ქშწკგს პროსოპოგრაფია

ფაქტები

რეგისტრირებული ფაქტები40357

1922

ტიპი: თანამდებობა

ცეკავშირის თანამშრომელი გრიგოლ ქრისტეფორეს ძე ურუშაძე დამამზადებელი განყოფილების გამგის მოადგილის თანამდებობას ასრულებდა, როდესაც დააკავეს. ამის გამო საგანგებო კომისიის თავმჯდომარეს ცეკავშირის თანამშრომლებმა მისწერეს წერილი პატიმრობიდან მისი განთავისუფლების შესახებ. ურუშაძეს არ ჰქონდა მოწმობა, რომელიც საზღვარგარეთ გასვლის უფლებას აძლევდა.

1922

ტიპი: პირადი ურთიერთობა

გრიგოლ ქრისტეფორეს ძე ურუშაძეს ჰყავდა: მამა ქრისტეფორე, 80 წლის, მცხოვრები ლიხაურში; დედა ეკატერინე, 65 წლის, მცხოვრები ლიხაურში; ცოლი ოლგა, 37 წლის, მცხოვრები თბილისში, ყვარლის ქ. N14-ში; შვილი მადლენი, 14 წლის, მოსწავლე; ძმა ალბერტი, 27 წლის.

1919

ტიპი: გარდაცვალება

1919 წლის 1-ელ აგვისტოს, ღამის 11 საათზე, ყუბანის ქუჩაზე ბოროტმოქმედებმა ქართველთა შორის წერა-კითხვის გამავრცელებელი საზოგადოების წევრი ალექსანდრე ხმალაძე მოკლეს.

1919

ტიპი: ღონისძიება

1919 წლის აგვისტოში შინაგან საქმეთა მინისტრს, ნოე რამიშვილს 21 ივლისის დადგენილების სისრულეში მოყვანა და 2 472 ფუთი ფქვილის სამხედრო გზათა უწყებისთვის გადაცემა დაევალა.

1919

ტიპი: თანამდებობა

1919 წელს ფინანსთა სამინისტროს დეპარტამენტის დირექტორი სიო ჭანტურიშვილი, ოზურგეთის ერობაში არჩევის გამო, საკუთარი თხოვნით სამსახურიდან გაათავისუფლეს.

1913

ტიპი: ორგანიზაცია

1913 წელს მიხეილ ალექსანდრეს ძე ამონაშვილი, რომან მიხეილის ძე კურდღელაშვილი, იოსებ ქიტესას ძე მარკოზაშვილი, იაგორ კირილეს ძე დათუნაშვილი და მიხეილ დავითის ძე ცისკარაშვილი ქართველთა შორის წერა-კითხვის გამავრცელებელი საზოგადოების თელავის განყოფილების წევრები იყვნენ.

1924

ტიპი: ნასამართლეობა

1924 წლის 12 იანვარს გიორგი ივანეს ძე ქურხული დააპატიმრეს თბილისის პოლიციაში ანტისაბჭოთა პროპაგანდისა და ჩეკას წევრის, მენშევიკ დავით ეფრემის ძე ონიაშვილს შეფარებისთვის.

1922

ტიპი: პირადი ურთიერთობა

1922 წელს დაკავებულ გრიგოლ რაჟდენის ძე კახაძეს ჰყავდა: მამა, რაჟდენ გრიგოლის ძე – 57 წლის, ყოფილი მასწავლებელი; დედა, მარიამ ივანეს ასული – 54 წლის; და, ელენე – 23 წლის; ძმა, ივანე – 19 წლის, მცხოვრებნი დიდ ჯიხაიში.

1923

ტიპი: თანამდებობა

1923 წელს ილარიონ როსტომის ძე რუსიშვილი მსახურობდა მანუფაქტურის მაღაზიის მოურავად.

1923

ტიპი: პირადი ურთიერთობა

1923 წლის 5 მარტს დაკავებულ ილარიონ როსტომის ძე რუსიშვილს ჰყავდა: დედა, ელისაბედი – 70 წლის, მცხოვრები სოფელ ლიხაურში; მეუღლე, ნინა – 24 წლის, დიასახლისი, მცხოვრები თბილისში; შვილი, გივი – 2 თვის.

1923

ტიპი: განათლება

პირადი საქმის მიხედვით, ილარიონ როსტომის ძე რუსიშვილმა მიიღო სასოფლო განათლება.

1919

ტიპი: ავტორობა

1919 წლის 3 აგვისტოს გაზეთ „საქართველოს რესპუბლიკის“ ცნობით, ხელოსანთა კლუბში გამართულ სამხედრო სამინისტროს სადარაჯო ჯარისკაცთა კონცერტის დაწყებამდე პუბლიცისტმა და საზოგადო მოღვაწემ იოსებ ზაქარიას ძე იმედაშვილმა წარმოთქვა სიტყვა „ჯარი და სიმღერა“, რომელსაც საზოგადოება ხანგრძლივი ტაშით შეხვდა.

