რეგისტრირებული ფაქტები41868
ფილტრი:
სორტირება ახალი ჩანაწერების მიხედვით
1918
ტიპი: ღონისძიება
1918 წლის 4 ივნისის გაზეთ „საქართველოს“ ცნობით, ქართული კლუბის საზაფხულო შენობაში გამართულ ქართველ ვაჭარ-მრეწველთა კრებას 200-მდე ადამიანი დაესწრო. კრება გახსნა თავმჯდომარემ, იასონ ლორთქიფანიძემ, ესწრებოდნენ ეროვნულ-დემოკრატიული პარტიის მთავარი კომიტეტის წევრები: ალექსანდრე ასათიანი, იოსებ მაჭავარიანი და შალვა ქარუმიძე.
1918
ტიპი: ღონისძიება
1918 წლის 4 ივნისის გაზეთ „საქართველოს“ ცნობით, ქართული კლუბის საზაფხულო შენობაში ქართველ ვაჭარ-მრეწველთა კრება შეუდგა კავშირის გამგეობისა და საბჭოს არჩევნებს. თავმჯდომარედ დაასახელეს ალექსანდრე ჯაბადარი და ნიკოლოზ წვერავა, გამგეობის წევრებად − დათიკო კალანდაძე, ნიკოლოზ გაბაშვილი და სხვ.
1918
ტიპი: ღონისძიება
1918 წლის 6 ივნისის გაზეთ „საქართველოს“ ცნობით, დასრულდა ამიერკავკასიის ოსთა წარმომადგენლობის ყრილობა, რომელსაც 70 დელეგატი დაესწრო, მათ შორის ჩრდილო კავკასიის ერთა საბჭოებისა და კავკასიის ორგანიზაციათა ს-დ მენშევიკთა და ბოლშევიკთა წარმომადგენლები: ისიდორე რამიშვილი და ფილიპე მახარაძე.
1888
ტიპი: ღონისძიება
1888 წელს გიორგი ქართველიშვილმა ავლაბარში მდებარე ბავშვთა თავშესაფარს 3000 მანეთი შესწირა.
1919
ტიპი: ღონისძიება
1919 წლის სექტემბერში სახალხო გვარდიის წარმომადგენელთა I ყრილობაზე გადაწყდა, რომ გვარდიელთა სამკერდე ნიშნის მხატვრისა და პროექტის ავტორ იაკობ ნიკოლაძისთვის 2000 მანეთი გადაეცათ.
1915
ტიპი: ღონისძიება
1915 წელს იოსებ დადიანის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების კრებაზე დაადგინეს, რომ ბაქოს განყოფილების შემოსავალი ჯამში 13398.92 მანეთს შეადგენდა. აქედან გასული წლის ნაშთი 2718.12 მანეთი იყო, საწევრო გადასახადით მიღებული თანხა — 529 მანეთი, სასკოლო ფონდის შემოწირულობა — 1134.05 მანეთი, დამატებითი მოგება კი — 231.45 მანეთი იყო.
1919
ტიპი: ღონისძიება
1919 წლის სექტემბერში მიწათმოქმედების სამინისტრომ ბორჯომის წყლის კონტრაგენტ დავით ქებაძის საშუალებით სტამბოლში ბორჯომის წყალი გაგზავნა. წყალი ქართულ ფულზე უნდა გაყიდულიყო.
1918
ტიპი: ღონისძიება
1918 წლის ივნისში სახელმწიფო თეატრში ქართველ მსახიობთა საპროფესიო კავშირმა სპექტაკლები გამართა მსახიობ ნინო ჩხეიძის მონაწილეობით. წარმოადგინეს ნიკოლოზ შიუკაშვილის ორიგინალური პიესა „სულელი", რომელიც 12-ჯერ იყო დადგმული ქუთაისის თეატრის სცენაზე.
