1897

ტიპი: ორგანიზაცია

1897 წელს იოსებ ანდრიას ძე კოშორიძე ქართველთა შორის წერა-კითხვის გამავრცელებელი საზოგადოების ნამდვილი წევრი იყო.

1909

ტიპი: ორგანიზაცია

1909 წელს ივანე ალექსანდრეს ძე კოტიაშვილი ქართველთა შორის წერა-კითხვის გამავრცელებელი საზოგადოების ნამდვილი წევრი იყო.

1886

ტიპი: ღონისძიება

1886 წლის 10 აპრილს სათავადაზნაურო სკოლის საღმრთო სჯულის მასწავლებელი, მღვდელი დიმიტრი ჯანაშვილი ქართველთა შორის წერა-კითხვის გამავრცელებელი საზოგადოების გამგეობას მიმართავს თხოვნით, დროებით დაუთმონ „ახალი აღთქმის“ ქართულ ენაზე გამოსაცემად საჭირო ხეზე ნაკვეთი ყვავილებიანი ასომთავრულები. დაკარგვის შემთხვევაში მთხოვნელი კისრულობს ზარალის ანაზღაურებას.

1894

ტიპი: ღონისძიება

1894 წლის 27 თებერვალს ქართველთა შორის წერა-კითხვის გამავრცელებელი საზოგადოების კრებაზე ნიკოლოზ ზებედეს ძე ცხვედაძემ განმარტა სკოლების გახსნასთან დაკავშირებული პრობლემების განსახილველად არჩეული კომისიის დანიშნულება. კავკასიის ოლქის მზრუნველმა საზოგადოებას უარს განუცხადა კერძო სკოლების გახსნაზე და საზოგადოების თანხით მხოლოდ პირველდაწყებითი სახალხო სკოლების დაარსების უფლება მისცა.

1894

ტიპი: ღონისძიება

1894 წლის 9 იანვარს წერა-კითხვის გამავრცელებელი საზოგადოების წლიურ კრებაზე სკოლების გახსნასთან დაკავშირებული დამაბრკოლებელი მიზეზების განსახილველად სარევიზიო კომისიის წევრებად აირჩიეს: აკაკი როსტომის ძე წერეთელი, გაბრიელ საყვარელიძე, ალექსი ბესარიონის ძე ჭიჭინაძე, ალექსანდრე თევდორეს ძე ყიფშიძე და ნიკოლოზ ზებედეს ძე ცხვედაძე.

1918

ტიპი: ღონისძიება

1918 წლის 4 ოქტომბერს მარტვილის ორკლასიანი სასწავლებლის სასწავლო კომიტეტის წევრები – იასონ გეგეჭკორი, სერაფიონ გეგეჭკორი, ნ. ხვინგია, ნ. ქუთათელაძე და ვ. მონიავა –განათლების სამინისტროს სკოლის დირექტორად ნაღვარევის ერთკლასიანი სასწავლებლის გამგის, სილიბისტრო პეტრეს ძე ფაციას, დანიშვნას სთხოვენ.

1919

ტიპი: ღონისძიება

1919 წლის 19 ოქტომბერს ყარსის ქალთა სასწავლებლის ყოფილმა ზედამხედველმა ნ. გ. სერგეევამ განათლების სამინისტროს თბილისის პირველი დაწყებითი სკოლის გამგის მ. გ. კონიაშვილისთვის დახმარება სთხოვა.

1918

ტიპი: ღონისძიება

1918 წლის 4 აპრილს განათლების სამინისტროს სალიკვიდაციო თანხის ანაზღაურების თხოვნით მიმართეს ბათუმისა და ყარსის გიმნაზიების თანამშრომლებმა: ლ. ი. სახაროვმა, ალექსანდრე თოხაძემ, ო. ა. ივანოვმა, დ. ს. მგელაძემ, ტ. ვ. დობროლიუბოვამ, ე. ი. ნაუროვამ, დ. ს. მგელაძემ, ვ. მ. სკარდინომ, ო. ა. დახნოვიჩმა, ა. გ. ტუვოვმა, გ. პ. ვაიევმა, ნ. ვ. ბურიშინმა, ე. ი. ილიუშინმა.

