ქშწკგს პროსოპოგრაფია

ფაქტები

რეგისტრირებული ფაქტები46487

1912

ტიპი: ავტორობა

1912 წლის 28 თებერვალს ქართველთა შორის წერა-კითხვის გამავრცელებელი საზოგადოების სხდომაზე მიხეილ ალექსანდრეს ძე გედევანიშვილმა გააკეთა ახალი განცხადება ილიას თხზულებების გამოცემის თაობაზე. გამგეობამ მასთან მოლაპარაკების გამართვა თავმჯდომარეს დაავალა.

1912

ტიპი: ავტორობა

1912 წლის 28 თებერვალს ქართველთა შორის წერა-კითხვის გამავრცელებელი საზოგადოების სხდომაზე მიხეილ ალექსანდრეს ძე გედევანიშვილმა გააკეთე ახალი განცხადება, რომ გადაწყვიტა გამოსცეს ილიას თხზულებების ერთი ტომი ორის ნაცვლად, რომელშიც ყველა ის მასალა იქნება შეტანილი, რაც მეორე ტომისთვის იყო განკუთვნილი. ასევე 100 ეგზემპლარში საზოგადოებისგან ითხოვს 560 მანეთს, რომელიც ასე გადანაწილდება: 160 მანეთი გადაეცემა ხელისმოწერის დროს 200 მანეთი სექტემბერში და 200 მანეთიც იმავე წლის ნოემბერში. თან საზოგადოებას სთავაზობს, რომ ისარგებლონ უფასოდ მისთვის აწყობილი შრიფტით ილიას თხზულებების ჩვეულებრივი გამოცემისთვის.

1912

ტიპი: ავტორობა

1912 წლის 28 თებერვალს ქართველთა შორის წერა-კითხვის გამავრცელებელი საზოგადოების სხდომაზე გამგეობას თხოვნით მიმართა მღვდელმა ვასილ კარბელაშვილმა მისგან წიგნების შეძენის თაობაზე. გამგეობამ ძალაში დატოვა წინანდელი დადგენილება, რომ სიაში აღნიშნული წიგნების საფასურად მისთვის გადაეცათ 3 თუმანი.

1912

ტიპი: ავტორობა

1912 წლის 28 თებერვალს ქართველთა შორის წერა-კითხვის გამავრცელებელი საზოგადოების სხდომაზე გამგეობას თხოვნით მიმართა ვასილ კარბელაშვილმა, რომ მოსაწესრიგებლად სახლში გაეტანებინათ ხელნაწერი. გამგეობამ მას სურვილისთვის მადლობა გამოუცხადა და ასევე განუმარტა, რომ ბიბლიოთეკა უახლოეს მომავალში უნდა გადაეტანათ ახალ შენობაში, სადაც არსებულ ყველა ხელნაწერს მოაწესრიგებდნენ.

1912

ტიპი: ღონისძიება

1912 წლის 6 მარტს გაიმართა ქართველთა შორის წერა-კითხვის გამავრცელებელი საზოგადოების მეცხრე სხდომა გიორგი ყაზბეგის თავმჯდომარეობით. სხდომას ასევე ესწრებოდნენ: ლუარსაბ ბოცვაძე, დავით კარიჭაშვილი, შიო დედაბრიშვილი, იპოლიტე ვართაგავა, ფილიპე მგელაძე, ალექსანდრე ყიფშიძე, გრიგოლ რცხილაძე და ფილიპე გოგიჩაიშვილი.

1912

ტიპი: ავტორობა

1912 წლის 6 მარტს ქართველთა შორის წერა-კითხვის გამავრცელებელი საზოგადოების სხდომაზე წარმოადგინეს საზოგადოების შემოსავალ-გასავლის ანგარიში 1-ლი იანვრიდან 6 მარტამდე. სხდომის ოქმს ხელს აწერს გიორგი ნიკოლოზის ძე ყაზბეგი.

