ქშწკგს პროსოპოგრაფია

ფაქტები

რეგისტრირებული ფაქტები41868

ფილტრი:
ფაქტის ტიპი ღონისძიება

1918

ტიპი: ღონისძიება

1918 წელს სამხედრო მინისტრმა გრიგოლ გიორგაძემ ეროვნული საბჭოს წევრის, სიმონ მდივნის თანდასწრებით აღლუმი გაუმართა ქუთაისის გარნიზონის ჯარებს ყაზარმებში. ჯარის მდგომარეობით მინისტრი კმაყოფილი დარჩა და დეპეშით აცნობა მთავრობის თავმჯდომარეს, რომ პირველი დივიზიის შექმნის საქმე კარგად მიდიოდა.

1918

ტიპი: ღონისძიება

1918 წლის 8 ოქტომბერს გაზეთ „საქართველოს რესპუბლიკის“ ცნობით, პროფესიონალურ კავშირთა საბჭოს კრებაზე ამიერკავკასიის ბანკში მოსამსახურეების გაფიცვის საკითხი განიხილეს. კონფლიქტის უმთავრესი მიზეზი იყო დეკრეტი, რომლითაც კომიტეტებს 14 იანვრიდან ერთმეოდათ უფლება მოსამსახურეების დათხოვნა-მიღების შესახებ. კრებაზე მომხსენებელი ითხოვდა ამ საკითხის დაუყოვნებლივ მთავრობისთვის გადაცემას და მშვიდობიანი გზით მოგვარებას. შრომის მინისტრის ამხანაგმა გიორგი ერაძემ აღნიშნა აუცილებლობა ისეთი ორგანოს შექმნისა, რომელიც ყოველთვის დაიცავდა მუშა-მოსამსახურეთა ინტერესებს.

1918

ტიპი: ღონისძიება

1918 წელს გერმანე გოგიტიძემ დაასრულა „ქრისტინეს“ კინემატოგრაფიული ლენტი. პიესა პირველად თბილისის კინემატოგრაფებში უნდა წარედგინათ.

1918

ტიპი: ღონისძიება

1918 წლის ოქტომბერში გიორგი თევდორეს ძე ჟორდანიას თავმჯდომარეობით გამართულ ქართული იურიდიული საზოგადოების დამფუძნებელი კრების სხდომაზე დაამტკიცეს წესდება და გაიმართა არჩევნები, რომელზეც საზოგადოების თავმჯდომარედ დავით კვირკველია აირჩიეს, მის ამხანაგად – გ. ზ. ჩაჩიბაია, გამგეობის წევრებად – გიორგი ჟორდანია, ა. გ. ბებურიშვილი, ს. კ. მხეიძე, არტემ ახნაზაროვი და იოსებ ყიფშიძე.

1918

ტიპი: ღონისძიება

1918 წელს კონსერვატორიის დარბაზში გამართულ დისპუტს „ქორწინება და თავისუფალი სიყვარული“ უამრავი ხალხი დაესწრო. თავმჯდომარეობდა გრიგოლ რობაქიძე. მოხსენება წაიკითხა პოეტმა სერგეი გოროდეცკიმ, სიტყვა წარმოთქვეს ვ. ზელინსკიმ, ი. ლვოვმა, ქ. თარხნიშვილისამ, ტიციან ტაბიძემ, გ. კრუჩენუხმა და სხვებმა.

1918

ტიპი: ღონისძიება

1918 წელს გაიმართა პარლამენტის სხდომა კარლო ჩხეიძის თავმჯდომარეობით, რომელზეც განიხილეს პარლამენტში უმცირესობათა წარმომადგენლების მიერ ენის გამოყენების საკითხი. წარმოდგენილი იყო კომისიის უმცირესობისა და უმრავლესობის პროექტები. უმრავლესობის პროექტის მომხსენებელი არჩილ ჯაჯანაშვილი იყო, უმცირესობისა – რ. არსენიძე. კამათში მონაწილეობა მიიღო ყველა ფრაქციამ. კენჭისყრაში მონაწილეობა არ მიუღია არცერთ ფრაქციას, გარდა მენშევიკებისა და სოციალ-ფედერალისტებისა, რომლებმაც უმცირესობათა პროექტის წინააღმდეგ მისცეს ხმა. ეროვნულ-დემოკრატებმა დარბაზი დატოვეს. განიხილეს და მიიღეს კომისიის უმცირესობათა პროექტი.

