ქშწკგს პროსოპოგრაფია

ფაქტები

რეგისტრირებული ფაქტები46388

1919

ტიპი: ავტორობა

1919 წლის 3 დეკემბერს, ოთხშაბათს, 10-ის ნახევარზე, ოლივერ უორდროპმა მეუღლეს მისწერა, რომ გასულ ღამეს ოპერაში იყო და ძალიან ისიამოვნა. „აბესალომ და ეთერი“ რამდენჯერმე ჰქონდა ნანახი და ყოველ ჯერზე უფრო და უფრო მოსწონდა.

1919

ტიპი: პირადი ურთიერთობა

1919 წლის 3 დეკემბერს, ოთხშაბათს, 10-ის ნახევარზე, ოლივერ უორდროპმა მეუღლეს მისწერა, რომ ჯონ დე რობეკმა მეორედ გამოუგზავნა ტელეგრამა წარმატების მოსალოცად, რაც კოლეგიალური ურთიერთობის ნაწილი იყო. დე რობეკი ურთიერთობის ერთმა დღემ მისდამი მეგობრულად განაწყო.

1919

ტიპი: პირადი ურთიერთობა

1919 წლის 3 დეკემბერს, ოთხშაბათს, 10-ის ნახევარზე, ოლივერ უორდროპმა მეუღლეს მისწერა, რომ მირზა რეზა ხანი ესტუმრა და რამდენიმე დღის წინ შეძენილი ძველი სპარსული ხელნაწერები დაათვალიერა.

1919

ტიპი: ღონისძიება

1919 წლის 3 დეკემბერს ოლივერ უორდროპს სტუმრად ეწვია რობერტ ბლეიკი (ბლეიქი), ამერიკელი მეცნიერი, რომელიც ქართულ ენაში იყო სპეციალიზებული და გააცნო თავისი რუსი საცოლე, რომელიც ქართულ ხელოვნებაზე – მინიატურებზე, არქიტექტურაზე და ა. შ. მუშაობდა.

1919

ტიპი: ავტორობა

1919 წლის 3 დეკემბერს, ოთხშაბათს, 10-ის ნახევარზე ოლივერ უორდროპმა მეუღლეს მისწერა, რომ ადამიანები და ადამიანთა ჯგუფები, რომლებიც მთვარობის დაქვემდებარებაში მუშაობდნენ ან თავად იყვნენ მთავრობის წევრები, განსაკუთრებით იმ პერიოდში და იმ რეგიონში, ისეთ მდგომარეობაში იყვნენ, რომ მათი გადადგმული ნაბიჯები ყველაფერზე გათვლილი ვერ იქნებოდა; შესაძლოა ადამიანი ზემდგომთა ბრძანებების წინააღმდეგობამდე მიეყვანა და არასწორ ქმედებამდე მისულიყო.

1919

ტიპი: თანამდებობა

კლავდია კონსტანტინეს ასული ალექსეევა-ხორონენკოს პირადი საქმის მიხედვით, ბათუმის ვაჟთა გიმნაზიის დირექტორი იყო დ. ქუთათელაძე.

1919

ტიპი: პირადი ურთიერთობა

1919 წლის 4 დეკემბერს ოლივერ უორდროპმა მეუღლეს მარგარეტ კოლეტს მისწერა, რომ ბევრი სამუშაო ჰქონდა და დრო არაფრისთვის რჩებოდა. კარგად გრძნობდა თავს და სიყვარულს უგზავნიდა ძვირფას მეუღლესა და საყვარელ შვილებს.

1919

ტიპი: ავტორობა

1919 წლის 5 დეკემბრის გაზეთ „საქართველოს რესპუბლიკის“ ცნობით, ქალაქისთავმა ბენიამინ ჩხიკვიშვილმა მიიღო ბრიტანეთის უმაღლესი წარმომადგენლის, ოლივერ უორდროპის წერილი, რომელიც ითხოვდა, რომ გადასახლებულები ბათუმში არ გაეგზავნათ, რადგან იქ პურის ნაკლებობა იყო. ქალაქის საბჭო ამ საკითხის განხილვას დაჰპირდა.