1903

ტიპი: ავტორობა

ქართველთა შორის წერა-კითხვის გამავრცელებელი საზოგადოების სხდომაზე წარმოადგინეს იოსებ მერკვილაძის განცხადება წიგნების ანგარიშის გასწორების შესახებ. განცხადებას თან ერთვის ცნობა, რომ 1903 წლის 28 აგვისტოს დადგენილების თანახმად, 1903-1909 წლებში მას საზოგადოებისგან მიჰქონდა წიგნები საკომისიოდ. სამსონ ფირცხალავას თავმჯდომარეობის დროს კი გამგეობამ დაადგინა, რომ მერკვილაძისთვის მიეცა 30 თუმნის წიგნები, რომელთა საფასურსაც ყოველ სამ თვეში გადაიხდიდა, თუმცა ის დანიშნულ ვადებში თანხას არ იხდიდა და ისევ მიჰქონდა წიგნები გასაყიდად. თანხის გადაუხდელობის გამო მას გამგეობამ მისთვის მისაცემი ფულიდან ჩამოაჭრა 380.79 მანეთი, რადგან ეგონათ, რომ მას წიგნები გაყიდული ჰქონდა, თუმცა 1912 წელს მერკვილაძემ წარმოადგინა იმ წიგნთა სია, რომლებიც გაუყიდავი დარჩა და ითხოვა ანგარიშის გასწორება. გამგეობამ აღნიშნულ საკითხთან დაკავშირებით გადაწყვიტა, რომ გაესწორებინათ მასთან ანგარიში და გაუყიდავი წიგნები უკან დაებრუნებინათ.

1912

ტიპი: ავტორობა

1912 წლის 6 მარტს ქართველთა შორის წერა-კითხვის გამავრცელებელი საზოგადოების სხდომაზე გამგეობას თხოვნით მიმართა სტიპენდიატმა გერონტი ქიქოძემ, რომ ესესხებინათ მისთვის 50 მანეთი, რომელსაც თვიურად 10 მანეთის ოდენობით აინაზღაურებდნენ. გამგეობამ არ დააკმაყოფილა მისი თხოვნა.

1912

ტიპი: ღონისძიება

1912 წლის 6 მარტს ქართველთა შორის წერა-კითხვის გამავრცელებელი საზოგადოების სხდომაზე გამგეობას თხოვნით მიმართა მკაზმავმა არონ დავითის ძე ღალაიმ, რომ გადასცენ მის ფირმას წიგნები დასაკაზმად. თხოვნას თან ერთვის ცნობა, რომ საზოგადოებისა და იაკობ გოგებაშვილის გამოცემებს კაზმავს ვასილ ყიფიანი, რომელიც პირნათლად ასრულებს თავის საქმეს, სწორედ ამიტომ გამგეობამ ა. ღალაის თხოვნასთან დაკავშირებით განაცხადა, რომ მომავლისთვის გაითვალისწინებდნენ მის წინადადებას.

1912

ტიპი: ავტორობა

1912 წლის 6 მარტს ქართველთა შორის წერა-კითხვის გამავრცელებელი საზოგადოების სხდომაზე გამგეობას თხოვნით მიმართა კირილე არველაძისთვის დახმარების თაობაზე იოსებ მონადირაშვილმა. გამგეობამ უსახსრობის გამო ი. მონადირაშვილის თხოვნა ვერ დააკმაყოფილა.

1912

ტიპი: ავტორობა

1912 წლის 6 მარტს ქართველთა შორის წერა-კითხვის გამავრცელებელი საზოგადოების სხდომაზე პეტრე მამრაძემ წარმოადგინა ილია ჭავჭავაძის ძეგლის გარშემო შემოსავლები მოაჯირის ესკიზი, რომლის საფასური იყო 730 მანეთი.

1914

ტიპი: ავტორობა

1914 წლის 7 დეკემბერს ქ. შ. წ. კ. გ. საზოგადოების კრებაზე პროკოფი აფრასიონის ძე ჯაფარიძემ განაცხადა, რომ იაკობ გოგებაშვილის წიგნებს ბევრი ნაკლი ჰქონდა. მის სახელმძღვანელოში რუსული ენის გამოყენება დაუშვებელი იყო. ამასთანავე „დედა ენის“ წიგნში თითქმის მესამედი ნაწილი საღვთო სჯულის მასალას ეკავა, რაც ასევე, არასასიამოვნო ფაქტი იყო. პროკოფი ჯაფარიძის აზრით, სახელმძღვანელოების გასაუმჯობესებლად კარგი იქნებოდა და გოგებაშვილის ხსოვნის პატივსაცემადაც ჩაითვლებოდა თუ ყოველწლიურად პედაგოგიური მოთხოვნების მიხედვით საჭირო ცვლილებებს შეიტანდნენ სახელმძღვანელოში, რაც სასკოლო სექციისთვის უნდა დაევალებინათ.