1914

ტიპი: ღონისძიება

1914 წლის 8 ნოემბერს ქართველთა შორის წერა-კითხვის გამავრცელებელი საზოგადოების გამგეობის მდივანმა ვარლამ ბურჯანაძემ ცხინვალის განყოფილების დროებით თავმჯდომარე იასონ ლევანის ძე ხიმშიაშვილს სთხოვა ნამდვილ წევრთა საზოგადო კრების გამართვა, განყოფილების თავმჯდომარის, გამგეობისა და სარევიზიო კომისიების წევრთა არჩევა და კრების ოქმის მთავარი გამგეობისთვის გაგზავნა.

1918

ტიპი: ღონისძიება

1918 წლის ოქტომბერში ქართული მუსიკალური სკოლის წარმომადგენლები შეხვდნენ მთავრობის თავმჯდომარე ნოე ჟორდანიას და დედათა ინსტიტუტის შენობის დათმობის შესახებ ისაუბრეს. ჟორდანია დახმარებას შეჰპირდა. სახელოვნო კომისიამ ალექსანდრე ახმეტელს დაავალა, დაეთვალიერებინა დედათა ინსტიტუტის შენობა იქ ქართული მუსიკალური სკოლის განსათავსებლად.

1920

ტიპი: ღონისძიება

1920 წელს მოკავშირე სახელმწიფოთა უმაღლესმა საბჭომ მოუსმინა საქართველოს დელეგატებს: ნიკოლოზ ჩხეიძეს, ირაკლი წერეთელსა და ზურაბ ავალიშვილს, ასევე აზერბაიჯანის მხრიდან – ბეკ ტობჩიბაშევს. კავკასიის ორივე სახელმწიფოს წარმომადგენლებმა საბჭოს დაწვრილებით გააცნეს თავიანთ სახელმწიფთა მოთხოვნები და სურვილები.

1918

ტიპი: ღონისძიება

1918 წელს გაიმართა პარლამენტის სხდომა ექვთიმე თაყაიშვილის თავმჯდომარეობით. მდივანმა წაიკითხა სოციალ-დემოკრატების, სოციალისტ-რევოლუციონერებისა და ნაციონალ-დემოკრატების განცხადებები პარლამენტის წევრთა და საპარლამენტო კომისიათა კანდიდატების სიების შევსებისა და დაშნაკცაკანების საპარლამენტო ფრაქციის დაარსების შესახებ.

1918

ტიპი: ღონისძიება

1918 წლის ოქტომბერში გაიმართა პარლამენტის რიგგარეშე კრება. ბერლინიდან დაბრუნებულმა დელეგაციის მრჩეველმა, ნიკო ნიკოლაძემ პარლამენტის წევრებს წაუკითხა მოხსენეა საქართველოს დელეგაციის მიერ გერმანიასთან დადებული ოთხი ხელშეკრულების შესახებ. ირაკლი წერეთლის წინადადებით მოხსენება საფინანსო კომისიას გადაეცა.

1918

ტიპი: ღონისძიება

1918 წელს ბახვის სოციალ-დემოკრატების ახალი კოლექტივის კრება გაიმართა. კრებამ პრეზიდიუმის თავმჯდომარედ ს. ბორჩხაძე აირჩია, მის მოადგილედ – მ. ბოლქვაძე, ხაზინადრად – კ. ჯინჭარაძე. თბილისში ყრილობაზე დასასწრებლად ალექსანდრე ლომთათიძე აირჩიეს. კრების გადაწყვეტილებით, უნდა განახლებულიყო მუშაობა ბახვის ეკლესიის ქურდების დასაჭერად.

