ქშწკგს პროსოპოგრაფია

ფაქტები

რეგისტრირებული ფაქტები41868

1871

ტიპი: ავტორობა

1871 წლის 25 ივლისს გაზეთ „დროებაში“ ფუტკრის ფსევდონიმით გამოქვეყნდა სერგეი მესხის ღია წერილი „მნათობის“ რედაქტორისადმი, რომლითაც ავტორი პასუხობდა გიორგი წყალტუბელის მიერ „მნათობში“ გამოქვეყნებულ წერილს „ორიოდე სიტყვა „დროების" ეხლანდელ რედაქციაზე“.

1901

ტიპი: ღონისძიება

1901 წელს ამაშუკეთის სამკითხველოს წიგნებით დაეხმარნენ ოლღა გურამის ასული ამაშუკელი, იონა გრიგოლის ძე ბელიაშვილი და ეკატერინე ზაქარიას ასული წერეთელი-ოთხმეზურისა.

1869

ტიპი: ავტორობა

1869 წლის 30 ოქტომბერს გაზეთ „დროებაში“ წყალტუბელის ფსევდონიმით გამოქვეყნებულ გიორგი იოსელიანის კორესპონდენციაში „წერილი რუსეთიდგან“ საუბარი იყო რუსეთში მიმდინარე სასულიერო წოდებათა რეფორმირების პროცესზე.

1869

ტიპი: ღონისძიება

1869 წლის 26 სექტემბერს სოფელ ლიხნში იმერეთის ეპისკოპოსმა გაბრიელმა ახალი საყდრის საძირკველი აკურთხა.

1869

ტიპი: ავტორობა

1869 წლის 9 ოქტომბერს გაზეთ „დროებაში“ გამოქვეყნდა აკაკი წერეთლის ღია წერილი რედაქტორისადმი ახალციხის მაზრაში ჩასახლებული აჭარლების გაქრისტიანების პროცესის შესახებ.

1869

ტიპი: ავტორობა

1869 წლის 28 აგვისტოს გაზეთ „დროებაში“ გამოქვეყნდა პეტრე უმიკაშვილის „კორრესპონდენცია სოფ. მუხრანიდან“ მუხრანსა და დუშეთის მაზრის სხვა სოფლებში ხორბლის კარგი მოსავლიანობის შესახებ.

1869

ტიპი: ავტორობა

1869 წლის 26 სექტემბერს გაზეთ „დროებაში“ გამოქვეყნებულ გიორგი წერეთლის წერილში „პეტერბურგიდგან ნიჟნამდის“ საუბარია რუსეთში მოგზაურობის შთაბეჭდილებებზე.

1869

ტიპი: ავტორობა

1867 წლის 17 ივლისს გაზეთ „დროებაში“ გამოქვეყნდა დავით ღამბაშიძის წერილი „შორაპნიდან“ იმერეთის მხარის ჯანმრთელობის დაცვის პრობლემებზე, რომლებიც გლეხების სიდუხჭირითა და სასოფლო ექიმების სიმცირით იყო გამოწვეული.

1868

ტიპი: ღონისძიება

1868 წლის 13 დეკემბერს გაზეთ „დროებაში“ გამოქვეყნდა ანტონ ფურცელაძის კორესპონდენცია ზუგდიდში გამართული თავადაზნაურობის თავყრილობის შესახებ, რომელზეც განიხილეს სამეგრელოში სათავადაზნაურო ბანკის დაარსების საკითხი.

1870

ტიპი: ავტორობა

1870 წლის 22 იანვარს გაზეთ „დროებაში“ გამოქვეყნდა დარია მამაცაშვილის სტატია „წიგნი ეკ. თარხან-მოურავისადმი“, რომლითაც ის მადლობას უხდის ადრესატს, ეკატერინე გაბაშვილს ამავე გაზეთში გამოქვეყნებული წერილისთვის „გლეხ-კაცების აზრი სასოფლო შკოლებზედ“.

1871

ტიპი: ავტორობა

1871 წლის 8 აპრილს გაზეთ „დროებაში“ სკანდელის ფსევდონიმით დაიბეჭდა ნიკო ნიკოლაძის წერილი „კიდევ მნათობს“, რომლითაც ავტორი პასუხობდა მოსე ქიქოძის მიერ ჟურნალ „მნათობში“ გამოქვეყნებულ კრიტიკულ სტატიას.

