რეგისტრირებული ფაქტები45314
სორტირება ახალი ჩანაწერების მიხედვით
1918
ტიპი: ავტორობა
განათლების მინისტრის მოადგილე (ხელს აწერენ: კანც. დირექტორი მიქაბერიძე, საქმის მწარმ. კ. აბაშიძე) 1918 წლის 15 ოქტომბრის მოხსენებაში მთავრობის თავმჯდომარეს აცნობს დაწესებულებებს, რომლებიც გაუქმდა საქართველოს დამოუკიდებელ სახელწიფოდ გამოცხადების დღიდან: 1. ამიერკავკასიის სახალხო განათლების სამინისტრო, 2. ამიერკავკასიის სასწავლო ოლქი, 3. თბილისისა და ქუთაისის გუბერნიების სახალხო სკოლათა დირექციები, 4. თბილისის ქალთა ინსტიტუტი, 5. თბილისის სამხედრო გიმნაზია (კადეტთა კორპუსი). ამ დაწესებულებათა მოსამსახურეების უმრავლესობა შტატგარეშედ დარჩა.
1918
ტიპი: თანამდებობა
თბილისის ქალთა მე-6 გიმნაზიის დირექტორს აცნობეს, რომ მთავარგამგის N67 ბრძანებით გიმნაზიის ქართული ენისა და საქართველოს ისტორიის მასწავლებლის თანამდებობის აღმასრულებელი მიხეილ ვლადიმერის ძე აბრამიშვილი გადაიყვანეს თბილისის ვაჟთა მეორე გიმნაზიაში 1918 წლის 1-ლი ნოემბრიდან. ხელს აწერენ კანცელარიის დირექტორი ალექსანდრე ნიკოლოზის ძე მიქაბერიძე და საქმისმწარმოებელი მაქსიმე დავითის ძე ბერძნიშვილი.
1918
ტიპი: თანამდებობა
1918 წლის 4 ნოემბერს თბილისის ვაჟთა მეორე გიმნაზიის დირექტორს აცნობეს, რომ მთავარგამგის ბრძანების თანახმად (29 ოქტომბერი N67) გიმნაზიის ქართული ენის მასწავლებლის თანამდებობის აღმასრულებლად დანიშნეს მიხეილ ვლადიმერის ძე აბრამიშვილი. ხელს აწერენ კანცელარიის დირექტორი ალექსანდრე ნიკოლოზის ძე მიქაბერიძე და საქმისმწარმოებელი მაქსიმე დავითის ძე ბერძნიშვილი.
1918
ტიპი: თანამდებობა
1918 წლის 11 ოქტომბერს თბილისის ქალთა მე-6 გიმნაზიის დირექტორს აცნობეს, რომ მთავარგამგის 1918 წლის 8 ოქტომბრის N44 ბრძანების თანახმად, დორპატის უნივერსიტეტის საისტორიო-საფილოლოგო ფაკულტეტის სიტყვიერების განყოფილების სწავლადამთავრებული მიხეილ ვლადიმერის ძე აბრამიშვილი დანიშნეს ქართული ენისა და საქართველოს ისტორიის მასწავლებლად მიმდინარე წლის 1-ლი ოქტომბრიდან. ხელს აწერენ კანცელარიის ვიცე-დირექტორი ალექსანდრე ნიკოლოზის ძე მიქაბერიძე და საქმისმწარმოებელი მაქსიმე დავითის ძე ბერძნიშვილი.
ტიპი: განათლება
1918 წლის 18 ივლისს მიხეილ ვლადიმერის ძე აბრამიშვილი საქართველოს რესპუბლიკის სახალხო განათლების მინისტრს თხოვნით მიმართავს, რომ დანიშნოს მასწავლებლად თბილისის ერთ-ერთ ქართულ გიმნაზიაში. დაასრულა დორპატის უნივერსიტეტის საისტორიო-საფილოლოგო ფაკულტეტის სიტყვიერების განყოფილება 1918 წლის 26 იანვარს. შეუძლია ასწავლოს: 1.ქართული ენა და ლიტერატურა, 2.საქართველოს ისტორია, 3.მსოფლიო ისტორია, 4.ფსიქოლოგია და ლოღიკა. ასევე, ადგენს მოწმობას სასწავლებლის დაარულების შესახებ. უთითებს მისამართს : გუნიბის ქუჩა, სახლი #58. მოწმობა სასწავლებლის დასრულების შესახებ წაიღო #3 1919 წლის 7 თებერვალს.