1918

ტიპი: თანამდებობა

1918 წლის 10 აგვისტოს ი. ს. ჩერნიშევი თბილისის ვაჟთა მეხუთე გიმნაზიაში მართლწერის მასწავლებლად მუშაობდა.

1918

ტიპი: თანამდებობა

1918 წლის 10 აგვისტოს ფ. ი. სტარკი თბილისის ვაჟთა მეხუთე გიმნაზიაში ფიზიკური აღზრდის მასწავლებლად მუშაობდა.

1918

ტიპი: თანამდებობა

1918 წლის 10 აგვისტოს ვ. ა. გუნევსკი თბილისის ვაჟთა მეხუთე გიმნაზიაში მუსიკის მასწავლებლად მუშაობდა.

1918

ტიპი: თანამდებობა

1918 წლის 10 აგვისტოს ლ. ა. ყორღანოვი თბილისის ვაჟთა მეხუთე გიმნაზიაში სომხური ენის მასწავლებლად მუშაობდა.

ტიპი: ღონისძიება

ქ. შ. წ. კ. გ. საზოგადოების ქუთაისის განყოფილების 1913 წლის ანგარიშში აღნიშნულია, რომ მარიამ ვარდოსანიძის, მელანია გველესიანისა და ელისაბედ ტყეშელაშვილის თაოსნობითა და ქუთათურ მანდილოსანთა დახმარებით ქალაქის ბაღში გამართულმა ტრადიციულმა საჯარო სეირნობამ, იაფი ვაჭრობითა და გასართობებით, საზოგადოებას შესძინა 1355 მან. და 68 კაპ.

1881

ტიპი: ავტორობა

სოფელ შემოქმედის პედაგოგის, ანტონ ცეცხლაძის ცნობით, 1881 წლის 23 ნოემბრის მდგომარეობით სკოლის ღარიბ მოსწავლეთა რიცხვი იყო 43, მათ შორის იყვნენ აზნაურებიც.

1881

ტიპი: ავტორობა

1881 წლის 24 დეკემბერს მასწავლებელი ნიკოლოზ ხუციშვილი ქართველთა შორის წერა-კითხვის გამავრცელებელი საზოგადოების გამგეობას აცნობებს, რომ სოფელ ახალქალაქის სკოლის შენობის აივანი და კარ-ფანჯრები დარჩა წამალწაუსმელი, რის გამოც სკდებოდა, შენობას აკლდა სხვადასხვა წვრილმანი. სკოლას დიდ სარგებლობას მოუტანდა გამგეობა, თუ 80-100 მანეთს შესწირავდა.

1880

ტიპი: ავტორობა

მასწავლებელ ნიკოლოზ ხუციშვილის ცნობით, 1880 წლის აგვისტოში დასრულდა გორის მაზრის სოფელ ახალქალაქის სკოლის შენობა, რომელშიც იყო 1 საკლასო ოთახი, 3 სადგომი ოთახი, ბიბლიოთეკა, შესასვლელი გრძელი და ფართო აივნით.

1881

ტიპი: ავტორობა

1881 წლის 24 დეკემბერს სოფელ ახალქალაქის სკოლის მასწავლებელმა ნიკოლოზ ხუციშვილმა ქართველთა შორის წერა-კითხვის გამავრცელებელი საზოგადოების გამგეობას გაუგზავნა განცხადება სკოლის შენობის დასრულების შესახებ.