1919

ტიპი: ღონისძიება

1919 წლის 4 დეკემბრის გაზეთ „საქართველოს რესპუბლიკის“ ცნობით, სახალხო სახლში 8 საათზე კონსტანტინე ხახანაშვილის ნათარგმნი სამმოქმედებიანი პიესა „ლაქია“ უნდა წარმოედგინათ, ასევე დაედგათ სპექტაკლი „ჭკუა მიჭრის“.

1919

ტიპი: ღონისძიება

1919 წლის 5 დეკემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას ესწრებოდნენ: თავმჯდომარის ამხანაგი თ. კიკვაძე, მდივანი ვ. ბურჯანაძე, წევრები: საპატიო თავმჯდომარე გ. ნიკ. ყაზბეგი, ქრ. შარაშიძე, ი. გიორგობიანი, შ. დედაბრიშვილი, ი. ვართაგავა, ნ. ნაკაშიძე, თავმჯდომარეობდა დ. კარიჭაშვილი

1919

ტიპი: ღონისძიება

1919 წლის 5 დეკემბერს დავით გიორგის ძე კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს მესხეთის სასკოლო-სამკითხველოს მომწყობი კომისიის თხოვნა წიგნებითა და სასწავლო ნივთებით დახმარების შესახებ. გამგეობამ სასკოლო კომისიის დახმარება გადაწყვიტა.

1919

ტიპი: ღონისძიება

1919 წლის 5 დეკემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს თბილისის ქალთა საეპარქიო გიმნაზიასთან არსებული მშობელთა წრის საბჭოს შუამდგომლობა, საზოგადოების გამოცემების ღარიბ ბავშთათვის უფასოდ გადაცემის შესახებ. გამგეობამ დახმარებაზე უარი თქვა.

1919

ტიპი: ღონისძიება

1919 წლის 5 დეკემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ზუგდიდის სკოლის მასწავლებელ კვარაცხელიას თხოვნა 6 თვის ჯამაგირის მიცემის შესახებ. სკოლა იმჟამად ქალაქის თვითმართველობას ჰქონდა გადაცემული. გამგეობამ გადაწყვიტა, ადგილობრივი განყოფილების საშუალებით შეეკრიბა ცნობები კვარაცხელიას შესახებ, რა დროიდან ირიცხებოდა იგი ზუგდიდის სკოლის მასწავლებლად და ვინ დანიშნა. დადებითი პასუხის მიღების შემდეგ კი უნდა დაეკმაყოფილებინათ ჯამაგირით.

1919

ტიპი: ღონისძიება

1919 წლის 5 დეკემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საკითხი გორის განყოფილების ბიბლიოთეკის გადაცემის შესახებ. გამგეობამ ფაქტი მხედველობაში მიიღო.

1919

ტიპი: ღონისძიება

განათლების მინისტრის მოადგილე ნოე ცინცაძის 1919 წლის 5 დეკემბრის ბრძანების თანახმად, ბორჯომის სახელოსნოს სასწავლებლის სადურგლო განყოფილების ოსტატ ქრისტეფორე ხუდავერდოვს ჩაეთვალოს თბილისის სახელოსნო სასწავლებელში ნამსახური დრო 1895 წლის 1-ლი ივნისიდან 1903 წლის 1-ლ სექტემბრამდე.

1919

ტიპი: ღონისძიება

1919 წლის 8 დეკემბერს მთავარგამგე სერგო დანელიამ და საქმისმწარმოებელმა თბილისის ლისიციანის გიმნაზიის დირექტორს აცნობეს, რომ 1919 წლის პირველი ოქტომბრიდან გიმნაზიის რუსული ენისა და არითმეტიკის მასწავლებლად რიფსიმე აზიზოვის ასული ამირაგოვისა დაინიშნა.

1919

ტიპი: ღონისძიება

1919 წლის 8 დეკემბერს მთავარგამგე სერგი იოსების ძე დანელიამ და საქმისმწარმოებელმა დ. მესხმა ქუთაისის ვაჟთა პირველი გიმნაზიის დირექტორს 20 ნოემბრის N688 მიმართვის პასუხად აუწყა, რომ გერმანული ენის მასწავლებელ ნინო ვასილის ასულ აკოფაშვილისთვის 1918 წლის 1-ლი სექტემბრიდან ჯამაგირი უნდა მიეცა როგორც უმაღლესი სასწავლებელ დამთავრებულისთვის.

