რეგისტრირებული ფაქტები46506
სორტირება თარიღი მზარდობით
1897
ტიპი: ღონისძიება
1897 წლის 9 სექტემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეოთხე სხდომა ნიკოლოზ ცხვედაძის თავმჯდომარეობით. სხდომას ასევე ესწრებოდნენ: იაკობ გოგებაშვილი, ივანე რატიშვილი, ალექსანდრე ჭყონია, გიორგი იოსელიანი, ნიკო მთვარელიშვილი, ანასტასია წერეთლისა და მდივანი დავით კარიჭაშვილი.
1897
ტიპი: ღონისძიება
1897 წლის 9 სექტემბერს გამართულ ქართველთა შორის წერა-კითხვის გამავრცელებელი საზოგადოების 24-ე სსხდომაზე წარადგინეს სენაკის სკოლის მასწავლებლების – ივლიანე გოგოლაშვილის, იასონ ნიკოლაიშვილის და ლავრენტი აგლაძის – საჩივარი თავიანთი მდგომარეობის შესახებ. გამგეობამ საჩივარი უსაფუძვლოდ მიიჩნია განხილვა საჭიროდ არ ჩათვალა.
1897
ტიპი: ღონისძიება
1897 წლის 9 სექტემბერს ქართველთა შორის წერა-კითხვის გამავრცელებელი საზოგადოების ოცდამეოთხე სხდომაზე წინარეხის სკოლის პედაგოგმა ეკატერინე რუსიეშვილმა გამგეობას ავადმყოფობის გამო ერთი თვით სამსახურიდან დათხოვა და წამლებისათვის შემწეობა სთხოვა. ნ. ცხვედაძემ გამგეობის სახელით პედაგოგის თხოვნა დააკმაყოფილა.
1897
ტიპი: ღონისძიება
1897 წლის 9 სექტემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეოთხე სხდომა. სხდომაზე წაიკითხეს ნიკოლოზ ჩუბინაშვილის წერილი, რომლითაც გამგეობას შეატყობინა, რომ თანახმაა დაბეჭდონ მამამისის დავით ჩუბინოვის ლექსიკონის 2000 ეგზემპლარი, ხოლო თავის სასარგებლოდ მხოლოდ 50 ეგზემპლარის გადაცემა მოითხოვა. საკითხზე მსჯელობა გამგეობამ მომდევნო სხდომისთვის გადადო და იაკობ გოგებაშვილს დაავალა მოეხსენებინა საზოგადოებისთვის, თუ რა თანხა დასჭირდებოდა ლექსიკონის დაბეჭდვას.
1897
ტიპი: ღონისძიება
1897 წლის 9 სექტემბერს ქართველთა შორის წერა-კითხვის გამავრცელებელი საზოგადოების ოცდამეოთხე სხდომაზე მდივანმა დავით კარიჭაშვილმა გამგეობას მიმართა, რომ მადლობა გამოეცხადებინათ კავკავის სკოლის პედაგოგ ლუარსაბ ბოცვაძისთვის, რომელიც დაესწრო თბილისში მასწავლებელთა საერთო კრებას და პედაგოგებს მნიშვნელოვანი ინფორმაცია გააცნო, ასევე მონაწილეობა მიიღო პედაგოგიური საკითხების გადაწყვეტაში. გამგეობამ ლ. ბოცვაძეს მადლობა გამოუცხადა.
1897
ტიპი: ღონისძიება
1897 წლის 9 სექტემბერს ქართველთა შორის წერა-კითხვის გამავრცელებელი საზოგადოების ოცდამეოთხე სხდომაზე გამგეობას თხოვნით მიმართა ვასილ ბეჟანიშვილმა, რომ მისთვის ნისიად გადაეცათ 200 მანეთის წიგნები, რომელთა საფასურსაც საზოგადოებას მათი გაყიდვის შემდეგ დაუბრუნებდა. გამგეობამ გადაწყვიტა, ბეჟანიშვილისთვის იაკობ გოგებაშვილის თავდებით ერთი თვით გადაეცათ 200 მანეთის წიგნები.
1897
ტიპი: ღონისძიება
1897 წლის 9 სექტემბერს ქართველთა შორის წერა-კითხვის გამავრცელებელი საზოგადოების ოცდამეოთხე სხდომაზე როდონოვს 88 კაპიკი მისცეს, ნიკოლოზ ავალიშვილს კი — 24 მანეთი.
1897
ტიპი: ღონისძიება
1897 წლის 9 სექტემბერს ქართველთა შორის წერა-კითხვის გამავრცელებელი საზოგადოების ოცდამეოთხე სხდომაზე ექვთიმე თაყაიშვილს გომარეთში წასასვლელი გზის ფული — 45 მანეთი მისცეს, დურგალს — 22 მანეთი, კავკავის სკოლისთვის წიგნების გასაგზავნად კი საზოგადოებამ 8 მანეთი გამოყო.
1897
ტიპი: ღონისძიება
1897 წლის 9 სექტემბერს გამართულ ქართველთა შორის წერა-კითხვის გამავრცელებელი საზოგადოების ოცდამეოთხე სხდომაზე წიგნების ანგარიშში ზაქარია გრიქუროვს მისცეს 25 მანეთი, ისიდორე ლეჟავას — 3 მანეთი და 56 კაპიკი, გრიგოლ ტატიშვილს კი — 20 მანეთი.
