ქშწკგს პროსოპოგრაფია

ფაქტები

რეგისტრირებული ფაქტები52221

1898

ტიპი: ღონისძიება

1898 წლის 17 ნოემბერს ქართველთა შორის წერა-კითხვის გამავრცელებელი საზოგადოების სხდომაზე მოხსენება გააკეთა დავით კარიჭაშვილმა, რომ საჭირო იყო წიგნსაცავისთვის შეეკეთებინათ 2 კარადა და მუზეუმის ნივთებისთვის 2 ვიტრინა. ასევე მუზეუმსა და კანცელარიის შუაში უნდა გაეკეთებინათ რკინის მოაჯირი. აღნიშნულ საკითხთან დაკავშირებით გამგეობამ თანხმობა განაცხადა.

1898

ტიპი: ღონისძიება

1898 წლის 17 ნოემბერს ქართველთა შორის წერა-კითხვის გამავრცელებელი საზოგადოების სხდომაზე წარმოადგინეს ქართლ-კახეთის საეპარქიოს რჩევის წერილი, რომლის თანახმადაც მიხეილ კლიმიაშვილი დაამტკიცეს გომარეთის სკოლის მასწავლებლად და გამგეობას სთხოვენ, პედაგოგ კლიმიაშვილს გაუგზავნონ საჭირო დოკუმენტები. გამგეობამ განაცახდა, რომ გაითვალისწინებდნენ მათ თხოვნას.

1898

ტიპი: ავტორობა

1898 წლის 17 ნოემბერს ქართველთა შორის წერა-კითხვის გამავრცელებელი საზოგადოების სხდომაზე მოხსენება გააკეთა დავით კარიჭაშვილმა, რომ ალექსანდრე როინაშვილის ნაანდერძევი 5%-იანი ქაღალდები უნდა გამოესყიდათ ბანკიდან, რომლებიც დაგირავებული ჰქონდა ა. როინაშვილს 1130 მანეთად. გამგეობამ ბანკიდან ფასიანი ქაღალდების გამოსყიდვა დავით კარიჭაშვილს დაავალა.

1898

ტიპი: ღონისძიება

1898 წლის 17 ნოემბერს ქართველთა შორის წერა-კითხვის გამავრცელებელი საზოგადოების გამგეობის სხდომას ესწრებოდნენ ნიკოლოზ ცხვედაძე, დავით კარიჭაშვილი, ალექსანდრე ჭყონია, გიორგი იოსელიანი, გრიგოლ ყიფშიძე, ექვთიმე თაყაიშვილი და ივანე ზურაბიშვილი; სხდომაზე გრიგოლ კარაპეტიანცს წიგნების ანგარიშში 3.20 მანეთი გადასცეს, ზაქარია გრიქუროვს – 14.40 და კიდევ ცალკე – 159, თანხა ბიბლიოთეკისთვის საჭირო ნივთებისა და წიგნებისთვისაც გადადეს. სულ ხარჯმა 200.46 მანეთი შეადგინა.

1898

ტიპი: ავტორობა

1898 წლის 17 ნოემბერს გაზეთ „ივერიაში“ ილია ჭავჭავაძემ გამოაქვეყნა გაგრძელება მოწინავე წერილისა „ტფილისი, 16 ნოემბერი“ („ჩინეთის საქმე ხომ ყველაზე მეტად...“).

1898

ტიპი: ავტორობა

1898 წლის 17 ნოემბერს გაზეთ „ცნობის ფურცელში“ მ. ლიხელის ფსევდონიმით მიხეილ მურვანიშვილის კორესპონდენცია „ქ. ტომსკი, ახალი ფაკულტეტი უნივერსიტეტში“ გამოქვეყნდა.

1898

ტიპი: მფლობელობა

1898 წლის 17 ნოემბრის „ცნობის ფურცლის“ მიხედვით, ქალაქ გორში, კათოლიკეთა ქუჩაზე და დახურულ ბაზარში, ორი მამული იყიდებოდა. დაინტერესებული პირები ედუარდ ზაქარიას ძე სააკაშვილს უნდა დაკავშირებოდნენ.

1898

ტიპი: ავტორობა

1898 წლის 18 ნოემბერს გაზეთ „ივერიაში“ ილია ჭავჭავაძემ გამოაქვეყნა დასასრული მოწინავე წერილისა „ტფილისი, 17 ნოემბერი“ („წინა წერილებიდამ სჩანს...“).

1898

ტიპი: ავტორობა

1898 წლის 19 ნოემბერს გაზეთ „ივერიაში“ ილია ჭავჭავაძემ გამოაქვეყნა დასაწყისი მოწინავე წერილისა „ტფილისი, 18 ნოემბერი“ („შიდა რუსეთის გაზეთები ერთს იმისთანა ამბავს იწერებიან...“).

1898

ტიპი: ავტორობა

1898 წლის 19 ნოემბრის „ცნობის ფურცლის“ მიხედვით, მღვდელმა ვასილ კარბელაშვილმა ქართლ-კახურ კილოზე შესრულებული საეკლესიო საგალობლების ნოტებზე გადატანილი კრებული გამოსცა.

1898

ტიპი: თანამდებობა

1898 წლის 19 ნოემბრის „ცნობის ფურცლის“ მიხედვით, მაზრის უფროსი პოდპოლკოვნიკი ა. ი. სლავოჩინსკი ბათუმის ოლქის უფროსის თანამდებობაზე დაინიშნა.