1898

ტიპი: თანამდებობა

1898 წლის 29 სექტემბრის ქართველთა შორის წერა-კითხვის გამავრცელებელი საზოგადოების სხდომიდან ვიგებთ, რომ კავკავის სკოლის მესამე მასწავლებლად აირჩიეს მარიამ ივანეს ასული გვარამაძე.

1912

ტიპი: ღონისძიება

1912 წლის 28 თებერვალს ქართველთა შორის წერა-კითხვის გამავრცელებელი საზოგადოების სხდომაზე გამგეობას თხოვნით მიმართეს სალომე სვიმონის ასულმა ჯანდიერმა, მარიამ დავითის ასულმა შერვაშიძემ და დესპინე გრიგოლის ასულმა გელოვანმა, რომ ფულის სესხის სახით დახმარებოდნენ სოხუმში ქართული სკოლის აშენებაში. მათ თხოვნასთან ერთად წარმოდგენილი ჰქონდათ სოხუმის გამგეობისგან ქაღალდი, რომ უფლება ჰქონდათ მსგავსი შუამდგომლობით მიემართათ გამგეობისთვის. გამგეობამ განაცხადა, რომ საზოგადოებას არ ჰქონდა საკმარისი თანხა, ამიტომ გადაწყვიტეს, ეს საკითხი განეხილათ საზოგადო კრებაზე, რომელზეც აუცილებელი იყო სოხუმის გამგეობას წარმოედგინა საქმესთან დაკავშირებული საჭირო მასალები.

1912

ტიპი: ავტორობა

1912 წლის 13 მარტს ქართველთა შორის წერა-კითხვის გამავრცელებელი საზოგადოების სხდომაზე ვლადიმერ ყიფიანმა გააკეთა მოხსენება მოძრავი ბიბლიოთეკების დაარსების თაობაზე. მისი განცხადებით, მოსახლეობის უმეტესობა ვერ სარგებლობს არსებული წიგნსაცავ-სამკითხველოებით, ამიტომ საჭიროა მოეწყოს მოძრავი წიგნსაცავები, რომლებიც უნდა შეიცავდეს 10 წიგნსა და ჟურნალ-გაზეთებს, რაოდენობა კი დამოკიდებული იქნება მკითხველთა რაოდენობაზე. ასევე ვ. ყიფიანი სთხოვს გამგეობას, რომ ყველა მისაწვდომ ადგილას იქონიონ წიგნები და სასწავლო ნივთები გასაყიდად, რაც ხელს შეუწყობს წერა-კითხვის გავრცელებას. მოხსენება გამგეობამ გადასცა სასკოლო სექციას და სთხოვა მოხსენება გაეკეთებინათ საზოგადო კრებაზე, 19 მარტს.

1912

ტიპი: ავტორობა

1912 წლის 13 მარტს ქართველთა შორის წერა-კითხვის გამავრცელებელი საზოგადოების სხდომაზე გამგეობას თხოვნით მიმართა თბილისის სათავადაზნაურო, საადგილ-მამულო კომისიის ინსტრუქტორმა გიორგი დაფქვიაშვილმა, რომ წიგნებით დახმარებოდნენ სიღნაღის მაზრაში სოფელ ყანდაურის სკოლას. გამგეობამ ამ თხოვნასთან დაკავშირებით განაცხადა, რომ როცა მაღაზიის რევიზია გააკეთებდა მოხსენებას, საკითხსაც მაშინ განიხილავდნენ.

1911

ტიპი: ავტორობა

ქართველთა შორის წერა-კითხვის გამავრცელებელი საზოგადოების სხდომაზე წარმოადგინეს ცნობა, რომლის თანახმად 1911 წლის 28 აპრილს ალექსანდრე ყიფშიძემ გამგეობას სთხოვა, სოფელ შრომაში გაეხსნათ სკოლა, რაზედაც გამგეობამ სკოლის მამასახლისს მოსთხოვა წარმოედგინა ყველა საჭირო საბუთი, რაც სკოლის შენობას, მასწავლებლისთვის ბინის გადაცემას, შეშით უზრუნველყოფასა და სხვა მნიშვნელოვან საკითხს შეიცავდა და ამის შემდეგ იმსჯელებდნენ სკოლის გახსნაზე.

