რეგისტრირებული ფაქტები46417
სორტირება ახალი ჩანაწერების მიხედვით
1918
ტიპი: ღონისძიება
1918 წლის 8 ოქტომბერს ზესტაფონის ვაჟთა გიმნაზიის დირექტორმა ნიკოლოზ კვინიკაძემ უმაღლეს და საშუალო სკოლების მთავარგამგეს მისწერა, რომ კონსტანტინე ანთაძე ქართული ენის გამოცდილ მასწავლებლად ითვლებოდა. მან მთავარგამგეს სთხოვა, ანთაძე გამოერიცხათ როგორც სჯულის მასწავლებელი და დაბალი კლასების ქართული ენის მასწავლებლად დაენიშნათ ზესტაფონის ვაჟთა გიმნაზიაში. ხელს აწერენ გიმნაზიის დირექტორი ნიკოლოზ კვინიკაძე და მდივანი ტერ. დუგლაძე.
1918
ტიპი: ღონისძიება
1918 წლის 8 ოქტომბერს ზესტაფონის ვაჟთა გიმნაზიის დირექტორმა ნიკოლოზ კვინიკაძემ უმაღლეს და საშუალო სკოლების მთავარგამგეს მისწერა, რომ 1917 წლის პირველი სექტემბრიდან კონსტანტინე ანთაძე მისდამი რწმუნებული გიმნაზიის საღვთო სჯულის მასწავლებლად ითვლებოდა. პედაგოგიური საბჭოს დადგენილების თანახმად, ანთაძეს ჩაბარებული ჰქონდა ქართული ენის გაკვეთილები პირველ, მეორე და მესამე კლასებში 1917-1918 სასწავლო წლის განმავლობაში. ხელს აწერენ გიმნაზიის დირექტორი ნიკოლოზ კვინიკაძე და მდივანი ტერ. დუგლაძე.
1919
ტიპი: ღონისძიება
საქართველოს საგარეო საქმეთა მინისტრის – ევგენი გეგეჭკორის – 2 ოქტომბრის ნოტაში ნათქვამია, რომ საქართველოს მთავრობა შეშფოთებულია იმ სისხლისღვრით, რაც დენიკინის წინააღმდეგ აჯანყებულ დაღესტანსა და ყოფილი მთიელთა რესპუბლიკის მთელ ტერიტორიაზე ხდება და საერთაშორისო მისიებს სთხოვს ჩაერიონ მღელვარების გამომწვევი მიზეზების დიპლომატიური გზით გადაჭრაში, წინააღმდეგ შემთხვევაში, მეზობლად მზარდი ანარქია საქართველოს დამოუკიდებლობასაც უქმნის საფრთხეს.
1919
ტიპი: ღონისძიება
ჩრდილო კავკასიაში განვითარებულ მოვლენებთან დაკავშირებით, საქართველოს საგარეო საქმეთა მინისტრმა ევგენი გეგეჭკორმა 1919 წლის 2 ოქტომბერს საპროტესტო ნოტა გაუგზავნა შემდეგ ოფიციალურ პირებს: პოლკოვნიკ ჰასკელს (გასკელს) – მოკავშირეთა უზენაეს კომისარს ამიერკავკასიაში, ოლივერ უორდროპს – დიდი ბრიტანეთის უზენაეს კომისარს ამიერკავკასიაში, გაბას – იტალიის სამხედრო მისიის მეთაურს ამიერკავკასიაში, ასევე – საფრანგეთისა და საბერძნეთის სამხედრო მისიათა ხელმძღვანელებს ამიერკავკასიაში.
1919
ტიპი: ღონისძიება
1919 წლის 22 დეკემბერს ოზურგეთის ქალთა გიმნაზიის უფროსმა ან. მგელაძემ საქართველოს რესპუბლიკის განათლების მინისტრს მისწერა, რომ 1915 წლიდან სოლომონ ანდღულაძე ოზურგეთის ქალთა გიმნაზიაში საქმისმწარმოებლად მსახურობდა. ის გიმნაზიის კერძო სასწავლებლის სახით გახსნის დღიდან იქ მუშაობდა და ორგანიზაციულ საკითხებშიც აქტიურად მონაწილეობდა.
