1919

ტიპი: ღონისძიება

განათლების მინისტრის 1919 წლის 20 თებერვლის საბჭოს სხდომაზე მოისმინეს დაბალ სკოლათა მთავარგამგის მოხსენება სამინისტროსა და ერობათა ურთიერთდამოკიდებულების შესახებ საგანგებო კომისიის მიერ შემუშავებული გეგმა. მიიღეს მცირედი შესწორებით. სამინისტროს წარმომადგენლად ერობის ყრილობაზე დაინიშნა დაბალ სკოლათა გამგე გ. ა.ჭუმბურიძე.

1919

ტიპი: ღონისძიება

განათლების მინისტრის 1919 წლის 20 თებერვლის საბჭოს სხდომაზე მოისმინეს მასწავლებელ სამსონიასათვის ქართული საბავშვო ბაღის გახსნის ნებართვის შესახებ. ნება მიეცა თბილისში ბაღის გახსნისა.

1919

ტიპი: ღონისძიება

1919 წლის 20 თებერვალს განათლების მინისტრის მიერ გამართულ საბჭოს სხდომას დაესწრნენ: საბჭოს თავმჯდომარე, განათლების მინისტრი გიორგი ლასხიშვილი, მინისტრის მოადგილე ალექსანდრე მდივანი, უმაღლეს და საშუალო სასწავლებელთა მთავარგამგე გრიგოლ ნათაძე, დაბალ სკოლათა მთავარგამგე გიორგი ჭუმბურიძე და კანცელარიის დირექტორი ვუკოლ ბერიძე.

1919

ტიპი: ღონისძიება

განათლების მინისტრის საბჭოს 1919 წლის 13 თებერვლის სხდომაზე მოისმინეს სამინისტროსა და ერობათა ურთიერთდამოკიდებულების საკითხი. დაადგინეს: დამოკიდებულების გამოსარკვევად მოეწვიათ კომისია დაბალ სკოლათა მთავარგამგის თავმჯდომარეობით, კომიიის წევრებად კი სახელმწიფო უნივერსიტეტის პროფ. დიმიტრი უზნაძე, პარლამენტის სასკოლო კომისიის თავმჯდომარე ლეო ნათაძე, პარლამენტის წევრი, მასწავლებელი ნიკოლოზ ცინცაძე, I ვაჟთა გიმნაზიის დირექტორი იაკობ ღულაძე და მასწავლებელი ლუარსაბ ბოცვაძე აირჩიეს.

1919

ტიპი: ღონისძიება

განათლების მინისტრის საბჭოს 1919 წლის 13 თებერვლის სხდომაზე მოისმინეს VII ვაჟთა გიმნაზიის დირექტორის, ნ. ნ. ჩიგოგიძის მოხსენება პამპალოვის რეალური სასწავლებლის რევიზიის შესახებ. დაადგინეს: მოწმობების მისაღებად გამოცდები ჩატარდეს სამინისტროს დეპუტატის თანდასწრებით, დაბალ კლასებში – განათლების სამინისტროს თანდასწრებით; მიმდინარე წელს აუცილებლად შემოიღონ სახელმწიფო ენის სწავლება არაქართველთათვის მოსამზადებელ კლასში, ქართველებისთვის – ყველა კლასში.

1919

ტიპი: ავტორობა

1919 წლის 28 ივლისს ჯავის უმაღლესი დაწყებითი სასწავლებლის გამგეს მისწერეს პასუხი დამფუძნებელი კრების სახალხო კომისიის წინაშე აღძრულ შუამდგომლობაზე – მიმდინარე წლის 7 იანვრის, N 35. აუწყეს, რომ სახალხო განათლების სამინისტროს დრო სჭირდებოდა, რათა სამშენებლო ფონდისთვის თანხა მოეძიებინა, ამიტომ შუამდგომლობის დაკმაყოფილება შეუძლებელი იყო. ხელს აწერენ მთავარგამგე გიორგი ალმასხანის ძე ჭუმბურიძე და საქმისმწარმოებელი კონსტანტინე ილიას ძე აბაშიძე.

