ქშწკგს პროსოპოგრაფია

ფაქტები

რეგისტრირებული ფაქტები41866

1902

ტიპი: ღონისძიება

1902 წლის 17 ნოემბერს ქართულმა დრამატულმა დასმა ქართულ თეატრში წარმოადგინა 4-მოქმედებიანი დრამა „ბორკილი", რომელშიც მონაწილეობდნენ ნატო გაბუნია-ცაგარლისა, ნინო გამყრელიძისა, ალექსანდრა კარგარეთელი, ოლღა ლეჟავა.

1916

ტიპი: ორგანიზაცია

1916 წლის 22 მაისის ჟურნალის „თეატრი და ცხოვრება“ ცნობით, ვარლამ ლევანის ძე გელოვანი, აკაკი ივანეს ძე ჩხენკელი და კარლო სიმონის ძე ჩხეიძე მეოთხე მოწვევის სახელმწიფო სათათბიროს წევრები იყვნენ.

1916

ტიპი: ღონისძიება

1916 წლის 15 მაისს ავლაბრის თეატრში სევერიან ივანეს ძე მუსერიძის (ხიმშელის) თაოსნობითა და ადგილობრივ სცენისმოყვარეთა დახმარებით წარმოდგენა უნდა გაემართათ.

1916

ტიპი: ავტორობა

1916 წლის 22 მაისის ჟურნალში „თეატრი და ცხოვრება“ დაიბეჭდა მიხეილ ბოჭორიშვილის წერილი იროდიონ ევდოშვილის გარდაცვალების შესახებ.

1902

ტიპი: ღონისძიება

1902 წლის 21 ნოემბერს ქართულმა დასმა ქართულ თეატრში წარმოადგინა ვოდევილი „დამბაჩა და რევოლვერი", რომელშიც მონაწილეობდნენ ბაბო როსტომაშვილი, ვასილ აბაშიძე, დავით აწყურელი, გედევან გედევანოვი, ვალერიან გუნია.

1915

ტიპი: ნასამართლეობა

1915 წლის მარტში 129-ე მუხლით ბრალდებული კონსტანტინე ტყავაძე, „ხმა კახეთის“ რედაქტორ-გამომცემელი, სასამართლო პალატამ გაამართლა.

1916

ტიპი: ავტორობა

1916 წლის 1-ელ მაისს ბათუმის საკრებულოში ილია ივანეს ძე ფერაძემ წაიკითხა ლექცია თამარ მეფის შესახებ.

1915

ტიპი: გარდაცვალება

1916 წლის 15 მაისის ჟურნალის „თეატრი და ცხოვრება“ ცნობით, იროდიონ ისაკის ძე ევდოშვილი დიდუბის პანთეონში ლუკა პავლეს ძე რაზიკაშვილის (ვაჟა-ფშაველას) გვერდით დაკრძალეს.

1916

ტიპი: ავტორობა

1916 წლის 22 მაისის ჟურნალში „თეატრი და ცხოვრება“ გამოქვეყნდა იოსებ ზაქარიას ძე იმედაშვილის სტატია „როდემდის იქნება ეს სავალალო დრო“.

1916

ტიპი: ორგანიზაცია

1916 წლის 12 აპრილს გიორგი ნიკოლოზის ძე ყაზბეგი, გიორგი მიხეილის ძე ლასხიშვილი, ექვთიმე სიმონის ძე თაყაიშვილი, პართენ ალექსანდრეს ძე გოთუა და გრიგოლ სვიმონის ძე რცხილაძე ქართული კულტურის საზოგადოების კავშირის გამგეობის წევრებად აირჩიეს.

1915

ტიპი: ღონისძიება

1915 წლის 29 მარტს მხატვრობისა და ხელოვნების მოყვარულთა დარბაზში გაიმართა ნახატების აუქციონი, რომელზეც მოსე თოიძისა და ლადო გუდიაშვილის ნახატებიც იყო წარმოდგენილი.

