ქშწკგს პროსოპოგრაფია

ფაქტები

რეგისტრირებული ფაქტები40357

ტიპი: ღონისძიება

დღის პირველ საათზე საქართველოს კათალიკოს პატრიარქმა კირიონ II-მ, თბილელი მიტროპოლიტი ლეონიდეს, ურბნელი დავითის და თბილელი სამღვდელოების თანამწირველობით, სამადლობელი პარაკლისი გადაიხადა სიონის ტაძარში საქართველოს დამოუკიდებლობის გამო.

1918

ტიპი: ავტორობა

1918 წლის 1-ელი ივნისის გაზეთ „საქართველოს“ ცნობით, აღმასრულებელი კომიტეტის სხდომაზე სახალხო გვარდიის უფროსმა ვალიკო ჯუღელმა სოხუმში განვითარებულ მოვლენებთან დაკავშირებით მოხსენება წაიკითხა. მისი თქმით, ქართულ მხარეს და იმ ბოლშევიკებს შორის, რომლებიც აფხაზეთიდან ცდილობდნენ ამიერკავკასიაში შემოსვლას, მოხდა შეტაკება და ქართულმა მხარემ მოწინააღმდეგე დაამარცხა.

1919

ტიპი: ავტორობა

1919 წლის 9 სექტემბრის გაზეთ „საქართველოს რესპუბლიკის“ ცნობით, შინაგან საქმეთა სამინისტრომ ახალქალაქის მაზრაში მილიციის განყოფილება დააარსა. ხარჯებისა და შტატების შესახებ დეკრეტის შედგენა დამფუძნებელ კრებაში წარსადგენად შინაგან საქმეთა მინისტრ ნოე ბესარიონის ძე რამიშვილს დაევალა.

1919

ტიპი: ავტორობა

1919 წლის 16 აგვისტოს გაზეთ „საქართველოს რესპუბლიკის“ ცნობით, გაზეთ „გრუზიაში“ სისტემატურად დაბეჭდილი შუღლის გამაღვივებელი სტატიების გამო შინაგან საქმეთა მინისტრის ამხანაგმა ნიკოლოზ ჭიჭინაძემ გაზეთის და სტამბის დახურვის გადაწყვეტილება მიიღო.

1919

ტიპი: ავტორობა

1919 წლის 22 აგვისტოს გაზეთ „საქართველოს რესპუბლიკის“ ცნობით, მთავრობის სხდომაზე შრომის მინისტრმა ნოე გიორგის ძე ხომერიკმა მოხსენება წაიკითხა მუშათა მდგომარეობის გაუმჯობესების შესახებ.

1919

ტიპი: ავტორობა

1919 წლის 19 აგვისტოს გაზეთ „საქართველოს რესპუბლიკის“ ცნობით, შინაგან საქმეთა მინისტრ ნოე ბესარიონის ძე რამიშვილის განკარგულებით, ყალბი ცნობების გავრცელების გამო გაზეთ „კავკაზსკოე სლოვოს“ გამოცემა შეჩერდა.

1919

ტიპი: ღონისძიება

1919 წლის 20 აგვისტოს, 10 საათზე, პოლკოვნიკი უილიამ ჰასკელი ოფიციალური ვიზიტით ეწვია ევგენი გეგეჭკორს. ვიზიტის შემდეგ სტუმარმა სასახლე დაათვალიერა და კმაყოფილი დარჩა.

1919

ტიპი: ავტორობა

1919 წლის 6 სექტემბრის გაზეთ „საქართველოს რესპუბლიკის“ ცნობით, ფინანსთა და ვაჭრობა-მრეწველობის მინისტრის ამხანაგმა, სიმონ ლუკას ძე ავალიანმა კავკასიურ-ევროპული ბანკის (ყოფილი „ფრიდონოვისა და ამხანაგობის“) წესდება დაამტკიცა.

1919

ტიპი: ღონისძიება

1919 წლის აგვისტოში რესპუბლიკის საზღვრებიდან გასასვლელი მოწმობების გაცემის უფლება შინაგან საქმეთა მინისტრმა ნოე რამიშვილმა თბილისის მილიციის უფროსს, ვლადიმერ სულაქველიძეს მიანიჭა.

1919

ტიპი: ავტორობა

1919 წლის 5 სექტემბრის გაზეთ „საქართველოს რესპუბლიკის“ ცნობით, სამხედრო მინისტრის ნოე ბესარიონის ძე რამიშვილის ბრძანებით ყველა ჯარისკაცი, რომელიც დაკავებული იყო სამსახურში გენერალური შტაბის 2 ივნისის დეპეშის საფუძველზე, პირველი სექტემბრიდან თანდათანობით გათავისუფლდებოდნენ.

1919

ტიპი: ღონისძიება

1919 წლის 24 აგვისტოს გაზეთ „საქართველოს რესპუბლიკის“ ცნობით, ინგლისელთა მისიამ აცნობა საქართველოს საგარეო საქმეთა სამინისტროს, რომ ბრიტანეთის საგარეო საქმეთა სამინისტრო ამიერკავკასიაში გზავნიდა პოლიტიკურ მისიას ოლივერ უორდროპის მეთაურობით, რომელსაც ერქმეოდა ბრიტანეთის მთავარი კომისარი. მისია მიზნად ისახავდა ამიერკავკასიის მთავრობებთან კავშირის შეკვრას და მათთვის რეგიონში ბრიტანეთის ინტერესების გაცნობას.

1919

ტიპი: პირადი ურთიერთობა

ოლივერ უორდროპი იყო „ვეფხისტყაოსნის“ ინგლისურ ენაზე მთარგმნელის, მარჯორი უორდროპის ძმა.