1918
ტიპი: თანამდებობა
1918 წლის 5 ოქტომბერს მიხეილ აბრამიშვილმა უმაღლეს და საშუალო სკოლების მთავარგამგეს თბილისის ქალთა მეექვსე გიმნაზიაში ქართული ენისა და საქართველოს ისტორიის მასწავლებლად დანიშვნა სთხოვა.
1918
ტიპი: თანამდებობა
საქართველოს რესპუბლიკის სახალხო განათლების სამინისტროს მთავარგამგის 1918 წლის 29 ოქტომბრის N67 ბრძანების მიხედვით, თბილისის ქალთა მე-6 გიმნაზიის ქართული ენისა და საქართველოს ისტორიის მასწავლებელი მიხეილ აბრამიშვილი 1-ელი ნოემბრიდან თბილისის ვაჟთა მე-2 გიმნაზიაში ქართული ენის პედაგოგად გადაიყვანეს.
1920
ტიპი: თანამდებობა
ხაშურის ქალთა გიმნაზიის დირექტორს აუწყეს, რომ გიმნაზიასთან არსებული უმაღლესი დაწყებითი სასწავლებლის შტატის მასწავლებლად 1920 წლის 1-ლი იანვრიდან ლუბა აბრამიშვილს დაამტკიცებდნენ.
1919
ტიპი: ღონისძიება
1919 წლის 1-ელ დეკემბერს ხაშურის ქალთა გიმნაზიის პედაგოგიური საბჭოს თავმჯდომარე შ. მხეიძემ უმაღლესი და საშუალო სკოლების მთავარგამგეს მისწერა, რომ შუამდგომლობდა ქართული ენის მასწავლებლის თანამდებობის აღმასრულებელ ლუბა აბრამიშვილს, რათა უმცროსი კლასების ქართული ენის მასწავლებლად დაემტკიცებინათ. ხელს აწერენ პედაგოგიური საბჭოს თავმჯდომარე შ. მხეიძე და საქმისმწარმოებელი პავლე ბლუაშვილი.
1917
ტიპი: თანამდებობა
1918 წლის 4 სექტემბერს საქართველოს დემოკრატიული რესპუბლიკის სახალხო განათლების მინისტრმა გიორგი მიხეილის ძე ლასხიშვილმა N38 ბრძანებით, 1917 წლის 28 ოქტომბრიდან ტარას სარდიონის ძე აბზიანიძე ფიზიკის მასწავლებლად დაამტკიცა ქუთაისის ვაჟთა მესამე გიმნაზიაში.
1919
ტიპი: თანამდებობა
1919 წლის 27 მარტის N85 ბრძანებით საქართველოს დემოკრატიული რესპუბლიკის უმაღლესი და საშუალო სასწავლებლის მთავარგამგემ გრიგოლ იასონის ძე ნათაძემ ქუთაისის ქალთა ყაუხჩიშვილის გიმნაზიაში ფიზიკის მასწავლებლად დაამტკიცა ტარას სარდიონის ძე აბზიანიძე.
1918
ტიპი: თანამდებობა
1918 წლის 10 ივლისს ქუთაისის მესამე ვაჟთა გიმნაზიის დირექტორმა იერონიმე არსენიშვილმა საქართველოს რესპუბლიკის სახალხო განათლების მინისტრს გაუგზავნა წარდგინება, რომ გიმნაზიის პედაგოგიურმა საბჭომ 1917 წლის 28 ოქტომბერს ფიზიკის კათედრაზე მასწავლებლად აირჩია კიევის უნივერსიტეტის კურსდამთავრებული ტარას სარდიონის ძე აბზიანიძე, რომელმაც წლის განმავლობაში დაამტკიცა, რომ იყო მომზადებული და ხარისხიანად ასწავლიდა მოსწავლეებს თავის საგანს.
