ქშწკგს პროსოპოგრაფია

ფაქტები

რეგისტრირებული ფაქტები40357

1934

ტიპი: ავტორობა

1919 წლის 11 ივლისის გაზეთ „საქართველოს რესპუბლიკის“ ცნობით, მთავრობის სხდომაზე მოხსენებით გამოვიდა ვაჭრობა-მრეწველობის მინისტრი კონსტანტინე პლატონის ძე კანდელაკი, რომელმაც შავი ქვის საფუთო გადასახადის (1 ფუთი, მასის ერთეული, ტოლია 16,38 კგ. იხმარებოდა მეტრული სისტემის შემოღებამდე) 5 კაპიკამდე გაზრდა მოითხოვა.

1934

ტიპი: ავტორობა

1919 წლის 11 ივლისის გაზეთ „საქართველოს რესპუბლიკის“ ცნობით, მიწათმოქმედების მინისტრმა ნოე გიორგის ძე ხომერიკმა მთავრობის სხდომაზე აბასთუმნის ეროვნული მამულის შეკეთების საკითხი დასვა, რისთვისაც 10-მილიონიანი ფონდიდან 50 000 მანეთი გამოიყო.

1919

ტიპი: ღონისძიება

1919 წლის ზაფხულში დამფუძნებელმა კრებამ მიიღო დეკრეტი გადამდებ დაავადებებთან საბრძოლველად შინაგან საქმეთა მინისტრ ნოე რამიშვილისთვის 200 000 მანეთის გამოყოფის შესახებ.

1919

ტიპი: ღონისძიება

1919 წლის ივლისში დამფუძნებელმა კრებამ საზღვარგარეთ განათლების მისაღებად წამსვლელთათვის 2 000 000 მანეთი გამოყო. სტიპენდიის განაწილების წესის შესამუშავებლად განათლების მინისტრის ხელმძღვანელობით შეიქმნა საუწყებათაშორისო კომისია, რომელშიც გაერთიანდნენ სახელმწიფო უნივერსიტეტისა და დამფუძნებელი კრების კომისიების წარმომადგენლები, მათ შორის იყო ნოე რამიშვილიც.

1919

ტიპი: ღონისძიება

1919 წელს ვარციხის სახელმწიფო მამულში დასაქმებული მუშები ეკონომიკური პირობების გამო გაიფიცნენ. გაფიცულებთან მოსალაპარაკებლად ჩასული შრომის მინისტრის მოადგილე გიორგი ერაძე მათ პრობლემების მოგვარებას დაჰპირდა.

1919

ტიპი: ღონისძიება

1919 წლის ივლისში მთავრობის სხდომაზე გადაწყდა, შემდგარიყო კომისია, რომელიც აღწერდა ქართული ეკლესია-მონასტრების ქონებას და სათანადო აქტებს შეადგენდა. კომისიაში უნდა შესულიყო ორი პირი, აღწერის ჩატარებაში მათ უნდა დახმარებოდა ადგილობრივი ერობის ერთი წარმომადგენელი. კომისიის შედგენა დაევალა მთავრობის თავმჯდომარეს, სამუშაოების განსახორციელებლად სახელმწიფოს 10-მილიონიანი ფონდიდან გამოიყო 10 000 მანეთი.

1919

ტიპი: ღონისძიება

1919 წელს ჭიათურის თვითმმართველობის სამსახურში გამართულ ქალაქის საბჭოს კრებას დაესწრნენ: პლატონ მოდებაძე, ევსევი თოდუა, ისიდორე ხარატიშვილი და 14 ხმოსანი. სხდომაზე მოხსენებები წაიკითხეს და სესხის აღების საკითხი განიხილეს.

1919

ტიპი: თანამდებობა

1919 წელს სიმონ ავალიანი ფინანსთა და ვაჭრობა-მრეწველობის მინისტრის ამხანაგად დაინიშნა.

1919

ტიპი: თანამდებობა

1919 წელს მემედ აბაშიძე სამუსლიმანო საქართველოს განმათავისუფლებელი მთავარი კომიტეტის თავმჯდომარე იყო.

1919

ტიპი: ღონისძიება

1919 წლის ივლისში დაბა ქობულეთში გამართულ სამუსლიმანო საქართველოს განმათავისუფლებელი კომიტეტის მიტინგზე სიტყვით გამოვიდა მემედ-ბეგ აბაშიძე. მან მიმოიხილა საქართველოს წარსული და ისაუბრა ქვეყნის დამოუკიდებლობაზე, იმედი გამოთქვა, რომ ბრიტანეთი ხელს არ შეუშლიდა სამუსლიმანო საქართველო ფართო ავტონომიით შეერთებოდა დამოუკიდებელ საქართველოს.

