ქშწკგს პროსოპოგრაფია

ფაქტები

რეგისტრირებული ფაქტები41868

ფილტრი:
ფაქტის ტიპი ღონისძიება

1919

ტიპი: ღონისძიება

1919 წელს საქართველოს რესპუბლიკასა და ინგლისელების მიერ დროებით დაპყრობილ ბათუმის ოლქს შორის ფოსტა-ტელეგრაფის აღსადგენად დადებული ხელშეკრულება გაფორმდა საქართველოს საგარეო საქმეთა მინისტრის მოადგილე ნესტორ ქარცივაძის, ფოსტა-ტელეგრაფის უფროსის, დ. მგელაძისა და კაპიტან გოუტის მონაწილეობით.

1919

ტიპი: ღონისძიება

1919 წელს ვასილ ბარნოვის 30-წლიანი მოღვაწეობა ქართულმა საზოგადოებამ დიდი ზეიმით აღნიშნა სახელმწიფო თეატრში, სადაც იუბილარი დავით კლდიაშვილთან ერთად მივიდა.

1916

ტიპი: ღონისძიება

1916 წელს ქართველთა შორის წერა-კითხვის გამავრცელებელი საზოგადოების გუდაუთის განყოფილებამ, რომლის თავმჯდომარე იყო მარიამ პართენის ასული საბაშვილისა, საზოგადოებას შემოსავლის 10% შესწირა.

1919

ტიპი: ღონისძიება

1919 წელს დამფუძნებელი კრების სხდომაზე განხილეს ანარქიასა და სხვა ანტისახელმწიფოებრივ უწესრიგობასთან საბრძოლველად შინაგან საქმეთა მინისტრის, ნოე ბესარიონის ძე რამიშვილის განკარგულებაში 10 მილიონი მანეთის გადადების საკითხი.

1919

ტიპი: ღონისძიება

1919 წლის ნოემბერში თბილისის ვაჟთა I გიმნაზიის შენობაში გაიხსნა ფრანგული უმაღლესი საუნივერსიტეტო კურსები. გახსნას დაესწრნენ: გრაფი დე ნონანკური, ევგენი გეგეჭკორი, განათლების მინისტრის წარმომადგენელი სერგო დანელია, საფრანგეთის მისიის წევრი გიუგი, ვაცლავ ოსტროვსკი, ილია ოდიშელიძე, ანტონ დელფუშე, ბენია ჩხიკვიშვილი და გიორგი გვაზავა.

1919

ტიპი: ღონისძიება

1919 წლის ნოემბერშ მთავრობის სხდომაზე მოისმინეს შინაგან საქმეთა მინისტრ ნოე რამიშვილის მოხსენება მეტეხის ციხის სტამბის დახურვის შესახებ. გადაწყდა, სტამბა დაეხურათ, ხოლო მისი მოსამსახურეებისთვის, როგორც კანონით იყო გათვალისწინებული, სალიკვიდაციო თანხა მიეცათ.

1919

ტიპი: ღონისძიება

1919 წლის ნოემბერში ნოე რამიშვილის თავმჯდომარეობით გამართულ საუწყებათშორისო კომისიის ბოლო სხდომაზე საზღვარგარეთ გასაგზავნი სტუდენტების რაოდენობა 25-ით გაიზარდა. სულ 75 სტუდენტი უნდა გაეგზავნათ.

1919

ტიპი: ღონისძიება

1919 წლის ნოემბერში პოლკოვნიკ რეისთან გამართულ სადილს ევგენი გეგეჭკორი, ალექსანდრე ხატისოვი, ნასიბ უსუბეკოვი, დავით ღამბაშიძე და გ. ევანგელოვი დაესწრნენ. სტუმრებმა სადილის შემდეგ ოპერა „აბესალომ და ეთერი“ ნახეს. შესრულდა საქართველოს, აზერბაიჯანის, სომხეთისა და ამერიკის ჰიმნები.

1919

ტიპი: ღონისძიება

1919 წლის ნოემბერში ალექსანდრე ხატისოვი და ნასიბ-ბეკ უსუბეკოვი საქართველოს მთავრობის თავმჯდომარის მოადგილე ევგენი გეგეჭკორს შეხვდნენ.

1919

ტიპი: ღონისძიება

1919 წელს პროფესორი ივანე ჯავახიშვილი მონაწილეობდა იუსტიციის სამინისტროს მიერ დაარსებული საგანგებო კომისიის მუშაობაში. კომისიის მიზანი რუსულ-ქართული იურიდიული ტერმინების ლექსიკონის შედგენა იყო. ივანე ჯავახიშვილს უნდა გაეკეთებინა ლექსიკონის უკანასკნელი კორექტურაც.