1920
ტიპი: თანამდებობა
1920 წლის 15 აგვისტოს ოზურგეთის ვაჟთა გიმნაზიის დირექტორს აცნობეს, რომ მინისტრის ამხანაგის ბრძანების თანახმად, გიმნაზიის მასწავლებელს სოლომონ ანდღულაძეს საშუალო სკოლის ქართული ენის მასწავლებლის წოდება მიენიჭა და 1920 წლის პირველი ივნისიდან იმავე თანამდებობაზე დამტკიცდა.
1920
ტიპი: ღონისძიება
1920 წლის 14 ივლისის საქართველოს დემოკრატიული რესპუბლიკის სახალხო განათლების მინისტრის ამხანაგის ნოე ცინცაძის N 86 ბრძანების თანახმად, ოზურგეთის ვაჟთა გიმნაზიის მასწავლებელს, მღვდელ სოლომონ ანდღულაძეს საშუალო სკოლის ქართული ენის მასწავლებლის წოდება მიენიჭა და 1920 წლის პირველი ივნისიდან იმავე თანამდებობაზე დამტკიცდა. დედანთან სისწორეს ხელმოწერით ადასტურებს დ. მესხი.
1920
ტიპი: ღონისძიება
1920 წლის 16 მარტს ოზურგეთის ვაჟთა გიმნაზიის დირექტორმა ილია ფერაძემ სახალხო განათლების სამინისტროს მისწერა, რომ გიმნაზიის უფროს კლასებში ქართული ენის კლასის მასწავლებლისა და სააღმზრდელო მოვალეობას სოლომონ ანდღულაძე ასრულებდა. მას წაკითხული ჰქონდა უამრავი ქართული წიგნი, მოეპოვებოდა საკუთარი მდიდარი წიგნსაცავი. ლიტერატურას ნაყოფიერად ასწავლიდა, გაკეთილის ახსნის დროს სალიტერატურო ენით საუბრობდა და ამავე ენით ასაუბრებდა მოსწავლეებსაც, რომელთა მოსმენა მსმენელზე დიდ შთაბეჭდილებას ახდენდა.
1920
ტიპი: ღონისძიება
1920 წლის 16 მარტს ოზურგეთის ვაჟთა გიმნაზიის დირექტორმა ილია ფერაძემ სახალხო განათლების სამინისტროს მისწერა, რომ სემინარიის სტუდენტს, უმრევლო მღვდელს, ქართული ენის შტატის მასწავლებელ სოლომონ ანდღულაძეს მინდობილი ჰქონდა ქართული ენის 9 გაკვეთილი მე-5 კლასში (პროგიმნაზიულ კლასში).
1919
ტიპი: ღონისძიება
1919 წლის 22 დეკემბერს ოზურგეთის ქალთა გიმნაზიის უფროსი ან. მგელაძე საქართველოს რესპუბლიკის განათლების სამინისტროსთან შუამდგომლობდა, რომ სოლომონ ანდღულაძე საქმისმწარმოებლის თანამდებობაზე დაეტოვებინათ ქალთა გიმნაზიაში, მიუხედავად იმისა, რომ ის ვაჟთა გიმნაზიის შტატის მასწავლებელი იყო. მათ არ ეგულებოდათ მომზადებული პირი, რომელიც საქმისმწარმოებლის თანამდებობას დაიკავებდა მისდამი რწმუნებულ გიმნაზიაში.
1919
ტიპი: ავტორობა
1919 წლის 22 დეკემბერს ოზურგეთის ქალთა გიმნაზიის უფროსმა ან. მგელაძემ საქართველოს რესპუბლიკის განათლების მინისტრს მისწერა, რომ პედაგოგიური საბჭოს აზრით, სოლომონ ანდღულაძეს ოზურგეთის ვაჟთა გიმნაზიაში მასწავლებლობა ხელს ვერ შეუშლიდა ქალთა გიმნაზიაში საქმისმწარმოებლად ემსახურა. მას პირველ სასწავლებელში მხოლოდ 15 გაკვეთილი ჰქონდა, შესაბამისად, იქ ნაკლები დრო სჭირდებოდა და ნაკლები ანაზღაურებაც ჰქონდა. მას მატერიალურად ვაჟთა გიმნაზიაში რაც აკლდებოდა, შეეძლო ქალთა გიმნაზიაში აენაზღაურებინა.
