ქშწკგს პროსოპოგრაფია

ფაქტები

რეგისტრირებული ფაქტები46478

1918

ტიპი: ღონისძიება

1918 წლის 3 დეკემბერს გამართულ პარლამენტის სხდომაზე სიტყვით გამოვიდა აკაკი ფაღავა, რომელმაც განაცხადა, რომ იმ დროისთვის საქართველოში ბევრი ისეთი პირი იყო, რომელთაც საქმე საერთოდ არ ჰქონდათ და ქვეყნისთვის საშიშროებას წარმოადგენდნენ. სწორედ ასეთებზე მიიღო გენერალ-გუბერნატორმა დადგენილება ქვეყნიდან გაძევების შესახებ.

1918

ტიპი: ავტორობა

1918 წლის 3 დეკემბერს გამართულ პარლამენტის სხდომაზე სიტყვით გამოვიდა შინაგან საქმეთა მინისტრი ნოე რამიშვილი, რომელმაც განაცხადა,რომ გენერალ-გუბერნატორის ახლად შემოღებული კანონი ეხებოდა იმ პირებს, რომლებიც საქართველოში უსაქმურად იმყოფებოდნენ და მომენტს ელოდებდნენ, რომ გადატრიალების გზით თანამდებობები დაეკავებინათ.

1952

ტიპი: პირადი ურთიერთობა

1952 წლის 7 დეკემბერს ნოე ცინცაძე პარიზიდან მიუნხენში ჩავიდა და ვიზის საკითხი შალვა მაღლაკელიძესთან ერთად მოაგვარა.

1919

ტიპი: ავტორობა

1919 წლის 8 თებერვალს გიორგი ალმასხანის ძე ჭუმბურიძემ განაცხადა, გორის რაიონის ინსპექტორისთვის ეკითხათ ჰქონდა თუ არა პეტრე სოლომონის ძე ალღუზაშვილს მასწავლებლობის უფლება და წოდება.

1919

ტიპი: ღონისძიება

1919 წლის 28 აპრილს მთავარგამგე გიორგი ალმასხანის ძე ჭუმბურიძემ და საქმისმწარმოებელმა კონსტანტინე ილიას ძე აბაშიძემ აღმოსავლეთ საქართველოს სახალხო სკოლების მე-3 რაიონის ინსპექტორს გაუგზავნეს ბელათის სკოლის ყოფილი მასწავლებლის პეტრე სოლომონის ძე ალღუზაშვილის თხოვნა ჯამაგირით დაკმაყოფილების შესახებ.

1919

ტიპი: ღონისძიება

1919 წლის 11 თებერვალს, მთავარგამგე ჭუმბურიძე და საქმის მწარმოებელი ჩიმაკაძე, აღმოსავლეთ საქართველოს მე-3 რაიონის სახალხო სკოლების ინსპექტორს უგზავნიან პეტრე ალღუზაშვილის თხოვნას ა.წ. 1 იანვრიდან გორის მაზრის სახალხო სკოლის მასწავლებლათა ოქმიდან ამონაწერითურთ და სთხოვენ გამოარკვიოს საქმე. ასევე, თხოვნასთან ერთად გაუგზავნონ ცნობა, მთხოვნელ ალღუზაშვილს აქვს თუ არა მასწავლებლობის უფლება და წოდება.

1919

ტიპი: ღონისძიება

1919 წლის 3 მარტს მთავარგამგე გიორგი ალმასხანის ძე ჭუმბურიძემ და საქმისმწარმოებელმა ლ. ჩიმაკაძემ აღმოსავლეთ საქართველოს მე-3 რაიონის სახალხო სკოლების ინსპექტორს 19 თებერვლის N188-ის პასუხად პეტრე სოლომონის ძე ალღუზაშვილის შესახებ აცნობეს, რომ მას მასწავლებლობის ფორმალური უფლება ჰქონდა და თუ სხვა დამაბრკოლებელი მიზეზი არ არსებობდა, შესაძლებელი იყო რომელიმე გიმნაზიაში ან სასწავლებელში მასწავლებლად დაენიშნათ, მაგრამ მასწავლებლის მიწვევის უფლება ერობას ჰქონდა და ამიტომ, მას სამსახურისთვის თავისი საბუთებით შეეძლო ერობისთვის მიემართა. ასევე მათ სკოლების ინსპექტორს დაუბრუნეს ალღუზაშვილის საბუთები.