1919

ტიპი: ღონისძიება

1919 წლის ივლისში ფინანსთა და ვაჭრობა-მრეწველობის სამინისტროში გამართულ საბჭოს სხდომაზე საჩეკო ოპერაციების საკითხი განიხილეს. აზრთა სხვადასხვაობის გამო, განხილვის დროს საბჭოს წევრები ორ ჯგუფად გაიყვნენ, ერთ ჯგუფს სათავეში ედგა სახელმწიფო ბანკის გამგე ბერგი, ხოლო მეორეს – ამიერკავკასიის ბანკის დირექტორი იასონ ლორთქიფანიძე.

1919

ტიპი: ღონისძიება

1919 წლის ივლისში ფინანსთა და ვაჭრობა-მრეწველობის სამინისტროში გამართულ საბჭოს სხდომაზე გადაწყდა, არჩეულიყო ოთხი კაცისგან შემდგარი კომისია, რომელიც საჩეკო ოპერაციებთან დაკავშირებულ საკითხს შეისწავლიდა. კომისიაში შევიდნენ: იასონ ლორთქიფანიძე, ბერგი, ჯაყელი და ალექსანდრე ჯაბადარი.

1919

ტიპი: თანამდებობა

მიწათმოქმედების, შრომისა და გზათა მინისტრი ნოე ხომერიკი დასასვენებლად განთავისუფლდა ერთი თვით.

1919

ტიპი: თანამდებობა

1919 წელს შვებულებაში მყოფი ნოე ხომერიკი დროებით შეცვალა გზათა დეპარტამენტის დირექტორმა ბესარიონ ჭიჭინაძემ.

1919

ტიპი: თანამდებობა

1919 წელს ნოე ხომერიკი შვებულებაში ყოფნისას შრომისა და მთავარ მიმწოდებელ სამმართველოში დროებით შეცვალა შრომის მინისტრის მოადგილე გიორგი ერაძემ.

1919

ტიპი: თანამდებობა

1919 წელს პეტრე გელეიშვილი იყო შრომის მინისტრის ამხანაგი (მოადგილე).

1919

ტიპი: თანამდებობა

ნოე ხომერიკი შვებულების დროს მიწათმოქმედების უწყებაში დროებით შეცვალა მიწათმოქმედების მინისტრის ამხანაგმა გელეიშვილმა.

1919

ტიპი: თანამდებობა

1919 წელს მთავრობის თავმჯდომარის მოვალეობა დროებით საგარეო საქმეთა და იუსტიციის მინისტრმა ევგენი გეგეჭკორმა გადაიბარა.

1919

ტიპი: თანამდებობა

1919 წელს თბილისის სამაზრო ერობის ბინაში რესპუბლიკის ერობათა სტატისტიკოსების პირველი ყრილობა გაიმართა. თავმჯდომარედ ცენტრის გამგეობის წევრი ისიდორე სტურუა აირჩიეს.

1919

ტიპი: ავტორობა

1919 წლის 31 ივლისის გაზეთ „საქართველოს რესპუბლიკის“ ცნობით, ისიდორე სტურუამ მისასალმებელი სიტყვით გახსნა რესპუბლიკის ერობათა სტატისტიკოსების პირველი ყრილობა.

1919

ტიპი: ღონისძიება

1919 წლის 19 აგვისტოს ნოე რამიშვილის თავმჯდომარეობით გამართულ საუწყებათაშორისო კომისიის პირველ სხდომას საზღვარგარეთ წამსვლელი ახალგაზრდებისთვის სტიპენდიის მიცემის წესი უნდა შეემუშავებინა.

1922

ტიპი: განათლება

პირადი საქმის მიხედვით, გრიგოლ ქრისტეფორეს ძე ურუშაძეს მიღებული ჰქონდა „კომერციული“ განათლება, პროფესიით იყო ბუღალტერი.

1902

ტიპი: ორგანიზაცია

გრიგოლ ქრისტეფორეს ძე ურუშაძე 1902 წლიდან იყო სოციალ-დემოკრატი.

1922

ტიპი: ნასამართლეობა

1922 წლის 17 სექტემბერს 42 წლის გრიგოლ ქრისტეფორეს ძე ურუშაძე დააპატიმრეს თბილისში, საკუთარ სახლში, ყვარლის ქ. N14-ში.