1911

ტიპი: ღონისძიება

ქართველთა შორის წერა-კითხვის გამავრცელებელი საზოგადოების სხდომაზე წარმოადგინეს ცნობა, რომლის თანახმად სოფელ შრომაში სკოლის გახსნის საკითხი მეორეჯერ განიხილეს 1911 წლის 18 აგვისტოს, როცა შრომელებმა წარმოადგინეს ყველა საჭირო საბუთი სკოლის გახსნის შესახებ, რომელიც მათგან საზოგადოებამ მოითხოვა. გამგეობამ საკითხის განხილვა გადადო ხარჯთაღრიცხვის შედგენამდე, თუმცა ხარჯთაღრიცხვის შედგენის დროს შრომის სკოლა მათ არ გაუთვალისწინებიათ. სხდომის ოქმს ხელს აწერს გიორგი ყაზბეგი.

1912

ტიპი: ღონისძიება

1912 წლის 19 მარტს გაიმართა ქართველთა შორის წერა-კითხვის გამავრცელებელი საზოგადოების სხდომა გიორგი ყაზბეგის თავმჯდომარეობით. სხდომას ასევე ესწრებოდნენ საზოგადოების წევრნი: ალექსანდრე ყიფშიძე, დავით კარიჭაშვილი, ალექსანდრე მდივანი, არჩილ ჯაჯანაშვილი, შიო დედაბრიშვილი, შალვა მიქელაძე, სერგი გორგაძე, გრიგოლ რცხილაძე, ლუარსაბ ბოცვაძე და ფილიპე მგელაძე.

1898

ტიპი: ღონისძიება

1898 წლის 15 ივნისს გაიმართა ქართველთა შორის წერა-კითხვის გამავრცელებელი საზოგადოების მეოცე სხდომა. სხდომაზე გამგეობამ სხვადასხვა სკოლაში მასწავლებლად დანიშნა შემდეგი პირები: სენაკში – ლუარსაბ ბოცვაძე, პლატონ წულუკიძე და დავით ლორთქიფანიძე, ხოლო დავით ლორთქიფანიძის უარის შემთხვევაში მის მაგივრად დანიშნავდნენ იასონ ნიკოლაიშვილს. ბათუმში – წულუკიძის მაგიერ გადაიყვანეს ივლიანე გოგოლაშვილი. თონეთში – ლავრენტი აგლაძე. კავკავში – ლუარსაბ ბოცვაძის შემცვლელად სურდათ ღირსეული პიროვნების პოვნა. ინსპექტორი სამსონ ყიფიანი კი დატოვეს თანამდებობაზე და გამოუცხადეს საყვედური, ასევე მოსთხოვეს, სკოლაში მკაცრად დაეცვა საზოგადოების მიერ გადაცემული ინსტრუქცია და კანონები.

1912

ტიპი: ავტორობა

1912 წლის 19 მარტს ქართველთა შორის წერა-კითხვის გამავრცელებელი საზოგადოების სხდომაზე თბილისის გამგეობამ განიხილა საკითხი, თუ როგორ გაეღრმავებინათ თანამშრომლობა მთავარ გამგეობასა და მის განყოფილებებს შორის. ასევე წარმოადგინეს წესდება, რომლის 25-ე მუხლის თანახმად, გამგეობას უფლება აქვს განყოფილება გახსნას ნებისმიერ ადგილას. ინსტრუქცია კი ავალებს განყოფილებებს, რომ შემოსავლის 20% გადასცეს მთავარ გამგეობას, ხოლო სხვა რა საქმიანი ურთიერთობა შეიძლება შედგეს მათ შორის, დადგენილი არ არის და სწორედ ამიტომ შედგა საერთო კრება, რომელზე დასასწრებადაც მოიწვიეს განყოფილებების წარმომადგენლები. სხდომის ოქმს ხელს აწერს გიორგი ყაზბეგი.

1912

ტიპი: ღონისძიება

1912 წლის 20 მარტს გაიმართა ქართველთა შორის წერა-კითხვის გამავრცელებელი საზოგადოების სხდომა გიორგი ყაზბეგის თავმჯდომარეობით. სხდომას ესწრებოდნენ: სერგი გორგაძე, ლუარსაბ ბოცვაძე, არჩილ ჯაჯანაშვილი, ალექსანდრე ყიფშიძე, დავით კარიჭაშვილი, შიო დედაბრიშვილი, გრიგოლ რცხილაძე და შალვა მიქელაძე. სხდომას ასევე ესწრებოდნენ გამგეობის განყოფილებების წარმომადგენლები: კიტა აბაშიძე, გიორგი ვაშაკიძე, ვასილ კახიძე, იასონ ბაქრაძე, სამსონ ყიფიანი, ვ. ბურჯანაძე, იასონ ალექსიშვილი, მ. ნასიძე, მათე ბახტაძე, პოლიკარპე ლორთქიფანიძე, ივლიანე გოგოლაშვილი და გიორგი სიხარულიძე.