1919
ტიპი: ავტორობა
1919 წლის 22 დეკემბერს ოზურგეთის ქალთა გიმნაზიის უფროსმა ან. მგელაძემ საქართველოს რესპუბლიკის განათლების მინისტრს მისწერა, რომ ოზურგეთის ქალთა გიმნაზიის პედაგოგიურმა საბჭომ გიმნაზიაში არსებული მდგომარეობიდან გამომდინარე არჩევანი შეაჩერა სოლომონ ანდღულაძეზე. ის სამაგალითო საქმისმწარმოებელი და ერთადერთი სასურველი კანდიდატი იყო. მას ხელს არ შეუშლიდა ფორმალური მიზეზი, რომ ერთი და იმავე შტატის მასწავლებელი იყო ოზურგეთის ვაჟთა გიმნაზიაში.
1919
ტიპი: ღონისძიება
1919 წლის 31 დეკემბერს მთავარგამგე გრიგოლ ნათაძემ და საქმისმწარმოებელმა ვარლამ ძიძიგურმა ოზურგეთის ვაჟთა პროგიმნაზიის დირექტორს აცნობეს, რომ 1918 წლის პირველი დეკემბრიდან მისდამი რწმუნებულ გიმნაზიაში ქართული ენის შტატის მასწავლებლად სოლომონ ანდღულაძე დაამტკიცეს.
1918
ტიპი: ავტორობა
1918 წლის 14 დეკემბერს დირექტორი ალექსანდრე მიქაბერიძე და საქმისმწარმოებელი ნიკოლოზ აბესაძე ოზურგეთის ვაჟთა პროგიმნაზიის გამგეს 2 დეკემბრის N 262 ქაღალდის დასამატებლად მთავარგამგის დავალებით ატყობინებენ, რომ პედაგოგიური საბჭოს გაკვეთილების გადანაწილების დროს უნდა ეხელმძღვანელათ სამინისტროს მიერ შემუშავებული ნუსხით, რომლის მიხედვით საქართველოს ისტორიის კურსის გაკვეთილები სხვანაირად იყო განაწილებული.
1918
ტიპი: ღონისძიება
1918 წლის 14 დეკემბერს სახალხო განათლების სამინისტროს კანცელარიის დირექტორმა ალექსანდრე მიქაბერიძემ და საქმისმწარმოებელმა ნიკოლოზ აბესაძემ ოზურგეთის ვაჟთა პროგიმნაზიის გამგეს სთხოვეს, ეცნობებინათ მღვდელ სოლომონ ანდღულაძეს ჰქონდა თუ არა რომელიმე ეკლესიაში მოძღვრის ადგილი.
1918
ტიპი: ღონისძიება
1918 წლის 27 დეკემბერს ოზურგეთის პროგიმნაზიის გამგე ილია ფერაძემ და საქმისმწარმოებლის აღმასრულებელმა მდივანმა ი. ღლონტმა საქართველოს რესპუბლიკის სახალხო განათლების სამინისტროს მისწერეს, რომ მღვდელ სოლომონ ანდღულაძეს ეკლესიაში მოძღვრის ადგილი არ ჰქონდა.
1918
ტიპი: ღონისძიება
1918 წლის 6 დეკემბერს ოზურგეთის პროგიმნაზიის გამგებელმა ილია ფერაძემ საქართველოს დემოკრატიული რესპუბლიკის სახალხო განათლების სამინისტროს მისწერა, რომ 1918 წლის პირველი დეკემბრიდან სასულიერო სემინარიის სტუდენტი, მღვდელი სოლომონ ანდღულაძე პროგიმნაზიის ქართული საგნების შტატის მასწავლებლად დაემტკიცებინათ. ხელს აწერენ პროგიმნაზიის გამგებელი ილია ფერაძე და პროგიმნაზიის საქმისმწარმოებლის აღმასრულებელი მდივანი ი. ღლონტი.
1918
ტიპი: ღონისძიება
1918 წლის 6 დეკემბერს ოზურგეთის პროგიმნაზიის გამგებელმა ილია ფერაძემ საქართველოს დემოკრატიული რესპუბლიკის სახალხო განათლების სამინისტროს მისწერა, რომ მღვდელი სოლომონ ანდღულაძე თავისი დინჯი და აუჩქარებელი ხასიათით მოსწავლეებზე კარგ გავლენას ახდენდა. ქართული ენა და ლიტერატურა ზედმიწევნით კარგად იციოდა და იყო ბეჯითი. ხელს აწერენ პროგიმნაზიის გამგებელი ილია ფერაძე და პროგიმნაზიის საქმისმწარმოებლის აღმასრულებელი მდივანი ი. ღლონტი.
