ქშწკგს პროსოპოგრაფია

ფაქტები

რეგისტრირებული ფაქტები41868

1948

ტიპი: ავტორობა

1948 წელს ანდრია აფაქიძის მიერ გაცემული დახასიათების მიხედვით, ქრისტინე შარაშიძე მუზეუმის მეცნიერ-მუშაკთა შორის ავტორიტეტით სარგებლობდა, გამოირჩეოდა მაღალი აკადემიური მოსწრებით, საქმის განსაკუთრებული სიყვარულითა და დაუღალავი შრომის უნარით.

1948

ტიპი: ავტორობა

1948 წელს ანდრია აფაქიძის მიერ გაცემული დახასიათების მიხედვით, ქრისტინე შარაშიძე აკადემიკოს სიმონ ჯანაშიას სახელობის საქართველოს სახელმწიფო მუზეუმში 1941 წლიდან ხელშეკრულებით მუშაობდა, 1945 წლიდან კი შტატიანი თანამშრომელი იყო.

1948

ტიპი: ავტორობა

1948 წლის პირველ დეკემბერს აკადემიკოს სიმონ ჯანაშიას სახელობის საქართველოს სახელმწიფო მუზეუმის დირექტორმა ანდრია აფაქიძემ ქრისტინე შარაშიძეს მისცა დახასიათება აკადემიკოს ივანე ჯავახიშვილის სახელობის ისტორიის ინსტიტუტში წარსადგენად.

1951

ტიპი: ავტორობა

1951 წლის 6 ივნისს ქრისტინე შარაშიძემ განცხადებით მიმართა საქართველოს სსრ მეცნიერებათა აკადემიის ივანე ჯავახიშვილის სახელობის ისტორიის ინსტიტუტის დირექციას, რომ ავადმყოფობის გამო ვერ შეძლო საკანდიდატო მინიმუმის ჩაბარება და ითხოვა დაებრუნებინათ 1948 წლის შემოდგომაზე წარდგენილი სადისერტაციო ნაშრომი „ვახუშტი ნათარგმნ შრომებში“ (სამ ცალად). ნაშრომის გამოტანას ის თინათინ ენუქიძეს ანდობდა.

1964

ტიპი: ავტორობა

1964 წლის 5 ნოემბერს კორნელი კეკელიძის სახელობის ხელნაწერთა ინსტიტუტის დირექტორის მოვალეობის შემსრულებელმა ელენე მეტრეველმა გასცა ცნობა, რომ ქრისტინე შარაშიძე 1958 წლის 1-ლი აგვისტოდან კორნელი კეკელიძის სახელობის ხელნაწერთა ინსტიტუტში უმცროს მეცნიერ-თანამშრომლად მუშაობდა. შარშიძე პენსიაზე გასვლის გამო 1964 წლის 1-ლი ნოემბრიდან თანამდებობიდან გათავისუფლდა.

1964

ტიპი: ღონისძიება

1964 წლის 28 ოქტომბერს საქართველოს სსრ სოციალური უზრუნველყოფის სამინისტრომ ცნობით დაადასტურა, რომ ქრისტინე გიორგის ასული შარაშიძე ამავე წლის 1-ლი ნოემბრიდან საქართველოს სსრ რესპუბლიკის მნიშვნელობის პესონალური პენსიონერი იქნებოდა. მისი პენსია განისაზღვრა 80 მანეთით.

1957

ტიპი: ორგანიზაცია

1957 წელს ქრისტინე გიორგის ასულ შარაშიძეს გადაეცა საშვი საქართველოს ცენტრალური არქივის სამკითხველო დარბაზში სამუშაოდ ამავე წლის 13 დეკემბრიდან 1958 წლის 13 მარტამდე.

1956

ტიპი: პირადი ინფორმაცია

1956 წლის 23 ივლისს საქართველოს სსრ მეცნიერებათა აკადემიის კლინიკური და ექსპერიმენტული კარდიოლოგიის ინსტიტუტის კლინიკური განყოფილების გამგემ, ი. მ. გიგინეიშვილმა გასცა ცნობა, რომლის თანახმად, ქრისტინე შარაშიძეს შავი ზღვის სანაპიროზე ხანგრძლივი მკურნალობა სჭირდებოდა.

