ქშწკგს პროსოპოგრაფია

ფაქტები

რეგისტრირებული ფაქტები46342

1918

ტიპი: პირადი ინფორმაცია

1918 წლის ივლისში მამია ყარამანის ძე ანთელავამ, თამარ გრიგოლის ასულმა ბეგთაბეგოვმა, სალომე ავალიშვილმა, სოფიო ილიას ასულმა ბაგრატიონ-მუხრანსკიმ (განათლება – თბილისის წმინდა ნინოს სახელობის სასწავლებელი), თამარ პაატას ასულმა ბებურიშვილმა ( განათლება – თბილისის ქალთა მეოთხე გიმნაზიის რვა კლასი) განათლების მინისტრს დასაქმების თხოვნით მიმართეს.

1918

ტიპი: ავტორობა

1918 წლის 27 აგვისტოს მოსე ერმალოს ძე აბზიანიძე, მცხოვრები თბილისში, ბელინსკის ქუჩა 11, მიმართავს განათლების მინისტრს დახმარების თხოვნით, ვინაიდან ის ჯარში გაწვევის გამო დაითხოვეს სოფლის მასწავლებლის თანამდებობიდან.

1920

ტიპი: ღონისძიება

1920 წლის 16 ოქტომბერს გაზეთ „ნაციონალისტში“ გამოქვეყნდა ცნობა, რომ გაუქმდა აკაკი ხოშტარიაზე გაცემული კონცესია მდინარე რიონის ჰიდრავლიკური ენერგიის გამოყენების შესახებ.

1920

ტიპი: გარდაცვალება

1920 წლის 13 ოქტომბერს ნოე სიხარულიძის 12 წლის ვაჟს რევოლვერი გაუვარდა, ტყვია მოხვდა მის 10 წლის ძმას, რომელიც ადგილზე დაიღუპა.

1920

ტიპი: ავტორობა

1920 წლის 13 ოქტომბერს თბილისში გამართულ სოციალ-დემოკრატთა ეკონომიკური თათბირზე მოხსენებები წაიკითხეს ნოე ჟორდანიამ და ნოე ხომერიკმა, სიტყვა წარმოთქვა კარლ კაუცკიმ.

1920

ტიპი: ავტორობა

1920 წელს სოციალ-დემოკრატთა ეკონომიკურ თათბირზე კარლ კაუცკი და ნოე ხომერიკი გლეხებისთვის გადასახადის მომატების ინიციატივით გამოვიდნენ.

1918

ტიპი: პირადი ინფორმაცია

1919 წლის 28 სექტემბერს ქვიტირის უმაღლესი დაწყებითი სასწავლებლის პედაგოგი ნიკანდრო ზაქარიას ძე არველაძე ვერა პავლეს ასულ რუხაძეზე დაქორწინდა.

1920

ტიპი: პირადი ინფორმაცია

ქვიტირის უმაღლესი დაწყებითი სასწავლებლის პედაგოგი ნიკანდრო ზაქარიას ძე არველაძე 1918 წელს სამხედრო სამსახურში იყო და გერმანელების წინააღმდეგ ბრძოლაში მონაწილეობდა.

1918

ტიპი: ღონისძიება

1918 წლის პირველი თებერვლიდან ნიკანდრო ზაქარიას ძე არველაძე ქუტირის უმაღლეს დაწყებითი სასწავლებლის პედაგოგად დაინიშნა. ფორმულიარის სწორად შედგენას ხელმოწერით ადასტურებს სასწავლებლის გამგე კირილე რუხაძე.

1920

ტიპი: განათლება

ქუტირის უმაღლესი დაწყებითი სასწავლებლის მასწავლებლის, ნიკანდრი ზაქარის ძე არველაძის ნამსახურებით სიაში წერია, რომ მან უმაღლესი განათლება მიიღო ქუთაისის საოსტატო სემინარიაში, რისი სათანადო მოწმობაც აქვს N637. ფორმულარის სწორად შედგენას ხელმოწერით ადასტურებს სასწავლებლის გამგე კირილე რუხაძე.

1920

ტიპი: მფლობელობა

1920 წლის ნიკანდრი ზაქარიას ძე არველაძის პირადი საქმის მიხედვით, ქვიტირის უმაღლესი დაწყებითი სასწავლებლის პედაგოგ ნიკანდრო ზაქარიას ძე არველაძეს და მის მეუღლეს არც თავისი ქონება და არც მშობლების მემკვიდრეობა არ ჰქონდათ.

1920

ტიპი: თანამდებობა

28 წლის ნიკანდრო ზაქარიას ძე არველაძე 1920 წელს ქვიტირის უმაღლესი დაწყებითი სასწავლებლის პედაგოგად მუშაობდა.

1920

ტიპი: ღონისძიება

1920 წლის 6 თებერვალს განათლების სამინისტროს მთავარგამგე გიორგი ჭუმბურიძემ და მდივანმა კირილე მიხეილის ძე არჯევანიძემ ქუთაისის სამაზრო ერობას აცნობეს, რომ 1920 წლის პირველი აპრილიდან ნიკანდრო არველაძე ქუთაისის უმაღლესი დაწყებითი სასწავლებლის პედაგოგად დაამტკიცეს.

1920

ტიპი: ღონისძიება

1920 წლის პირველ სექტემბერს სემინარიის დირექტორ კირილე არველაძეს ბორჯომიდან მისწერეს, რომ დაუყოვნებლივ გამოცხადებულიყო სამინისტროში.