1918
ტიპი: ღონისძიება
1918 წლის 6 დეკემბერს ოზურგეთის პროგიმნაზიის გამგებელმა ილია ფერაძემ საქართველოს დემოკრატიული რესპუბლიკის სახალხო განათლების სამინისტროს მისწერა, რომ სოლომონ ანდღულაძე ბოლოს მსახურებდა ქართული საგნების მასწავლებლად უმაღლეს დაწყებით სასწავლებელში. 1918 წლის 30 ნოემბერს უმაღლეს დაწყებითი სასწავლებლის პედაგოგიურმა საბჭომ მე-3 რაიონის ინსპექტორის წინაშე მისი შტატის მასწავლებლად დამტკიცების შესახებ შუამდგომლობა აღძრა. ანდღულაძეს როგორც თავისი განათლების ცენზის, ისე მრავალწლიანი პედაგოგიური გამოცდილების მიხედვით, მასწავლებლობის უფლება ჰქონდა. ხელს აწერენ პროგიმნაზიის გამგებელი ილია ფერაძე და პროგიმნაზიის საქმისმწარმოებლის აღმასრულებელი მდივანი ი. ღლონტი.
1918
ტიპი: ღონისძიება
1918 წლის 6 დეკემბერს ოზურგეთის პროგიმნაზიის გამგებელმა ილია ფერაძემ საქართველოს დემოკრატიული რესპუბლიკის სახალხო განათლების სამინისტროს მისწერა, რომ 1893 წლიდან სოლომონ ანდღულაძე მასწავლებლად მსახურობდა. ის მცოდნე და განვითარებულ ადამიანად ითვლებოდა. ხელს აწერენ პროგიმნაზიის გამგებელი ილია ფერაძე და პროგიმნაზიის საქმისმწარმოებლის აღმასრულებელი მდივანი ი. ღლონტი.
1918
ტიპი: ღონისძიება
1918 წლის 6 დეკემბერს ოზურგეთის პროგიმნაზიის გამგებელმა ილია ფერაძემ საქართველოს დემოკრატიული რესპუბლიკის სახალხო განათლების სამინისტროს მისწერა, რომ სოლომონ ანდღულაძე გასულ წლებში პროგიმნაზიაში ლათინურ ენას ასწავლიდა. 1918 წელს კი მეოთხეში ასწავლიდა მსოფლიო ისტორიას. ხელს აწერენ პროგიმნაზიის გამგებელი ილია ფერაძე და პროგიმნაზიის საქმისმწარმოებლის აღმასრულებელი მდივანი ი. ღლონტი.
1918
ტიპი: ღონისძიება
1918 წლის 6 დეკემბერს პროგიმნაზიის გამგებელმა ილია ფერაძემ საქართველოს დემოკრატიული რესპუბლიკის სახალხო განათლების სამინისტროს მისწერა, 1918 წლის 30 ნოემბრის კრებაზე ოზურგეთის კლასიკური (ყოფილი საეპარქიო) პროგიმნაზიის პედაგოგიური საბჭოს სასწავლებელში ეროვნული საგნების საფუძვლიანად სწავლების მსჯელობის შესახებ. პედაგოგიურმა საბჭომ პროგიმნაზიის მასწავლებლად ქართულ საგნებსა და მასთან შეერთებულ საგნებშიც ერთხმად აირჩია თბილისის სასულიერო სემინარიის სტუდენტი, მღვდელი სოლომონ ანდღულაძე. ხელს აწერენ პროგიმნაზიის გამგებელი ილია ფერაძე და პროგიმნაზიის საქმისმწარმოებლის აღმასრულებელი მდივანი ი. ღლონტი.
1930
ტიპი: ღონისძიება
1930 წელს შალვა შარაშიძემ ნინო ქიქოძესა და გიორგი (გიგო) შარაშიძეს შვილიშვილის, დავითის ვაჟის – გიორგი (გოგი) შარაშიძის დაბადება მიულოცა.
1932
ტიპი: ღონისძიება
1932 წლის 31 ოქტომბერს შალვა შარაშიძემ დედას, ნინო ქიქოძეს მისწერა, რომ თუ მათი ბახვის ეზოს ჩამოჭრა გზის გაკეთებას უკავშირდებოდა, უნდა შეგუებოდნენ ამ ამბავს, თუ რამე სხვა მიზეზი იყო, მაშინ უნდა გაეპროტესტებინათ.