1919

ტიპი: ღონისძიება

1919 წლის 9 დეკემბერს ფოთის ვაჟთა გიმნაზიის დირექტორმა განათლების სამინისტროს უმაღლესი და საშუალო სკოლების მთავარგამგეს მისწერა, რომ 20 ნოემბრიდან გიმნაზიის პარალელური განყოფილების ისტორიის მასწავლებლად ვოლობუევის ნაცვლად კლავდია კონსტანტინეს ასული ალექსეევისა მიიწვიეს. ის ალექსეევას შუამდგომლობდა, რომ ისტორიის მასწავლებლის თანამდებობაზე დროებით დაემტკიცებინათ. ხელს აწერენ გიმნაზიის დირექტორი და საქმისმწარმოებელი ა. დობორჯგინიძე.

1919

ტიპი: განათლება

1919 წლის 9 დეკემბერს ფოთის ვაჟთა გიმნაზიის დირექტორმა განათლების სამინისტროში უმაღლესი და საშუალო სკოლების მთავარგამგეს მისწერა, რომ კლავდია კონსტანტინეს ასული ალექსეევისა იყო კიევის უნივერსიტეტის ისტორიულ-ფილოლოგიური ფაკულტეტის კურსდამთავრებული.

1919

ტიპი: ავტორობა

1919 წლის 9 დეკემბერს ქართველთა შორის წერა-კითხვის გამავრცელებელი საზოგადოების მთავარი გამგეობის მდივანმა ვარლამ ბურჯანაძემ წერილი გაუგზავნა სამტრედიის განყოფილებას და სთხოვა, რომ გადმოეგზავნათ მინა კოპალეიშვილის კუთვნილი ჯამაგირი 11 928 მანეთი და ასევე, ეცნობებინათ თუ როდის გადასცემდნენ დარჩენილ თანხას.

1919

ტიპი: ავტორობა

1919 წლის 10 დეკემბრის გაზეთ „საქართველოს რესპუბლიკის“ ცნობით, ზაქარია ფალიაშვილის „აბესალომ და ეთერი“ საოპერო თეატრის რეპერტუარიდან მოიხსნა.

1919

ტიპი: ღონისძიება

1919 წლის 13 დეკემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას ესწრებოდნენ: თავმჯდომარის ამხანაგი თ. კიკვაძე, მდივანი ვ. ბურჯანაძე, წევრები: იპ. ვართაგავა, ს. იაშვილი, ნ. ნაკაშიძე, ი. გიორგობიანი, მეთ. კაკაბაძე, თავმჯდომარეობდა დ. კარიჭაშვილი.

1919

ტიპი: ღონისძიება

1919 წლის 13 დეკემბერს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საკითხი ივანე გომელაურის „ქართველთ მწერლობის“ I ნაწილის გამოცემის შესახებ. გამგეობის ცნობით, გასული წლის იანვარში გამგეობამ დაადგინა ხსენებული წიგნის გამოცემა, მაგრამ ქაღალდის უქონლობის გამო წიგნი ვერ დაიბეჭდა. გამგეობამ გადაწყვიტა, ი. გომელაურის „ქართველთ მწერლობის“ I ნაწილი გამოიცემოდა, თუ ავტორი წიგნის მოწონების შესახებ სამინისტროს რეცენზიას წარმოადგენდა.

1919

ტიპი: ღონისძიება

1919 წლის 13 დეკემბერს შინაგან საქმეთა მინისტრ ნოე რამიშვილის თავმჯდომარეობით ჩატარდა თათბირი ზემო სვანეთის მდგომარეობის შესახებ.

1919

ტიპი: ღონისძიება

1919 წლის 13 დეკემბერს შინაგან საქმეთა მინისტრ ნოე რამიშვილის თავმჯდომარეობით ჩატარებულ თათბირში მონაწილეობდნენ: მინისტრის მოადგილე ნიკოლოზ ჭიჭინაძე, ადმინისტრაციის ინსპექტორი, ზემო სვანეთის კომისარი, ლანჩხუთის ერობის თავმჯდომარე და იმავე ერობის გამგეობის წევრი. თათბირზე შემუშავდა სხვადასხვა ზომები მდგომარეობის გასაუმჯობესებლად.