ქშწკგს პროსოპოგრაფია

ფაქტები

რეგისტრირებული ფაქტები41868

1918

ტიპი: ღონისძიება

1918 წლის 26 ივლისს განათლების მინისტრმა მიმართა მთავრობის თავმჯდომარეს, რომ სომეხთა ეროვნული საბჭოს წარმომადგენლის, ტიგრანიანის პროტესტი ყოფილი სამოსწავლო ოლქის ლიკვიდაციის წესის წინააღმდეგ უკვე გაუგზავნა და ახლა უგზავნის ისეთივე პროტესტს აზერბაიჯანის რესპ. წარმომადგენლის გამიდ-ბეკ შახტახტინსკისას. სასწავლო კომისარიატის ლიკვიდაცია უკვე ხორციელდება კომისარ იშკოვის ხელმძღვანელობით, რომელსაც წინადადება მიეცა, აზერბაიჯანის საქმეები აზერბაიჯანის კანონიერ რწმუნებულს გადასცეს.

1918

ტიპი: ღონისძიება

1918 წლის 17 ივლისს განათლების მინისტრი მიმართავს მთავრობის თავმჯდომარეს, რომ მთავრობამ დაადასტურა სამინისტროს დადგენილება სასწავლო კომისარიატის (ყოფ. სასწავლო ოლქის) გაუქმების შესახებ და შეიწყნარა მისი ლიკვიდაციის გეგმა, რომელიც უნდა განხორციელდეს ერთი თვის განმავლობაში კომისარ იშკოვის ხელმძღვანელობით. თან უგზავნის ამ გეგმის მოწინააღმდეგის, სომეხთა განყოფილების კომისრის, ს. ტიგრანიანის საპროტესტო წერილს.

1919

ტიპი: ავტორობა

1919 წელს განათლების სამინისტრომ სენაკის ვაჟთა გიმნაზიის დირექტორს გაუგზავნა ცნობა, რომ გიმნაზიაში უცხო ენების მასწავლებელი ნინო ბარანოვსკაია მისივე თხოვნის თანახმად, განთავისუფლებული იყო თანამდებობიდან იმავე წლის 10 სექტემბრიდან.

1918

ტიპი: თანამდებობა

1918 წლის 11 სექტემბერს, მართლმადიდებლურ-ქრისტიანული ახალგაზრდული კავშირის განცხადებით, ნინა ივანეს ასული ბარანოვსკაია საბავშვო ბაღის მართლმადიდებლურ-ქრისტიანული ახალგაზრდული კავშირის თავმჯდომარე იყო.

1919

ტიპი: ღონისძიება

1919 წლის 6 სექტემბერს სახალხო განათლების სამინისტრომ სენაკის ვაჟთა გიმნაზიის დირექტორს გაუგზავნა წერილი, რომლის მიხედვითაც, გიმნაზიაში იმავე წლის 1-ელი სექტემბრიდან ფრანგული და გერმანული ენის მასწავლებლად დაინიშნა ანა ივანეს ასული ტუგან-ბარანოვსკაია.

1919

ტიპი: ღონისძიება

1919 წლის 2 დეკემბერს განათლების სამინისტრომ მამა-დავითის უმაღლეს დაწყებითი სასწავლებლის გამგეს მისწერა, რომ მინისტრის ამხანაგის ბრძანების თანახმად, ხსენებულ სასწავლებელში მათემატიკის მასწავლებლად დანიშნული იყო ნინო გრიგორის ასული ბარათაშვილი 1919 წლის 1-ლი დეკემბრიდან. ხელს აწერს კანცელარიის დირექტორი ვუკოლ ბერიძე.

1919

ტიპი: ღონისძიება

1919 წლის 22 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს დავით ბაქრაძის თხოვნა, რომ მთავარმა გამგეობამ განათლების სამინისტროს მიმართოს თხოვნით, რათა მან თავის მხრივ აღძრას შუამდგომლობა გზათა მინისტრის წინაშე, რომ ამ უკანასკნელმა დავით ბაქრაძეს მისცეს რკინიგზით უფასო სიარულის ნება. ბაქრაძე წიგნების გამყიდველი იყო. გამგეობამ გადაწყვიტა, თხოვნა გადაეგზავნოს განათლების სამინისტროს ცნობით, რომ ბატონი ბაქრაძე ნამდვილად ავრცელებს წიგნებს.

