ქშწკგს პროსოპოგრაფია

ფაქტები

რეგისტრირებული ფაქტები46487

1896

ტიპი: ღონისძიება

1896 წლის 28 აპრილს თბილისის სათავადაზნაურო-საადგილმამულო ბანკის სხდომის გახსნისთანავე ნიკოლოზ ორბელიანმა ილია ჭავჭავაძეს ბოდიშის მოხდა მოსთხოვა ივანე მაჩაბლისთვის „დანოსჩიკის“ წოდებისთვის. ილიას განმარტებისა და მოწმეთა დადასტურების შემდეგ გაირკვა, რომ მას ასეთი რამ არ უთქვამს.

1885

ტიპი: პირადი ურთიერთობა

1885 წლის პირველ სექტემბერს ილია ჭავჭავაძემ დიმიტრი ყიფიანისგან სამადლობელი წერილი მიიღო.

1906

ტიპი: ღონისძიება

1906 წლის იანვარში ილია ჭავჭავაძის მონაწილეობით შემუშავებულ ქართველ ავტონომისტთა კონსტიტუციონალ-დემოკრატიული პარტიის პროგრამაში ეწერა, რომ არენდატორს უნდა ჰქონოდა უფლება, გადამეტებული გადასახადის დაკისრების შემთხვევაში სასამართლოსთვის მიემართა.

1906

ტიპი: ღონისძიება

1906 წლის იანვარში ილია ჭავჭავაძის მონაწილეობით შემუშავებულ ქართველ ავტონომისტთა კონსტიტუციონალ-დემოკრატიული პარტიის პროგრამაში ეწერა, რომ სახელმწიფოს არენდატორთათვის გადასახადი უნდა შეემცირებინა.

1906

ტიპი: ღონისძიება

1906 წლის იანვარში ილია ჭავჭავაძის მონაწილეობით შემუშავებულ ქართველ ავტონომისტთა კონსტიტუციონალ-დემოკრატიული პარტიის პროგრამაში ეწერა, რომ სახელმწიფოს უნდა დაეარსებინა ორგანიზაცია, რომელიც უზრუნველყოფდა გლეხების გადასახლებას მიწების ახლებურად განაწილების მიზნით.

1885

ტიპი: ღონისძიება

1885 წლის 28 აგვისტოს კავკასიის საცენზურო კომიტეტმა წერილობით აცნობა მთავარი სამმართველოს კანცელარიას, რომ სასურველი არ იყო გაზეთ „დროების“ გადაცემა ილია ჭავჭავაძისთვის, რადგან მისი რედაქტორობის შემთხვევაში ივანე მაჩაბელი, რომელიც არაკეთილსაიმედოდ იქცეოდა, კვლავ აქტიურ მონაწილეობას მიიღებდა გაზეთის გამოცემაში.

1885

ტიპი: ღონისძიება

1885 წლის 8 ივლისს თბილისის პოლიცმაისტერმა წერილობით უპატაკა გუბერნატორს, ილია ჭავჭავაძის საგურამოდან თბილისში ჩამოსვლის შესახებ.

1885

ტიპი: ღონისძიება

1885 წლის ივნისის ჟურნალ „ივერიაში“ ქართველთა შორის წერა-კითხვის გამავრცელებელი საზოგადოების განვლილი წლის საქმეთწარმოება დაიბეჭდა, რომელსაც ილია ჭავჭავაძე აწერდა ხელს.

1906

ტიპი: ღონისძიება

1906 წლის იანვარში ილია ჭავჭავაძის მონაწილეობით შემუშავებულ ქართველ ავტონომისტთა კონსტიტუციონალ-დემოკრატიული პარტიის პროგრამაში ეწერა, რომ ავტონომიის მოპოვების შემდეგ საქართველოში მყოფი ეროვნული უმცირესობები ხელშეუხებელნი უნდა ყოფილიყვნენ.

1906

ტიპი: ღონისძიება

1906 წლის იანვარში ილია ჭავჭავაძის მონაწილეობით შემუშავებულ ქართველ ავტონომისტთა კონსტიტუციონალ-დემოკრატიული პარტიის პროგრამაში ეწერა, რომ ავტონომიურ საქართველოში სამოქალაქო თავისუფლება უნდა დამყარებულიყო.

1906

ტიპი: ღონისძიება

1906 წლის იანვარში ილია ჭავჭავაძის მონაწილეობით შემუშავებულ ქართველ ავტონომისტთა კონსტიტუციონალ-დემოკრატიული პარტიის პროგრამაში ეწერა, რომ რუსეთში ახალი სახელმწიფო წყობის დაარსებისთანავე ყველა ეროვნებას და კერძოდ, საქართველოს ავტონომიის დამყარების უფლება უნდა ჰქონოდა.

1906

ტიპი: ღონისძიება

1906 წლის იანვარში ილია ჭავჭავაძის მონაწილეობით შემუშავებულ ქართველ ავტონომისტთა კონსტიტუციონალ-დემოკრატიული პარტიის პროგრამაში ეწერა, რომ ჯარისკაცებს სამხედრო სამსახური სამშობლოში უნდა შეესრულებინათ.