1918

ტიპი: ღონისძიება

1918 წელს შინაგან საქმეთა მინისტრი ნოე რამიშვილი თელავის სახელმწიფო და სასწავლო დაწესებულებებს ესტუმრა. მოინახულა ვაჟთა გიმნაზია, პირველდაწყებითი უმაღლესი სასწავლებელი და სომხური გიმნაზია.

1918

ტიპი: ღონისძიება

1918 წელს შინაგან საქმეთა მინისტრმა, ნოე რამიშვილმა, სიღნაღსა და თელავში მოხსენება წაიკითხა მთავრობის ქმედებათა შესახებ.

1918

ტიპი: ღონისძიება

1918 წელს ექიმი მიხეილ არჯევანიძე სოხუმში გაგზავნეს სამკურნალო-სასანიტრო მდგომარეობის აღსაწერად.

1920

ტიპი: ღონისძიება

1920 წლის იანვარში სიმონ ლუკას ძე ავალიანმა სამეურნეო საზოგადოების ბინაში საქართველოს აგრონომიული დახმარების მოღვაწეთა პირველი ყრილობა გახსნა.

1920

ტიპი: ღონისძიება

1920 წლის იანვარში ქართველთა შორის წერა-კითხვის გამავრცელებელი საზოგადოების ბინაში გაიმართა გამგეობის წევრთა საგანგებო კრება, რომელსაც ოლღა თადეოზის ასული ჭავჭავაძისას მეურვეები დაესწრნენ.

1920

ტიპი: ღონისძიება

1920 წლის იანვარში ქართველთა შორის წერა-კითხვის გამავრცელებელი საზოგადოების საგანგებო კრებაზე გადაწყდა, ოლღა ჭავჭავაძისთვის 2000 მანეთამდე გაეზარდათ დახმარება.

1920

ტიპი: ღონისძიება

1920 წელს ქუთაისში გრიგოლ რობაქიძის, ვალერიან გაფრინდაშვილის, ნიკო ლორთქიფანიძისა და კოლაუ ნადირაძის მონაწილეობით გამოიცა ჟურნალ „შვილდოსნის“ პირველი ნომერი. ჟურნალი ღირდა 30 მანეთი.

1920

ტიპი: ღონისძიება

1920 წელს ინჟინერ იოსებ ზაქარიას ძე ანდრონიკაშვილის თავმჯდომარეობით რკინიგზის სახიზინო სამმართველოს შენობაში გაიმართა თათბირი საუღელტეხილო რკინიგზის თბილისი-კავკავის გზაზე გაყვანის შესახებ.

1920

ტიპი: ღონისძიება

1919 წელს დავით კლდიაშვილის იუბილეს მომწყობი კომისიისა და მწერალთა კავშირის საბჭოს გაერთიანებულ სხდომაზე საიუბილეო დღის წესრიგი შეიმუშავეს.

1920

ტიპი: ღონისძიება

1920 წლის თებერვალში კაფე „ფრასკატში“ დედობისა და ბავშვთა დაცვის საზოგადოების სასარგებლოდ გათამაშდა ლატარეა, რომელსაც დაესწრნენ მთავრობის თავმჯდომარე ნოე ჟორდანია მეუღლე ინა კორენევასთან ერთად, ბრიტანეთის უმაღლესი კომისარი ოლივერ უორდროპი, დამფუძნებელი კრების წევრები და სხვ.

1920

ტიპი: ღონისძიება

1920 წელს ბორჩალოს მაზრის სოფელ პატარა გომარეთის მცხოვრებლებმა შინაგან საქმეთა მინისტრს, ნოე რამიშვილს მიწის სიმცირის გამო ბარათაშვილის ყოფილ ადგილზე, ე. წ. „დიაში“, გადასახლების ნებართვა სთხოვეს.

1920

ტიპი: ღონისძიება

1920 წლის თებერვალში განათლების სამინისტროსთან დაარსდა სასწავლო კომიტეტი, რომლის თავმჯდომარეობაც დაეკისრა სახელმწიფო უნივერსიტეტის რექტორს, პროფესორ ივანე ჯავახიშვილს.