1919

ტიპი: ღონისძიება

1919 წლის 22 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს თევდორე კიკვაძის მოხსენება წიგნების გასავრცელებლად აგენტურის მოწყობის შესახებ. გამგეობამ დაადგინა, თ. კიკვაძის მოხსენება მიეღოთ, შეედგინათ სახელმძღვანელო გეგმა წიგნების გავრცელების შესახებ არსებულ კულტურულ საზოგადოებრივ დაწესებულებათა საშუალებით. შემუშავებული გეგმა გამოცემულ წიგნების სიასთან ერთად დაგზავნოდა ერობებს, კოოპერატივებს, რკინიგზის კომიტეტებს, კულტურულ-განმანათლებელ წრეებს და სხვებს, მოეთხოვათ პასუხი, თუ რა პირობებში იკისრებდნენ აღნიშნული დაწესებულებები მოვალეობას მათი გამოცემების გავრცელების საქმეში.

1919

ტიპი: ღონისძიება

1919 წლის 3 მაისს თბილისის ქალთა გიმნაზიის დირექტორმა გრიგოლ ლორთქიფანიძემ თბილისის უმაღლეს და საშუალო სკოლების მთავარ გამგებელს გაუგზავნა წერილი, რომელშიც იუწყებოდა, რომ აღნიშნული გიმნაზიის ხელსაქმის მასწავლებელ ალექსანდრა ბალტინგს ჰქონდა ექვსი გაკვეთილი და ამიტომ ხუთეული ჯილდო ეძლეოდა გაკვეთილების პროპორციის მიხედვით.

1919

ტიპი: ღონისძიება

1919 წლის 22 ნოემბერს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას ესწრებოდნენ: თავმჯდომარის ამხანაგი თევდორე კიკვაძე, მდივანი ვარლამ ბურჯანაძე და წევრები: შიო დედაბრიშვილი, კირილე ნინიძე, ნინო ნაკაშიძე, იპოლიტე ვართაგავა, ი. გიორგობიანი, ვასილ წულაძე, მეთოდე კაკაბაძე. კირილე ნინიძე და ნინო ნაკაშიძე სხდომას ბოლომდე არ დასწრებიან.

1919

ტიპი: ღონისძიება

1919 წლის 8 მაისს სახალხო განათლების სამინისტრომ თბილისის ქალთა მე-6 გიმნაზიის დირექტორ გრიგოლ ლორთქიფანიძეს გაუგზავნა წერილი პასუხად მათი მონაწერისა,რომელშიც განათლების სამინისტრო იუწყება, რომ აღნიშნული გიმნაზიის ხელსაქმის მასწავლებელ ალექსანდრა მიხეილის ასულ ბალტინგს ხუთეული ჯილდო უნდა მისცემოდა გაკვეთილების რიცხვის პარალელურად.

1919

ტიპი: ღონისძიება

1919 წლის 15 ნოემბერს დავით კარიჭაშვილის თავმჯდომარებით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე თევდორე კიკვაძის მოხსენება განიხილეს ქართული შრიფტის გამარტივების შესახებ. გამგეობამ ამ საქმის ხელმძღვანელად თევდორე კიკვაძევე დანიშნა.

1919

ტიპი: ღონისძიება

1919 წლის 15 ნოემბერს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს თევდორე კიკვაძის მოხსენება გეოგრაფიული რუკის (საქართველოს საზღვრები) გამოცემის შესახებ. გამგეობამ დაადგინა, რომ კონსტანტინე მესხიშვილთან დაბეჭდილიყო 2000 ცალი რუკა.