1918
ტიპი: ღონისძიება
1918 წლის 16 ივნისს კონსერვატორიის დარბაზში უნდა გამართულიყო ცისფერყანწელთა პოეზიის საღამო. პაოლო იაშვილს უნდა წაეკითხა ცისფერყანწელების დეკლარაცია, გრიგოლ რობაქიძეს – „სიტყვა პოეზიაში“, ტიციან ტაბიძეს – „ცისფერი ყანწები“, ალი არსენიშვილს – „ბრინჯაოს მასკები“, რუს პოეტ სერგეი გოროდეცკის – „ქართული სიმბოლიზმის რჩეულობა“. საკუთარ ლექსებსა და ფრანგი პოეტების თარგმანებს კი წაიკითხავდნენ პაოლო იაშვილი, გრიგოლ რობაქიძე, ტიციან ტაბიძე, ვალერიან გაფრინდაშვილი, ლელი ჯაფარიძე, კოლაუ ნადირაძე.
1919
ტიპი: ღონისძიება
1919 წლის ოქტომბერში თბილისის სახელმწიფო უნივერსიტეტის სტუდენტების წარმომადგენლები შეხვდნენ ქალაქისთავ ბენია ჩხიკვიშვილს და სტუდენტებისთვის ბინის მოძებნაში დახმარება სთხოვეს. ქალაქისთავი მათ ყოფილი სემინარიის შენობის ნახევრის დათმობას დაჰპირდა.
1919
ტიპი: ღონისძიება
1919 წლის სექტემბერში სახელმწიფო თეატრში ზამთრის საოპერო სეზონი ზაქარია ფალიაშვილის ოპერა „აბესალომ და ეთერით“ გაიხსნა.
1919
ტიპი: ღონისძიება
1919 წლის ოქტომბერში მთავრობის სხდომაზე მიიღეს გადაწყვეტილება „დიდების ტაძრის“ ეროვნულ გალერეად გადაკეთებისთვის განათლების მინისტრის, ნოე რამიშვილისთვის 10-მილიონიანი ფონდიდან 26 300 მანეთის გამოყოფა ეთხოვათ.
1919
ტიპი: ღონისძიება
1919 წლის ოქტომბერში მთავრობის სხდომაზე გადაწყდა, განათლების მინისტრის, ნოე რამიშვილის მიერ წარმოდგენილი ნუსხის თანახმად სახელმწიფო თეატრში მოწყობილიყო კვირაში ერთი წარმოდგენა, რათა მუშებს, სახელმწიფო მოხელეებსა და სამსახურში მყოფ პირებს სპექტაკლებზე დასწრების საშუალება მისცემოდათ.
1918
ტიპი: ღონისძიება
1918 წლის ივლისში განათლების მინისტრი გიორგი ლასხიშვილი და პროფესორი ივანე ჯავახიშვილი საშუალო სასწავლებლების მასწავლებლებს მიესალმნენ და მათთვის სამხედრო გიმნაზიაში გახსნილი (ორთვიანი) კურსების მნიშვნელობაზე ისაუბრეს. მთავრობამ კურსების ხარჯების ასანაზღაურებლად 25 000 მანეთი გამოყო.
1889
ტიპი: ღონისძიება
1889 წელს თევდორე პავლეს ძე რაზიკაშვილმა ქართველთა შორის წერა-კითხვის გამავრცელებელ საზოგადოებას ხალხური ზღაპრებით სავსე რვეული გამოუგზავნა. ზღაპრები ქართლსა და ფშავში იყო გაგონილი და ჩაწერილი.
1919
ტიპი: ღონისძიება
1919 წლის ოქტომბერში საგარეო საქმეთა მინისტრ გეგეჭკორსა და ბრიტანეთის წარმომადგენელს ამიერკავკასიაში გენერალ ბრაფს შორის დაიდო ხელშეკრულება ნატანებ-ბათუმის ნაწილზე რკინიგზის მოძრაობის გასაადვილებლად. ხელშეკრულება არის წმინდა საექსპლოატაციო ხასიათის და სრულიად არ შეესაბამება საკუთრების საკითხს.