1915

ტიპი: ავტორობა

1915 წლის 5 აპრილის ჟურნალში „თეატრი და ცხოვრება“ დაიბეჭდა იოსებ იმედაშვილის წერილი ქართველ მსახიობთა ამხანაგობის მიერ 30 მარტს მიხეილ ქორელის რეჟისორობით წარმოდგენილი „კაი გრაკხის“ შესახებ.

1916

ტიპი: ავტორობა

1916 წლის 22 მაისის ჟურნნალში „თეატრი და ცხოვრება“ დაიბეჭდა ივანე გომართელის სტატია პოეტ ვლადიმერ დარჩიაშვილის გარდაცვალების შესახებ.

1915

ტიპი: ღონისძიება

1915 წლის აპრილში ვალერიან გუნიამ საკუთარი დასი შეკრიბა და თბილისსა და პროვინციებში იაფფასიან წარმოდგენებს მართავდა.

1887

ტიპი: ღონისძიება

1887 წელს რომანოზ ნიკოლოზის ძე სალაყაია სოფ. ბანძიდან ჩამოიყვანეს და სამღებრო ქარხანაში ხელობის სასწავლებლად მიაბარეს.

1915

ტიპი: ღონისძიება

1915 წლის აპრილში ქუთაისის მსახიობთა ამხანაგობამ დასში მიიწვია ოლიმპიადა ღოღობერიძე, ივანე ბარველი და ვასილ არაბიძე.

1915

ტიპი: თანამდებობა

1915 წლის მარტში ვასილ ყიფიანი ქართველთა საქველმოქმედო საზოგადოების ხაზინადარი იყო.

1909

ტიპი: ნასამართლეობა

1909 წელს იროდიონ ევდოშვილი დაიჭირეს და მეტეხის ციხეში ჩასვეს. 10 თვის შემდეგ ვოლოგდის გუბერნიაში გადაასახლეს.

1916

ტიპი: გარდაცვალება

1916 წლის 22 მაისის ჟურნალის „თეატრი და ცხოვრება“ ცნობით, პოეტი ვლადიმერ ივანეს ძე დარჩიაშვილი გარდაიცვალა.

1902

ტიპი: ავტორობა

1902 წელს ქუთაისის სათავადაზნაურო სკოლის ინსპექტორმა იოსებ ოცხელმა გადაწყვიტა, კვირაობით ბავშვებისათვის რუსული ენა ესწავლებინა.

1916

ტიპი: ღონისძიება

1916 წლის 1-ელ მაისს სახაზინო თეატრში გამართულ ღონისძიებაზე გრიგოლ (გიგო) ნიკოლოზის ძე დიასამიძემ აკაკი წერეთლის ლექსები წაიკითხა.

1916

ტიპი: პირადი ინფორმაცია

1916 წლის 15 მაისის ჟურნალის „თეატრი და ცხოვრება“ ცნობით, რეჟისორი ვალერიან ირაკლის ძე შალიკაშვილი ბათუმიდან გამოჯანმრთელებული დაბრუნდა თბილისში.

1915

ტიპი: ავტორობა

1915 წლის 12 აპრილის ჟურნალში „თეატრი და ცხოვრება“ დაიბეჭდა ივანე გომართელის მოთხრობის „კონსილიუმი“ II ნაწილი.

1916

ტიპი: ავტორობა

1916 წლის 22 მაისის ჟურნალში „თეატრი და ცხოვრება“ გამოქვეყნდა დასასრული მიხეილ ლონგინოზის ძე კავსაძის სტატიისა „ქართული მუსიკა“.

1916

ტიპი: განათლება

1916 წლის 15 მაისის ჟურნალის „თეატრი და ცხოვრება“ ცნობით, გიორგი (გრიგოლ) იოსების ძე ედიბერიძემ თბილისში იმპერატორ ნიკოლოზ II-ის სახელობის კომერციული სასწავლებელი დაამთავრა.