1909

ტიპი: ორგანიზაცია

1909 წლის 20 დეკემბერს გამართულ კრებაზე დადგინდა ქართველთა შორის წერა-კითხვის გამავრცელებელი საზოგადოების ჩოხატაურის განყოფილების დაარსება. გამგეობის თავმჯდომარედ დასახელდა სერგო ნიკოლოზის ძე რუხაძე, ხოლო წევრებად – ექიმი მელიტონ გიორგის ძე არიშიძე (არეშიძე), სილიბისტრო რომანოზის ძე თავართქილაძე, გრიგოლ როსტომის ძე თავდგირიძე, ბესარიონ დოლიძე, თომა ბესარიონის ძე მეგრელიშვილი და დიმიტრი კოტრიკაძე.

1913

ტიპი: ღონისძიება

1912 წლის 25 ნოემბერს ქ. შ. წ. კ. გ. საზოგადოების ქუთაისის განყოფილების წევრთა საგანგებო კრებამ მოიწონა გამგეობის მოხსენება სტამბის დაარსების თაობაზე. სტამბამ მუშაობა დაიწყო 1913 წლის 14 ნოემბერს. ანგარიშის თანახმად, 1913 წელს სტამბაზე დაიხარჯა 5840 მანეთი და 26 კაპიკი. ხელმომწერნი: გიორგი ზდანოვიჩი (თავმჯდომარე), იოსებ ოცხელი (თავმჯდომარის ამხანაგი), ბართლომე მოსეშვილი (მოლარე), წევრები – მელანია გველესიანისა, მარიამ ვარდოსანიძე, იაზონ ბაქრაძე, ისიდორე კვიცარიძე, სამსონ ყიფიანი, სვიმონ ხეჩინოვი, სილოვან ხუნდაძე, ტრიფონ ჯაფარიძე.

1881

ტიპი: ავტორობა

1881 წლის 24 დეკემბერს სოფელ ახალქალაქის სკოლის მასწავლებელმა ნიკოლოზ ხუციშვილმა ქართველთა შორის წერა-კითხვის გამავრცელებელი საზოგადოების გამგეობას მისწერა, რომ სკოლისათვის ძალიან საჭირო იყო გოგებაშვილის „ბუნების კარი“ და „დედა ენა“, იმ წელს სხვა სახელმძღვანელოს არ საჭიროებდნენ.

1881

ტიპი: ავტორობა

1881 წლის 24 დეკემბერს სოფელ ახალქალაქის სკოლის მასწავლებელმა ნიკოლოზ ხუციშვილმა აცნობა ქართველთა შორის წერა-კითხვის გამავრცელებელი საზოგადოების გამგეობას, რომ მიღებული წიგნები ინახებოდა ბიბლიოთეკაში და მოსწავლეები იყენებდნენ რიგრიგობით.

1881

ტიპი: ავტორობა

მასწავლებელ ნ. ჯაჯანიძის ცნობით, 1881 წლის 20 ნოემბრის მდგომარეობით სოფელ ნორიოს სკოლაში 6 ღარიბი მოსწავლე იყო.

1881

ტიპი: ავტორობა

მასწავლებელ ნ. ჯაჯანიძის ცნობით, 1881 წლის 20 ნოემბრისთვის სოფელ ნორიოს სკოლაში სწავლობდა 29 მოსწავლე ვაჟი და არცერთი ქალი.

1881

ტიპი: ავტორობა

1881 წლის 20 ნოემბერს ნორიოს სკოლის მასწავლებელმა ნ. ჯაჯანიძემ ქართველთა შორის წერა-კითხვის გამავრცელებელი საზოგადოების გამგეობას გაუგზავნა მოხსენება სკოლის მდგომარეობის შესახებ. გამგეობამ მოხსენება მიიღო 27 ნოემბერს.

1881

ტიპი: ღონისძიება

1881 წლის 25 ოქტომბერს ქართველთა შორის წერა-კითხვის გამავრცელებელი საზოგადოების საქმისმწარმოებელმა გრიგოლ ყიფშიძემ სოფ. ნორიოს სკოლის მასწავლებელ ნ. ჯაჯანიძეს გაუგზავნა დადგენილება, კითხვარი სკოლის მდგომარეობის შესახებ.