1906

ტიპი: ღონისძიება

1906 წლის იანვარში ილია ჭავჭავაძის მონაწილეობით შემუშავებულ ქართველ ავტონომისტთა კონსტიტუციონალ-დემოკრატიული პარტიის პროგრამაში ეწერა, რომ სამხედრო სამსახურისთვის ორწლიანი ვადა უნდა დაწესებულიყო.

1906

ტიპი: ღონისძიება

1906 წლის იანვარში ილია ჭავჭავაძის მონაწილეობით შემუშავებულ ქართველ ავტონომისტთა კონსტიტუციონალ-დემოკრატიული პარტიის პროგრამაში ეწერა, რომ სრული თავისუფლება უნდა მიეცათ ყველა სარწმუნოებისთვის.

1896

ტიპი: ავტორობა

1896 წლის 4 აპრილს ლონდონში გამომავალ ჟურნალში „აკადემი“ დაიბეჭდა რეცენზია „განდეგილის“ მარჯორი უორდროპისეულ თარგმანზე. ავტორი წერს, რომ მთარგმნელმა შეძლო ილია ჭავჭავაძის ნიჭის წარმოჩენა და მკითხველს საშუალება მისცა, გასცნობოდა მის ღირსშესანიშნავ მოღვაწეობას.

1909

ტიპი: გარდაცვალება

1909 წლის 21 აგვისტოს ილია ჭავჭავაძის მკვლელობის თანამონაწილე თედო ლაბაური ჩამოახრჩვეს.

1896

ტიპი: ავტორობა

1896 წლის 18 ოქტომბერს ილია ჭავჭავაძემ, როგორც თბილისის სათავადაზნაურო-საადგილმამულო ბანკის თავმჯდომარემ, რუსეთის ფინანსთა სამინისტროდან გადასახადებისა და წაგების ბალანსების შესახებ წერილი მიიღო.

1896

ტიპი: ავტორობა

1896 წლის 6 ოქტომბერს გაზეთ „ნოვოე ობოზრენიეში“ დაიბეჭდა მოთხრობის „კაცია – ადამიანი?!“ ერთი თავის ალექსანდრე ნიკიტინისეული თარგმანი.

1903

ტიპი: ავტორობა

1903 წლის თებერვალში გაზეთ „Исторический вестник“-ში გამოქვეყნდა რეცენზიაილია ჭავჭავაძის ნარკვევზე „სომეხთა მეცნიერნი და ქვათა ღაღადი“. ავტორი მადლობას უხდიდა ილიას ისტორიის ფალსიფიკატორთა მხილებისთვის და ნიკოლოზ ალექსი-მესხიშვილს ამ ნაშრომის რუსულენოვანი მკითხველისთვის გაცნობისათვის.

1903

ტიპი: ავტორობა

1903 წლის თებერვალში გაზეთ „ივერიის“ 33-ე ნომერში ხელმოწერით „ნაიბი“ ილია ჭავჭავაძის სტატია „აი ძმობა!?“ გამოქვეყნდა.

1903

ტიპი: ავტორობა

1903 წლის თებერვალში ფილიპე გოგიჩაიშვილმა ილია ჭავჭავაძეს წარწერით მიუძღვნა თავისი წიგნი „ამიერკავკასიის გლეხთა მცირემიწიანობა“.

1903

ტიპი: ავტორობა

1903 წლის 9 თებერვალს სომხურ გაზეთ „მშაკში“ დაიბეჭდა სტატია „კავკასიის სტუდენტთა დამხმარებელი საზოგადოების ერთი განაჩენის გამო“, რომელშიც ილია ჭავჭავაძის ნარკვევის „სომეხთა მეცნიერნი და ქვათა ღაღადი“ გამო ქართველები კაცთმოძულეებად, „მოძმეთჭამიებად“ და „სომეხთყლაპიებად“ არიან მოხსენიებულნი.

1896

ტიპი: პირადი ინფორმაცია

1896 წლის 4 ივლისამდე ილია ჭავჭავაძემ მიიღო ტერ-მინასოვის წერილი იმის შესახებ, რომ იმ დღეს მის ვექსილს აზოვის ბანკში ვადა გასდიოდა.

1896

ტიპი: ავტორობა

1896 წლის 3 თებერვალს ივანე ჯავახიშვილმა და იოსებ ჩარექიშვილმა ნიკო ნიკოლაძის საშუალებით ილია ჭავჭავაძესა და გიორგი ზდანევიჩს შეუთვალეს, რომ შესაძლებელი იყო, სახელმწიფო საბჭოში განეხილათ შავი ზღვის სანაპიროების დასახლების საკითხი და აზრის გამოთქმა სთხოვეს.

1903

ტიპი: ღონისძიება

1903 წლის 31 იანვარს კავკასიის სტუდენტთა დამხმარე საზოგადოების სხდომამ, რომელსაც არც ერთი ქართველი წევრი არ ესწრებოდა, დაადგინა, რომ უარი ეთქვა ილია ჭავჭავაძის ნარკვევის „სომეხთა მეცნიერნი და ქვათა ღაღადი“ რუსული თარგმანის გაყიდვით შემოსული თანხის შემოწირულებად მიღებაზე.