ქშწკგს პროსოპოგრაფია

ფაქტები

რეგისტრირებული ფაქტები46539

1919

ტიპი: ღონისძიება

1919 წლის 7 მარტს მთავარგამგე გრიგოლ ნათაძემ და საქმისმწარმოებელმა ვარლამ ძიძიგურმა გორის საოსტატო სემინარიის დირექტორს კირილე არველაძეს აცნობეს, რომ ნება ეძლეოდა მათემატიკის გაკვეთილებისთვის გადადებული თანხიდან თავისთვის გამოეწერა ოთხი გაკვეთილის ანაზღაურება – 75 მანეთი.

1919

ტიპი: ავტორობა

1919 წლის 27 იანვარს გორის საოსტატო სემინარიის დირექტორის თანამდებობის აღმასრულებელმა კირილე არველაძემ უმაღლეს და საშუალო სასწავლებლის მთვარგამგეს მისწერა, რომ მათემატიკის მასწავლებლის ფალავანდიშვილის გარდაცვალების შემდეგ, 1918 წლის პირველი ნოემბრიდან არითმეტიკის მეთოდიკასა და პრაქტიკულ გაკვეთილებს თავად ასწავლიდა. კვირაში 4 გაკვეთილის ჩატარება უწევდა.

1918

ტიპი: თანამდებობა

1918 წლის 10 სექტემბერს გორის საოსტატო სემინარიის პედაგოგს კირილე არველაძეს აცნობეს, რომ 1918 წლის პირველი სექტემბრიდან საოსტატო სემინარიის დირექტორის თანამდებობის აღმასრულებლად დაინიშნა. სთხოვეს, თანამდებობის წარმომადგენლისგან საქმე და ქონება სათანადო აქტის შედგენით ჩაებარებინა და მოვალეობის აღსრულებას შედგომოდა.

1919

ტიპი: ღონისძიება

განათლების სამინისტრომ იაკობ ღულაძეს მისწერს, რომ 1919 წლის 1-ლი იანვრიდან თბილისის ვაჟთა პირველი გიმნაზიის თავისუფლად დაქირავებულ მუსიკის მასწავლებლად დაინიშნა ვ. ა. გონსიორსკი.

1919

ტიპი: ავტორობა

იაკობ ღულაძემ განათლების სამინისტროს მისწერა, რომ 1919 წლის 1-ელი იანვრიდან თბილისის ვაჟთა პირველ გიმნაზიაში მუსიკის მასწავლებლად დაენიშნათ ვ. ა. გონსიორსკი, რომელსაც წლიურ ჯამაგირს, 840 მანეთს, გიმნაზია სპეციალური ხარჯებიდან გადაუხდიდა.

1920

ტიპი: ავტორობა

1920 წლის 13 ოქტომბერს გაზეთ „ნაციონალისტის“ მეთორმეტე ნომერში გამოქვეყნდა კ. სვიმონიშვილის სტატია „კორესპონდენცია ბორჩალოს რევიზიის გამო“.

1918

ტიპი: ავტორობა

1918 წელს ხონის სამასწავლებლო სემინარიის მასწავლებელი დოროთე ალექსანდრეს ასული ფირცხალავა განათლების სამინისტროს სთხოვს სამუშაო ადგილს კომერციულ ან ტექნიკურ სასწავლებელში.

1918

ტიპი: ავტორობა

1918 წლის 16 აგვისტოს ჩხოროწყუს უმაღლესი დაწყებითი ოთხკლასიანი სასწავლებლის გამგე ვლადიმერ მიხეილის ძე სოსელია მიმართავს განათლების სამინისტროს პროფესიონალურ სასწავლებელთა განყოფილების გამგეს, რომ აუცილებელი გარემოებებით მას უწევს გადმოსვლა თბილისში და სთხოვს დაეხმაროს იქ შესაბამისი სამსახურის შოვნაში.

1918

ტიპი: პირადი ინფორმაცია

1918 წლის 27 დეკემბერს გრიგოლ ისიდორეს ძე ნიორაძე მიმართავს თბილისის მეშვიდე გიმნაზიის დირექტორ ნიკოლოზ ჩიგოგიძეს, დაუნიშნოს გამოცდები მესამე კლასში მისაღებად.

1920

ტიპი: ავტორობა

1920 წელს იუსტიციის მინისტრმა რაჟდენ არსენიძემ თანაშემწედ სოციალ-დემოკრატის დანიშვნა მოითხოვა.

1920

ტიპი: ორგანიზაცია

1920 წელს „ნაციონალისტში“ გამოქვეყნდა ცნობა, რომ გიორგი ჟორდანიას გადადგომის შემდეგ იუსტიციის დეპარტამენტის დირექტორის თანამდებობა გაუქმდა და დაწესდა მინისტრის თანაშემწის თანამდებობა.

1920

ტიპი: თანამდებობა

1920 წლის 11 ოქტომბერს იუსტიციის დეპარტამენტის დირექტორი გიორგი ჟორდანია გაათავისუფლეს თანამდებობიდან მისივე მოთხოვნის საფუძველზე.

1920

ტიპი: ღონისძიება

1920 წლის 6 ოქტომბერს მთავრობის თავმჯდომარის კაბინეტში გამართულ თათბირზე საზოგადოება „ჩემოს“ წარმომადგენელმა, კონსტანტინე თუმანიშვილმა ნოე ჟორდანია სახელმწიფოს წინააღმდეგ კერძო პირის ინტერესების დაცვაში დაადანაშაულა.