1919

ტიპი: ღონისძიება

1919 წლის 13 ნოემბრის საქართველოს დემოკრატიული რესპუბლიკის სახალხო განათლების მინისტრის მოადგილის ნოე ცინცაძის N 83 ბრძანებით, თბილისის ქალთა მე-7 წმინდა ნინოს სახელობის გიმნაზიის მასწავლებელ ანა გიორგის ასულ ალშიბაიას პენსიისა და ხუთწლეულების მისაღებად სახელმწიფო სამსახურში ჩაეთვალა თბილისის ყოფილ სათავადაზნაურო ქალთა გიმნაზიაში ნამსახური წლები. ბრძანებას ხელს აწერს განათლების მინისტრის მოადგილე ნოე ცინცაძე.

1919

ტიპი: ღონისძიება

1919 წლის 18 მარტს, მთავარგამგე გ.ნათაძე და საქმის მწარმოებელი ნიკ.აბესაძე, თბილისის ქალთა მე-7 გიმნაზიის დირექტორს, 28 თებერვლის #317, მათი ქაღალდის დასამატებლად სთხოვენ, მასწავლებელ ა.ალშიბაიას აცნობონ რამდენი წლის ჯამაგირის სათანადო პროცენტი აქვს შეტანილი საპენსიო კარის გასაძლიერებლად. ეს ცნობა საჭიროა ხსენებული მასწავლებლის სამსახურის ჩათვლისთვის.

1881

ტიპი: პირადი ინფორმაცია

ანა გიორგის ასული ალშიბაია, ფრანგული ენის მასწავლებელი დაიბადა 1881 წლის 28 ივნისს. ის იყო მართლმადიდებელი.

1921

ტიპი: ღონისძიება

1921 წლის 1-ელ მარტს, 5 საათზე, გაიმართა ხელოვანთა კრება აკაკი ხოშტარიას სახლში (სერგიევის ქუჩაზე), რომელსაც დაესწრო კონსტანტინე მაყაშვილი.

1909

ტიპი: განათლება

1909 წლის 28 ივნისს ანა გიორგის ასულმა ალშიბაიამ პარიზის სორბონის უნივერსიტეტის სიტყვიერების ფაკულტეტი და ფრანგული ენის კურსები „ალიანსი“ დაამთავრა.

1913

ტიპი: თანამდებობა

1913 წლის 4 სექტემბერს სათავადაზნაურო გიმნაზიის კომიტეტმა ანა გიორგის ასული ალშიბაია ქალთა გიმნაზიის უფროს კლასებში ფრანგული ენის მასწავლებლად მიიწვია.

1921

ტიპი: ღონისძიება

1921 წლის 1-ელ მარტს, 5 საათზე, აკაკი ხოშტარიას სახლში (სერგიევის ქუჩაზე) გაიმართა ხელოვანთა კრება, რომელსაც დაესწრო ზაქარია ფალიაშვილი.

1919

ტიპი: ავტორობა

1919 წლის 22 სექტემბრის გაზეთ „ვოლნი გორეცთან“ ინტერვიუში გრიგოლ ვეშაპელმა განაცხადა, რომ ქართულ და ჩრდილო კავკასიელთა ენებს ენათმეცნიერები ცალკე მდგომად ანუ იზოლირებულ ჯგუფად განიხილავენ. ამ იზოლაციამ ლინგვისტიკიდან პოლიტიკაშიც გადაინაცვლა, ამიტომ საჭირო იყო სხვა ქვეყნებთან სამხედრო, პოლიტიკური და ეკონომიკური კავშირის დამყარება.

1919

ტიპი: ავტორობა

ქართველი პოლიტიკოსოსა და პუბლიცისტის – გრიგოლ ვეშაპელის – განცხადებით, ვიდრე დარიალის კარიბჭესთან ქართული დროშის გვერდით, ნაცვლად მეზობელი მთიელებისა, გადამთიელ კაზაკ-მოსკოველთა დროშა ფრიალებს, კავკასიაში ვერ შეიქმნება პოლიტიკური წონასწორობა და ვერც საქართველოს ეროვნულ-სახელმწიფოებრივი დამოუკიდებლობა იქნება მყარი.