1919
ტიპი: თანამდებობა
1919 წლის 30 ოქტომბერს სახალხო განათლების სამინისტრომ დაადასტურა, რომ ნიკოლოზ ივლიანეს ძე აბესაძე იყო საქართველოს დემოკრატიული რესპუბლიკის სახალხო განათლების სამინისტროს საქმისმწარმოებელი. ხელს აწერენ დირექტორის ნაცვლად ალექსანდრე ნიკოლოზის ძე მიქაბერიძე და საქმისმწარმოებელი მაქსიმე დავითის ძე ბერძნიშვილი.
1918
ტიპი: თანამდებობა
9 მაისს სახალხო განათლების სამინისტრომ დაამოწმა, რომ ნიკოლოზ ივლიანეს ძე აბესაძე იყო განათლების სამინისტროს პირველგანყოფილების საქმისმწარმოებელი. ხელს აწერენ ვიცე-დირექტორი ალექსანდრე ნიკოლოზის ძე მიქაბერიძე და საქმისმწარმოებლის ნაცვლად ვარლამ დავითის ძე ძიძიგური.
1919
ტიპი: პირადი ინფორმაცია
1919 წლის 26 თებერვალს ექიმმა მოწმობით დაადასტურა, რომ ნიკოლოზ ივლიანეს ძე აბესაძე სისხლნაკლულობით იყო დაავადებული. იგი გადაღლილი იყო და აუცილებლად სჭირდებოდა დასვენება.
1918
ტიპი: თანამდებობა
1918 წლის 14 დეკემბრის საქართველოს დემოკრატიული რესპუბლიკის სახალხო განათლების მინისტრის N89 ბრძანების თანახმად, ნიკოლოზ აბესაძე დანიშნეს სახალხო განათლების სამინისტროს საქმისმწარმოებლის თანამდებობის აღმასრულებლად მიმდინარე წლის 10 დეკემბრიდან. ხელს აწერს განათლების მინისტრი გიორგი მიხეილის ძე ლასხიშვილი.
1920
ტიპი: ღონისძიება
საქართველოს დემოკრატიული რესპუბლიკის სახალხო განათლების მინისტრის ამხანაგის 1920 წლის 26 იანვრის N17 ბრძანებაში წერია, რომ ჩაეთვალოს სახელმწიფო სამსახურში ხუთწლეულებისა და პენსიის მისაღებად ქუთაისის ვაჟთა მეორე გიმნაზიასთან არსებული უმაღლესი დაწყებითი სასწავლებლის მასწავლებელ დეკანოზ ივლიანე აბესაძეს საპედაგოგო ასპარეზზე ნამსახურეობის წლები, 1884 წლის 19 სექტემბრიდან 1918 წლის პირველ სექტემბრამდე. ხელს აწერენ: მინისტრის ამხანაგი – ნოე ცინცაძე და დედანთან სისწორეს ხელს აწერს ივანე ეპიტაშვილი.
1919
ტიპი: ღონისძიება
ქუთაისის ვაჟთა მეორე გიმნაზიის დირექტორს აუწყებენ, რომ მინისტრის ამხანაგის ა.წ. 26 იანვრის N17 ბრძანების თანახმად, მისდამი რწმუნებულ გიმნაზიასთან არსებულ უმაღლესი დაწყებითი სასწავლებლის მასწავლებელს, დეკანოზ ივლიანე აბესაძეს ჩაეთვალა სახელმწიფო სამსახურში ხუთწლეულები და პენსიის მისაღებად საპედაგოგო ასპარეზზე ნამსახურები წლები 1884 წლის 19 სექტემბრიდან 1918 წლის პირველ სექტემბრამდე. ასევე, ეგზავნება აბესაძის ნამსახურეობის სია. ხელს აწერენ: კანცელარიის დირექტორი ვუკოლ ბერიძე, მდივანი გიორგი მებუკე, საქმისმწარმოებელი – მესხი.