1898

ტიპი: ღონისძიება

1898 წლის 19 ნოემბერს ქართულმა დრამატულმა საზოგადოებამ პეტრე უმიკაშვილის მიერ თარგმნილი ოთხმოქმედებიანი პიესა „ალერსთა ბადე” წარმოადგინა.

1898

ტიპი: ღონისძიება

1898 წლის 19 ნოემბერს ქართულმა დრამატულმა საზოგადოებამ მამია გურიელის მიერ თარგმნილი მ. ლერმონტოვის პოემა „დემონი” წარმოადგინა. სპექტაკლი ვასო აბაშიძემ და კოტე მესხმა დადგეს.

1898

ტიპი: ღონისძიება

1898 წლის 19 ნოემბერს ქართულ დრამატული საზოგადოება მამია გურიელის მიერ თარგმნილ „დემონს“ წარმოადგინდა. სპექტაკლში ელისაბედ ჩერქეზიშვილი, გიორგი კანდელაკი, ალექსანდრე იმედაშვილი, ანა მესხი და დ. აბდუშელი მიიღებდნენ მონაწილეობას.

1898

ტიპი: ღონისძიება

1898 წლის 19 ნოემბერს ქართული დრამატული საზოგადოება ვასო აბაშიძისა და კოტე მესხის მიერ დადგმულ ოთხმოქმედებიან კომედია „ალერსთა ბადეს“ წარმოადგენდა. პიესა ქართულად პეტრე უმიკაშვილმა თარგმნა.

1898

ტიპი: პირადი ინფორმაცია

1898 წლის 19 ნოემბერს კავკასიის მთავარმართებლის თანაშემწე ალექსანდრე ალექსანდრეს ძე ფრეზე თბილისიდან პეტერბურგში გაემგზავრა.

1898

ტიპი: ავტორობა

1898 წლის 20 ნოემბერს გაზეთ „ივერიაში“ ილია ჭავჭავაძემ გამოაქვეყნა დასასრული მოწინავე წერილისა „ტფილისი, 19 ნოემბერი“ („ჩვენს გუშინდელს მეთაურში მოვიხსენიეთ...“).

1898

ტიპი: ღონისძიება

1898 წლის 20 ნოემბრის „ცნობის ფურცლის“ მიხედვით, ქუთაისის დრამატულ თეატრში ვლადიმერ ალექსი-მესხიშვილის მიერ დადგმული ალექსანდრე ყაზბეგის დრამა „ქეთევან დედოფალი“ წარმოადგინეს.

1898

ტიპი: თანამდებობა

1898 წლის 20 ნოემბერს გაზეთ „ცნობის ფურცელში“ დიდი მთავრის, მიხეილ ნიკოლოზის ძე რომანოვის მიერ ფოთის მოურავის, ნიკო ნიკოლაძისადმი მიწერილი სამადლობელი წერილი გამოქვეყნდა.

1898

ტიპი: ავტორობა

1898 წლის 20 ნოემბრის „ცნობის ფურცლის“ მიხედვით, წერა-კითხვის გამავრცელებელი საზოგადოების მაღაზიაში 3 კაპიკად იყიდებოდა ილია ფერაძის მიერ თარგმნილი და ექვთიმე ხელაძის მიერ გამოცემული ნედსონის თხზულება „იუდა“.

1898

ტიპი: ღონისძიება

1898 წლის 21 ნოემბერს თბილისის საეპარქიო საქალებო სასწავლებლის ეკლესიაში ეგზარქოსმა ფლაბიანემ სასწავლებლის დღეობისადმი მიძღვნილი წირვა აღავლინა, რის შემდეგაც სემინარიის საბჭოს წევრმა, დეკანოზმა ანტონ თოთიბაძემ, მისასალმებელი სიტყვა წარმოთქვა.

1898

ტიპი: განათლება

1898 წლის 22 ნოემბერს ქაშუეთის წმინდა გიორგის ეკლესიაში თბილისის სასულიერო სემინარიის პედაგოგმა ილია ფერაძემ მოხსენება „ბავშვების ქრისტიანობრივი აღზდის შესახებ“ წაიკითხა.

1898

ტიპი: ღონისძიება

1898 წლის 22 ნოემბერს მღვდელმა სოლომონ შოშიაშვილმა ნაძალადევის უბანში შეკრებილ საზოგადოებას ახალი სამრევლო სკოლისა და სამლოცველოს აშანების თაობაზე ეგზარქოს ფლაბიანეს ლოცვა-კურთხევა გადასცა.

1898

ტიპი: ღონისძიება

1898 წლის 24 ნოემბერს ქართველთა შორის წერა-კითხვის გამავრცელებელი საზოგადოების ოცდამეთექვსმეტე სხდომას ესწრებოდნენ ნიკოლოზ ცხვედაძე, დავით კარიჭაშვილი, ალექსანდრე ჭყონია და გრიგოლ ყიფშიძე. სხდომაზე წარმოადგინეს 1-ლი ნოემბრიდან 24 ნოემბრამდე მიღებული საზოგადოების შემოსავალ-გასავლის ანგარიში.

1898

ტიპი: ღონისძიება

1898 წლის 24 ნოემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეთექვსმეტე სხდომა ნიკოლოზ ცხვედაძის თავმჯდომარეობით. სხდომას ასევე ესწრებოდნენ: დავით კარიჭაშვილი, ალექსანდრე ჭყონია და გრიგოლ ყიფშიძე.