1952

ტიპი: ღონისძიება

1952 წელს ნოე ცინცაძემ შალვა მაღლაკელიძეს შეატყობინა, რომ რადიოს პროგრამირების დირექტორად ნიკოლაევსკის დანიშვნას აპირებდნენ. გაიოზ მაღლაკელიძე კი მისი მოადგილე იქნებოდა.

1919

ტიპი: ავტორობა

გაზეთ „კლდის“ რედაქტორი, ეროვნული პარტიის თავმჯდომარე, დამფუძნებელი კრების წევრი – გრიგოლ ვეშაპელი – „ვოლნი გორეცის“ თხოვნით აფასებს ჩრდილო კავკასიაში განვითარებულ მოვლენებს: ქართველი პოლიტიკოსის აზრით, საქართველომ ქმედითი მონაწილეობა უნდა მიიღოს მთიელთა თავისუფლების აღდგენაში, რადგან კავკასიაში მცხოვრებ მრავალეროვან ხალხთაგან „კავკასიელები“ მხოლოდ ქართველები და მთიელები არიან, ანუ ისინი, რომელთა რასა და ენაც მხოლოდ კავკასიაშია და რომელთა ბედიც განუყოფლადაა ერთმანათთან დაკავშირებული.

1918

ტიპი: ღონისძიება

1918 წლის 12 ოქტომბერს სახალხო განათლების სამინისტროს კანცელარიის დირექტორმა ალექსანდრე მიქაბერიძემ და საქმისმწარმოებელმა მაქსიმე ბერძნიშვილმა თბილისის ქალთა მე-4 გიმნაზიის დირექტორს აცნობეს, რომ მთავარგამგის N 46 ბრძანებით, 10 ოქტომბრიდან მისდამი რწმუნებულ გიმნაზიაში შალვა ილიას ძე ალხაზიშვილი ქართული ენის მასწავლებლად დაინიშნა.

1918

ტიპი: ღონისძიება

1918 წლის 18 დეკემბრის საქართველოს დემოკრატიული რესპუბლიკის უმაღლეს და საშუალო სასწავლებელთა მთავარგამგის N 172 ბრძანებით, ქალთა მე-4 გინაზიის მასწავლებელი შალვა ილიას ძე ალხაზიშვილი 15 დეკემბრიდან თანამდებობიდან გაათავისუფლეს. ბრძანებას ხელს აწერს მთავარგამგე გრიგოლ ნათაძე.

1952

ტიპი: პირადი ურთიერთობა

1952 წლის 26 ივლისს შალვა მაღლაკელიძემ გერმანიაში მყოფ გაიოზ მაღლაკელიძეს მისწერა, რომ ნოე ცინცაძესა და ევგენი გეგეჭკორს უნდა შეხვედროდა. დაჰპირდა, რომ მისთვის საინტერესო საკითხებზე პასუხს შეატყობინებდა.

1952

ტიპი: ღონისძიება

1952 წელს ევგენი გეჭკორი ბერლინში გამართულ იურისტთა ყრილობას დაესწრო.

1952

ტიპი: ღონისძიება

1952 წლის დეკემბერში მიუნხენში მყოფმა ნოე ცინცაძემ შალვა მაღლაკელიძეს შეატყობინა, რომ ვილიამსსა და ალექსიძეს შორის შეთანხმება შედგა. „ამერიკული კომიტეტის“ რადიო გადაცემების დირექტორად ნიკოლაევსკი დაინიშნა, მოადგილეებად კი — არსენიძე და ვინმე რუსი. ნოე ცინცაძე ცდილობდა, მდივნის თანამდებობაზე გაიოზ მაღლაკელიძე დაენიშნა.

1919

ტიპი: ღონისძიება

დამფუძნებელი კრების 1919 წლის 3 ივნისის სხდომაზე ივანე ჭავჭანიძისა და ქრისტინე შარაშიძის მოხსენებით მიიღეს კანონპროექტი სახალხო სკოლის მასწავლებლებისთვის 5-წლეულ დამატებათა დაწესების შესახებ. თითოეული დამატება – 400 მან.

1919

ტიპი: ღონისძიება

1919 წლის 15 ივნისს თბილისში უნდა გამოსულიყო საქართველოს მუშათა და პროფკავშირთა ცენტრალური საბჭოს ორგანო, ყოველკვირეული ჟურნალი „მუშათა ცხოვრება“, რომლის სარედაქციო კოლეგიის მდივანი შალვა აბდუშელიშვილი იქნებოდა.