1919
ტიპი: ავტორობა
1919 წლის 8 თებერვალს ქუთაისის ვაჟთა მეორე გიმნაზიისა და მასთან არსებული დაწყებითი სასწავლებლის სამი კლასის ისტორიისა და გეოგრაფიის მასწავლებელმა, დეკანოზმა ივლიანე აბესაძემ საქართველოს დემოკრატიული რესპუბლიკის განათლების სამინისტროს სთხოვა, რომ აღედგინათ მისთვის წარსულში მინიჭებული უფლება და სხვების მსგავსად ისიც გაეთანასწორებინათ უმაღლესდამთავრებულ მასწავლებლებთან მაღალი ჯამაგირისა და პენსიის მიღების უფლებით.
1919
ტიპი: თანამდებობა
1919 წლის 8 თებერვალს ქუთაისის ვაჟთა მეორე გიმნაზიისა და მასთან არსებული დაწყებითი სასწავლებლის სამი კლასის ისტორიისა და გეოგრაფიის მასწავლებელმა, დეკანოზმა ივლიანე აბესაძემ საქართველოს დემოკრატიული რესპუბლიკის განათლების სამინისტროს მისწერა, რომ ასწავლიდა მსოფლიო ისტორიასა და გეოგრაფიას მეოთხე კლასში, რომელიც იმავე წელს კვლავ გიმნაზიის შემადგენლობაში ირიცხება. თუ საჭირო იქნებოდა, მას შეეძლო მომავალ სასწავლო წელს თავისი მოსწავლეებისთვის მეხუთე და მეექვსე კლასში წარმატებულად ესწავლებინა აღნიშნული საგნები.
1919
ტიპი: ავტორობა
1919 წლის 8 თებერვალს ქუთაისის ვაჟთა მეორე გიმნაზიისა და მასთან არსებული დაწყებითი სასწავლებლის სამი კლასის ისტორიისა და გეოგრაფიის მასწავლებელმა, დეკანოზმა ივლიანე აბესაძემ საქართველოს დემოკრატიული რესპუბლიკის განათლების სამინისტროს მისწერა, რომ ყველა სემინარიელს და, ზოგადად, საშუალო განათლებამიღებულ პირებს წარსულში მოუსწრო ახალი შტატის წყობილებამ, რომელმაც სემინარიადასრულებული პირები გაათანასწორა უმაღლეს სასწავლებელდამთავრებულ მასწავლებლებთან, როგორც ჯამაგირით, ასევე, პენსიის მიღების უფლებით.
1919
ტიპი: თანამდებობა
ქუთაისის ვაჟთა მეორე გიმნაზიისა და მასთან არსებული დაწყებითი სასწავლებლის სამი კლასის ისტორიისა და გეოგრაფიის მასწავლებელი, დეკანოზი ივლიანე აბესაძე უკანასკნელი ოცი წლის განმავლობაში მსახურობდა აღნიშნული გიმნაზიის მაღალ კლასებში, რაც ნათლად ჩანდა მისი ნამსახურეობის სიიდან, რომელიც განათლების სამინისტროში ინახებოდა.
1919
ტიპი: ღონისძიება
ქუთაისის ვაჟთა გიმნაზიის დირექტორმა სილოვან ხუნდაძემ სახალხო განათლების სამინისტროს მისწერა, რომ ივლიანე აბესაძემ თხოვნით მიმართა მას ეშუამდგომლა სამინისტროსთან, რათა მისთვის აღედგინათ ის უფლება, რომლითაც წარსულში სარგებლობდა. სილოვან ხუნდაძემ აბესაძის თხოვნა კანონიერად მიიჩნია და უშუამდგომლა მას, რათა მისთვის აღედგინათ უმაღლესი ჯილდოს მიღების უფლება. ასევე ხუნდაძემ სამინისტროს მისწერა, რომ დეკანოზი აბესაძე საგნების მცოდნე და შრომისმოყვარე მასწავლებელი იყო. ხელს აწერენ ალ. ლორთქიფანიძე და სილოვან თომას ძე ხუნდაძე.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -