რეგისტრირებული ფაქტები46487
სორტირება ახალი ჩანაწერების მიხედვით
1919
ტიპი: ღონისძიება
1919 წლის 20 მარტს ქუთაისის ვაჟთა პირველი გიმნაზიის დირექტორმა ნიკოლოზ მირზიშვილმა საქართველოს უმაღლესი და საშუალო სასწავლებლის მთავარგამგეს აცნობა, რომ როგორც ნინო აკოფაშვილის სიტყვიერი განცხადებიდან ჩანდა, მან 1902 წელს დაამთავრა ქერჩის კუშნიკოვის ინსტიტუტი, შემდეგ სამი წელი იყო გერმანიაში გერმანული ენის პრაქტიკის შესასწავლად. ამასთანავე დაამთავრა მიუნხენის კონსერვატორია. ხელს აწერენ გიმნაზიის დირექტორი ნიკოლოზ მირზიშვილი და საქმისმწარმოებელი კალისტრატე კონსტანტინეს ძე ჭიჭინაძე.
1919
ტიპი: ღონისძიება
1919 წლის 3 აპრილს თბილისის ვაჟთა მე-7 გიმნაზიის დირექტორმა ნიკოლოზ ჩიგოგიძემ სახალხო განათლების სამინისტროს აცნობა, რომ გერმანული ენის ყოფილი მასწავლებელი ნინო ვასილის ასული აკოფაშვილი 1911 წლის პირველი სექტემბრიდან ყოფილი სათავადაზნაურო გიმნაზიის გამგე-კომიტეტმა გერმანული ენის შტატის მასწავლებლად მიიწვია. იქ 1917 წლის პირველ სექტემბრამდე მუშაობდა. ხელს აწერენ დირექტორი ნიკოლოზ ნაუმის ძე ჩიგოგიძე და საქმისმწარმოებელი ევ. მამაცაშვილი.
1918
ტიპი: თანამდებობა
1918 წლის ოქტომბერში თბილისის ო. პ. აღაპიევის სახელობის რეალურ სასწავლებელში მუშაობდა საღვთო სჯულის მასწავლებელი ო. მ. არხანგელსკი.
1918
ტიპი: თანამდებობა
1918 წელს ქართული ენისა და ლიტერატურის პედაგოგი მიხეილ იოსების ძე მღებრიშვილი ნ. გ. თევზაძის სახელობის კერძო გიმნაზიაში მუშაობდა.
1918
ტიპი: თანამდებობა
1918 წელს ბრიუსელის ნორმალური სასწავლებლის მსმენელი, ფრანგული ენის პედაგოგი ელენე პავლეს ასული ყიფიანი ნ. გ. თევზაძის სახელობის კერძო გიმნაზიაში მუშაობდა.
1918
ტიპი: თანამდებობა
1918 წელს ყაზანის უნივერსიტეტის კურსდამთავრებული, რუსული ენის მასწავლებელი ვიაჩესლავ თედორეს ძე კრონოვიჩი ნ. გ. თევზაძის სახელობის კერძო გიმნაზიაში მუშაობდა.
1918
ტიპი: თანამდებობა
1918 წელს ნ. გ. თევზაძის სახელობის კერძო გიმნაზიაში მუშაობდა კიევის უნივერსიტეტის მსმენელი, ლათინური ენის პედაგოგი ლეონ მიხეილის ძე გაზარბეკოვი.
1911
ტიპი: ღონისძიება
1911 წელს ქართველთა შორის წერა-კითხვის გამავრცელებელი საზოგადოების მთავარი გამგეობის წევრებმა სტეფანე ელიაძესა და ონისიმე შავგულიძეს ილია ჭავჭავაძის ძეგლის ფონდისთვის თანხის გაღება სთხოვეს.
1918
ტიპი: თანამდებობა
1918 წელს ვლადიმერ აბრამის ძე პოტკოვი ნიკოლოზ გიორგის ძე თევზაძის სახელობის კერძო გიმნაზიაში მუშაობდა.
1918
ტიპი: თანამდებობა
1918 წლის 23 ოქტომბრისთვის ბუნებისმეტყველების პედაგოგი სალომე ივანეს ასული ბერეჟიანი თბილისის პუშკინის სახელობის კერძო გიმნაზიაში მუშაობდა.
1915
ტიპი: თანამდებობა
1915 წელს ალექსანდრე რევაზის ძე ვახვახიშვილი ქართველთა შორის წერა-კითხვის გამავრცელებელი საზოგადოების თელავის განყოფილების თავმჯდომარის ამხანაგი იყო.
1915
ტიპი: ორგანიზაცია
1915 წელს სოფიო ვასილის ასული ვახვახიშვილისა ქართველთა შორის წერა-კითხვის გამავრცელებელი საზოგადოების თელავის განყოფილების საპატიო წევრი იყო.
1915
ტიპი: ორგანიზაცია
1915 წელს თამარა ალექსანდრეს ასული აბაშიძე ქართველთა შორის წერა-კითხვის გამავრცელებელი საზოგადოების თელავის განყოფილების გამგეობის წევრი იყო.