1919

ტიპი: ღონისძიება

1919 წლის ნოემბერში ზანგეზურის საკითხთან დაკავშირებით სომხეთისა და აზერბაიჯანის მთავრობების თავმჯდომარეები ალექსანდრე ხატისოვი და ნასიბ-ბეკ უსუბეკოვი სასტუმრო „ორიენტში“ შეხვდნენ. შეხვედრას საქართველოს საგარეო საქმეთა მინისტრი ევგენი გეგეჭკორი ესწრებოდა.

1919

ტიპი: ღონისძიება

1919 წლის 28 ნოემბერს გაზეთ „საქართველოს რესპუბლიკაში“ გამოქვეყნებული დეპეშით სენაკის სამაზრო სოციალ-დემოკრატიული ორგანიზაციების წარმომადგენელთა ყრილობა მთავრობასა და მის თავმჯდომარე ნოე ჟორდანიას მიესალმა.

1919

ტიპი: ღონისძიება

1919 წლის ნოემბერში ქართულმა საოპერო სტუდიამ ზაქარია ფალიაშვილის ოპერის „აბესალომ და ეთერის“ სწავლა დაიწყო. რეპეტიციები ყოველდღიურად მიმდინარეობდა.

1919

ტიპი: ღონისძიება

1919 წელს იუსტიციის დეპარტამენტის მმართველმა გიორგი ჟორდანიამ თბილისის ზოგიერთი მომრიგებელი მოსამართლისა და სასამართლოს გამომძიებელთა კამერები დაათვალიერა.

1919

ტიპი: ღონისძიება

1919 წელს სამაზრო ერობების ყრილობაზე წასული ქალაქისთავი ბენია ჩხიკვიშვილი ქალაქში დილის მატარებლით დაბრუნდა.

1919

ტიპი: ღონისძიება

1919 წლის დეკემბერში სახელმწიფო თეატრში ზაქარია ფალიაშვილის ბენეფისი უნდა გამართულიყო და „აბესალომ და ეთერის“ 25-ე დადგმა წარმოედგინათ.

1919

ტიპი: ღონისძიება

1919 წლის 4 დეკემბრის გაზეთ „საქართველოს რესპუბლიკის“ ცნობით, სახალხო სახლში 8 საათზე კონსტანტინე ხახანაშვილის ნათარგმნი სამმოქმედებიანი პიესა „ლაქია“ უნდა წარმოედგინათ, ასევე დაედგათ სპექტაკლი „ჭკუა მიჭრის“.

1919

ტიპი: ღონისძიება

1919 წლის დეკემბერში განათლების სამინისტრომ მთავრობის წინაშე აღძრა შუამდგომლობა კოტე ყიფიანისთვის პენსიის დანიშვნაზე.

1919

ტიპი: ღონისძიება

1919 წლის დეკემბერში იუსტიციის მინისტრმა ევგენი გეგეჭკორმა თბილისის პირველი და მეორე ციხეები დაათვალიერა და იქ არსებული წესრიგით კმაყოფილი დარჩა.

1919

ტიპი: ღონისძიება

1919 წელს დამფუძნებელი კრების განათლების კომისიამ ნოე ბესარიონის ძე რამიშვილის მონაწილეობით განათლების მინისტრის პროექტი მოიწონა და მუზეუმისთვის ძვირფასი ნივთების შესაძენად მილიონი გადადო.

1919

ტიპი: ღონისძიება

1919 წლის დეკემბერში საზავო კონფერენციის უმაღლესი კომისრის მოადგილემ, პოლკოვნიკმა რეიმ საზღვარგარეთ გამგზავრებამდე საგარეო საქმეთა მინისტრი ევგენი გეგეჭკორი ინახულა. მათ დიდხანს ისაუბრეს.

1919

ტიპი: ღონისძიება

1919 წელს ექიმ ვახტანგ ღამბაშიძის თავმჯდომარეობით გამართულ ჭლექთან მებრძოლი საზოგადოების პირველ კრებაზე ჭლექთან ბრძოლის გზები განიხილეს.

1919

ტიპი: ღონისძიება

1919 წლის დეკემბერში ალექსანდრე ლომთათიძის თავმჯდომარეობით ქალაქის საბჭოს სხდომა გაიმართა.

1919

ტიპი: ღონისძიება

1919 წელს ქალაქის საბჭოს სხდომაზე მოხსენებებით გამოვიდნენ კონსტანტინე ფანიევი, პართენ გოთუა, ივანე გომართელი და არჩილ ჯაჯანაშვილი. სხდომაზე ქალაქის მთავარ პრობლემად პურის გაძვირება მიიჩნიეს.

1919

ტიპი: ღონისძიება

1919 წელს სასტუმრო „ორიენტში“ საფრანგეთის ხმელთაშუა ზღვის საზღვაო ძალების ამირბარ ფერდინანდ ჟან-ჟაკ დე ბონის პატივსაცემად გამართულ ბანკეტს დაესწრნენ დე ბონი, ნოე ბესარიონის ძე რამიშვილი, ნოე გიორგის ძე ხომერიკი, კონსტანტინე პლატონის ძე კანდელაკი და სხვა თანამდებობის პირები.