1897
ტიპი: ღონისძიება
1897 წლის 9 სექტემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეოთხე სხდომა. სხდომაზე ბიბლიოთეკის წიგნების დასაკაზმში გ. კოტეტიშვილს — 17 მანეთი, ხოლო მაღაზიის წიგნების დასაკაზმში — 11 მანეთი მისცეს, ნიკოლოზ ბადრიძეს კი — 9 მანეთი.
1897
ტიპი: ღონისძიება
1897 წლის 10 სექტემბრის „ცნობის ფურცლიდან” ვიგებთ, რომ რუსულ ჟურნალ „ნივაში” რაფიელ ერისთავისა და ილია ჭავჭავაძის სურათები იყო დაბეჭდილი. ამავე ჟურნალში მათი ბიოგრაფიისა და ნიჭის შესახებ ვასილ ველიჩკო წერდა.
1897
ტიპი: ღონისძიება
1897 წლის 10 სექტემბერს გამართულ ოზურგეთის შემნახველ-გამსესხებელი საზოგადოების წევრთა კრებაზე გადაწყდა, რომ მიმდინარე საქმეები დიმიტრი ცეცხლაძეს შეესრულებინა.
1897
ტიპი: ღონისძიება
1897 წლის 10 სექტემბერს ოზურგეთის შემნახველ-გამსესხებელი საზოგადოების წევრთა კრება გაიმართა. იმ კრებაზე ახლად არჩეულმა გამგეობის წევრებმა ძველი გამგეობის ქონება გადაიბარეს. კერძოდ, ქონება ჩაბარდა ყარამან მამულაიშვილს.
1897
ტიპი: ღონისძიება
1897 წლის 12 სექტემბრის „ცნობის ფურცლიდან” ვიგებთ, რომ ლანჩხუთში მცხოვრებ ქალებს განათლებაზე ხელი აღარ მიუწვდებოდათ, რადგან მათი ყოფილი მასწავლებელი არსენ სიმონის ძე წითლიძე ვეღარ ახერხებდა ამ საქმიანობის გაგრძელებას.
1897
ტიპი: ღონისძიება
1897 წლის 12 სექტემბრის „ცნობის ფურცლიდან“ ვიგებთ, რომ თბილისის ყოფილი გუბერნატორის, გიორგი დიმიტრის ძე შარვაშიძის სახელზე სტიპენდიის დაარსება გადაწყდა. ამ სტიპენდიით თბილისისა და ქუთაისის გიმნაზიების თითო სტუდენტისთვის სწავლა სრულად უნდა დაეფინანსებინათ.
1897
ტიპი: ღონისძიება
1897 წლის 12 სექტემბრის „ცნობის ფურცლის“ მეშვეობით პედაგოგებს არსენ სიმონის ძე წითლიძეს, კირილე ლაზარეს ძე წილოსანს და ერმალოზ ლევანის ძე ჯაშს სთხოვდნენ კვირაში თითო საათი გამოეყოთ ლანჩხუთელი ქალებისთვის, რომლებიც განათლების გარეშე იყვნენ დარჩენილები.
1897
ტიპი: ღონისძიება
1897 წლის 13 სექტემბრის „ცნობის ფურცლიდან“ ვიგებთ, რომ ნ. დიდებულიძემ გახსნა თბილისში პირველი კერძო პანსიონი ქალებისთვის.
1897
ტიპი: ღონისძიება
1897 წლის 13 სექტემბრის „ცნობის ფურცლიდან“ ვიგებთ, რომ ნ. დიდებულიძე თავის პანსიონსა და სასწავლებელში ქალებს საცხოვრებლად იღებდა და იმავდროულად საშუალო სასწავლებელში მისაღებადაც ამზადებდა.
1897
ტიპი: თანამდებობა
1897 წლის 14 სექტემბერს ბათუმის ახალი ვაჟთა გიმნაზია უნდა ეკურთხებინათ. ამ გიმნაზიის დირექტორი ა. ი. სტოიანოვი იყო.
1897
ტიპი: ღონისძიება
1897 წლის 14 სექტემბრის „ცნობის ფურცლიდან” ვიგებთ, რომ ბათუმის გამგეობამ ახლადგადაკეთებულ ვაჟთა გიმნაზიას დროებითი სადგომი ჩააბარა. ამ ღონისძიებას გიმნაზიის დირექტორი ა. ი. სტოიანოვი ესწრებოდა.
1897
ტიპი: ღონისძიება
1897 წლის 14 სექტემბრის „ცნობის ფურცლიდან” ვიგებთ, რომ მიხეილ საბინინი ფრანგულ ენაზე ნაშრომს ამზადებდა, რომელშიც საქართველოს ეკლესიის შესახებ უნდა ყოფილიყო მოთხრობილი. ამ ნაშრომში მიხეილ საბინინი ამტკიცებდა, რომ საქართველოს ეკლესია თავიდანვე დამოუკიდებელი იყო.