ქშწკგს პროსოპოგრაფია

ფაქტები

რეგისტრირებული ფაქტები48027

1920

ტიპი: ღონისძიება

1920 წლის 17-20 თებერვალს ცენტრალურ სავაჭრო-სამრეწველო ბანკ „ცენტრობანკში“ აქციებზე ხელმოწერა და თანხების შეტანა შესაძლებელი იყო საქართველოს სხვადასხვა ქალაქში, მათ შორის – სოხუმში, საურთიერთო ნდობის ბანკში, ჯოტო ლევანის ძე შერვაშიძესთან.

1920

ტიპი: პირადი ურთიერთობა

1920 წლის 17 თებერვლის გაზეთ „საქართველოს“ ცნობით, მაკრინე მიხეილის ასული წინამძღვრიშვილი გიორგი წინამძღვრიშვილის დედა იყო.

1920

ტიპი: პირადი ურთიერთობა

1920 წლის 17 თებერვლის გაზეთ „საქართველოს“ ცნობით, გიორგი ალექსანდრეს ძე წინამძღვრიშვილი ვერა გაბრიელის ასულ წინამძღვრიშვილის მეუღლე იყო.

1920

ტიპი: პირადი ურთიერთობა

1920 წლის 17 თებერვლის გაზეთ „საქართველოს“ ცნობით, ალექსანდრე ზაალის ძე წინამძღვრიშვილი გიორგი წინამძღვრიშვილის მამა იყო.

1920

ტიპი: ავტორობა

1920 წლის 17 თებერვლის გაზეთ „საქართველოში“ გამოქვეყნდა სვიმონ ყიფიანის მოთხრობა „სამნი“.

1920

ტიპი: ღონისძიება

1920 წლის 18 თებერვალს გორის ვაჟთა გიმნაზიის დირექტორს აცნობეს მინისტრის მოადგილის იმავე წლის N33 ბრძანება 1919 წლის 1-ლი სექტემბრიდან ბუნებისმეტყველების შტატის მასწავლებლად გიორგი დავითის ძე აბულაძის დანიშვნის შესახებ. ამასთანავე გაუგზავნეს მისი პირადი საბუთები NN1526 და 154. ხელს აწერენ დირექტორი ვუკოლ მიხეილის ძე ბერიძე, მდივანი გიორგი ნიკიფორეს ძე მებუკე და საქმისმწარმოებელი დ. მიქაბერიძე.

1920

ტიპი: ღონისძიება

1920 წლის 18 თებერვალს საქართველოს დიპლომატიური წარმომადგენელი აზერბაიჯანში გრიგოლ კონსტანტინეს ძე ალშიბაია ბაქოში საგანგებო მატარებლით გაემგზავრა.

1920

ტიპი: ღონისძიება

1920 წლის 18 თებერვალს ესპანეთის ვიცე-საკონსულოს საქმეთა მმართველმა სამადლობელი წერილი მისწერა ევგენი გეგეჭკორს ესპანეთის კომერციული დელეგაციის საქართველოში გულთბილი მიღების გამო.

1920

ტიპი: ღონისძიება

1920 წლის 19 თებერვალს ოლივერ უორდროპმა მეუღლეს მისწერა, რომ იგი ბეგთაბეგოვების სახლში წმინდა ანას ხსენების დღეს გამართულ წვეულებას დაესწრო. 

1920

ტიპი: ღონისძიება

1920 წლის 19 თებერვალს ქართველთა შორის წერა-კითხვის გამავრცელებელი საზოგადოების გამგეობის სხდომაზე სეით იაშვილი ეკატერინე სარაჯიშვილის ნაანდერძევი ქონების განაღდებით შემოსული ფულის ანგარიშების განხილვაში მონაწილეობის მისაღებად საზოგადოების რწმუნებულად აირჩიეს.

1920

ტიპი: ღონისძიება

1920 წლის 19 თებერვალს ოლივერ უორდროპმა მეუღლეს მისწერა, რომ ბათუმში ბრიტანული ჯარის შენარჩუნებას ცდილობდა, თუმცა ნაწილი საქართველოდან უკვე წასული იყო. უხაროდა, რომ სამშობლოში აფასებდნენ, საგარეო საქმეთა სამინისტრომ კი მას სრული ნდობა გამოუცხადა.

1920

ტიპი: ღონისძიება

1920 წლის 19 თებერვალს თევდორე კიკვაძე, ვარლამ ბურჯანაძე, კირილე ნინიძე, იოსებ გიორგობიანი, სეით იაშვილი, იპოლიტე ვართაგავა, შიო დედაბრიშვილი და ილია ფირცხალაიშვილი დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგედოების გამგეობის სხდომას დაესწრნენ.