1919

ტიპი: ღონისძიება

1919 წლის 15 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საკითხი, რომ ზუგდიდის კოოპერატივთა სარაიონო კავშირი თხოულობს, მიეცეს მას ნისიად 40000 მანეთის წიგნები. გამგეობის ცნობით, მას ნისიად ჰქონდა წაღებული 86000 მანეთის წიგნები, შემოუტანია 70 ათასი, დარჩა 16000 მანეთი. გამგეობამ დაადგინა, მიეცეს წიგნები ერთი თვის ვადით.

1919

ტიპი: ღონისძიება

1919 წლის 15 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს განათლების სამინისტროს უწყება, რომ მან უკვე აღძრა შუამდგომლობა მომარაგების სამმართველოს წინაშე, რათა საზოგადოების მთავარ გამგეობას გადმოსცეს 10000 ფუთი ქაღალდი საწყობებში შესანახად და სახარჯოდ თავისი საჭიროებისათვის. გამგეობამ ცნობად მიიღო ეს და დაადგინა, საჭიროების დროს დაექირავებინა საწყობი.

1919

ტიპი: ღონისძიება

1919 წლის 15 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს თევდორე კიკვაძის მოხსენება „ბუნების კარის“ შესწორების შესახებ. სახელმძღვანელოს შესასწორებლად არჩეულია კომისია 8 კაციანი შემადგენლობით, რომელიც შეუდგა მუშაობას. ამისთვის უნდა გადაიდოს 100000 მანეთი. თითოეულ თამანშრომელს, რომელთა რიცხვი არ უნდა აღემატებოდეს 9-ს, უნდა მიეცეს 2000 მანეთი 5 თვის განმავლობაში, რაც ამ ვარაუდით შეადგენს 90000 მანეთს, ხოლო 10000 მანეთი დამხმარე პირთათვის. გამგეობამ დაადგინა, გადაიდოს „ბუნების კარის“ შესასწორებლად 100000 მანეთი. აქედან 90000 მანეთი მიეცეს ჰონორარად შემსწორებლებს, რომელთა რიცხვი არ უნდა აღემატებოდეს 9 კაცს. ჰონორარი ეძლიოს 1-ლი ნოემბრიდან თითოეულს თვეში 2000 მანეთი ხუთი თვის განმავლობაში. გამგეობამ დაამტკიცა შემსწორებელთა სია: დ. კარიჭაშვილი, ს. იაშვილი, იპ. ვართაგავა, ს. გულისაშვილი, შ. დედაბრიშვილი, ი. გომელაური.

1919

ტიპი: ღონისძიება

1919 წლის 15 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს გამგეობის თავმჯდომარის ამხანაგ თ. კიკვაძის განცხადება „დედაენის“ შესწორების შესახებ. სახელმძღვანელოს ორივე ნაწილის შესწორებაზე 1-ლი ნოემბრიდან მუშაობდა 6 კაცი: მეთოდე კაკაბაძე, ილია გიგია, ფილიპე მგელაძე, გიორგი ჭუმბურიძე, ვარლამ ბურჯანაძე და თევდორე კიკვაძე. დადგენილების თანახმად, „დედაენის“ შესასწორებლად გადადებული იყო 170000 მანეთი აქედან 60000 მანეთი უნდა მიეცეს ჰონორარად ზემოხსენებულ ექვს პირს, თითოეულს მათგანს უნდა ეძლიოს თვეში 2000 მანეთი. გამგეობამ დაამტკიცა ეს საკითხი.

1919

ტიპი: ღონისძიება

1919 წლის 15 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას ესწრებოდნენ: თავმჯდომარის ამხანაგი თ. კიკვაძე, მდივანი ვ. ბურჯანაძე, წევრები: მ. კაკაბაძე, ი. გიორგობიანი, შ. დედაბრიშვილი, ს. იაშვილი, ი. ვართაგავა, თავმჯდომარეობდა დ. კარიჭაშვილი.