1918
ტიპი: თანამდებობა
1918 წლის 23 ოქტომბრისთვის გერმანული ენის პედაგოგი ალექსანდრე ივანეს ძე ვაგნერი თბილისის პუშკინის სახელობის კერძო გიმნაზიაში მუშაობდა.
1920
ტიპი: ღონისძიება
1920 წლის 16 მარტს ოზურგეთის ვაჟთა გიმნაზიის დირექტორმა, ილია ფერაძემ, სახალხო განათლების სამინისტროს სთხოვა, ქართული ენის პედაგოგის, სოლომონ ანდღულაძისთვის პროგიმნაზიის უფროს კლასებში სწავლებისა და შტატის მასწავლებლობის უფლება მიეცა.
1905
ტიპი: თანამდებობა
1905 წლის 3 დეკემბერს მიხეილ სტეფანეს ძე გვასალია ხეთის ნორმალური ორკლასიანი სასწავლებლის საღვთო სჯულის პედაგოგად დაინიშნა.
1903
ტიპი: თანამდებობა
1903 წლის 2 ივნისს მიხეილ სტეფანეს ძე გვასალია ქართულ-მეგრული ეპარქიის ჩარევით ხეთის მთავარანგელოზის სახელობის ეკლესიის მღვდლად დაინიშნა.
1906
ტიპი: თანამდებობა
1906 წლის 27 ნოემბერს მიხეილ სტეფანეს ძე გვასალია სოფ. ცაიშის სკოლაში დამკვირვებლად დაინიშნა.
1914
ტიპი: ღონისძიება
1914 წლის 12 აგვისტოს იმერეთის სინოდის გადაწყვეტილებით მიხეილ სტეფანეს ძე გვასალია გაიგზავნა მონასტერში ერთი თვით.
1918
ტიპი: თანამდებობა
1918 წლის 3 მარტისთვის ახალქალაქის ქართული გიმნაზიის პედაგოგები იყვნენ: ანა გრიგოლის ასული ჟვანია, შალვა ილიას ძე ალხაზიშვილი, მარია ფილიპეს ასული მეტრეველი და არჩილ ეფრემის ძე სამსონაძე.
1920
ტიპი: ღონისძიება
1920 წლის 23 სექტემბერს დეკანოზი ვასილ გრიგოლის ძე კარბელაშვილი სწერს წერილს განათლების მინისტრს, მისი შვილის თამარ კარბელაშვილის შესახებ, რომელიც მუშაობდა თბილისის ქალთა მეშვიდე გიმნაზიაში და ჟურნალ „ჯეჯილში“ გასამრჯელოს გარეშე, დაავადდა პლევრიტით. დეკანოზი სთხოვს მინისტრს აღმოუჩინონ მის შვილს დახმარება და გააგზავნონ აბასთუმანის სანატორიუმში სამკურნალოდ.
1918
ტიპი: თანამდებობა
1918 წელს ქავთარაძე სოხუმის განათლების ინსპექციის ოჩამჩირის უმაღლესი დაწყებითი სასწავლებლის პედაგოგად მუშაობდა. მისი ანაზღაურება 300 რუბლს შეადგენდა.
1920
ტიპი: ავტორობა
1920 წლის 31 აგვისტოს „ერთობაში“ გამოქვეყნებულ შინაგან საქმეთა მინისტრის მოადგილე პარმენ ჭიჭინაძის დადგენილებაში ნათქვამია, რომ რესპუბლიკის საზღვრებში უცხოური ვალუტის კურსის დაწესება ფინანსთა სამინისტროს კომპეტენციაში შედის, ამიტომ როგორც პრესას, ისე კერძო პირთ ეკრძალებათ კურსის დაწესება და ამის შესახებ პრესით თუ სხვა საშუალებებით გამოცხადება. დადგენილების დამრღვევებს სამი თვით დააპატიმრებენ.
1918
ტიპი: თანამდებობა
1918 წელს სოხუმის განათლების ინსპექციის გუდაუთის უმაღლეს დაწყებით სასწავლებელში მუშაობდნენ პედაგოგები: ო. მ. გვაზავა (ანაზღაურება 975 რუბლი), ი. იასკო, დ. ქსენოფონტოვი, ვ. სოლოვიევი, ა. ფროლოვა, ე. ფარსადანიანი (ანაზღაურება 1440 რუბლი) და ინსპექტორი ა. ჩიჩუა (ანაზღაურება 2190 რუბლი).
1918
ტიპი: თანამდებობა
1918 წელს სოხუმის განათლების ინსპექციის გუდაუთის უმაღლეს დაწყებით სასწავლებელში მუშაობდნენ ინსპექტორები: ი. შერმერევიჩი და გ. ტუზოვი (ანაზღაურება 2040 რუბლი). პედაგოგები: მ. რუმიანცევა (ანაზღაურება 1440 რუბლი), ო. ნ. ობრაზცოვი, ო. კ. ბარციცი (ანაზღაურება 750 რუბლი), გ. ვეშენკო (ანაზღაურება 720 რუბლი), ა. ჩუკბარი და კ. ბაღანდპსია (ანაზღაურება 640 რუბლი).