1956

ტიპი: პირადი ინფორმაცია

1956 წლის 17 ივლისიდან 23 ივლისამდე ქრისტინე შარაშიძე მკურნალობდა საქართველოს სსრ მეცნიერებათა აკადემიის კლინიკურ და ექსპერიმენტულ კარდიოლოგიის ინსტიტუტის დისპანსერში.

1951

ტიპი: ავტორობა

1951 წლის 10-დან 21 მაისამდე ქრისტინე შარაშიძემ კუთვნილი შვებულებიდან 10 დღე ითხოვა, რადგან დაღლილობისა და მაღალი წნევის გამო დასვენება სჭირდებოდა.

1951

ტიპი: ავტორობა

1951 წლის 14 ივლისს ქრისტინე შარაშიძემ აკადემიკოს სიმონ ჯანაშიას სახელობის საქართველოს სახელმწიფო მუზეუმის დირექტორს, ანდრია აფაქიძეს სამსახურიდან განთავისუფლების განცხადებით მიმართა, რადგან მან ქრისტინეს მუშაობას საჯაროდ არაკოლეგიალური უწოდა.

1963

ტიპი: ორგანიზაცია

1963 წელს ქრისტინე შარაშიძეს გადაეცა კარლ მარქსის სახელობის საქართველოს სსრ სახელმწიფო რესპუბლიკური ბიბილიოთეკის ბილეთი (საშვი) ამავე წლის 16 ოქტომბერიდან 31 დეკემბერამდე.

1918

ტიპი: ავტორობა

ფინანსთა მინისტრი ჟურული 1918 წლის ოქტომბერში გზათა მინისტრს სწერს, რომ სპეციალური ამკრეფები, საკასო წესების თანახმად, საგუბერნიო თუ სამაზრო ქალაქებში ვალდებული არიან, მათ მიერ შეგროვილი შემოსავალი კვირაში ორჯერ გადასცენ ხაზინას, შეუსრულებლობის შემთხვევაში დამნაშავეს დაეკისრება სისხლის სამართლის პასუხისმგებლობა.

1919

ტიპი: ავტორობა

1919 წლის 14 იანვარს ფინანსთა, ვაჭრობისა და მრეწველობის მინისტრმა გიორგი ჟურულმა ფოთის პორტის უფროსს – მთავრობასთან მიღებული შეთანხმების საფუძველზე გზათა სამინისტროს გამგებლობაში ფოთის პორტის გემების გადაცემასთან დაკავშირებით – წერილში შესთავაზა, გზათა სამინისტროსთვის დაუყოვნებლივ გადაეცა ყველა გემი და ბარჟა მეთაურებთან ერთად, პორტის უწყების განკარგულებაში დაეტოვებინათ მხოლოდ ბარკასი „Муша“, 70-ტონიანი ამწე, გემი სასწავლებლისთვის და პორტისთვის საჭირო რაოდენობის ნავები. გადაცემა უნდა გაფორმებულიყო შესაბამისი აქტით. ხელს აწერენ კანცელარიის ვაჭრობისა და მრეწველობის ნაწილის დირექტორი დ. აბხაზი და ვაჭრობის განყოფილების გამგე გ. ჯანელიძე.