1920

ტიპი: ღონისძიება

1920 წლის 19 თებერვალს ქართველთა შორის წერა-კითხვის გამავრცელებელი საზოგადოების გამგეობის სხდომაზე კირილე ნინიძეს დაავალეს, მოლაპარაკებოდა გიორგი ზდანოვიჩის მიერ ნაანდერძევ ტყვარჩელის მადნებზე მოდავე ჯგუფს, რომ მადნების დამუშავებიდან მიღებული სარგებელის 20% საზოგადოებისთვის მიეცა.

1920

ტიპი: ღონისძიება

1920 წლის 19 თებერვალს ოლივერ უორდროპმა მეუღლეს მისწერა, რომ ლონდონიდან 23 იანვრის გაზეთი მიიღო. იგი მოხარული იყო, რომ ინგლისი საქართველოსა და მთელი რეგიონის მიმართ ინტერესს იჩენდა.

1920

ტიპი: ღონისძიება

1920 წლის 19 თებერვალს ოლივერ უორდროპმა მეუღლეს მისწერა, რომ ბოლშევიკები პერიოდულად უტევდნენ იატაკქვეშა გამოცემების მეშვეობით.

1920

ტიპი: ავტორობა

1920 წლის 19 თებერვლის გაზეთ „საქართველოს“ ცნობით, დამოუკიდებელი საქართველოს საგარეო საქმეთა მინისტრმა ევგენი გეგეჭკორმა საზღვარგარეთიდან აკაკი ჩხენკელისგან მიიღო დეპეშა, რომ იაპონიამ ოფიციალურად აღიარა საქართველოს დამოუკიდებლობა და უმაღლესი საბჭოს დადგენილებას შეუერთდა.

1920

ტიპი: ავტორობა

1920 წლის 19 თებერვლის გაზეთ „საქართველოში“ (რედაქტორი სპირიდონ კედია) მეთაური წერილი „პოლიტიკური ინტრიგები“ გამოქვეყნდა.

1920

ტიპი: პირადი ურთიერთობა

1920 წლის 19 თებერვლის გაზეთ „საქართველოს“ ცნობით, მატო ბახვას ასული გაბუნია ბესარიონ ლუკას ძე ხოფერიას მეუღლე იყო.

1920

ტიპი: გარდაცვალება

1920 წლის 19 თებერვლის გაზეთ „საქართველოს“ ცნობით, სენაკში ქართველთა შორის წერა-კითხვის გამავრცელებელი საზოგადოების წევრი ბესარიონ ლუკას ძე ხოფერია გარდაიცვალა.

1920

ტიპი: ავტორობა

1920 წლის 20 თებერვალს ქართველთა შორის წერა-კითხვის გამავრცელებელი საზოგადოების ზუგდიდის განყოფილების ხაზინადარმა, ნოე ნადარეიშვილმა მთავარ გამგეობას მისწერა, რომ რევოლუციის გამო განყოფილება ძალიან ცუდად მუშაობდა, მაგრამ იმდენს ახერხებდა, რომ არ დახურულიყო.

1920

ტიპი: ღონისძიება

1920 წლის 20 თებერვალს ქართველთა შორის წერა-კითხვის გამავრცელებელი საზოგადოების ზუგდიდის განყოფილების ხაზინადარმა, ნოე ნადარეიშვილმა მთავარ გამგეობას 1919-1920 წლების ანგარიშები გაუგზავნა.

1920

ტიპი: ღონისძიება

1920 წლის 20 თებერვალს ოლივერ უორდროპმა მეუღლეს მისწერა, რომ ღამის 3 საათზე თბილისში ძლიერი მიწისძვრა მოხდა. დედაქალაქში შენობებს ბზარები გაუჩნდა, თუმცა არავინ დაშავებულა. გორში კი სტიქიას მსხვერპლი მოჰყვა და მოსახლეობის ნაწილი უსახლკაროდ დარჩა.

1920

ტიპი: ღონისძიება

1920 წლის 21 თებერვალს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომაზე აღნიშნეს, რომ 1919 წლის 28 სექტემბრის სხდომაზე ლიხაურის თემის საბჭომ ქართველთა შორის წერა-კითხვის გამავრცელებელი საზოგადოების ადგილობრივი განყოფილების გაუქმება გადაწყვიტა.

1920

ტიპი: ღონისძიება

1920 წლის 21 თებერვალს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე განიხილეს აწყურის სკოლის შეტყობინება სწავლის დაწყების შესახებ. სკოლის 100-მდე მოსწავლისთვის საჭირო იყო სახელმძღვანელოები და სასწავლო ნივთები.

1920

ტიპი: ღონისძიება

1920 წლის 21 თებერვლის ქართველთა შორის წერა-კითხვის გამავრცელებელი საზოგადოების სხდომაზე განიხილეს თევდორე კიკვაძის მოხსენება, „დედა ენის“ პირველი ნაწილის დასურათების შესახებ. გამგეობის გადაწყვეტილებით, კომისიას გამგეობისთვის დასრულებული მოთხრობების სია და „დედა ენის“ პირველი ნაწილი უნდა წარედგინა.