1920

ტიპი: ავტორობა

1920 წლის 13 ოქტომბერს გაზეთ „ნაციონალისტში“ გამოქვეყნდა მ. იშხნელის სტატია „სამხედრო სკოლის პირველი ნაყოფი“.

1919

ტიპი: პირადი ინფორმაცია

1919 წლის 3 მაისს ქალთა მეშვიდე გიმნაზიის ყოფილი ხაზინადარი ფეოდორ ვასილის ძე პროხოროვი განათლების მინისტრს გიორგი მიხეილის ძე ლასხიშვილს გიმნაზიასთან არსებული ინტერნატის ბინაში ცხოვრების ვადის გახანგრძლივებას სთხოვდა.

1919

ტიპი: ღონისძიება

1919 წლის 18 მარტს განათლების სამინისტროს დირექტორმა ვუკოლ ბერიძემ ალექსანდრე წერეთელს, თბილისის ქალთა მე-7 გიმნაზიის დირექტორს მისწერა, რომ უფროსი ქალი თამარ ჯავახიშვილი დროებით ქალთა ინსტიტუტის გამგედ დაინიშნა.

1919

ტიპი: ღონისძიება

1919 წლის 6 სექტემბერს მთავარგამგე სერგი დანელიამ და საქმისმწარმოებელმა ნიკოლოზ აბესაძემ თბილისის ქალთა მე-3 გიმნაზიის დირექტორს აცნობეს, რომ პირველი სექტემბრიდან გიმნაზიასთან არსებული უმაღლეს პირველდაწყებითი სასწავლებლის ისტორიის მასწავლებლად ოლღა აპელი დაინიშნა.

1919

ტიპი: ღონისძიება

1919 წლის 5 სექტემბერს თბილისის ქალთა მე-3 გიმნაზიის დირექტორმა ევგენი ჭოღოშვილმა სახალხო განათლების სამინისტროს სთხოვა, პირველი სექტემბრიდან მისდამი რწმუნებულ სასწავლებელში ისტორიის მასწავლებლად ოლღა აპელი, ყოფილი კლასის დამრიგებელი, დაეშვათ. ხელს აწერენ დირექტორი ევგენი ჭოღოშვილი და საქმისმწარმოებლის ნაცვლად დარანწურაშვილი.

1920

ტიპი: ღონისძიება

განათლების სამინისტროს მთავარგამგე გიორგი ჭუმბურიძემ სენაკის სამაზრო ერობას შუამდგომლობის პასუხად აცნობა, რომ 1920 წლის პირველი მაისიდან ფედოსია ანჯაფარიძე ონტოფოს უმაღლესი დაწყებითი სასწავლებლის გამგის თანამდებობაზე დამტკიცდა.

1920

ტიპი: პირადი ინფორმაცია

1920 წლის 10 მაისის ფეოდოსია ალექსანდრეს ასული ანჯაფარიძის ნამსახურებით სიაში ეწერა, რომ ის არ იყო დაოჯახებული. 1920 წლის 14 მაისს ნამსახურებითი სიის ნამდვილობას ხელის მოწერითა და ბეჭდის დასმით ადასტურებს ახალსენაკის განათლების განყოფილების გამგე.

1920

ტიპი: პირადი ინფორმაცია

1920 წლის 10 მაისის ფეოდოსია ალექსანდრეს ასული ანჯაფარიძის ნამსახურებით სიაში წერია, რომ იგი არასდროს ყოფილა ომში, სასჯელიც არასდროს მიუსჯიათ და დროებით თავისუფალიც არ ყოფილა. 1920 წლის 14 მაისს ნამსახურებითი სიის ნამდვილობას ხელის მოწერითა და ბეჭდის დასმით ადასტურებს ახალსენაკის განათლების განყოფილების გამგე.

1919

ტიპი: თანამდებობა

1919 წელს ფეოდოსია ალექსანდრეს ასული ანჯაფარიძე სენაკის სამაზრო ერობის განკარგულებით ონტოფოს უმაღლეს დაწყებითი სასწავლებლის გამგის მოვალეობის აღმასრულებლად დაინიშნა.

1917

ტიპი: თანამდებობა

1917 წლის 16 ნოემბერს სახალხო სკოლების დირექტორმა ფედოსია ალექსანდრეს ასული ანჯაფარიძე ონტოფოს უმაღლეს დაწყებით სასწავლებელში მასწავლებლის მოვალეობის აღმასრულებლად დაინიშნა.

1920

ტიპი: თანამდებობა

1920 წლის 10 მაისის ფეოდოსია ალექსანდრეს ასული ანჯაფარიძის ნამსახურებითი სიის მიხედვით, ის სოფელ ჯუმითის (ზუგდიდის მაზრა) ორკლასიან სასწავლებელში მსახურებდა. სენაკის სამაზრო ეპარქიალურმა საბჭომ ის სოფელ ონტოფოს ორკლასიანი სასწავლებლის მასწავლებლად გადაიყვანა.

1920

ტიპი: განათლება

1920 წლის 10 მაისის ფეოდოსია ალექსანდრეს ასული ანჯაფარიძის ნამსახურებით სიაში წერია, რომ მას დამთავრებული აქვს ქუთაისის ქალთა გიმნაზიის რვა კლასი. 1920 წლის 14 მაისს ნამსახურებითი სიის ნამდვილობას ხელის მოწერითა და ბეჭდის დასმით ადასტურებს ახალსენაკის განათლების განყოფილების გამგე.