1919
ტიპი: ღონისძიება
1919 წლის ოქტომბერში ციმბირიდან თბილისში ჩამოვიდნენ დავით როსტომაშვილი და ერმილე ხავთასი, რომელთაც დავალებული ჰქონდათ, მისალმებოდნენ საქართველოს მთავრობას და გაეცნოთ ციმბირში მყოფ ქართველთა პოლიტიკური მდგომარეობა, ეთქვათ საქართველოში დაბრუნების სურვილზეც.
1919
ტიპი: ღონისძიება
1919 წლის 20 ოქტომბერს გამართული ქალაქის საბჭოს სხდომის თავმჯდომარე იყო გრიგოლ გველესიანი.
1919
ტიპი: ღონისძიება
1919 წლის 25 ოქტომბრის გაზეთ „საქართველოს რესპუბლიკის“ ცნობით, ვალერიან გუნიას ქართულ დასში მონაწილეობდნენ: ქ. აბაშიძე, ტ. დათიაშვილი, ნ. ლეჟავა, ოლ. გორდელი, ივერიელი, ნატალია ჯავახიშვილი, ელისაბედ ჩერქეზიშვილი და სხვ.
1919
ტიპი: ღონისძიება
1919 წელს საშუალო სასწავლებლების პედაგოგებმა განათლების მინისტრს მატერიალური მდგომარეობის გაუმჯობესება სთხოვეს. ნოე რამიშვილი მათ დახმარებას დაჰპირდა.
1915
ტიპი: ღონისძიება
1915 წლის 22 აპრილს ქართველთა შორის წერა-კითხვის გამავრცელებელი საზოგადოების განჯის განყოფილებამ, რომლის თავმჯდომარე იყო სოლომონ ვახტანგის ძე მაჩაბელი, აჭარასა და ყარსის ოლქში მცხოვრები ომის დროს დაზარალებული მაჰმადიანი ბავშვების დასახმარებლად საქველმოქმედო საღამო გამართა.
1919
ტიპი: ღონისძიება
1919 წლის 28 ოქტომბრის დამლევს გაიმართა საქართველოს რკინიგზელთა II ყრილობა. ყრილობის მეორე დღეს მოხსენებებით გამოვიდნენ რაიონების წარმომადგენლები, რომელთაც აღნიშნეს, რომ სოციალური პირობები მძიმე იყო, რკინიგზელებს არ ჰქონდათ ბინები, არ იყო მოგვარებული სანიტარული საკითხი და სხვ. მათ განაცხადეს, ამ ყველაფერს იმიტომ იტანდნენ, რომ ქვეყნის მმართველი და გამგე იყო ნოე ჟორდანიას მთავრობა.
1919
ტიპი: ღონისძიება
1919 წელს სახელმწიფო თეატრში გამართული ლატარიის გათამაშებაზე პირველ ბილეთებს ნოე რამიშვილი ხსნიდა. ყველაზე დიდი რაოდენობით 25000-მანეთიანი მომგებიანი ბილეთები ამოვიდა.
1919
ტიპი: ღონისძიება
1919 წელს საქართველოს საგარეო საქმეთა მინისტრის მოადგილემ, კონსტანტინე საბახტარაშვილმა იტალიის პრემიერ-მინისტრ ფრანჩესკო ნიტის საქართველოს ინტერესების დაცვა, დამოუკიდებელ სახელმწიფოდ ცნობა და საქართველოსა და იტალიას შორის სავაჭრო და ეკონომიკური ურთიერთობების დამყარება სთხოვა.
1917
ტიპი: ღონისძიება
1917 წელს გიორგი ნიკოლოზის ძე ყაზბეგის თავმჯდომარეობით შედგენილი ქართველთა შორის წერა-კითხვის გამავრცელებელი საზოგადოების ანგარიშის მიხედვით, ბორჯომის განყოფილების შემოსავალი 5702. 32 მანეთი იყო, გასავალი – 953. 10 მანეთი.