გაგრის რეალური სასწავლებლისა და ორი პირველდაწყებითი სკოლის ხარჯების დასაფარად 15 000 მან. გაღებაზე თანახმა იყო.

1918

ტიპი: ღონისძიება

განათლების მინისტრის მოადგილემ ალ. მდივანმა 1918 წლის 17 აგვისტოს მინისტრთა საბჭოს მიმართა შუამდგომლობით უნივერსიტეტის სახელმწიფო უნივერსიტეტად გადაკეთებისა და ყოფ. სათავადაზნაურო გიმნაზიის შენობის მისთვის დათმობის თაობაზე, აღნიშნა, რომ სიბრძნისმეტყველების ფაკულტეტს მათემატიკურ-საბუნებისმეტყველო და სამკურნალო ფაკულტეტები ემატება, ამიტომ უნივერსიტეტს სასწრაფოდ უნდა დაეთმოს გიმნაზიის შენობა და ის განთავისუფლდეს მფრინავი რაზმისა და ლტოლვილებისგან, თორემ უნივერსიტეტს დადგენილების შესრულების საშუალება არ ექნება, რადგან ლაბორატორიებისა და აუდიტორიებისთვის ადგილი და მოწყობილობა არ აქვს.

1961

ტიპი: ავტორობა

1961 წლის 27 მარტს თინათინ ენუქიძემ ქრისტინე შარაშიძეს შეატყობინა, რომ შეასრულებდა მის დავალებას.

1918

ტიპი: ავტორობა

განათლების მინისტრის 1918 წლის 6 აგვისტოს მოხსენებაში მინისტრთა საბჭოსადმი – რესპუბლიკაში არაქართველ მოქალაქეთა სწავლა-აღზრდის მოწესრიგების საკითხზე – ხაზგასმულია, რომ სკოლების რეორგანიზაციას ხელს უშლის არაქართველ მოწაფეთა მდგომარეობის გაურკვევლობა. სურთ თუ არა არაქართველ მშობლებს, საქართველოს მოქალაქეთ, შვილები იმ სასწავლებლებში დატოვონ, რომლებში სწავლებაც დედაენაზე იქნება, სამინისტროს ანკეტირების მიხედვით, თითქმის არავის უნდა საქართველოს მოქალაქეობა, ამავე დროს, დაჟინებით ითხოვენ, მთავრობამ გაუხსნას სრულუფლებიანი სკოლები სახელმწიფო ხარჯით. მინისტრთა საბჭომ უნდა გაარკვიოს, რა უფლებებს ანიჭებს სახელმწიფო არაქართველ მოქალაქეებს სწავლის საქმეში.