რეგისტრირებული ფაქტები46536
სორტირება თარიღი მზარდობით
1919
ტიპი: ღონისძიება
1919 წლის 22 ნოემბერს ოლივერ უორდროპმა მეუღლეს მისწერა, რომ ისტორიული მოვლენის მომსწრე გახდა. სომხეთისა და აზერბაიჯანის პრემიერ-მინისტრებმა ნასიბ-ბეკ უსუბეკოვმა და ალექსანდრე ხატისიანმა ხელი მოაწერეს სამშვიდობო შეთანხმებას, რომელსაც შეიძლება გავლენა მოეხდინა რეგიონისა და ზოგადად, აზიის მომავალ ისტორიაზე.
1919
ტიპი: ღონისძიება
1919 წლის 22 ნოემბერს ოლივერ უორდროპმა მეუღლეს მისწერა, რომ წვეულებას დაესწრო ანასტასია წერეთლის სახლში, სადაც მის მიერ 30 წლის წინ დაარსებული საბავშვო ჟურნალის „ჯეჯილის“ რედაქცია იყო.
1919
ტიპი: ღონისძიება
1919 წლის 23-27 ნოემბერს გამართულ საქართველოს მევენახეთა და მეღვინეთა პირველ კონგრესზე მეღვინეობა-მევენახეობაში საზოგადო კითხვების შესახებ მოხსენებები წაიკითხეს: ნიკო იაკობის ძე ნიკოლაძემ, პეტრე გრიგოლის ძე მელიქიშვილმა, ს. ნ. ტიმოფეევმა, ა. ა. ეგოროვმა, დ. გედევანიშვილმა, კონსტანტინე ბესარიონის ძე მოდებაძემ და გიორგი კონსტანტინეს ძე ჩიჩუამ.
1919
ტიპი: ღონისძიება
1919 წლის 23-27 ნოემბერს გაიმართა საქართველოს მევენახეთა და მეღვინეთა პირველი კონგრესი, რომელზეც მოხსენებით გამოვიდნენ: პ. ავერკინი, ტრიფონ გრიგოლის ძე ბააკაშვილი, კონსტანტინე მიხეილის ძე ბერეკაშვილი. ა. ა. ეგოროვი, გ. ა. წინამძღვრიშვილი, ს. ნ. ტიმოფეევი, ნიკო იაკობის ძე ნიკოლაძე, სოლომონ მ. ჩოლოყაშვილი, მიხეილ ალექსანდრეს ძე წულუკიძე, ალექსანდრე დავითის ძე მაჩაბელი, კ. ნაკაშიძე, გიორგი ლევანის ძე ბერიშვილი, ნ. კ. მაქარაშვილი, ერმილე კაციას ძე ნაკაშიძე.
1919
ტიპი: ღონისძიება
1919 წლის 23-27 ნოემბერს გამართულ საქართველოს მევენახეთა და მეღვინეთა პირველ კონგრესზე მოხსენებები წაიკითხეს: ა. ა. ეგოროვმა, გიორგი ალექსანდრეს ძე წინამძღვრიშვილმა, ე. კაკულიამ და ვასილ ილიას ძე რცხილაძემ.
1919
ტიპი: ღონისძიება
1919 წლის 23-27 ნოემბერს გამართულ კონგრესზე საქართველოს მევენახეთა და მეღვინეთა ყრილობის დროებითი საბჭოს წევრებად აირჩიეს: საპატიო თავმჯდომარედ − ნიკო იაკობის ძე ნიკოლაძე, წევრებად − ივანე ზაქარიას ძე ანდრონიკაშვილი, ლ. ა. გოგნიაშვილი, გ. ა წინამძღვრიშვილი, ვასილ ილიას ძე რცხილაძე, სოლომონ მ. ჩოლოყაშვილი, ი. დ. ფორაქაშვილი, ვასილ გერასიმეს ძე ბერელაშვილი, კანდიდატებად − გიორგი მიხეილის ძე ჩივაძე და იესე ალექსანდრეს ძე ბარათაშვილი.
1919
ტიპი: ავტორობა
1919 წლის 24 ნოემბერს ქუთაისის ვაჟთა პირველი გიმნაზიის დირექტორმა ნიკოლოზ მირზიშვილმა უმაღლესი და საშუალო სასწავლებლების მთავარგამგეს მისწერა, რომ როგორც მისი მიწერილობიდან (მიმდინარე წლის 8 ნოემბერი, N 11035) ჩანდა, გერმანული ენის მასწავლებელი ნინო ვასილის ასული აკოფაშვილი 1918 წლის 1-ლი სექტემბრიდან თანამდებობაზე დაამტკიცეს. სთხოვა, ეცნობებინა ჯამაგირი გამოეწერათ როგორც უმაღლეს თუ როგორც საშუალო დამთავრებულისთვის და როდის მიეცათ ის ჯამაგირი, რომელიც მას არ ჰქონდა აღებული. ხელს აწერენ გიმნაზიის დირექტორი ნიკოლოზ მირზიშვილი და საქმისმწარმოებელი კალისტრატე კონსტანტინეს ძე ჭიჭინაძე.
1919
ტიპი: თანამდებობა
1918 წლის 25 ნოემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N 129 ბრძანებით თბილისის მეხუთე გიმნაზიის გერმანული ენის პედაგოგი ლავრენტი ივანეს ძე როტეკერი თანამდებობიდან გათავისუფლდა.
1919
ტიპი: პირადი ინფორმაცია
1919 წლის 26 ნოემბერს ოლივერ უორდროპმა მეუღლეს მისწერა, რომ მისი ჯანმრთელობის მდგომარეობა დამაკმაყოფილებელი იყო, თავის ტკივილები უფრო ნაკლებად აწუხებდა, კარგად ეძინა.
1919
ტიპი: ავტორობა
1919 წლის 28 ნოემბრის გაზეთ „საქართველოს რესპუბლიკის“ ცნობით, სასამართლო პალატის წევრმა მიხეილ ორჯონიკიძემ იუსტიციის მინისტრს 24 ნოემბერს ხაშურში 5 მილიციელის პასუხისგებაში მიცემის ამბავს შეატყობინა. მათ ბრალად ყაჩაღებისთვის იარაღის გაცვლა ედებოდათ. ორ მათგანს სასამართლომ დახვრეტა მიუსაჯა, ორს – 15 წლით პატიმრობა, ერთს კი – კატორღა.
1919
ტიპი: თანამდებობა
1919 წელს ნიკო ნიკოლაძე საქართველოს მევენახეთა და მეღვინეთა პირველი კონგრესის თავმჯდომარე იყო.
1919
ტიპი: ღონისძიება
1919 წლის 28 ნოემბერს გაზეთ „საქართველოს რესპუბლიკაში“ გამოქვეყნებული დეპეშით სენაკის სამაზრო სოციალ-დემოკრატიული ორგანიზაციების წარმომადგენელთა ყრილობა მთავრობასა და მის თავმჯდომარე ნოე ჟორდანიას მიესალმა.
1919
ტიპი: ავტორობა
1919 წლის 22 ნოემბრის გაზეთ „საქართველოს რესპუბლიკის“ ცნობით, იტალიის სამხედრო მისიის ხელმძღვანელმა ამიერკავკასიაში პოლკოვნიკმა მელქიორე გაბბამ საგარეო საქმეთა მინისტრ ევგენი გეგეჭკორს 27 ნოემბერს გამართული სადილისთვის მადლობის წერილი მისწერა. აღნიშნვდა, რომ მისთვის სასიხარულო იყო ამიერკავკასიის ერთა მომავლისთვის განსაკუთრებული მნიშვნელობის მქონე ხელშეკრულების დადება, რის შესახებაც იტალიის მთავრობას აცნობებდა.
1919
ტიპი: ღონისძიება
1919 წლის 29 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას დაესწრნენ: თავმჯდომარის ამხანაგი თ. კიკვაძე, მდივანი ვ. ბურჯანაძე, წევრები: ი. ვართაგავა, ი. გიორგობიანი, ს. იაშვილი, ნ. ნაკაშიძე, მ. კაკაბაძე, შ. დედაბრიშვილი, თავმჯდომარეობდა დ. კარიჭაშვილი.
1919
ტიპი: ღონისძიება
1919 წლის 29 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს გეგმის პროექტი წიგნის აგენტების შესახებ. გეგმის შედგენა მინდობილი ჰქონდა ვარლამ ბურჯანაძეს. გამგეობამ გადაწყვიტა, წარმოდგენილ ტექსტში შეეტანათ შესწორება და აღენიშნათ, რომ სახალხო საკითხავი წიგნები მიეცემოდათ აგენტებს საკომისიოდ და ფული განაღდებისთანავე ნაწილ-ნაწილ უნდა გადაეხადათ.
1919
ტიპი: ღონისძიება
1919 წლის 29 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს სამტრედიის კიოსკის ყოფილი გამგისა და პასუხისმგებელი ნოქრის კოპალეიშვილის თხოვნა კუთვნილი სალიკვიდაციო ფულის (11928 მანეთი) მიღების შესახებ. გამგეობის ცნობით, სამტრედიის განყოფილებას ლიკვიდაციის შემდეგ წიგნების კიოსკი თავისი ქონებით ქალაქის გამგეობას გადაეცა, რომელიც ხელწერილის თანახმად მოვალე იყო დანიშნულ ვადაში გადაეხადა განყოფილების ვალები. 15 ნოემბერს გამგეობას უნდა გადაეხადა 20058 მანეთი 42 კაპიკი. აქედან კოპალეიშვილისთვის უნდა მიეცა 11928 მანეთი. გამგეობის განჩინებით გადაწყდა, განმეორებით მოეთხოვოს პასუხი ქალაქის გამგეობას, რა მიზეზით არ აკმაყოფილებდა კოპალეიშვილს კუთვნილი ფულით.
1919
ტიპი: ღონისძიება
1919 წლის 29 ნოემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საკითხი, რომ კანცელარიის თანამშრომელი ა. გძელიძე გიმნაზიისთვის მომზადებას იწყებდა. წიგნების შესაძენად მას 200 მანეთი სჭირდებოდა, რასაც ავანსად ითხოვდა. გამგეობამ მისი მოთხოვნა დააკმაყოფილა.
1919
ტიპი: ღონისძიება
1919 წლის 29 ნოემბერს დავით გიორგის ძე კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ფოთის მილიციელთა კავშირის გამგეობის თხოვნა მილიციის ახლად გახსნილი სამკითხველოს წიგნებით დახმარების შესახებ. გამგეობამ მისთვის 150 მანეთის წიგნების მიცემა გადაწყვიტა.
1919
ტიპი: თანამდებობა
საქართველოს დემოკრატიული რესპუბლიკის უმაღლესი და საშუალო სასწავლებლის გამგის 1918 წლის 29 ნოემბრის N 151 ბრძანებით მიტროფანე კორძახია თბილისის თამარ მეფის სახელობის ქალთა საოსტატო სემინარიის მათემატიკისა და ფიზიკის პედაგოგად დაინიშნა.
1919
ტიპი: ავტორობა
1919 წლის 29 ნოემბერს ქართველთა შორის წერა-კითხვის გამავრცელებელი საზოგადოების სამტრედიის განყოფილების წიგნის მაღაზიის ყოფილმა გამგე მინა ილიას ძე კოპალეიშვილმა მთავარ გამგეობას გაუგზავნა წერილი, რომლითაც შეატყობინა, რომ კუთვნილი ჯამაგირი ჯერ კიდევ არ მიუღია და სურდა დროულად დაეკმაყოფილებინათ მისი მოთხოვა და გადაეცათ კუთვნილი თანხა.