1919

ტიპი: ღონისძიება

1919 წლის თებერვალში ფინანსთა, ვაჭრობისა და მრეწველობის (სამინისტროს მის.: თბილისი, გოლოვინის პრ. N23) მინისტრმა გიორგი ჟურულმა გზათა მინისტრ ივანე ლორთქიფანიძეს მიმართა, რომ, მასთან შეთანხმების თანახმად, გასულ წელს განიზრახეს გზათა სამინისტროსთვის გემების გადაცემა რიონის ფლოტილიისათვის. მას გადაეცა ბათუმიდან ფოთის სარემონტო სახელოსნოებში ევაკუირებული ინსტრუმენტები, ჩარხები და სხვა ქონება. გ. ჟურულმა გზათა მინისტრს სთხოვა, გაეცა განკარგულება, ფოთის პორტისთვის დაებრუნებინათ ბათუმის პორტის ყოფილი ქონება. ამ საკითხის საბოლოოდ გადასაწყვეტად უფლებამოსილება მიანიჭა ფოთის პორტის სამუშაოთა მწარმოებლის მოვალეობის შემსრულებელ გემის ინჟინერ გოკიელოვს.

1919

ტიპი: ავტორობა

ი. მ. შტრანგისა და ა. მ. ხოშტარიას ნდობით აღჭურვილი პირი რაფიელ მოისეის ძე შტრანგი (სამხედრო სამინისტროს კონტრაგენტი ფქვილით მომარაგების და მთავრობის ხელშეკრულების საფუძველზე საქონლის გაცვლაში) 1919 წლის 17 იანვარს გზათა მინისტრს ტვირთის გადასაზიდად სატრანსპორტო საშუალებებს სთხოვდა. კერძო გემების დაქირავება წამგებიანი იყო როგორც კავკასია-შავი ზღვის სავაჭრო-სამრეწველო სააქციო საზოგადოებისთვის, ასევე ხაზინისთვის, რადგან ზრდიდა ზედნადებ ხარჯებს, რაც საქონლის ღირებულებას აძვირებდა და შავ ზღვაზე რეგულარული მიმოსვლის არარსებობის გამო პურის შემოტანას აფერხებდა .

1936

ტიპი: ღონისძიება

1936 წელს ქრისტინე შარაშიძე მიიწვიეს რუსთაველის საიუბილეო გამოფენის მოსაწყობად. მას რუსთაველის ვრცელი ბიბლიოგრაფიის შედგენა ევალებოდა.

1929

ტიპი: თანამდებობა

1929 წელს საისტორიო-საეთნოგრაფიო საზოგადოების მუზეუმი და საქართველოს სახელმწიფო მუზეუმი გააერთიანეს და ქრისტინე შარაშიძე ბიბლიოთეკრად დანიშნეს.

1925

ტიპი: თანამდებობა

1925 წელს ქრისტინე შარაშიძე მასწავლებელთა სახლიდან სამუშაოდ გადავიდა საისტორიო-საეთნოგრაფიო საზოგადოების მუზეუმში ბიბლიოთეკის გამგედ.

1924

ტიპი: თანამდებობა

1924-1925 წლებში ქრისტინე შარაშიძე მასწავლებელთა სახლში ქართული ენის კაბინეტის ხელმძღვანელად იყო მიწვეული.

1917

ტიპი: თანამდებობა

1917-1921 წლებში ქრისტინე შარაშიძე განათლების სამინისტროსთან არსებული სამეცნიერო და სასკოლო საბჭოების წევრად იყო მიწვეული.

1919

ტიპი: თანამდებობა

1919 წელს ქრისტინე შარაშიძე საქართველოს დამფუძნებელი კრების წევრად აირჩიეს. ის იყო უმცროსი მდივანი და სარედაქციო-სატერმინოლოგიო, საბიბლიოთეკო და სასკოლო კომისიების წევრი.

1918

ტიპი: თანამდებობა

1918 წლიდან ქრისტინე შარაშიძე ქართული უნივერსიტეტის დამაარსებელი საზოგადოების დამფუძნებელი წევრი იყო.

1917

ტიპი: თანამდებობა

1917 წელს ქრისტინე შარაშიძე ქართველთა შორის წერა-კითხვის გამავრცელებელი საზოგადოების გამგეობის წევრად აირჩიეს.

1916

ტიპი: თანამდებობა

1916 წელს ქრისტინე შარაშიძე მიიწვიეს ქართული ენის მასწავლებლად ახლად დაარსებულ ქალთა საოსტატო (სამასწავლებლო) სემინარიაში.