1920

ტიპი: ღონისძიება

1920 წლის 5 იანვარს გორის საოსტატო სემინარიის დირექტორმა კირილე არველაძემ უმაღლეს და საშუალო სასწავლებლის მთავარგამგეს სთხოვა, 6-დან 12 იანვრამდე სამსახურიდან გაეთავისუფლებინა. ის ქუთაისის მაზრის სოფელ ჭაგანში პირადი საქმეების გამო უნდა წასულიყო. მის ნაცვლად მოვალეობას შეასრულებდა სემინარიის მასწავლებელი ვასილ პატარაშვილი. ხელს აწერენ სემინარიის დირექტორი კირილე არველაძე და საქმისმწარმოებელი ს. კასრაძე.

1919

ტიპი: ღონისძიება

1919 წლის 21 ოქტომბერს განათლების სამინისტროს კანცელარიის დირექტორმა ვუკოლ ბერიძემ და საქმისმწარმოებელმა ნიკოლოზ აბესაძემ კირილე არველაძეს აცნობეს, რომ 1918 წლის პირველი სექტემბრიდან გორის საოსტატო სემინარიის დირექტორად დამტკიცდა.

1919

ტიპი: ღონისძიება

1919 წლის 7 მარტს მთავარგამგე გრიგოლ ნათაძემ და საქმისმწარმოებელმა ვარლამ ძიძიგურმა გორის საოსტატო სემინარიის დირექტორს კირილე არველაძეს აცნობეს, რომ ნება ეძლეოდა მათემატიკის გაკვეთილებისთვის გადადებული თანხიდან თავისთვის გამოეწერა ოთხი გაკვეთილის ანაზღაურება – 75 მანეთი.

1919

ტიპი: ავტორობა

1919 წლის 27 იანვარს გორის საოსტატო სემინარიის დირექტორის თანამდებობის აღმასრულებელმა კირილე არველაძემ უმაღლეს და საშუალო სასწავლებლის მთვარგამგეს მისწერა, რომ მათემატიკის მასწავლებლის ფალავანდიშვილის გარდაცვალების შემდეგ, 1918 წლის პირველი ნოემბრიდან არითმეტიკის მეთოდიკასა და პრაქტიკულ გაკვეთილებს თავად ასწავლიდა. კვირაში 4 გაკვეთილის ჩატარება უწევდა.

1918

ტიპი: თანამდებობა

1918 წლის 10 სექტემბერს გორის საოსტატო სემინარიის პედაგოგს კირილე არველაძეს აცნობეს, რომ 1918 წლის პირველი სექტემბრიდან საოსტატო სემინარიის დირექტორის თანამდებობის აღმასრულებლად დაინიშნა. სთხოვეს, თანამდებობის წარმომადგენლისგან საქმე და ქონება სათანადო აქტის შედგენით ჩაებარებინა და მოვალეობის აღსრულებას შედგომოდა.

1919

ტიპი: ღონისძიება

განათლების სამინისტრომ იაკობ ღულაძეს მისწერს, რომ 1919 წლის 1-ლი იანვრიდან თბილისის ვაჟთა პირველი გიმნაზიის თავისუფლად დაქირავებულ მუსიკის მასწავლებლად დაინიშნა ვ. ა. გონსიორსკი.

1919

ტიპი: ავტორობა

იაკობ ღულაძემ განათლების სამინისტროს მისწერა, რომ 1919 წლის 1-ელი იანვრიდან თბილისის ვაჟთა პირველ გიმნაზიაში მუსიკის მასწავლებლად დაენიშნათ ვ. ა. გონსიორსკი, რომელსაც წლიურ ჯამაგირს, 840 მანეთს, გიმნაზია სპეციალური ხარჯებიდან გადაუხდიდა.

1920

ტიპი: ავტორობა

1920 წლის 13 ოქტომბერს გაზეთ „ნაციონალისტის“ მეთორმეტე ნომერში გამოქვეყნდა კ. სვიმონიშვილის სტატია „კორესპონდენცია ბორჩალოს რევიზიის გამო“.

1918

ტიპი: ავტორობა

1918 წელს ხონის სამასწავლებლო სემინარიის მასწავლებელი დოროთე ალექსანდრეს ასული ფირცხალავა განათლების სამინისტროს სთხოვს სამუშაო ადგილს კომერციულ ან ტექნიკურ სასწავლებელში.

1918

ტიპი: ავტორობა

1918 წლის 16 აგვისტოს ჩხოროწყუს უმაღლესი დაწყებითი ოთხკლასიანი სასწავლებლის გამგე ვლადიმერ მიხეილის ძე სოსელია მიმართავს განათლების სამინისტროს პროფესიონალურ სასწავლებელთა განყოფილების გამგეს, რომ აუცილებელი გარემოებებით მას უწევს გადმოსვლა თბილისში და სთხოვს დაეხმაროს იქ შესაბამისი სამსახურის შოვნაში.

1918

ტიპი: პირადი ინფორმაცია

1918 წლის 27 დეკემბერს გრიგოლ ისიდორეს ძე ნიორაძე მიმართავს თბილისის მეშვიდე გიმნაზიის დირექტორ ნიკოლოზ ჩიგოგიძეს, დაუნიშნოს გამოცდები მესამე კლასში მისაღებად.