1919

ტიპი: ღონისძიება

1919 წლის 4 აპრილს სახალხო სკოლების ინსპექტორ ვასილ ჯაფარიძეს მისწერეს, რომ ჯავის უმაღლესი დაწყებითი სასწავლებლის რევიზიის შედეგი დაუყოვნებლივ წარედგინა განათლების სამინისტროში. ხელს აწერს მთავარგამგე გიორგი ალმასხანის ძე ჭუმბურიძე.

1918

ტიპი: ღონისძიება

1918 წლის 6 ნოემბერს თელავის გიმნაზიის პედაგოგიური საბჭოს თავმჯდომარეს წერენ, რომ მისდამი რწმუნებულ გიმნაზიის მასწავლბელთა სიაში, რომელიც წარმოადგინა სამინისტროს იმავე წლის 21 ოქტომბერის N2115 მოთხოვნილების თანახმად, საჭიროა აღნიშნული იყოს ცენზი და სათანადო საბუთები. ასევე, აუწყებენ, რომ ამის პასუხად მათ ქაღალდისა, რომელიც აღნიშნულია იმავე წლის 20 ნოემბრის N51, სთხოვენ წარმოადგინონ მასწვლებელთა სრული სია ზემოთაღნიშნული ცნობების დამატებით. ხელს აწერენ: მთავარი გამგე გ. ნათაძე, საქმისმწარმოებელი კ. აბაშიძე.

1918

ტიპი: ავტორობა

თელავის სომხური გიმნაზიის პედაგოგიური საბჭოს თავმჯდომარის (1918 წლის 7 ნოემბერს) 26 ოქტომბრის N22-ით მიწერილი წერილის პასუხად აცნობეს, რომ უმაღლეს და საშუალო სასწავლებელთა მთავარი გამგის განკარგულებით, ისეთი მოსწავლეები, რომლებმაც ქართული არ იციან მიღებულ იქნან გიმნაზიაში ერთი წლის ვადით მხოლოდ იმ აუცილებელი პირობით, რომ ამ ხნის განმავლობაში ისინი უეჭველად მოემზადებიან მშობლიურ ენაზე სწავლის გაგრძელებისთვის. ხელს აწერდნენ: კანცელარიის დირექტორი მიქაბერიძე და საქმისმწარმოებელი ბერძნიშვილი.

1918

ტიპი: ღონისძიება

1918 წლის 5 ღვინობისთვეს თელავის ქართველთა საზოგადოების წევრთა კრებაზე მიღებული რეზოლუციის ოთხ საკითხთაგან მეოთხე საკითხი. სომხების გიმნაზიას უკვე აქვს საკუთარი შენობა, რომელშიაც მოწყობილია 4 კლასი, სადაც თამამად შეიძლება მოეწყოს სწავლა მეორე წყებად ისე, როგორც ეს არის მოწყობილი ქართულ გიმნაზიაში. ხელს აწერენ: კრების თავმჯდომარე ალ.ვახვახიშვილი და მდივანი გრიგოლ ბურჭულაძე. (ფანქრით მიწერილია თარიღი-6.10.1918)

1918

ტიპი: ღონისძიება

1918 წლის 5 ღვინობისთვეს თელავის ქართველთა საზოგადოების წევრთა კრებაზე მიღებული რეზოლუციის ოთხ საკითხთაგან მესამე საკითხია. მხედველობაში უნდა მიეღოთ ისიც, რომ სომხების გიმნაზიის გადატანა ერეკლეს დარბაზში(თუნდაც ოთხი კლასისა)გამოიწვევდა დიდ აღელვებას ქართველთა საზოგადოებაში, რომელსაც შეიძლება ექსესები მოჰყოლოდა. ხელს აწერენ: კრების თავმჯდომარე ალ.ვახვახიშვილი და მდივანი გრიგოლ ბურჭულაძე.