1919

ტიპი: ავტორობა

1919 წლის 30 აგვისტოს გაზეთ „საქართველოს რესპუბლიკის“ ცნობით, გენერალმა იოსებ კონსტანტინეს ძე გედევანიშვილმა ნორმების მარეგულირებელი რამდენიმე ბრძანება გამოსცა.

1919

ტიპი: ღონისძიება

1919 წლის სექტემბერში გენერალი სტეფანე ახმეტელაშვილი ამავე რაზმის უფროსის, პოლკოვნიკ ქარცივაძის თანხლებით სიღნაღის რაზმის დასათვალიერებლად გაემგზავრა.

1919

ტიპი: თანამდებობა

1919 წელს გენერალ ახმეტელაშვილის სიღნაღში ყოფნის პერიოდში მისი მოვალეობის შემსრულებლად დაინიშნა მისი თანაშემწე პოლკოვნიკი კავკასიძე.

1919

ტიპი: ღონისძიება

1919 წელს ბრიტანეთის მთავარ კომისრად დანიშნული ოლივერ უორდროპი ბათუმში ჩავიდა.

1919

ტიპი: ავტორობა

1919 წლის 7 სექტემბრის გაზეთ „საქართველოს რესპუბლიკის“ ცნობით, გზათა მინისტრ ნოე გიორგის ძე ხომერიკის განკარგულების მიხედვით, მთელი ქონება, გარდა იმისა, რაც მთავრობის სხვადასხვა დაწესებულებას სჭირდებოდა, 23 აგვისტოს ხელმოწერილი ხელშეკრულების თანახმად, სატრანსპორტო საზოგადოებისთვის უნდა გადაეცათ.

1918

ტიპი: თანამდებობა

1918 წელს სტეფანე ახმეტელს თბილისის დაცვა დაავალეს. მის განკარგულებაში იყო თბილისში მყოფი მთელი შეიარაღებული ძალები – წითელი არმია და რეგულარული ჯარი.

1919

ტიპი: ღონისძიება

1919 წლის სექტემბერში ქუთაისის სახალხო გვარდიის ბინაში გაიმართა ქუთაისის ოლქის გვარდიელების ყრილობა, რომელსაც მთავარი შტაბის თავმჯდომარე ვალიკო ჯუღელიც დაესწრო.

1919

ტიპი: თანამდებობა

1919 წელს ნიკოლოზ ჭუმბურიძე ქუთაისში გამართულ გვარდიელების ყრილობის თავმჯდომარედ აირჩიეს.

1919

ტიპი: ღონისძიება

1919 წლის სექტემბერში ფინანსთა სამინისტრომ შეიმუშავა სია იმ სტუდენტებისა, რომლებიც სპეციალური უმაღლესი განათლების მისაღებად ევროპაში უნდა გაეგზავნათ. სულ წარდგენილი იყო 121 თხოვნა, საიდანაც შეირჩა 19 სტუდენტი: ეპიფანე ალშიფანია, გიორგი ბაქრაძე (ელექტროობა), ვალერიან ახვლედიანი, გიორგი ედიბერიძე, ივანე ლაზარაშვილი (სამთო მრეწველობა), დავით ბერიკაშვილი, ნიკოლოზ ცაგურია (მეტალურგია), დ. გოგიჩაიშვილი, ზურაბ ელიავა (ეკონომიკა), კონსტანტინე კობახიძე (ფინანსები), ნიკოლოზ მესხი (ელექტრომექანიკა), ალექსანდრე ნაზაროშვილი (ელექტროტექნიკა), ლიდია პაპასკირი, მიხეილ ცეკვაშვილი (ეკონომიკა), სპირიდონ ჩომახიძე (საქონელთა მცოდნეობა), ივანე ჩხენკელი (ტექნოლოგია), გრიგოლ კახაძე, გაბრიელ ქიქოძე და მირონ წულეისკირი. მათგან მხოლოდ სამი იყო საშუალო განათლებით, დანარჩენები დამამთავრებელი კურსის სტუდენტები იყვნენ.

1919

ტიპი: ღონისძიება

1919 წლის სექტემბერში მეჯლისის დადგენილების დასამტკიცებლად თბილისში ჩამოვიდნენ სამუსლიმანო საქართველოს მეჯლისის თავმჯდომარე მემედ-ბეგ აბაშიძე და წარმომადგენლები.

1918

ტიპი: ავტორობა

1919 წლის 7 სექტემბრის გაზეთ „საქართველოს რესპუბლიკის“ ცნობით, ნოე ჟორდანია აბასთუმანში აჭარის წარმომადგენლებს შეხვდა. მთავრობის თავმჯდომარემ მათ მოუსმინა, კითხვებს უპასუხა და გულწრფელი თანამშრომლობის იმედი გამოთქვა.

1919

ტიპი: ავტორობა

1919 წლის 11 სექტემბრის გაზეთ „საქართველოს რესპუბლიკის“ ცნობით, მიწათმოქმედების მინისტრის ნოე ხომერიკის ინიციატივით მეთამბაქოობის განსავითარებლად და წასახალისებლად წინადადებები მუშავდებოდა.

1919

ტიპი: ღონისძიება

1919 წლის 10 სექტემბერს ქართულ კლუბში აზერბაიჯანის მთავრობის თავმჯდომარის ნასიბ-ბეკ უსუბეკოვის პატივსაცემად გაიმართა რაუტი, რომელსაც დაესწრნენ აზერბაიჯანის მთავრობის წევრები, აჭარის წარმომადგენლები (მამედ ბეგ აბაშიძე, ჯამალ ბეგ ხიმშიაშვილი) და სხვ. სტუმრებს საქართველოს მთავრობის წევრები და თავმჯდომარე ნოე ჟორდანია შეხვდნენ.