1919

ტიპი: ავტორობა

1919 წლის აგვისტოში დამფუძნებელი კრების სხდომაზე სპირიდონ კედიამ წაიკითხა მოხსენება აფხაზეთში არსებული მდგომარეობის შესახებ, ისაუბრა ანტიქართულ განწყობაზე, რომელსაც რუსეთის აგენტების აქტიური პროპაგანდა ქმნიდა და დაასახელა მიზეზები, რომელთა გამოც პრობლემების მოგვარება ჭიანურდებოდა.

1919

ტიპი: ავტორობა

1919 წლის 16 აგვისტოს გაზეთ „საქართველოს რესპუბლიკის“ ცნობით, სიმონ გურგენის ძე მდივანმა დამფუძნებელი კრების სხდომაზე სამხედრო სასამართლოსა და ბრალმდებლის საზედამხედველო შტატის დამტკიცების შესახებ დეკრეტის პროექტი წარადგინა.

1919

ტიპი: ნასამართლეობა

1919 წლის 9 აგვისტოს გაზეთ „საქართველოს რესპუბლიკის“ ცნობით, კრიმინალურმა პოლიციამ დაიჭირა ალექსანდრე გოცირიძე, რომელმაც პაიკ აივაზიანცს 700 მანეთის ღირებულების შაქრის მაგივრად მოტყუებით მარილი მიჰყიდა.

1919

ტიპი: ავტორობა

1919 წლის აგვისტოში შინაგან საქმეთა და სამხედრო მინისტრმა ნოე რამიშვილმა გამოსცა ბრძანება, რომლის მიხედვითაც ხდებოდა დამატებითი ზომების მიღება, რათა შესრულებულიყო დამფუძნებელი კრების დეკრეტი „თავისი ნებით წასვლის და სამსახურიდან გაქცევის პასუხისმგებლობისა და 2 აგვისტოს სამხედრო ბეგარის აუსრულებლობის, ამ დანაშაულის დაფარვის და წაქეზებისათვის დასჯის“.

1919

ტიპი: თანამდებობა

1919 წელს მთავრობის საქმეთა მმართველ კ. ჯაფარიძის დაბრუნების გამო მმართველობის მდივანი დ. დიდებულიძე მოვალეობის აღსრულებისგან გაათავისუფლეს.

1920

ტიპი: ღონისძიება

1920 წლის 23 ივნისს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების კრებაზე უშანგი ელიავამ განაცხადა, რომ საზოგადოების ანგარიშისთვის წმინდა მოგებაც უნდა დაერთოთ.

1919

ტიპი: პირადი ინფორმაცია

შინაგან საქმეთა, სამხედრო და სახალხო განათლების მინისტრმა ნოე რამიშვილმა აიღო შვებულება.

1919

ტიპი: თანამდებობა

1919 წელს ნოე რამიშვილის შვებულებაში გასვლის გამო შინაგან საქმეთა მინისტრის მოვალეობა დაეკისრა ნ. ჭიჭინაძეს. მასვე მიეცა მინისტრთა საბჭოში საკითხების გადაჭრაში მონაწილეობის უფლება.

1919

ტიპი: თანამდებობა

1919 წელს ნოე რამიშვილის შვებულებაში გასვლის გამო სამხედრო მინისტრის მოვალეობის შესრულება ნოე ცინცაძეს დაეკისრა.

1919

ტიპი: ავტორობა

1919 წლის 8 აგვისტოს გაზეთ „ერთობის“ ცნობით, ქალაქისთავმა ბენიამინ გრიგოლის ძე ჩხიკვიშვილმა თბილისის ქუჩებში სასმელი წყლის ვედროებით გაყიდვა აკრძალა.

1919

ტიპი: თანამდებობა

1919 წელს მთავრობის გადაწყვეტილებით ილია ჩიქოვანი ფინანსთა სამინისტროს საბჭოს წევრად დაინიშნა.

1919

ტიპი: ავტორობა

1919 წლის 16 აგვისტოს გაზეთ „საქართველოს რესპუბლიკის“ ცნობით, ფინანსთა მინისტრის, კონსტანტინე პლატონის ძე კანდელაკის განკარგულებით, 15 აგვისტოდან რესპუბლიკაში რუსული საგერბო მარკების ხმარება აიკრძალა. გამოიყენებოდა ახლად დამზადებული ქართული მარკები.

1918

ტიპი: ღონისძიება

1918 წელს საქართველოს მთავრობის პირველ სხდომაზე მიიღეს გადაწყვეტილება, საქართველოს ეროვნული ბანკის დაარსების საკითხი საემისიო უფლებებით გადასცემოდა ეროვნული საბჭოს საფინანსო კომისიას, რომელშიც მთავრობიდან შევიდნენ ფინანსთა მინისტრი გიორგი ჟურული და კონსტანტინე კანდელაკი.