1918

ტიპი: ღონისძიება

1918 წლის 5 ღვინობისთვეს თელავის ქართველთა საზოგადოების წევრთა კრების მიერ მიღებული რეზოლუციის ოთხ საკითხთაგან მეორე საკითხია. თელავში წმ. ნინოს სასწავლებლის გარდა არსებობს სხვა სასწავლებლები, როგორც მაგ: ვაჟთა გიმნაზია, უმაღლესი დაწყებითი სასწავლებელი, 2 კლასიანი სასწავლებელი და სომხების 4 კლასიანი სასწავლებელი, სადაც სულ ადვილად შეიძლება სომხების მოთავსება-სადილს უკან მეცადინეობა. ხელს აწერენ: კრების თავმჯდომარე ალ.ვახვახიშვილი და მდივანი გრიგოლ ბურჭულაძე.

1918

ტიპი: ღონისძიება

1918 წლის 5 ღვინობისთვეს თელავის ქართული საზოგადოების კრების მიერ მიღებული რეზოლუციის ოთხ საკითხთაგან პირველი არის, რომელიც უკავშირდება სომხის გიმნაზიის მოთავსებას წმ. ნინოს სასწავლებელში. კრებამ დაადგინა, რომ ეთხოვოს განათლების მინისტრს სომხების გიმნაზიისთვის გამოინახოს სხვა შენობა და არა წმ. ნინოს სასწავლებელი იმ მოსააზრებით, რომ წმ. ნინოს სასწავლებლის შენობა და მთელი მისი კარმიდამო შეადგენს ძვირფას განძს, რომლის შენახვასა და დაცვას მუდამ უნდა სცდილობდეს საზოგადოება. ხელს აწერენ: კრების თავმჯდომარე ალ. ვახვახიშვილი და მდივანი გრიგოლ ბურჭულაძე.

1918

ტიპი: ღონისძიება

1918 წლის 5 ოქტომბერს გამართულ თელავის ქართველი საზოგადოების წევრთა კრებას 60 კაცი დაესწრო. კრების თავმჯდომარემ, ალექსანდრე ვახვახიშვილმა ოთხსაკითხიანი რეზოლუცია მიიღო.

1918

ტიპი: ღონისძიება

1918 წლის 10 სექტემბერს მთავრობის სხდომაზე მოისმინეს განათლების მინისტრ გიორგი ლასხიშვილის მოხსენება თელავის გიმნაზიის არაქართველი მოწაფეების შესახებ. დადგინდა, მთავრობის მიერ მიღებული გადაწყვეტილების თანახმად, ყველა საშუალო სასწავლებელი შემოსავლით შეენახათ, ასევე თელავში მცხოვრები არაქართველი მოქალაქეებისთვის მიეცათ ცალკე გიმნაზიის გახსნის ნება, თუ თავისი საშუალება არ ეყოფოდათ, დახმარების შესახებ საკითხი შემდეგში განეხილათ. სხდომის ჩანაწერს ხელს აწერს საქმის მწარმოებელი კ.აბაშიძე.

1918

ტიპი: ღონისძიება

1918 წელს საქართველოს მთავრობამ მიიღო დადგენილება თელავში არაქართველთათვის გიმნაზიის გახსნის შესახებ. 1918 წლის 21 ოქტომბრის განათლების მინისტრის მოადგილის დადგენილების თანახმად, გიმნაზიის დირექტორს გაკვეთილების კვირეული განაწილება და სამუშაო გეგმა გაეგზავნა. განკარგულებას ხელს კანცელარიის დირექტორის ნაცვლად ალექსანდრე ნიკოლოზის ძე მიქაბერიძე და საქმისმწარმოებელი კონსტანტინე ილიას ძე აბაშიძე აწერდნენ.

1918

ტიპი: ღონისძიება

თელავის სომხური გიმნაზიის დირექტორს 1918 წლის 30 ოქტომბრის N3, 4, 8, 9, 10 შუამდგომლობის პასუხს სწერენ გიმნაზიაში ანა ანდრიას ასული კაკულიას, ზინაიდა ფილიფეს ასული ტროცკის, მარიამ არტემის ასული ლუარსაბიანის, ვერა ფილიპეს ასული გოზნიაკის მასწავლებლად დამტკიცების შესახებ. ასევე, ნინო ბეგლარის ასული ხითაროვის პედაგოგიური საბჭოს თავმჯდომარედ და მასწავლებლად დამტკიცების შესახებ სასწავლებელში. სამინისტროს კანცელარია აცნობებს, რომ საჭიროა ყველა პირის დოკუმენტების წარდგენა სამინისტროში. ხელს აწერენ: კანცელარიის დირექტორის ნაცვლად მიქაბერიძე და საქმისმწარმოებელი კ. აბაშიძე.