პირები
გიორგი ნიკოლოზის ძე ყაზბეგი ლუარსაბ გერასიმეს ძე ბოცვაძე არჩილ რაჟდენის ძე ჯაჯანაშვილი ალექსანდრე თევდორეს ძე ყიფშიძე (ფრონელი) დავით გიორგის ძე კარიჭაშვილი გრიგოლ (გიგო) სვიმონის ძე რცხილაძე შალვა ანტონის ძე მიქელაძე კიტა (ივანე) გიორგის ძე აბაშიძე გიორგი სიმონის ძე ვაშაკიძე ვასილ ბესარიონის ძე კახიძე იასონ (იაზონ) თომას ძე ბაქრაძე სამსონ გიორგის ძე ყიფიანი (მეგობარი, საფამსიფონი) იასონ ელიზბარის ძე ალექსიშვილი მათე ვასილის ძე ბახტაძე პოლიკარპე ესტატეს ძე ლორთქიფანიძე ივლიანე ნესტორის ძე გოგოლაშვილი გიორგი მახარებლის (მახარობელის) ძე სიხარულიძე ვარლამ ამირანის ძე ბურჯანაძე მიხეილ ალექსანდრეს ძე ნასიძე
წყარო

1898

ტიპი: ღონისძიება

1898 წლის 3 ნოემბერს ქართველთა შორის წერა-კითხვის გამავრცელებელი საზოგადოების სხდომაზე გამგეობას თხოვნით მიმართა ვასილ ისაკის ძე როინაშვილმა, რომ გამგეობას ეკისრა ობლების ალექსანდრე, დავით და ვასილ როინაშვილების აღზრდა, რომელთაც სიცოცხლეში ალექსანდრე როინაშვილი პატრონობდა. გამგეობამ დაადგინა, რომ გადაიხდიდნენ ალექსანდრე როინაშვილის და ძმების დავით და ვასილ როინაშვილების სწავლის საფასურს, რომლებიც სათავადაზნაურო სკოლაში სწავლობდნენ.

1898

ტიპი: ღონისძიება

1898 წლის 30 მარტს გაიმართა ქართველთა შორის წერა-კითხვის გამავრცელებელი საზოგადოების მეათე სხდომა. სხდომაზე მოხსენება გააკეთა დავით კარიჭაშვილმა, რომ გამგეობას საზოგადოების აგენტობა უნდა შეეთავაზებინა შემდეგი პირებისათვის: ელენე აბულაძისათვის – განჯაში, ბარბარე სულხანიშვილისათვის – თელავში, ერეკლე ბაქრაძისათვის – ყარსში, აბელ აბელაშვილისათვის – დუშეთში, დ. ჯავახიშვილისათვის – თიანეთში. გამგეობის გადაწყვეტილებით, ხსენებული პირები, გარდა ბარბარე სულხანიშვილისა დაამტკიცეს საზოგადოების აგენტებად, ხოლო სულხანიშვილის მაგივრად თელავში აგენტად დანიშნეს ილია აბრამის ძე სარაჯიშვილი.

1912

ტიპი: ავტორობა

1912 წლის 20 მარტს ქართველთა შორის წერა-კითხვის გამავრცელებელი საზოგადოებისა და მათ განყოფილებათა წარმომადგენლების საერთო კრებაზე ერთხმად მიიღეს გადაწყვეტილება, რომ საზოგადოების წესდების ზოგიერთი მუხლი შეეცვალათ, მაგალითად: მუხლი 2 – საღამოს კურსების დაარსება; მუხლი 5 – რათა საზოგადოებას უფლება ჰქონდეს შეიძინოს და გასცეს უძრავი ქონება; მუხლი 19 – რათა საზოგადოებისა და მისი განყოფილების გამგეობის წევრები შეეცვალათ ნაწილ-ნაწილ და არა ერთბაშად. სხდომის ოქმს ხელს აწერს გიორგი ნიკოლოზის ძე ყაზბეგი.