1918

ტიპი: ავტორობა

1918 წლის 20 ივლისს განათლების მინისტრი გიორგი ლასხიშვილი ხონის საოსტატო სემინარიის შესახებ მოხსენებით წარდგა მინისტრთა საბჭოს წინაშე. პედაგოგიური საბჭოს ხარჯთაღრიცხვის მიხედვით, სახურავის შესაკეთებლად და შესაღებად საჭირო იყო 3510 მანეთი. სამინისტრო მხარს უჭერდა თხოვნას და შუამდგომლობდა მინისტრთა საბჭოს წინაშე, რომ ხაზინიდან ეს თანხა გაეცათ.

1919

ტიპი: ღონისძიება

1919 წლის 8 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს „ბუნების კარის“ სალიტერატურო განყოფილების გამსწორებელი კომისიის აზრი მისი შესწორების შესახებ. კომისიის აზრით, „ბუნების კარს“ უნდა დარჩენოდა ენციკლოპედიური ხასიათი და მეთოდი, აგრეთვე მასალის დალაგების სისტემაც. გამგეობამ საკითხის განხილვა გადადო.

1919

ტიპი: ღონისძიება

1919 წლის 8 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ინსტრუქციების პროექტი წიგნთსაწყობის გამგის, წიგნების გამომცემლობის ხელმძღვანელის, მდივნის, ხაზინადარის და კორექტორისთვის. გამგეობამ შესწორებით დაამტკიცა თავმჯდომარის და წიგნების გამომცემლობის გამგის ინსტრუქციების პროექტები, დანარჩენი ინსტრუქციების პროექტების განხილვა გადაიდო შემდეგი კრებისთვის.

1918

ტიპი: ღონისძიება

განათლების მინისტრის 1918 წლის 12 ივნისის მოხსენება მინისტრთა საბჭოს თბილისის ქართული გიმნაზიისთვის დახმარების – 18 893 მან. 54 კაპ. გამოყოფის შესახებ. გამგე კომიტეტი თბილისის ქალთა და ვაჟთა გიმნაზიების შესანახად ქართ-კახეთის თავადაზნაურობისგან ყოველწლიურად იღებდა 85 000 მანეთს. შეცვლილი პოლიტიკური მდგომარეობის გამო ეს სუბსიდია 1-ლი იანვრიდან მოესპო და კომიტეტს სჭირდება თანხები თანამშრომელთა ივნისისა და ივლისის ჯამაგირებით დასაკმაყოფილებლად.

1919

ტიპი: ღონისძიება

1919 წლის 8 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს კონსტანტინოპოლში მყოფი საქართველოს მისიის შუამდგომლობა იქ მცხოვრებ ქართველ მაჰამდიანთათვის ქართული სკოლის დაარსების შესახებ. საგარეო საქმეთა სამინისტროს აზრით, სკოლის დაარსებას კონსტანტინოპოლში დიდი მნიშვნელობა ექნებოდა. გამგეობამ გადაწყვიტა, მიეწერა საგარეო საქმეთა სამინისტროსთვის, რომ საზოგადოების გამგეობა სიამოვნებით იკისრებდა კონსტანტინოპოლში ქართული სკოლის გახსნას, რისთვისაც შეიმუშავებდა შესაფერის გეგმას და ხარჯთაღრიცხვას.

1919

ტიპი: ღონისძიება

1919 წლის 8 ნოემბერს დავით გიორგის ძე კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ვარლამ ბურჯანაძის მოხსენება სკოლებისა და ბიბლიოთეკების ქონების გადაცემის შესახებ. როგორც მოხსენებიდან ჩანდა, ვ. ბურჯანაძემ ატენის და ვარიანის სკოლები გორის სამაზრო ერობას გადასცა, აკაურთას სკოლა – ბორჩალოს სამაზრო ერობას, სამტრედიის ბიბლიოთეკა-სამკითხველო და წიგნის სავაჭრო კიოსკი წიგნებით – ქალაქის გამგეობას. საზოგადოების გამგეობამ მოხსენება ცნობად მიიღო და სამტრედიის თვითმართველობას ვალად 37590 მანეთი და 64 კაპიკი დააწერა.

1918

ტიპი: თანამდებობა

1918-1919 წლებში ვასილ დავითის ძე მამულოვი სახალხო განათლების სამინისტროს თანამშრომელი იყო.