ტიპი: ღონისძიება

თელავში წმ. ნინოს სასწავლებლის პედაგოგიური საბჭოს პირი თელავის ქალაქის თავს წერს, რომ სამინისტროს საწინააღმდეგო არაფერი აქვს თავისუფალ საათებში სომეხთა გიმნაზიას დაეთმოს სასწავლებლის შენობა.ეს საკითხი მოეგვარებინათ ქალაქის თავთან შეთანხმებით. 1918 წლის 24 ოქტომბერს ხელს აწერს განათლების მინისტრი გ.ლასხიშვილი.

1918

ტიპი: ღონისძიება

1918 წლის 3 ოქტომბერს ქალაქის რწმუნებულ ანდრონიკაშვილს სამინისტრომ ნება დართო, წმ. ნინოს სასწავლებლის შენობაში სომხების გიმნაზიას შუადღის შემდეგ ოთხი ოთახი დათმობოდა. დოკუმენტს ხელს აწერს ალექსანდრე მიქაბერიძე.

1919

ტიპი: ღონისძიება

1919 წლის 13 თებერვლის განათლების მინისტრის საბჭოს სხდომაზე მოისმინეს რკინიგზის სასწავლებელთა ხარჯთაღრიცხვის დამტკიცების საკითხი. დაბალ სკოლათა მთავარგამგეს მიანდეს ამ საკითხზე მოხსენების შედგენა მთავრობაში წარსადგენად.

1919

ტიპი: ღონისძიება

1919 წლის 13 თებერვლის განათლების მინისტრის საბჭოს სხდომაზე მოისმინეს ქუთაისის დონდუას გიმნაზიისა და პროფესიული სასწავლებლისთვის დახმარების აღმოჩენის შესახებ. საბჭომ საჭიროდ ჩათვალა, ეს სასწავლებელი მთლიანად გადაკეთებულიყო პროფესიულ სასწავლებლად. დახმარების საკითხი უსახსრობის გამო გადაიდო.

1919

ტიპი: ღონისძიება

1919 წლის 13 თებერვალს განათლების მინისტრის საბჭოს სხდომაზე განიხილეს სილოვან ხუნდაძისთვოს ჯამაგირის მიცემის საკითხი 6 თვის განმავლობაში ქუთაისის სასწავლებელთა კომისრის თანამდებობის ასრულების გამო. კანცელარიის დირექტორს მიენდო მოხსენების შედგენა საკითხის მთავრობისთვის წარსადგენად.

1919

ტიპი: ღონისძიება

განათლების მინისტრის 1919 წლის 13 თებერვლის საბჭოს სხდომას დაესწრნენ: საბჭოს თავმჯდომარე, განათლების მინისტრი გ. მ. ლასხიშვილი, დაბალ სკოლათა მთავარგამგე გ. ა. ჭუმბურიძე, კანცელარიის დირექტორი ვ. მ. ბერიძე, მდივანი კ. აბაშიძე.

1919

ტიპი: ღონისძიება

1919 წლის 6 თებერვლის განათლების მინისტრის საბჭოს სხდომაზე მოისმინეს სამინისტროს უწყებებში მყოფ დაწესებულებათა ბეჭდების და სასწავლებელთა ატესტატების ნიმუშების შემუშავების საკითხი. ნიმუშის შედგენა დაევალა კანცელარიის დირექტორს, გ. ბერიძეს.

1919

ტიპი: ღონისძიება

1919 წლის 6 თებერვლის განათლების მინისტრის საბჭოს სხდომაზე მოისმინეს თხოვნა დაბალ სკოლათა მთავარგამგის, გ. ჭუმბურიძისათვის ავადმყოფობის გამო ერთდროული დახმარების აღმოჩენის შესახებ. დაადგინეს, დახმარების სახით მიეცათ 1500 მანეთი.