1869

ტიპი: ავტორობა

1869 წლის 20 მარტს გაზეთ „დროებაში“ გამოქვეყნებულ დავით ერისთავის წერილში „სიტყუა საყოველთაოდ საუწყებელი წიგნთა ქართულთა ბეჭდვისა გამო“ კრიტიკულადაა შეფასებული პლატონ იოსელიანის ისტორიული ნაშრომებს.

1867

ტიპი: მფლობელობა

1867 წლის 17 ივლისს მეფისნაცვლის მმართველობის გადაწყვეტილებით საჯაროდ უნდა გაყიდულიყო გენერალ-ლეინტენანტ გრიგოლ ლევანის ძე დადიანის დასახლებული მამული სამურზაყანოში, რომელიც მეპატრონეს სახელმწიფო სესხის გადაუხდელობის გამო ჩამოართვეს.

1869

ტიპი: ავტორობა

1969 წლის 18 დეკემბერს გაზეთ „დროებაში“ ზურაბ მოენიძის ფსევდონიმით გამოქვეყნდა ანტონ ფურცელაძის ლექსი „კინტოური სიმღერა“.

1869

ტიპი: ავტორობა

1869 წლის 28 აგვისტოს გაზეთ „დროებაში“ ლაზ-მეხიშვილის ფსევდონიმით გამოქვეყნდა სერგი მესხის „ფელეტონი“.

1869

ტიპი: ავტორობა

1869 წლის 31 ივლისს გაზეთ „დროებაში“ გამოქვეყნდა ანტონ ფურცელაძის მოთხრობა „ზალაყინ მეფანტურე“.

1869

ტიპი: ავტორობა

1869 წლის 20 ნოემბერს გაზეთ „დროებაში“ გამოქვეყნდა გაგრძელება გიორგი წერეთლის ნარკვევისა „რუსეთისკენ მგზავრობა. ვოლგა“.

1901

ტიპი: ღონისძიება

1901 წელს ალექსანდრე გერსამიამ გალაქტიონ მასხარაშვილის დასახმარებლად ცაგერში 20 მანეთი შეაგროვა.

1868

ტიპი: ავტორობა

1868 წლის 13 სექტემბერს გაზეთ „დროებაში“ გამოქვეყნდა მეორე ნაწილი გიორგი წერეთლის წერილისა „ერთი თვალის გადავლება“ იმერეთში მოგზაურობის შესახებ.

1868

ტიპი: ავტორობა

1868 წლის 3 მაისს გაზეთ „დროებაში“ ლაზარე მესხის-შვილის ფსევდონიმით გამოქვეყნდა სერგი მესხის კორესპონდენცია ქუთაისიდან, რომელშიც მიმდინარე ამბებთან ერთად მოთხრობილია ტრაგიკომიკური ისტორია კაცისა, რომელიც გაქცეული ცოლის დაბრუნებას სასამართლოს ძალით ითხოვდა.

1867

ტიპი: თანამდებობა

1867 წლის 4 მაისს თბილისის გუბერნიის თავადაზნაურობის კრებამ თავადი ლევან მელიქიშვილი საზოგადოებრივი ბანკის დამფუძნებელი კომიტეტის საპატიო წევრად აირჩია.

1868

ტიპი: ავტორობა

1868 წლის 27 სექტემბერს გაზეთ „დროებაში“ გამოქვეყნებულ ვასილ გამრეკელის წერილში „რამდენიმე სიტყვა გარდაცვალებულს დეკანოზ მიხეილ გურგენიძეზე“ საუბარია, რამდენად დიდი დანაკლისია დეკანოზის გარდაცვალება მოსკოვში მცხოვრები ქართველი სტუდენტებისათვის.

1867

ტიპი: ღონისძიება

1867 წლის 5 აგვისტოს გაზეთ „დროების“ კორესპონდენციაში, რომელშიც მიმოხილულია გორისა და მიმდებარე სოფლების სიახლეები, ნათქვამია, რომ მებატონე ივანე სულხანიშვილის მიწვევით გორის მაზრას ეგზარხოსი ეწვია.

1871

ტიპი: ავტორობა

1871 წლის 18 ივნისს გაზეთ „დროებაში“ გამოქვეყნდა გიორგი წერეთლის წერილი „ორიოდე ეკალი ჩვენს ახალგაზრდა მწერლობაში”.

1901

ტიპი: ღონისძიება

1901 წელს ამაშუკეთის სამკითხველოს დასახმარებლად თანხა გაიღეს ფეფე ნარიმანის ასულმა ამაშუკელმა, ელენე ელიზბარის ასულმა ამაშუკელ-წერეთელისამ, ოლიმპია კაცოს ასულმა ამაშუკელმა.